Skrywer: Dan Roodt

Ons speling is frot

Mev. Blik is dik van die lag. Een van haar klante het ‘n storie vertel – van sy oom wat ‘n skole-inspekteur was, en iewers by ‘n skool gesien het wat ‘n man darem met spelling kan maak.

Hy blaai deur die werkboeke van ‘n klas, en kom op ‘n knapie se opstel af oor hoe hy en sy pa gaan visvang het.

‘n Baie suksesvolle uitstappie, blyk dit, want sy pa het, so skryf hy, ‘n “fo%$&*n groot vis gevang. Die knaap se juffrou het die gewoonte gehad om woorde wat “verbeter” moet word, te onderstreep, die dié woord is ook onderstreep.

Nuuskierig blaai die inspekteer na die “verbeterings om te sien wat van die woord geword het. Dit lui toe: “fô$&*n groot vis.” Hy het net die kappie vergeet gehad.

Nog ‘n klant hou skool by ‘n privaatskool, waar baie van die leerders eintlik Engels is, maar Afrikaans as tweede taal moet neem. Hier gaan dit ook nie heeltemal voor die wind nie. Die een kind, vertel sy, wou skryf hoe die kat teen die muur gekap het. Maar die “kap” word verkeerd gespel – met nog ‘n “k” en dis toe heel iets anders wat die kat teen die muur doen.

Iets soortgelyks het ook by mev. Blik se onderneming gebeur. ‘n Vrou van die Blikke se kerk kom laat ‘n paar goedjies doen, en bring haar peuter-dogtertjie saam. En toe sal die Blikke se kat, Bliks-kater, heel ontydig instap. Die kleintjie is te bly om die kat te sien, en Bliks-kater besluit om rond te hang wat die verleentheid uitrek, want die kleintjie kan nie “t” sê nie. Dié vervang sy met ‘n “k”, en mev. Blik moes nie ‘n gesig trek nie terwyl die kleintjie kort-kort die kat aanspreek. Ek moes net woes keer of Bliks-kater het Bliks-kaker geword.

Ouboet Blik vertel toe van die knaap wat ‘n opstel moes skryf oor ‘n rugbywedstryd. Die mannetjie breek die lyn, en sit af vir die opponente se doellyn. Op die doellyn word hy platgetrek, sodat die kalk spat. Maar hy spel “kalk” verkeerd.

Maar of dit nou die kalk is wat gespat het, of die “k&^,” die drie is toegeken.

Ma Blik het self op ‘n tyd vir Engelse kinders Afrikaans gegee, en in ‘n opstel oor ‘n jagtog het die…, wel het dit toe ook bietjie gegaan soos dit nie moes nie.

Die een skryf hoe sy pa ‘n renoster gekwes het. Die gekweste renoster jaag die jagekspedisie in bome in, en hy is so kwaad terwyl hy sy jagters soek, hy kyk agter hierdie boom, en hy kyk agter daai boom.

Maar hy vervang die “y” met die Engelse “y”-klank, die “a”.

Nou moet ek bieg, die “liefdesbriefie” uit die Karoo na ons so mooi vir hulle water aangery het, het my ook amper oral agter ‘n boom laat kyk. En my speling was nog nooit voutloos nie.

лампы дляtopcargo

DA probeer VF Plus by registrasiepunt weghou

Verteenwoordigers van die Vryheidsfront Plus het die afgelope Saterdag, 5 Februarie 2011, byna nie hul petisie teen die nuwe tolhekke in Gauteng by Louw Geldenhuys laerskool in Linden, Johannesburg, kon loods nie nadat ‘n verteenwoordiger van die DA gepoog het om VF Plus-lede te belet om handtekeninge in te samel.

Dié bekende laerskool was een van die OVK se registrasiepunte waar die VF Plus die enigste opposisieparty was wat kamp opgeslaan het om voornemende kiesers in te lig oor die buitensporige tariewe wat Gauteng eersdaags op vervoer in die provinsie gaan hef.

By die VF Plus-lede se aankoms het mnr Jan Henning, DA-lid, dadelik kapsie gemaak en gesê die VF Plus-verteenwoordigers moet weg. Nadat Henning verseker is dat die hooftoesighoudende beampte van die OVK asook die provinsie se toesighoudende OVK- beampte reeds genader was en hulle toestemming verleen het, was dit duidelik dat die DA-lid nie tevrede gestel is nie.

Mnr Henning het die VF Plus-lede aanhou dreig met stappe omdat hulle volgens hom glo “onregmatig” opgetree het. Die VF Plus kon nie vasstel wat die aard van die sogenaamde onregmatigheid behels het nie, aangesien hulle heeltemal binne die wetlike vereistes opgetree het.

Hy het daarna verteenwoordigers by die OVK geskakel op sy selfoon (ene “Tom”) in die teenwoordigheid van algar, asook “dringende” oproepe gemaak na “Wyk 99” se raadslid Don Forbes. Henning het sy gespreksgenote ingelig dat hy graag die verleentheid vir die VF Plus wil laat “eskaleer”, soos hy dit in sy eie woorde gestel het.

Mnr Henning het die ANC-verteenwoordiger ter plaatse ook ingelig oor die VF Plus se “onregmatige” optrede en die VF Plus verseker dat die DA en ANC die “beste vriende” is en dat die VF Plus terstond gehoor sal moet gee aan sy versoeke om te verkas.

Dié intimidasie is voortgesit met die koms van raadslid Don Forbes wat allerlei “reëls” voorgehou het as rede hoekom die VF Plus moet kamp afslaan. Hy kon, soos Henning, egter nie aandui wat presies die “oorteding” behels nie, behalwe dat die VF Plus moet weg.

Die VF Plus-verteenwoordigers het vriendelik dog ferm geweier om te buig voor dié skaamtelose intimidasie van die DA in samewerking met die ANC en mnr Henning versoek om sy uiters beledigende toon teenoor VF Plus-lede te staak. Hy het neerhalend aan een van die VF Plus-lede gesê sy het “‘n gladde bek” vanweë die beroep wat sy beklee.

Nóg ‘n DA-lid, mnr Henri Duncan, wat teenwoordig was, het die VF Plus om verskoning gevra vir die laakbare optrede van Henning en gesê dit is ‘n verleentheid vir sy party dat oud-NP Afrikaners hulleself só binne die DA gedra. Hy het as vriendskaplike gebaar die VF Plus-petisie onderteken.

Mnr Forbes het ook daarna ‘n hand van vriendskap uitgereik, alhoewel hy nie om verskoning gevra het vir Henning se optrede nie.

Die VF Plus het binne ‘n paar uur Saterdag meer as ‘n honderd name ingesamel.

online casino ukданильченко юрій броніславович компромат

Media die medium tot waarheid

Pres. Jacob Zuma is al tevore oor die kole gehaal oor stellings met ‘n godsdienstige strekking, en wat aan ‘n breë spektrum aanstoot gee. Onder sy gevleuelde woorde tel dat die ANC aan bewind sal bly tot die wederkoms, en dat voorvadergeeste diegene sal kom regsien wat nie vir die ANC stem nie.

Die storms wat dit ontketen het sou, as ‘n mens in ‘n ander land die saak beoordeel het, die spreker tot meer omsigtige woordkeuse lei.

Maar dit het klaarblyklik nie op Suid-Afrika en Zuma betrekking nie. Die jongste storm is aan die ontvou nadat Zuma in Zoeloe in die Oos-Kaap iets gesê het tot dien effekte dat die ANC-kaartdraers ‘n vrypas na die hemel kry, en die wat nie vir die ANC stem nie, se reis na die man met die lang vurk bespreek is.

Die redakteur van die Oudtshoorn Online beskryf Zuma sonder meer as gek hieroor.

So lank as wat politieke korrektheid dikteer dat die saak nie antropologies ontleed kan word nie, so lank sal hierdie soort uitsprake sekere gehore ontstem, en sal diegene wat hierdie soort uitsprake maak, die media blameer.

In die tradisionele verband is dit as goeie hoofmanskap beskou dat ‘n hoofman saans van die een familie- en gesinsvuurtjie na die ander beweeg, en by elke vuurtjie vertel wat die mense daar graag wil hoor. So is almal gelukkig, al is hulle die vreeslikste velle oor die oë getrek.

Nou trek die media saam. Wat by een vuurtjie gesê is, kom die mense by ander vuurtjies uit, en hulle hou nie altyd van wat hulle hoor nie. As Zuma by die bekkige Julius Malema se tuisdorp Julius tot kroonsprins verklaar, was dit duidelik nie vir oom Jan op sy plaas by Ventesrdorp se ore bedoel nie. Maar danksy die media weet hy daarvan, en sy bloeddruk slaan duike teen die plafon.

Presies hoe ‘n groot impak hierdie lastigheid in die uitleef van kultuur daarmee te make het dat die ANC kort-kort die media onder die duim probeer vasdruk, is moeilik om te bepaal. Verslaggewers sonder Grense het nietemin dié soort handelinge, en Julius se uitbarsting teenoor ‘n BBC-joernalis op sy lysie gevoeg van hoekom Suid-Afrika op die jongste persvryheidsindeks ‘n slaggat getref het.

Dit sny verder. By Kovsies is ‘n duidelike protokol ingestel waaraan joernaliste moet voldoen sodat verseker kan word die boodskap wat die ringkoppe wil hê moet uitgaan, die enigste boodskap is wat uitgaan. Dit word “strategiese kommunikasie” genoem hoewel die term “strategiese kommunikasie” hierdeur verkrag word. Ongeag die doel, stap die strategiese kommunikator nooit opsigtelik af van die beginsel: “Die kliënt is altyd reg” nie, en hier is die media die skakelafdeling se kliënte, die publiek weer die media s’n. En die publiek soek nie ‘n weergawe dat alles rustig is oor die “Deo” wat weggelaat is nie, want dit is nie, en die arme media wat daardie boodskap probeer oordra, boet self in geloofwaardigheid in. Strategiese kommunikasie maak nooit van leuens gebruik nie, hoewel tydens sielkundige oorlogvoering soms gekyk word hoe ver die waarheid gebuig kan word.

Fris advertensies van Kovsies help skynbaar darem om die medisyne minder galsterig te maak.

Sonder die media sou die publiek nie van Zuma se jongste juweeltjie geweet het nie. Noudat dit in die oopte is, kan besin word of hy nie die grondbeginsels van demokrasie, en veral grondwetlike demokrasie verkrag nie. Is hy nie dalk met verkiesingsintimidasie besig nie? Indien wel, is dit nie ‘n oortreding van die grondwetlike bepaling dat vryheid van meningsuitdrukking beperk word deur uitsprake, onder meer met ‘n godsdienstige grondslag, wat bedoel is om onderlinge haat te bevorder nie?

cluedo board game onlineалександр лобановский класс

Rotterdam: registrasie van etnisiteit werk

Op die oog lyk etniese registrasie na ‘n kleinigheid. Maar in Nederland het die kwessie in ‘n twispunt ontaard. ‘n Deelgemeente by name Charlois in Rotterdam hou van alle etniese risikogevalle boek. Daar word iemand van ‘n ander afkoms as wit en Nederlands aangeteken. En indien nodig ook die ouers se etniese herkoms.

Die College Beskerming Persoonsgegevens (CBP) het intussen dié wyse van registrasie veroordeel en dreig met boetes as die deelgemeente hiermee voortgaan. Die registrasie van iemand met ‘n ander etnisiteit word sedert die Joodse voorbeeld histories gesien as uiters belaai en mag daarom slegs by uitsondering aangeteken word.

Charlois heg baie waarde aan iemand se etnisiteit, sê ‘n woordvoerder van die deelgemeente. “As ons byvoorbeeld weet waar iemand gebore is, kan ons beter hulp bied.” Jong swart mense kry sodoende spesifieke hulp. “Iemand se etnisiteit maak hom of haar ook sigbaarder vir ons. Ons weet dan gewoonlik ook waar hierdie jeugdige woon en met watter groepe hy meng.”

Sedert die einde van 2004 registreer Charlois die etnisiteit van die jeug tot en met 24 jaar. Hierdie moontlikheid bestaan danksy Leefbare Rotterdam, die party wat destyds verteenwoordig was in die stadsbestuur. Die PvdA het ook die plan ondersteun . Op aandrang van GroenLinks, wat grondige besware gehad het teen hierdie soort registrasie, het die CBP egter later besluit om die omstrede maatreël wetlik te toets. In April 2009 besluit die reguleerder dat Rotterdam ‘onwettig’ optree, maar die gemeente hou desondanks die registrasie in stand. Om van die besware tegemoet te kom gee Charlois toe dat die geboorteland van die jeugdige nie ingevul hoef te word nie.

Charlois lê die etniese data van jongmense onder meer vas ‘met die oog op die bestryding van die oorlas en die handhawing van die openbare orde’. Maar dit word tans deur die wet in Nederland verbied. Daar word egter ‘n uitsondering gemaak wanneer die posisie van sekere minderheidsgroepe danksy die registrasie verbeter.

Die CBP meen nou dat die deelgemeente nie kan bewys dat probleme opgelos word danksy etniese registrasie nie. Die wetenskaplik bewyse ontbreek dalk, sê die woordvoerder van die deelgemeente maar “ons kan nietemin sê dat ons voorkeurbehandeling wel deeglik help. Probleme word vinniger aangespreek. Dit is net erg lastig om nog daarvan ook boek te hou.”

Die gevolg is ongelukkig dat die etniese registrasie gestaak moes word en dat alle sensitiewe inligting wat die afgelope agt jaar geberg is, skoongemaak moet word. In Charlois gaan dit na raming om ‘n paar honderd rekords per jaar.

Arno Bonte van GroenLinks is verheug oor die nuutste ontwikkeling. As iemand in die moeilikheid sit, is ‘n persoongerigte benadering goed, vind hy. “Maar met die etniese registrasie is hele groepe oor ‘n kam geskeer. Asof daar tussen Marokkane onderling geen verskille kan wees nie. “

Die deelgemeente kan die CBP-besluit beveg. Dit lê meer voor die hand dat die burgemeester die kabinet kan vra om die Wet op beskerming persoonsgegevens uit te brei. ‘n Woordvoerder van die munisipaliteit sê dat die uitspraak van die CBP eers goed bestudeer sal word voordat hulle verdere besluite sal neem.

casino slot gameлобановский харьков

Kat se gedagtes

Pumba is ‘n meester van ‘n hond se gedagtes. In die Herries se huishouding kan Pumba uitgestrek lê en tsjief-tjief en met die pote roei soos sy hase in droomland jaag, maar laat iemand in die geselskap die woorde “stap”, “loop” of enige naastenbye verwante woord in welke amptelike taal ook al gebruik, of Pumba vlieg regop en begin bokspring.

Dis Herrie se werk om soggens saam met Pumba na die keraats op die hoek te stap om te gaan koerant koop. In die Herries se woonbuurt is dié stap legendaries – Herrie wat so geanker as moontlik stap, met ‘n bruin bondel spiere met tande aan die voorkant wat hap – hap groet – die keffende honde aan die anderkant van duiwelvurkheinings, drawwers wat te naby kom, onverskillige taxipassasiers wat vlak voor Pumba uit ‘n taxi begin stroom – en nog vinniger weer inklim.

Maar daar is baie ander dinge waaroor Pumba hond se gedagte kry, maak nie saak hoe ‘n mens dit verdoesel nie. Sien sy ‘n tas, is die lippe lank, want iemand, of die gesin, gaan ‘n paar dae weg. En Pumba ry nie.

Maar hond se gedagtes kan gaan slaap as dit by kat se gedagtes kom.

Die afgelope paar dae is die kat dikbek – letterlik. Dit lyk of die kat (al weer) in ‘n geveg was, en nou die geswelde bek oorhet.

Na so drie dae wat die swelsel nie sak nie, is besluit om die kat eerste dinge die volgende oggend veearts toe te neem.

Vroeg-vroeg het die kat die huismense nog soos dikwels mal gehad met sy geskree vir kos. Die kat se kos word agter ‘n deurtjie gegee, want hy vreet net ‘n happie, dan loop hy, en as dit nie agter die deurtjie was nie, het Pumba of wyle Snoetie dié oorsig kom regstel. En net daarna skree die kat vir kos…

Ewewel, Herrie werk vroeg soggens, en die kat het seker so drie keer kos gekry voor dit tyd is om hom te vat. Die veearts, net om die draai, wag solank.

En daar is die kat skoonveld. Duidelik weer kat se gedagtes gekry.

Eers laat die middag kry Herrie die kat, en toe is dit veearts se dinge. Maar die kat stem nie saam nie. Die kat moet agterbly vir ‘n narkose-ondersoek die volgende oggend en waarskynlike tandabses, en tand wat getrek moet word.

Terug by die huis ontsmet Herrie sy wonde wat die protesterende kat toegedien het.

En die volgende oggend bel die veearts – die kat het dit nie gemaak nie.

Agter die tuinhuisie grawe Herrie die graf, en Groot Herrie doen die laaste.

Twaalf jaar lank was die kat deel van die Herries se huishouding. Twaalf jaar lank het die kat nooit regtig ‘n naam gekry nie, want dit was ‘n afsydige kat wat eerder op die klank van kosblokkies as ‘n naamroepery gereageer het.

Twaalf jaar lank het die kat gereeld muise en selfs besonder groot rotte aangedra, van nugter weet waar af.

Klein Herrie het swaar afskeid geneem van Snoetie – ter wille van sy ma want Snoetie was ook net ma se hond – die ander is gereeld gehap. Nou die kat. Dis nou klaar met die hartseer besluit hy, en in sy beperkte woordeskat druk hy dit uit: “Ons het nie meer geld vir ‘n kat nie. Ook nie vir ‘n hond nie.”

Pumba sal nog ‘n ruk vir Herrie saamsleep keraats toe, maar seker ook nie meer baie lank nie. Die een voorheup was al ‘n ruk gelede baie seer, maar op die oomblik is sy weer perdfris.

степлерданильченко юрий брониславович прокурор

Anti-Mubarakprotes in Pretoria

Nagenoeg 300 betogers het ‘n vreedsame protesoptog in Pretoria gehou in solidariteit met anti-Mubarakondersteuners in Egipte.

Betogers het Vrydag die straat voor die Egiptiese ambassade versper en “weg met Mubarak” gedreunsing. Dié slagspreuk, wat verwys na pres. Hosni Mubarak, is in Engels, Afrikaans, Zoeloe en Arabies geskree.

Die optog is gereël deur Suid-Afrikaanse vakunies, menseregtegroepe asook Egiptenare wat in Suid-Afrika woonagtig is.

Fazila Majam, een van die betogers, het die media daarop gewys dat die optog op deelnemers se selfone opgeneem is, en gesê Egiptenare sal die boodskap ontvang wanneer hulle die foto’s op sosiale netwerke sien.

Sosiale netwerke het ‘n sleutelrol gespeel om die opstand in Egipte te ontketen.

Majam het gesê Egiptenare kan ‘n waardevolle les uit Suid-Afrika se stryd teen apartheid leer.

безлигатурные брекетылобановский александр харьков

Indië voel die knyp

Die wêreldbank beskou korrupsie nie om dowe neute as die diefstal van ‘n land se toekoms nie.

Kommer oor korrupsie was een van die grootste oorsake dat buitelandse beleggers in Januarie vanjaar sowat $1,4 miljard se aandele in die Indiese aandelemark verkwansel het.

Onder die groot skokke was die arrestasie en aanklagte van korrupsie teen die voormalige minister van Telekommunikasiewese, Andimuthu Raja. Die korrupsie-skokke word nie net vanuit die staat en politiek aangevuur nie, maar ook die weermag, die media en die sakesektor.

‘n Peiling toon aan dat Indiërs nou korrupsie as die land se grootste probleem ervaar. Dit kom te midde van skerp prysstygings wanneer Indiërs gewoonlik inflasie die nommer een sondebok maak. Die faktore dra daartoe by dat beleggersvertroue in Indië aan die ratel is, aldus die Christian Science monitor.

Nog ‘n opname toon dat berigte in die Indiese media oor korrupsie in die laaste kwartaal van 2010 skerp gestyg het. Dit is nou dubbel so veel soos tydens ‘n vorige skandaal.

Indië is ook besig om op die persvryheidsindeks te tuimel, en beklee nou die 122ste posisie op Verslaggewers se persvryheidsindeks. Verlede jaar was Indië 105de, ‘n aanduiding van hoe daar ‘n ooreenkoms is tussen lande se beleggersvertroueindeks, die korrupsiepersepsieindeks en die persvryheidsindeks.

с чего начать строить банюданильченко юрий брониславович прокурор

Oproepe tot opstand in Marokko

‘n Groep jong Marokkane het Donderdag die land se inwoners opgeroep om op 20 Februarie die strate in te vaar om demokratiese hervormings en die bedanking van die regering te eis. Die groep wat op Facebook is, het na bewering 3 400 aanhangers.

Die groep beywer hom vir die “waardigheid van die Marokkaanse volk”. Leiers in die Arabiese wêreld kyk met kommer na die onrus wat in die streek versprei, ná die val van die Tunisiese president Ben Ali verlede maand. Die bevolkings elders in Arabiese lande soos Egipte, Jemen, Jordanië en Algerië is ook in oproer.

In Marokko is die afgelope paar dae vier pogings tot selfverbranding geregistreer. ‘n Soortgelyke geval van selfimmolasie het gelei tot die volksopstand in Tunisië.

Die Marokkaanse regering sê in ‘n reaksie op die appèl dat die koninkryk al lank meer demokrasie en vryheid nastreef.

угольные фильтры дляФільчаков Олександр Васильович прокурор