Dan Roodt, Author at praag.co.za

Regstellende aksie ook onregverdig teenoor bekwame swartes

‘n Regter in die Gauteng-Noord hooggeregshof, regter Elias Matojane,het gister een van die verdagtes in die Eugene Terre’Blanche moordsaak, Chris Mahlangu, se borgtog teruggetrek. In die uitspraak het hy die landdros op Ventersdorp wat borgtog toegestaan het, mnr Magaola Foso, gestriem. Die regter het nie doekies omgedraai nie en dele van die landdros se uitspraak as onverklaarbaar bestempel. Beide die regter en die landdros was swart.

Die groot verloorder in die saak? Regstellende aksie en meer spesifiek regter Matojane.

Want sien, of sommiges onder ons dit wil hoor of nie, maak die stert aan die regterkant van die normaalverdeling se klokkurwe van intelligensie, asook die groot aantal swartes in die land, dit onafwendbaar dat daar wel noodwendig hoogs intelligente, bekwame swartes moet wees, soos regter Matojane klaarblyklik is. Nes die stert aan die linkerkant van daardie selfde klokkurwe daarop dui dat daar minder intelligente, minder bekwame blankes sal wees. Kyk bloot na die meerderheid linkses in blanke geledere, en helaas selfs ‘n paar in regse geledere…

Benewens die feit dat regstellende aksie in wese swart-op-wit apartheid en rassisme verteenwoordig, verteenwoordig dit ook ‘n onreg aan die intelligente en bekwame swartes. Gister se hofuitspraak is ‘n uitstekende voorbeeld daarvan. Een van die twee hofbeamptes is klaarblyklik nie op grond van bekwaamheid aangestel nie, maar die ander wel, te oordeel aan die striemende uitspraak.

Ek as ‘n leek in terme van die gereg sit egter na dese en wonder of ek almal in die regstelsel kan vertrou. As ek ooit in ‘n hofsaak betrokke gaan wees, gaan dit nie ‘n soort lotery wees wat gaan bepaal of ek ‘n bekwame hofbeampte gaan kry wat my saak aanhoor nie? Gaan die landdros of regter iemand wees wat daar is omdat hy swart is, of omdat hy bekwaam is? As ek nie bewus was van sy uitspraak in gister se verhoor nie, sou ek waarskynlik ook na regter Matojane gekyk het en dieselfde twyfel beleef het.

Natuurlik is my vertwyfeling onregverdig teenoor regter Matojane, wat waarskynlik wel heel in staat is om sy pligte behoorlik uit te voer, maar dis eweneens nie ‘n onredelike vrees aan my kant nie. Die obsessie wat die ANC bewind het met koppetellery op rasgronde, bring mee dat regstellende aksie noodlottig gekompromiteer is. Die noodwendige uitkoms van ‘n blote koppetellery is dat standaarde moet daal en mense se lewens word dikwels sodoende in die gevaar gestel. Robert Mugabe vlieg byvoorbeeld gereeld Europa of Ooste toe vir mediese behandeling. Waarom sou hy nie Afrika se dokters vertou nie?

Nog ‘n voorbeeld van die standaarde wat moet sak agv regstellende aksie se obsessie met getalle, is Suid-Afrika se vlieëniers. Dit is welbekend dat die Suid-Afrikaanse Lugmag sukkel om swart loodse op te lei. Generaal –Majoor Lucky Ngema, die hoof van opleiding in die Lugmag, sug byvoorbeeld: “Each time black Africans get the opportunity to be trained, they fail the course. We had situations in which we would put 30 black people on the training course and all of them would fail.” Die uitkoms hiervan was dat standaarde verlaag is vir swartes in die Lugmag se vlieëniers se opleidingskursusse. Blanke leerling-vlieëniers wat gedruip het, is ontslaan sonder om ‘n tweede kans te kry, maar swartes is herhaaldelik die geleentheid gegun om dit te probeer deurkom, met rampspoedige gevolge vir veiligheid.

Ek is weer eens seker daar moet wel noodwendig swartes met die nodige aanleg wees om vlieëniers te word, en om die kursus met die eerste probeerslag te slaag, maar hoe kan mens seker wees jy is veilig op ‘n vliegtuig met ‘n swart loods in beheer as die keurings- en opleidingsprosesse eerder oor die kandidaat-vlieëniers se velkleur gaan, as oor hulle verstandelike vermoëns en hul aanleg vir vlieg? Dis net skynheiliges wat ewe veilig sou voel ongeag of dit Sipho of Sakkie is wat die vliegtuig vlieg. As die loods se naam Sakkie is, kan jy daarop reken dat sy kwalifikasie as vlieënier oor meriete gegaan het, maar Sipho…. Die koppetellery waarmee regstellende aksie noodwendig gepaard gaan, is egter nie net die publiek wat in gevaar gestel word nie, maar ook onregverdig teenoor diegene wat wel bekwaam genoeg is, maar toevallig swart. As Sipho se passasiers kriewelrig is omdat hy swart is, is ek jammer vir Sipho as hy op meriete in die stuurkajuit sit, maar die onverdedigbare stelsel van regstellende aksie wat teen wittes diskrimineer, moet die blaam daarvoor dra.

Данильченко Харьков

Goeie ou dae?

Bloot toevallig – op dieselfde SABC-nuusbulletin – breek twee uitgesproke rewolusionêre by twee verskillende geleenthede so ietwat van ‘n lansie vir apartheid.

Die eerste, ‘n SADOU-vakbondbaas, Thobile Ntola wat sê die laaste ernstige onderwysersopleiding het ten tyde van apartheid plaasgevind. In dieselfde bulletin sê Julius Malema, toe hy studente van die eertydse Medunsa toespreek, nie alles van apartheid was sleg nie. Hy het dit teen die samesmelting van Medunsa en Turfloop in die Universiteit van Limpopo.

Dit staan weliswaar steeds ligjare van die goedpraat van apartheid, en dui hoogstens op ‘n frustrasie met die ANC wat deeglik daarin geslaag het om ‘n groepie stink ryk te maak, ‘n nog groter groep in poste te plaas waarin hulle nie die mas opkom nie, maar ‘n horde sonder werk sit. Onder laasgenoemde groep is daar al lank ‘n groepie wat die apartheidsjare onthou as ‘n tyd toe hulle werk gehad het.

Malema en Ntola sal wel binne die ANC voor stok gekry word, en sal dié soort praatjies gesmoor word. Malema en Ntola stook boonop verskillende vure: Ntola is ‘n vurige aanhanger van Costau-baas Vavi, terwyl Malema onlangs nog ‘n beroep op die ANC gedoen het om Vavi te dissiplineer. Ntola het weer ‘n striemende aanval op die nasionaliste binne die ANC geloods, die tenderpreneurskap erg aangeval waarvan Malema ‘n uitstekende voorbeeld is, en ‘n sterk pleidooi vir die SAKP gelewer.

Intussen het pres. Jacob Zuma se gewildheid in metropolitaanse gebiede volgens TNS tot ‘n nuwe laagtepunt, 42 % gedaal. Net meer as ‘n jaar gelede was dit nog 58 %. Nog meer insiggewend was dat 44 % van die mense wat ondervra is, die meeste ooit, gemeen het die president is besig om gewoon te verbrou. Dié opname is weliswaar gedoen tydens die groot staatsdiensstaking, en toe Zuma Sjina met ‘n groot afvaardiging besoek het. Daardie besoek onder daardie omstandighede het ongaaf afgegaan.

Die tekens is daar dat die Suid-Afrikaanse politieke toneel danksy Zuma heel moontlik besig om die vloeibaarste in 16 jaar te word, wat in beginsel goed is vir demokrasie en die punt waar die ANC ernstig uitgedaag sal kan word.

Die mate waarin die kwessie van ras weer neig om sake te stagneer, blyk uit die kontroversie rondom die ABSA-kwessie. Op die gevaar af van oorvereenvoudiging, lyk dit asof ‘n groot deel van die wit gemeenskap sat is dat rassekwessies in haas elke sfeer van die lewe ingesleep word, gewoonlik tot die wittes se nadeel, terwyl baie swart mense, blykbaar van alle vlakke, ABSA se standpunt steun, maar die steun duidelik aan die hand van rassekwessies motiveer. ‘n Groot groep gekleurde meningsvormers – wat boonop wye mediablootstelling in die vorm van rubrieke geniet – soos Henrey Jeffreys, Ferial Haffajee en nou prof. Jonathan Jansen, tree volmondig vir ABSA in. Presies hoe dié rassepolarisasie veronderstel is om transformasie te dien is onduidelik. Veel eerder lyk dit of hulle die ANC te hulp snel om die swart stemme, dus die meerderheid, ter wille van swart vir die ANC te konsolideer en sodoende die vloeibare politiek wat vir gesonde demokrasie nodig is, vries.

Фильчаков прокурор

Moraliteit en die politici

Die striemende aanval van dr. Pallo Jordan op Julius Malema het nog ‘n kwessie op die tafel geplaas, eerder as om dit iewers in die hoekie in vergetelheid te laat wegraak.

Malema, wat gewoonlik die publiek se bloed laat kook, het onlangs sy organisasie se standpunte oor seksuele verhoudings gestel, wat weer deel uitmaak van die veldtog teen Vigs. Die kern hiervan is dat verhoudings monogaam moet wees, en dat die twee partye getrou aan mekaar moet wees.

Jordan, soos baie ander, het dit as ‘n aanval op pres. Jacob Zuma vertolk. Dit is ook nie vreemd nie: Zuma het drie wettige vroue, ‘n verloofde by wie hy kinders het, en het boonop ‘n kind by ‘n huisvriend se dogter. Voorts is hy van die verkragting van ‘n MIV-positiewe vrou aangekla. Dat hy vrygespreek is, word oorskadu deur die feit dat hy volgens sy eie getuienis gaan stort het om die moontlikheid van MIV-besmetting te voorkom.

In moraliteitsterme is hy ‘n poligamis en ‘n owerspelige.

Dit is dus die staatshoof wat buite die riglyne optree van die internasionale veldtog teen Vigs. Om nou iemand te roskam oor hy dié riglyne, en sy organisasie se amptelike beleid stel – omdat dit ‘n aanval op die staatshoof sou neerkom – kompliseer die veldtog teen Vigs oneindig.

‘n Parallel kan ook getrek word na die stryd teen korrupsie. Solank as wat sommige kaders nie hul dag in die hof kry nie, is daar min inspirasie vir ander met hul lang vingers in die kasregister om op te hou daarmee. So lank gaan sommiges onder hul eie welvaart strompel, en hoe meer gaan die mense in die middelklas word wat moet begin kies of hulle hul kragrekenings gaan betaal, of kos op die tafel gaan hê. Hoe meer gaan bejaardes wat hul lewe lank verantwoordelik met hul geld omgegaan het, op hul oudag besef dit was nie genoeg nie.

Hoe meer munisipaliteite skep as wat gemeenskappe kan bekostig, hoe meer gaan die e-Colivlakke in waterstrome gemeet word, ‘n duidelike aanduiding van riool. Al ontken die departement die krisis ook in al elf amptelike tale.

Die Wêreldbank beskryf korrupsie immers as die diefstal van ‘n land se toekoms.

Die vraagtekens wat oor politici se moraliteit geplaas word is egter nie uniek aan Suid-Afrika nie. In Wes-Europa was ‘n veldtog vir die opskerp van moraliteit onder die politici en die media hoog op die agenda, en is 2008 selfs as die jaar van geestelike higiëne verklaar, toe die inhaligheidsvlakke van die korporatiewe wêreld die publiek wêreldwyd geskok het, en die wêreld in ‘n ekonomiese krisis gedompel het. Dié skok is vergroot deur instansies wat staatshulp as reddingsboeie gekry het, en dan sommer dadelik van daardie geld gebruik het om weer fabelagtige bonusse aan die topbestuur te betaal.

In Ysland, tradisioneel ‘n besonder persvrye land, het die bankbase wat die krisis daar veroorsaak het, argaïese regsreëls ingespan om hulself teen mediakritiek te verskans – met die gevolg dat daardie regsreëls gewys is en Ysland nou die toon met mediavryheid aangee. Politici het vernuftig die vraagtekens oor hul eie moraliteit afgeskud deur moraliteit sterk in hul ekonomiese herstelplanne in te skryf.

In Suid-Afrika is die program rondom mediavryheid stroomop, en duidelik teen die internasionale mening in, soos uit die vrae aan pres. Zuma tydens sy besoek aan die Euro-parlement geblyk het. Iets wat nou ook soos ‘n seer duim begin uitstaan, is die alles-omvattende rassebeleid met ‘n magdom rasgedrewe wette en maatreëls om glo rassisme teen te werk. Hierdie transformasieprogram begin nou dieselfde vlakke van belaglikheid bereik as die argumente wat nou ingespan word om Malema – die een keer wanneer hy die regte ding sê – die mond te snoer.

Die knak wat die vertroue in die wêreldekonomie gekry het, word hier ook aangewend om die sosialismeknoppie baie harder te druk. Die saad van hierdie veldtog val op vrugbare grond omdat Suid-Afrika die grootste meetbare inkomstegaping ter wêreld het, met boonop ‘n baie hoë werkloosheidsyfer. Die gewone kieser hier verstaan nie die omvang van die skade wat sosialisme aan ‘n ekonomie aanrig nie, anders as die Duitsers wat twee dekades lank miljarde Euro’s in die voormalige Oos-Duitse ekonomie moes pomp om ‘n mate van pariteit te bewerkstellig.

детям Александр Фильчаков

Polisieheksejag op huis vir blanke haweloses

Feite wat aan die lig gekom het ná kmdt Willem Ratte en nege ander se inhegtenisneming naby Balmoral verlede Donderdag, toon dat die polisie-optrede niks anders is as ‘n heksejagoperasie nie.

Na die klopjag op die Balmoral koshuis het die polisie in die media na onwettige wapens en ammunisie verwys, en ‘n foto het in die media verskyn van nege vuurwapens en ‘n klomp messe daarby vir goeie effek.

Later is beweer dat daar slegs een onwettige item tussen die bondel was, ‘n R-4 aanvalsgeweer. Van die ander wapens was blykbaar geroeste voorlaaiers bestem vir die museum en al die ander wapens (behalwe die R-4) is blykbaar wettig gelisensieerd.

Nou word beweer dat die R-4 wapen glad nie eers op die koshuisperseel gevind was nie, maar op die hoewe langsaan, ‘n uiters verdagte wending indien hierdie gerug waar is.

Verder word beweer dat die polisie geen lasbrief gehad het om in die eerste plek by die koshuis op te tree nie ten spyte van die feit dat dit ‘n werksdag was en die polisie maklike toegang gehad het tot ‘n landdros. Die logiese gevolgtrekking is dat die polisie geen verklaring besit het wat as basis vir ‘n lasbrief gebruik kon word nie.

Daar was blykbaar ook geen lasbrief om op ‘n ander nabygeleë perseel stoorkamers oop te breek nie. By die Balmoral Volksmoord Museum is ‘n dame met ‘n pistool teen die kop gedwing deur Swart polisiemane, om haar woonstel te laat deursoek, al het hulle daarvoor ook geen lasbrief gehad nie.

‘n Getroue waghond by die koshuis is na bewering wreed geslaan tydens die klopjag en is na drie dae steeds in trauma.

HNP lede in die Oos Transvaal het bevestig dat die koshuis bewoon was deur jong mans wat meestal uit gebroke huisgesinne kom. Die jong manne (sommige net tieners) word gerehabiliteer in ambagte soos sweis, messelwerk en sekuriteit. Liggaamlike oefening en streng dissipline is deel van hulle opleiding. Later word hulle uitgeplaas na maatskappye wat werk aanbied en sodoende integreer meeste van die studente suksesvol met die breë samelewing.

Hierdie skynbaar wraaksugtige polisie-aanval is laakbaar en woede in Afrikanergeledere styg steeds. Die HNP moedig alle volksgenote aan om regerings in die buiteland en ander organisasies wat moontlik kan druk uitoefen, dringend in te lig oor die ware feite rondom al ons politieke gevangenes, en nou in besonder, kmdt. Willem Ratte en nege ander slagoffers van hierdie polisie heksejag.

мед справки

Willem Ratte nie vry

Die Bosoorlogheld oud-kmdt. Willem Ratte se dringende aansoek om uit die Witbankse gevangenis vrygelaat te word, het in die Pretoriase Hooggeregshof misluk. Ratte en sy nege medegevangenes sal nou eerskomende Maandag vir die eerste keer in die hof voorkom waar hulle om borg sal kan aansoek doen.

Ratte word reeds byna ‘n week lank aangehou. Aanvanklik is geen klagtes teen hom gestel nie, maar tans word hy aangehou weens “dwelmhandel en diefstal”.

Vriende wat Ratte in die tronk besoek het, is bekommerd oor sy gesondheidstoestand en daar is gerugte dat hy dikwels nie kos en water van die gevangenisowerheid ontvang nie.

Dr. Dan Roodt van PRAAG het intussen ‘n dringende beroep op parlementslede van die Vryheidsfront Plus gedoen om ‘n besoek aan Ratte op Witbank te reël sodat die situasie by die gevangenis ondersoek kan word.

Ons b-bank, ons b-bok, ons b-boere – wat is volgende, ons bobotie, biltong en boerewors?

Dit is baie duidelik dat die kommuniste nou behoorlik aan die gang gekom het, om ons Afrikaners se hoekstene weg te kap, en die ANC se kommunistiese onderrok hang al verder uit. Dit is ‘n erkende aspek van sielkundige manupilasie, dat as jy mense se simbole en fondamente wegvat, hulle identiteitloos en sonder samebindende emosie sit. Dit maak hulle ‘n maklike prooi vir indoktrinasie tot ‘n nuwe ideologie, denke en leefwyse. Hierdie is natuurlik ‘n algemene indoktrinasiemetode in alle weermagte, om goeie soldate te maak. Die nuwe rekrute word individueel afgebreek en ontneem van ‘n eie identiteit om in te pas by die groepsidioom. “Hulle breek jou eers af, dan bou hulle jou in die spanspeler (of groepsidioot) wat hulle wil hê.”

Dieselfde taktiek is uitmuntend suksesvol gevolg deur die kommuniste ná die Tweede Wereldoorlog in al die lande wat hulle ingeneem het. In Rusland is godsdiens verban, in China is kinders van hulle ouers vervreem om nie die eeu-oue Chinese tradisies te leer nie. Die basiese idee? Neem hulle unieke identiteit weg – alles wat hulle uniek maak, en dan gee jy aan hulle die groepsidentiteit wat die regering behaag. Gebeure van die afgelope tyd begin op ‘n gefokusde aanslag op die Afrikaner se identiteit dui. Kom ons kyk chronologies na hierdie nuwe aanslag:

1. Die ANC is stelselmatig besig om ‘n berekende aanslag op Afrikaans te maak, en hulle hoofteikens is die skole en veral die universiteite. Breek ‘n taal as intellektuele medium, en jy breek sy krag om te groei en lewend te bly. Een vir een is die Afrikaanse universiteite afgetakel; Kovsies was die tweede laaste een, en nou begin hulle by Potchefstroom. Daar is alreeds ‘n geroep uit die gekkekoor dat Model C-skole moet verdwyn.

2. Die ANC maak bekend dat hulle alle landbougrond tot nasionale bate wil verklaar, en die grond nasionaliseer vir ‘n paggebruikstelsel. Afgesien daarvan dat dit niks anders as die kommunistiese ideologie is van alles behoort aan die staat, nie en almal werk vir die glorie van die massas, is dit ook die basisbeginsel van die swartes se lewensfilosofie, Ubuntu, dat die land aan almal behoort, via die stamhoof. Dit is hoekom swartmense nie glo aan grensdrade nie.

3. Die bogenoemde beleid word dan gefokus op veral jagplase, wat volgens die kommuniste nie produktief is nie. Dit word gesê ongeag die feit dat die jagbedryf jaarliks miljarde rand se buitelandse valuta en inkomste vir die ekonomie verdien. Maar natuurlik! Jag is hoofsaaklik ‘n blanke tydverdryf en ook, as daar geen jagplase is nie, is dit onnodig vir enige blanke om ‘n jaggeweer te besit. Die minister van polisie het dit duidelik gestel ‘n paar maande terug: “Algehele ontwapening van die burgerlike bevolking is nog steeds ons uiteindelike doel.”

4. Die ANC maak bekend dat hulle reeds duisende blankes, en veral Afrikaners as lede het. Baie moontlik gaan die naïewe blankes dit glo, en skielik word lidmaatskap van die ANC die “in-ding”.

5. Indoena Zuma besoek Orania om “goeie” verhoudinge met die Afrikaner te bou.

6. Die ANC maak bekend dat hulle blankes wil teiken om lede te word, om hulle meer verteenwoordigend te maak van alle rasse. Dus: “Kom na ons toe, ons sal vir julle ‘n nuwe veilige tuiste bied.” Nt soos Dingaan Piet Retief en sy manne in die kraal ingenooi het vir ‘n kalbassie bier en volkspele?

7. Absa gooi hulle kwotabom, en skielik begin hulle aan een van die Afrkaner se heilige koeie torring. Maria Ramos het nog geen enkele woord gerep oor die rykdom van die Afrikaner wat daardie bank gebou het nie, inteendeel daar is geen erkenning daarvoor nie.

8. Om die spyker dieper in te kap, help die IRB wragtag dat die” heilige” Springbok verban word (ons kon dit vat toe dit van die hart verskuif), na die mou, nogal op daardie deel van ‘n rugbytrui waarmee die speler sy snotneus en spoeg afvee. Ek wed die ANC lag lekker oor hierdie een, en dit moet nog gesien word of die bok enigsins weer erkenning sal kry!

So wat het dit alles met die argument hierbo te doen? Kom ons kyk mooi na wat (onder baie ander faktore) ‘n Afrikaner definieer:

1. Na ‘n volk se uiterlike kenmerke soos velkleur en haarstruktuur, is taal ‘n volk se mees herkenbare karaktertrek. Neem dit weg, en jy laat hom verward oor sy herkoms en sy interne kommunikasie. Ons ouer garde sukkel nou al om die “moderne” Afrikaners se gebrabbel van Sêfrikaans te verstaan – ‘n bastertaal van Adrikaans en Engels. Ons sukkel nie regtig nie, dit laat net baie sand onder mens se tande. Die ANC breek op hulle eie Afrikaans se status en belangrikheid so stukkie vir stukkie af. Die enigste staatsdepartment waarin jy nog Afrikaanse korrespondensie kry, is SARS, en dit moet baie rooi vlae laat opgaan. Die Afrikaner se bydrae tot die staatskas deur die belasting wat hy betaal, is wat die regering in staat stel om hulle korrupsie te finansier, en miljarde rande aan die kastige maatskaplike toelaes te betaal. Dit is niks anders as ‘n vorm van herverdeling van rykdom nie.

2. Ons het Boerebloed in ons are. Ons stam almal van voorvaderboere af, almal het iewers familie op ‘n plaas (gehad), en die Afrikaners is internasionaal bekend as mense wat ‘n oes uit klippe kan boer. Dit is deel van ons identiteit. Neem ons Boerskap weg, en jy neem ons bakermat weg. Die groot gevaar vir ons is dat al hoe meer boere (Afrikaners) hulle uitsonderlike talente nou vir ander lande gaan aanwend. Tans is AgriSA in Georgië, wat dringend Afrikanerboere soek om hulle landbousektor weer te gaan opbou. Dit maak dat die Afrikaner net nog meer verspreid oor die wêreld gaan raak. En dit is vir die ANC ‘n soete gedagte.

3. Om te jag was een van ons voorvaders se belangrikste maniere om kos op die tafel te kon sit, en dit het deel van ons karakter geword. Maar nie die swartmense nie. Ek self jag al jare en het nog nooit ‘n swart jagter in my lewe teégekom nie, behalwe dié wat onwettig met honde kleinwild jag. Ook is jag natuurlik deel van die koloniale verlede van Afrika in die geheel. Dit lyk en ruik blank en Europees.

4. Blankes, en veral Afrikaners het geen affiniteit vir of met die ANC nie. Dit is net nie iets wat mense wat nie hulle siele verkoop nie, doen nie. Maar deur net die idee tuis te bring dat dit nou eintlik sosiaal aanvaarbaar is om lid te word van die ANC, kan daar dalk ‘n paar duisend mofskape om die bos gelei word.

5. Die Afrikaners is baie ordentlik en gasvry as dit ons pas. Indoena Zuma weet dat hy welwillendheid kan koop deur te gaan kuier by Orania, die huidige “hart en beeld” van Afrikanervryheid (hoe beperk daardie vryheid ook al is.) Dit versterk die gevoel wat hulle wil skep dat daar ‘n tuiste vir Afrikaners is onder die regerende kommuniste want hulle is dan nou so verdraagsaam en bedagsaam. Die Afrikaner kan baie naïef wees aan die een kant, en ons het altyd die Joiner-element onder ons – ‘n aspek waarvan die ANC deeglik bewus is. Daar is van ons mense wat sal val vir die soet heuning van verleiding. “Sluit aan by die ANC en werk saam vir ons land se toekoms.” Jaaa, perde het horings ja en my oupa se koeie het gereeld oor die maan gespring.

6. Volkskas was een van die Afrikanerdom se grootste suksesse. Uit Federale Volksbeleggings waarin ‘n verarmde volk elkeen sy paar sjielings of twee ponde in die hoed gegooi het, het die magtige Absa tot stand gekom. Die verswarting van daardie instelling wat eens ‘n kroon op die Afrikaner se kop was, is nou gefinaliseer.

7. Rugby is so deel van die Afrikaner se identiteit en psige, dit is ‘n doktorale studie werd. Die eens magtige Springbokke en sy individuele helde, was vir die Afrikaner sy deeltjie van glorie en mannemoed waaraan hy sy hele lewe kon glo. Oumense vertel nou nog van “daai drie van Mannetjies Roux, Mof Myburgh wat die All Blacks flinters kon boks, Tiny Naude se skop, Dawie de Villiers se duikuitgee… Soos die Noord-Europeërs hulle beroep op die legendes en glorie van die Noormanne en die Wikinge, kon ons ons nog altyd roem op die glorie van die Springbokke! Dit is ons afgod en ons Saterdaggodsdiens. Dit is ons mans se passasieritueel tot manwees. Jy moes rugby iewers in jou lewe gespeel het, anders is jy ‘n sissie. Vat dit weg, en jy vat die Afrikaner se manwees weg?

Klink dit soos ‘n belaglike “samesweringsteorie”? Miskien, maar eintlik doen die ANC net wat kommuniste doen – dít wat hulle doktrine hulle leer, en wat voorheen onder kommunisme gewerk het. Dus, ‘n slim gefokusde strategie of nie, ons as Afrikaners moet kennis neem en wakker bly.

Ons moet eenvoudig nie toelaat dat hulle slaag nie. Deur ons mense op hoogte te hou van die slim taktieke wat teen ons aangewend word, sal mense toegerus wees om nie deur hulle foefies gekul te word nie. Ons mag nie toelaat dat hulle wen nie. Byvoorbeeld is rugby een van ons kleinnode, en al moet ons dan ons eie liga begin, dan doen ons dit. Ek sien baie jong boertjies met kort kakiebroeke en tweekleurhemde rondloop, wat sterk en jonk is. Ons moet ons eie spanne begin en ‘n liga speel. Dink net aan die advertensie: Saterdag, Boererugby. Kleinfontein vs Orania, of Praag vs Die Boerevolk. As ons alles los wat dierbaar vir ons is, verloor ons, en hulle wen.

Ons moenie ons karakter verander en ons kultuur verloor, net omdat die ANC dit so wil hê nie. Ons moet nou begin beweeg om ons eie veilige biosfeer te skep. Met ander woorde, ons moet:

1. Ons eie ekonomie deur Afrikanerbanke skep en sover moontlik eksklusief net met mekaar besigheid te doen,

2. Ons eie grondgebied bekom en ‘n veilige blanke kolonie(s) te skep,

3. Bou aan ons eie skole, en nuwes begin,

4. Ons eie universiteit stig,

5. Ons eie rugby liga stig – dit gaan klein begin, maar kan groot eindig,

6. Ons boere en ons landbou beskerm met alles wat ons het, in ons eie gebiede, en

7. Wee die donner wat aan ons bobotie, biltong of boerewors vat.

En binnekort, roep ons ons eie onafhanklike Vrye Boerestaat / Afrikanerrepubliek uit.

Ad Libertum Persequor!

Данильченко Харьков

SA Polisie alewig siek

Polisielede wat verlede jaar afwesig was by die werk weens siekte, het die belastingbetaler meer as R550 miljoen (R551 073 000) gekos. ‘n Totaal van 1,2 miljoen (1 204 955) werksdae het hierdeur verlore gegaan. Dit is volgens die jaarverslag van die Polisie in die tydperk vanaf 1 Januarie 2009 tot 31 Desember 2009. Siekverlof alleen het R387,473 miljoen en permanente en tydelike onbevoegdheidsverlof het R163,6 miljoen beloop. Die kategorie waar afwesigheid weens siekte die meeste voorgekom het, was by hooggeskoolde lede (vlakke 6-8) en die tweede meeste by geskoolde lede (vlakke 3-5). Hooggeskoolde lede was 552 819 dae en geskoolde lede 513 198 dae afwesig.

“Wat meer kommerwekkend is, is dat hooggeskoolde en geskoolde lede die meeste siek is. Hierdie is juis die kategorie van lede wat die kern van die Polisiediens vorm en misdaad moet ondersoek. Die syfers toon dat daar ‘n ernstige probleem is wat aandui dat Polisielede in hierdie kategorieë of oorwerk is of onder te veel druk en spanning geplaas word. Deel van die druk en spanning is ook dat sommige lede nie behoorlik opgelei is vir die taak wat hulle moet verrig nie,” sê mnr. Pieter Groenewald, hoofwoordvoerder vir Polisie van die Vryheidsfront Plus.

Volgens die jaarverslag het 359 lede weens swak gesondheid afgetree waarvan psigologiese en mediese toestande die leidende oorsake was.

Данильченко Харьков

Nasionalisering en onteiening

‘n Hofsaak wat nou plaasvind, gaan rigtinggewend wees vir nasionaliseringsplanne.

In die Noord-Gautengse Hooggregshof in Pretoria eis Agri SA altesaam R99 miljard namens sy lede van die staat weens die wyse waarop boere in 2004 hul besitreg op die sogenaamde ondergrond van hul eiendom kwyt is.

In wese het die wetgewing die staat die voog van alle mineraaleregte, namens al die inwoners van die land, gemaak.

Hierdeur het boere ‘n bate verloor wat dikwels as sekuriteit aangebied kon word, dikwels losstaande verkoop is, en wat soms welvaart gebring het as daar goud of ander minerale in die grond was.

Met die – wat Agri SA die onteiening van mineraleregte noem – het soms haas ongehoorde situasies ontstaan. Die sogenaamde soutboere, mense wat klein lappies grond gekoop het ter wille van die soutpanne daarop, het skielik gevind hulle besit basies waardelose lappies grond. Enigeen kon aansoek doen vir die regte om die sout te ontgin, en weens die beleid van die regering, het swart aansoekers, of instansies met swart aandeelhouding, voorkeur gekry.

Onder die sake wat in die hof gaan draai het was ‘n wildboer wat op ‘n dag ontdek het sy grensdraad is geknip, en iemand was besig om met die nodige dokumentasie, ‘n gruisgroef op sy plaas in te rig.

Die wyse waarop die mineraleregte by Sishen eienaarskap verwissel het, word as een van die land se grootste skandale van nepotisme beskou.

Tot grondwater het die eiendom van die land se mense geword, of anders gestel, is nou staatsbesit.

Die staat se ontkenning dat dit op die onteiening neerkom, het ervare regsgeleerdes in onbegrip die kop laat skud.

In ‘n stadium het die regering aangedui dat oorweeg word om ook die bogrond tot nasionale bate te verklaar, ten einde die grondhervormingsproses makliker te laat vorder. Teen die agtergrond van wat met die ondergrond gebeur het, kan niemand verkwalik word as hy dit as ‘n kwalik bedekte metode beskou het om plase te onteien nie.

Ongeag die uitslag van hierdie uitspraak gaan dit in alle waarskynlikheid uiteindelik ‘n draai in die grondwethof maak. Baie van die beginsels wat ter sprake is, het ooreenkomste met die baie bekende Modderklip-saak, waar plakkers in effek ‘n boer se grond beset, en die staat skouers opgetrek het. Die nuwe saak kan in baie opsigte ‘n waterskeidingsaak wees.

Die implikasies is legio. Soos sake nou staan, sal baie detail spandeer moet word aan die status van mineraleregte sou daar in ‘n stadium ‘n tipe volkstaat begin ontwikkel soos waarvoor die grondwet in teorie voor voorsiening maak. Kom die staat hiermee weg, kan die vraag gevra word van wat nog veilig is, selfs sonder die wysiging van die grondwetlike beskerming van eiendomsreg.

Bedoeld of onbedoeld, die kwessie het reeds tot ‘n nuwe rassedispuut gelei, waar persepsies die botoon voer. In kommentaarkolomme word ten gunste van die regering aangevoer wit mense het swart mense se grond gesteel. Argumente ten gunste van Agri SA is dat dié instelling nie net wit boere verteenwoordig nie. Van ‘n weergawe wat die land se werklike geskiedenis weergegee word is min tekens…veel eerder handel dit oor persepsies van die geskiedenis wat vermaarde geskiedskrywers soos Theal tot die irrelevante reduseer.

Jansen behoort hom in swart denke te verdiep

Prof. Jonathan Jansen se uitspraak dat die land op ‘n “rassevulkaan” sit, is juis in dié sin dat ras die grondslag van alle regeringsbeleid geword het. Ook Ferial Haffajee van City Press meen in Rapport: “Dit is ook vreemd dat mense wat voordeel getrek het uit apartheid – die grootste kwotastelsel van die 20ste eeu – nou so vreeslik daarteen gekant kan wees.”

Dus, apartheid wat blankes bevoordeel het, was boos. Maar apartheid wat swartes, bruines en Indiërs bevoordeel, is goed en daaroor moet ons nie kla nie. As Jansen praat van woede onder die wit jeug, bedoel hy ook eintlik dat ons jongmense nie onderdanig genoeg is om hul tweedeklasburgerskap te aanvaar nie.

Te midde van die gereelde propaganda-uitsendings van die SAUK-TV was daar Sondagaand insgelyks ‘n ellelange uitsending oor die swart rassesolidariteit van die tagtigerjare toe die Afro-Amerikaners die VSA se buitelandse beleid jeens Suid-Afrika met behulp van betogings en druk deur die media verander het. Ondanks president Ronald Reagan se veto, is sanksies teen Suid-Afrika gewettig.

Pleks van sy nuutgevonde insigte oor “die wit jeug se woede” aan ons te kommunikeer, behoort prof. Jansen hom eerder te verdiep in sy eie swart denke, oftewel die swart beweging van die afgelope honderd jaar, sedert W.E.B. Dubois in Amerika op die toneel verskyn het. By gebrek aan ‘n kulturele en talige nasionalisme van die Europese of Afrikanertipe, verlaat swartmense hulle op rassenasionalisme.

Ek het al hoeveel keer in politieke vergaderings van die ANC en hul geesgenote gesit waar die begrip “nie-rassigheid” as ‘n sinoniem vir “onder swart oorheersing” gebruik word.

Afrikaners het geen invloed op honderd jaar se swart denke in Afrika, Amerika, die Karibbiese eilande en elders nie. Transformase, rassekwotas en sistemiese anti-wit diskriminasie is die logiese uitvloeisel van daardie filosofie.

Al wat vir ons oorbly is, hetsy emigrasie, hetsy ‘n eie grondgebied of volkstaat wat nie aan die “nuwe, goeie apartheid” onderworpe sal wees nie. Plaas- en huisaanvalle dring insgelyks daardie keuse aan ons op.

Dus aan me Haffajee wil ek sê: Ons aanvaar julle goeie apartheid, gee ons net die tuisland wat ons toekom.

Hierdie rubriek verskyn ook vandag in ‘n verkorte weergawe in Beeld.

Ratte en ander van ‘dwelmhandel en diefstal’ aangekla

Oud-kmdt. Willem Ratte en nege ander wat verlede Donderdag in hegtenis geneem is, is aanvanklik sonder verhoor aangehou. Die staat het sy vroeëre bewerings van terreur en die besit van onwettige wapens, geheel en al laat vaar en vandag is die gevangenes van is dwelmhandel en diefstal aangekla.

Ratte en sy mede-aangehoudenes is ook vandag vanaf die polisiestasie na die tronk in Witbank oorgeplaas, wat die indruk skep dat hulle nie gou vrygelaat of borgtog sal ontvang nie.

Die dringende aansoek om Ratte vry te laat is deur ‘n swart regter in die Pretoriase Hooggeregshof geweier en die regter het aanvanklik beslis dat die oud-soldaat vir nog ‘n week aangehou mag word, ‘n beslissing wat teen artikel 35 van die SA grondwet indruis wat bepaal dat niemand meer as 48 uur aangehou mag word sonder dat klagtes teen hom of haar aanhangig gemaak word nie.

Vriende van die aangehoudenes beweer dat hulle sonder kos en wat of toiletgeriewe gelaat is. Ratte het ook tans mediese sorg nodig wat aan hom geweier word.

‘n Regskenner wat anoniem wou bly, het aan Praag gesê: “Die gemak waarmee ernstige klagtes soos terrorisme en die besit van onwettige wapens nou in diefstal en dwelmhandel omgeskakel word, toon dat die staat regtig rondtas om ‘n klag teen Ratte te vind, wat die indruk verhoog dat hy om ideologiese en propagandaredes gearresteer is.”

Die klag van dwelmhandel mag verband hou met ‘n sakkie dagga wat op die perseel in Balmoral deur ‘n student aan die sweisakademie gevind is. Volgens ‘n bron is dié vonds teenoor die polisie aangemeld, wat aanvanklik nie “veel belanggestel het nie”. Ná enkele dae verbygegaan het, het ‘n hele span polisie egter op die plaas opgedaag om Ratte en sy nege studente te arresteer.

Omdat Ratte ‘n rehabilitasieprogram vir hawelose jeugdiges en vroeë skoolverlaters bedryf, is probleme met dagga of dwelms nie ongewoon nie, iets wat die staat blykbaar nou teen Ratte aanwend hoewel personeel van die sweisakademie eerste die vonds van ‘n sakkie dagga aan die polisie gekommunikeer het.

Van die “terreurwapens” waarop die polisie aanvanklik beslag gelê het, was windbukse en pangas wat deur enigeen besit mag word.

трансформері прайм Александр Фильчаков