Dan Roodt, Author at praag.co.za

Kom ons help bou aan praag.co.za in 2010!

Vanoggend toe ek so deur Rapport, Beeld en Die Burger kyk, merk ek op hoe hierdie Nasperskoerante 360 grade omgeswaai het van beriggewing deur hulle beeld na buite aan te pas om steeds in beheer van die Afrikaner se denke te bly.

Ons moet onthou dat Naspers deur die ANC beheer word met behulp van swart eienaarskap en swart direkteure.

As getroue Praag-ondersteuners het ons as blankes ‘n verantwoordelikheid teenoor onsself deur bewusmaking van ons Praagkoerant se bestaan so wyd menslik moontlik te versprei – veral deur e-pos en die net.

Vervolgens moet ons verdraagsaamheid toon teenoor andersdenkendes deur met respek vir hulle standpunt te reageer met goeie, eerbare argumente.

Ons het elke blanke Afrikaner nodig om ons selfbeskikking te realiseer en ons gaan dit nie bereik deur besoekers te vervreem met aggressie nie – maar wel deur diesulkes in te trek in gesprek deur logies beredeneerde argumente.

Kom ons help bou aan Praag tot die sterkste Afrikaanse koerant vir die Afrikaner deur Afrikaners in 2010!

Ek wil van hierdie geleentheid gebruik maak om almal ‘n baie voorspoedige en geseënde Nuwejaar in 2010 toe te wens.

погремушки

Herrie se kerrie: Die roelf

{jathumbnail off}

Onlangs het ‘n kortverhaal uit Herrie se pen Praag se webblad gehaal: Duskant die longdrop. In een van die dele word vertel van hoe Koos blou in die gesig op die troon aangetref is na hy asem opgehou het tot hy hom sou hoor hoor val. Met dié dat die longdrop bo-op ‘n droë olieboorgat van ‘n kilometer en ‘n half opgerig was…

Van die Praaglesers was gou om ‘n vergelyk tussen die asem ophou en wag dat die nuwe Suid-Afrika-nagmerrie ‘n koers moet inslaan, hierin te sien.

Of Herrie self die simboliek gesien het, is nie nou ter sake nie. Wat Herrie wél besef het, is dat ‘n mens nou, na aanleiding van die teenspoed wat Roelf oor sy destydse onderhandelings, en veral sy verbete goedpraat daarvan, nou kry, dalk ‘n mooi Afrikaanse naam vir hierdie buite-gemakkie gekry het, ‘n roelf.

Die raakvlakke is talryk. ‘n Doodloop-gat reguit ondertoe, ‘n onwelriekende klankie en iemand wat bo gemaklik op ‘n troon sit en koerant lees.

Boonop, uit Herrie se kleintyd, het hy nog ‘n assosiasie…dis die plek waar adders graag gaan skuiling neem het. ‘n Man kon dus baie maklik in die gat gehap word …en so meer as een gat sien.

Of nog erger, die adder kon dalk ‘n skerpskutter wees en ‘n man raakpik, waar as dit ‘n vrou was, dit heeltemal mis sou wees, en so sy toekoms vernietig.

Herrie kan eintlik nie aan ‘n meer gepaste naam vir ‘n troonkamer dink nie.

Maar Herrie onthou ook ‘n insident uit ‘n storie wat hy as kind gelees het. By ‘n skoolkoshuis het dit die skoolkinders nie lank geneem om te sien hoe die nagwapersoneel flink in gelid, elkeen met ‘n emmer bo die kop, in die rigting van die nagwa hardloop nie. By een plek gaan die roete deur ‘n stegie, en die versoeking word te groot.

Ook nie lank nie, of ‘n kabeltjie word net bo kophoogte oor die stegie gespan.

Die gevolglike domino-effek laat Herrie weer baie aan Pik dink, met net die voorste drawwer wat ongedeerd daarvan afkom. Daarom noem Herrie dit die pik-pik-effek.

Maar genoeg van *&#praat.

Herrie het die afgelope Kersfees agtergekom hoe die regering baie na-aan R300 000 per maand kan bespaar.

Die Herries se hond, Pumba, het naamlik een ding met Julius Malema in gemeen – Pumba kan verskriklik bang word. Vreesbevange. Anders as met Malema weet die Herries darem waarvoor Pumba so bang is – klappers. Rondom Kersfees en Nuwejaar is dit ‘n naarheid. Die kalmeerpille wat Pumba, ‘n yslike boerboel, ingejaag is voor die klappers begin skiet, het net mooi niks gehelp nie.

Wanneer die eerste klapper sy maak gemaak het, is Pumba die ene bibberasie, en sal soms nog ‘n benoude blaf of twee los.

Hierna sal sy Herrie te pletter trap om pens en pootjies tussen Herrie en mev. Herrie in die katelkooi te kom inkruip, maar wanneer die volgende klapper geklap het, is sy weer al benoud-blaffend bo-oor Herrie onder die karos uit, gang af – tot die volgende een klap en sy weer vir die karos mik.

Vanjaar is dit ‘n boerboel van ‘n gans ander aard. Die Herries het verneem van ‘n band wat om die benoude hond se nek gehang word, wat na twee dae begin werk, en wat iets afskei wat die hond rustig maak. Dit skei glo ‘n hormoon of iets af wat ma-honde afskei wat haar kleintjies rustig maak. Dit werk ‘n maand lank.

Kersfees was egter nog effe te gou, en Pumba het nog bietjie gebewe, maar teen gisteraand het die band mooi “ingeskop” en het sy soos ‘n dooi hond bly slaap wanneer die klappers skiet.

Dis toe dat Herrie besef as die regering slim wil wees, moet hulle net ‘n soortgelyke bandjie maak, dan kan hulle dit vir Malema omhang, en ‘n maand lank die R300 000 vir beskerming spaar. Teen R200 per maand is dit nogal ‘n aansienlike besparing en iemand kan tantieme verdien op ‘n baie gepaste naam.

China stel vinnigste trein bekend

China het die wêreld se vinnigste trein bekendgestel wat binne drie uur ‘n reis van meer as 1000 km kan aflê.

Met ‘n gemiddelde spoed van 350km/h sal die reis van 1 068.6km drie uur duur in vergelyking met die vorige net meer as 10 uur.

Dié nuwe diens gebruik tegnologie wat in samewerking met buitelandse maatskappye, waaronder Siemens, ontwikkel is.

Sommige lugdienste, insluitend China Southern, het reeds die prys van hul kaartjies op dié roete halveer.

Фільчаков прокурор

‘Wit’ stem verblyf op Tafelberg geweier

Die burgerregte inisiatief AfriForum het pas ŉ klag van rassediskriminasie namens twee studente – Etienne en Stiaan Terblanche – by die Menseregtekommissie (MRK) teen die Tafelberg Nasionale Park ingedien, nadat dié twee studente verblyf by die People’s Trail Hut geweier is omdat hulle wit is. AfriForum sal ook die saak na die Gelykheidshof neem, sou die MRK nie die saak met die nodige erns hanteer nie.

Die studente, wat tydens ŉ staptog op Tafelberg op die People’s Trail Hut afgekom het, het die telefoonnommer wat op die hut se deur staan, geskakel om te verneem of hulle die hut vir ŉ nag kon bespreek. Hulle is toe telefonies meegedeel dat die hut slegs deur “swartmense” gebruik mag word en nie vir “witmense” is nie. Die student wat geskakel het, se stem is as maatstaf gebruik om hom telefonies as “wit” te klassifiseer. Die People’s Trail Hut word teen ŉ daaglikse tarief van R30 per persoon beskikbaar gestel, terwyl ander oornagfasiliteite op die berg R800 per persoon kos.

Volgens Kallie Kriel, uitvoerende hoof van AfriForum, is dit kommerwekkend dat die staat se rasbeheptheid nou selfs uiting begin vind in studenteverblyf by ŉ nasionale bate soos Tafelberg, wat veronderstel is om aan almal in die land te behoort. “Jongmense, wat eers tydens die nuwe bedeling met hulle skoolloopbane begin het, word in effek nou selfs op Tafelberg weens hulle velkleur soos tweederangse burgers behandel,” het Kriel bygevoeg.

Kriel het daarop gewys dat dit ŉ mistasting sou wees om die rassediskriminasie teen “wit” studente te probeer regverdig deur die geykte argument dat dit ŉ poging is om ongelykhede uit te wis en Tafelberg se toeganklikheid vir almal te verhoog. “Geen ongelykhede word met die rasvoorskrifte op Tafelberg uitgewis nie, aangesien ŉ “swart” miljoenêr se kinders nou van die studenteverblyf gebruik kan maak, terwyl behoeftige studente uit ander gemeenskappe geweier word,” het Kriel gesê. “Die uitwissing van ongelykhede het volgens Kriel ongelukkig nou ŉ dekmantel geword om ŉ rasse-ideologie te bevorder.”

AfriForum wil toesien dat Tafelberg werklik toeganklik vir almal word en doen daarom aan die hand dat inkomstevlak ŉ beter maatstaf as ras is om te bepaal wie vir goedkoper verblyf op Tafelberg moet kwalifiseer. ŉ Groot deel van die mense wat dan voordeel trek, sal waarskynlik steeds “swart” wees, maar volgens Kriel sal hulle voordeel trek op grond van behoefte en nie hulle ras nie, terwyl armes uit ander gemeenskappe nie uitgesluit sal word nie.

паркет

Afriforum dreig met regsaksie om boer te beskerm

Die burgerregte inisiatief AfriForum het ŉ versoek aan die minister van Handel en Nywerheid gerig om dringend in te tree om die lewe en besittings van ŉ Suid-Afrikaanse burger, Ray Finaugty, en sy gesin in Zimbabwe te beskerm. Volgens BIPPA, ŉ beleggingsooreenkoms wat op 27 November 2009 deur beide die Suid-Afrikaanse en Zimbabwiese owerhede onderteken is, sal sodanige beskerming aan Suid-Afrikaanse burgers in die buurstaat verleen word.

Willie Spies, regsverteenwoordiger en woordvoerder van AfriForum, het gesê dat inligting wat deur AfriForum ontvang is aandui dat mnr. Finaugty van die plaas Manda by Rusape, slegs drie ure deur plaasbesetters gegee is om sy plaas te verlaat. Hy het hier met 11 000 hoenders en sowat 40 hektaar tabak geboer. “Hy is ook verhoed om die hoenders te versorg en hulle is gevolglik meer as drie dae lank sonder kos en water gelaat. In hierdie stadium vrees Finaugty vir die lewens van hom en sy gesin,” het Spies bygevoeg.

In November 2009 het AfriForum die Noord-Gautengse Hooggeregshof in Pretoria genader met ŉ dringende aansoek om die ondertekening van BIPPA te probeer verhoed, omdat gevrees is dat dit Suid-Afrikaanse boere wat slagoffers van Zimbabwe se onwettige onteieningsprogram was, in die steek sou laat. Die hof het uiteindelik ŉ bevel uitgereik waarvolgens die Suid-Afrikaanse regering onderneem om die Tribunaal van die Suider-Afrikaanse Ontwikkelingsgemeenskap (SAOG-tribunaal) se uitspraak ten gunste van kommersiële boere in Zimbabwe te respekteer en na te kom, en om die regte en regsmiddele van slagoffers van Zimbabwe se onwettige onteieningsprogram te handhaaf. In terme van die minister se beëdigde verklarings vir die hofsaak, asook die daaropvolgende hofbevel, is mnr. Finaugty geregtig op beskerming soos deur hierdie beleggingsooreenkoms omskryf.

Indien versekering nie binnekort van die minister ontvang word dat maatreëls in werking gestel is om mnr. Finaugty en sy gesin se lewens en eiendom te beskerm nie, sal AfriForum volgens Spies met dringende regsaksie voortgaan om dit te verseker.

Dit is tragies dat onskuldige Suid-Afrikaanse burgers in die Kerstyd aan hierdie soort teistering onderwerp word. Dit is net nog voorbeelde van die menseregtevergrype wat die Mugabe-regime kenmerk.

как построить сауну топкарго кидалы

Vullis in Pretoria: ‘Gee geld terug’

Die Vryheidsfront Plus het gesê dat inwoners van Pretoria geregtig is om hulle geld vir vullisverwydering terug te eis nadat vullisverwydering in die Tshwane-metrogebied vir die vyfde keer vanjaar nie plaasvind nie.

Volgens dr. Conrad Beyers, VF Plus-raadslid, is die metroraad wetlik verplig om die dienste te lewer waarvoor inwoners betaal.

“Daar is oorgenoeg gronde vir inwoners om ‘n amptelike dispuut op groot skaal met die metroraad te verklaar, waarin daar geëis word dat korting gegee moet word vir dienste wat nie gelewer is nie. Dit help egter nie dat slegs enkelinge dit doen nie – dit moet regoor die stad gekoördineerd wees. Voorsitters van inwonersverenigings, tesame met ander belanghebbendes, moet in Januarie bymekaar kom om gekoördineerde aksie te beplan,” het Beyers gesê.

Die VF Plus het gesê dat dit jammer is dat die probleme rakende vullisverwydering aanhou herhaal, nadat die party reeds verlede jaar gewaarsku het dat voorkomende maatreëls getref moet word om die onderliggende probleme op te los.

Die VF Plus het gesê dat enige verdere versuim deur die ANC om alternatiewe reëlings vir vullisverwydering te tref tot ‘n ramp in die stad kan lei. “Die feit dat die ANC passief toekyk hoe die probleem vererger, het veroorsaak dat ‘n probleem wat op ‘n baie vroeër stadium opgelos kon word tot ‘n ernstige krisis gelei het. Hierdie is die swakste stadsadministrasie in Pretoria se geskiedenis.”

Dirk de Villiers oorlede

Die bekende rolprentmaker Dirk de Villiers is Maandagrmiddag in die ouderdom van 85 oorlede.

De Villiers, skepper van die televisiereeks Arende en rolprente soos Tant Ralie se losieshuis, My broer se bril, Die geheim van Nantes en That Englishwoman, is in die Chris Barnard-gedenkhospitaal in Kaapstad oorlede.

Volgens sy seun, die akteur Gys de Villiers, het sy pa Maandag stil gesterf na ‘n hartaanval.

De Villiers, wat sy lewe aan film gewy het, het sowat 25 vollengte-rolprente en 13 dokumentêre gemaak.

De Villiers word oorleef deur sy lewensmaat, Miems Swanepoel, en sy kinders, Gys, Jakes, Lida en Miemie, asook kleinkinders en ’n agterkleinkind.

освещения

Ortodontis en sy gesin sterf in vliegongeluk

Vier mense, almal van dieselfde gesin, is Maandagmiddag oorlede toe ‘n sessitplek-vliegtuig naby Harrismith in die Vrystaat neergestort het.

Volgens Chris Botha, Netcare 911-woordvoerder, het nooddienste omstreeks 13:30 ‘n oproep ontvang dat ‘n vliegtuig geval het.

Die vliegtuig, ‘n Beach Bonanza, het by die Platberg neergestort in digte mis, het Netcare911 se woordvoerder, Chris Botha, gesê.

“Ongelukkig het al vier die passasiers gesterf,” het hy gesê.

Dr. Johan Adriaan Venter (61), ’n ortodontis, sy vrou, Elzabé (61), hul seun, Christiaan Venter, en sy vrou, Christine, was vroeg Maandagmiddag in ’n Beechcraft Bonanza-vliegtuig van Vereeniging na Margate onderweg toe hulle in slegte weer teen Platberg by Harrismith vasgevlieg het.

Die vliegtuig het in ‘n “amper onbegaanbare” gebied neergestort.

Paramedici, wat omstreeks 13:30 ‘n oproep oor die ongeluk ontvang het, moes hul voertuie agterlaat om die ongelukstoneel te bereik.

Volgens Gwebu is ‘n helikopter na die toneel gestuur om die gebied vinniger te bereik.

Paramedici en polisie was teen 16:00 steeds op die toneel besig.

все для бани и сауны

Al Kaida aanvaar verantwoordelikheid vir bom

Die terroristegroep Al Kaida het verantwoordelikheid aanvaar vir die mislukte poging om ‘n passasiersvliegtuig bo Detroit, VSA, op te blaas.

Volgens SITE, ‘n Amerikaanse intelligensieorganisasie, het Al Kaida Maandag ‘n verklaring op ‘n Islamitiese webwerf geplaas waarin die groep sê die aanval is deur ‘n Al Kaida-faksie in die Arabiese skiereiland geloods.

Abdoel Faroek Abdulmoetallab, ‘n Nigeriër, het op Kersdag probeer om plofstof aan boord van ‘n vliegtuig bo Detroit, Michigan, aan te steek

Sy poging om die vliegtuig, met 278 passasiers aan boord, op te blaas, het misluk.

Hy is kort na die voorval in hegtenis geneem met ernstige brandwonde.

Abdoelmoetallab het vroeër aan ondersoekbeamptes gesê hy is ‘n Al Kaida-lid.

Kwanzanc: die ANC se ekwivalent van Kersfees

Die viering van Kersfees is uiteraard ‘n uiters Europese tradisie. In die jaar 350 nC het Pous Julius I ‘n dekreet uitgevaardig dat Kersfees, wat die viering van die geboortedag van die Heiland moes wees, op 25 Desember gevier sou word. Niemand is presies seker wanneer Christus werklik gebore is nie, maar dit was waarskynlik nie op 25 Desember nie.

Een van die redes waarom die pous die 25ste Desember gekies het, is omdat dit saamgeval het met die Europese heidense fees van die wintersonstilstand. Die langste nag van die jaar is 21 Desember in die noordelike halfrond. Hierná begin die dae weer langer word. Rondom daardie datum het Europese heidene (jou en my voorouers, waarskynlik) ‘n fees gehou ter viering van die komende somer. Baie van ons Kerstradisies het uit daardie heidense gebruike ontstaan, byvoorbeeld om ‘n kers aan te steek. Immergroen bome is ook deur die heidene as heilige simbole beskou. Vandaar die gebruik om ‘n immergroen boom as ‘n simbool van Kersfees te beskou. Die keuse van 25 Desember was ‘n poging om die heidene te oortuig dat die Christenskap nie ‘n bedreiging vir hul tradisies sou inhou nie.

Baie van die hedendaagse simboliek van Kersfees dra vandag steeds baie Europese simbole – dennebome, sneeu, rendiere ensovoorts. Kersfees en sy simboliek is dus niks indien nie uitheems aan Afrika nie. In reaksie op die Eurosentriese simboliek van Kersfees het die swartbewussynsbeweging in die VSA tydens die 1960s ‘n ekwivalente feestyd bedink, bekend as Kwanzaa. Kwanzaa is ‘n belaglike viering van denkbeeldige Afrikatradisies en sogenaamde Afrikawaardes. Een van hierdie is byvoorbeeld Ujima, wat na bewering sou dui op kollektiewe verantwoordelikheid en arbeidsaamheid, al is dit begrippe wat nog meer uitheems aan Afrika is as Kersfees.

Gedagtig hieraan het ek gewonder of die ANC nie ook ‘n Azaniese Kwanzaa moet bedink nie. Kom ons noem dit die Kwanzanc. Daar is heelwat struggle- en hedendaagse tradisies wat die ANC kan vier.

In plaas van brandende kerse kan die ANC en sy ondersteuners gerus ‘n paar buitebande vol petrol maak en dit aan die brand steek. Omstanders behoort egter attent te wees daarop dat veelvuldige bottels Black Label en buitebande ‘n gevaarlike kombinasie is en maklik tot ‘n halssnoermoord kan lei.

In plaas daarvan om geskenke vir mekaar te koop, kan ANC-gesinne ter viering van Kwanzanc eerder ‘n kompetisie loods wat sal kyk wie die meeste kan steel en plunder, verkieslik by onskuldige belastingbetalers. Steel, bedrieg en korrupsie pleeg is immers aktiwiteite waarin die ANC kampioene is. Al wat ‘n ANC-ondersteuner is op die spreekwoordelike voetsoolvlak droom daarvan om verkies te word as ‘n ampsdraer, sodat hy ook kan deelneem aan die plundery van die belastingbetaler.

Wat sou enige viering van ‘n fees soos Kwanzanc wees sonder ‘n feesmaal? Diegene wat aan vigs ly en aan die ANC behoort, kan ‘n feesmaal van suurlemoene, beet en patats geniet ter nagedagtenis aan Manto Patatkop-Knoffelmang. Vir die trogvarke asook die SAKP se vetkatte sal net die beste uiteraard goed genoeg wees. Vir kaders soos kamerade Blade en Sexwale is dit kaviaar en natuurlik die alomteenwoordige Johnny Walker Blue Label. Hulle kan hul “sterwende” kameraad, Schabir Shaik, afvaardig om proviand vir hulle te gaan koop, voor die stomme man beswyk aan die terminale toestand bekend as die lewe.

Om ANC-aanhangers wat nie deel is van die binnekring nie, veral in linkse Afrikanergeledere (ek dink spesifiek aan vuilgatmusikante en ewe vuilgat Naspersjoernaliste en -rubriekskrywers) tuis te laat voel, kan die Europese mistelplant wat deel is van Kersfees vervang word met Afrika se gunsteling plantaardige produk, Cannabis Sativa. Statistiek Suid-Afrika het immers onlangs die onwettige handel in laasgenoemde produk begin insluit in sy berekening van die BBP. Die verdomming wat die gebruik van hierdie plant se blare teweegbring, is ‘n uitstekende metafoor vir die ANC se mislukte onderwysstelsel.

As die Europeërs se viering ‘n blanke man met ‘n lang baard en ‘n boepmaag het as menslike simbool, kort Kwanzanc seker ook ‘n simboliese figuur inheems aan Afrika. ‘n ANC-ekwivalent vir die denkbeeldige Sinterklaas was so ‘n ietwat moeiliker om te bedink, tot ek aan daardie standbeeld van die ewe denkbeeldige Tshwene (askies, “Tshwane”) buite Aapstat se stadsaal gedink het. “Tshwane” kan in ‘n minibustaxi ry wat deur inheemse bobbejane (Papio Ursinus) getrek word, in stede van uitheemse rendiere. In plaas van sleeklokkies kan “Tshwane” kort-kort die minibus se toeter druk. Hy kan SEB-kontrakte uitdeel aan diegene wat alreeds bemagtigde trogvarke is en korrup genoeg was gedurende die jaar.

Wanneer word Kwanzanc gevier? Ek sou reken dit moet op 6 April plaasvind, toe die eerste skepe van diegene wat rykdom kom skep het en van wie daar geplunder kan word, in Tafelbaai anker gegooi het. Die ANC is hoeka niks meer as ‘n vragkultus nie, en wat sou ‘n vragkultus nou wees sonder diegene wat hy probeer na-aap?

прокурор Фильчаков