Dan Roodt, Author at praag.co.za

Zim-eienaar gee Afrikaner die skuld vir ‘slegs blankes’ e-pos

‘n Mpumalanga Lodge-eienaar het probeer om swart besoekers te paai nadat ‘n Johannesburgse swart vrou met teleurstelling moes verneem dat die eienaar haar bespreking sal kanselleer omdat sy swart is.

Siphokazi Nonyongo, wat by ‘n NGO in Johannesburg werk, het ‘n bespreking via die internet gemaak om volgende maand by die Leeukop Lodge en Karavaanpark in Witrivier, Mpumalanga, tuis te gaan. Maar Nonyongo het die skok van haar lewe gekry toe sy ‘n e-pos ontvang wat verklaar dat die lodge “slegs vir blankes” is.

Twee weke gelede het Nonyongo by die lodge navraag gedoen oor verblyf vir haar en drie vriende.

“Die eienaar se vrou, Gail, het vir my gesê ek moet na die webwerf gaan om ‘n bespreking te maak, en ek het dit gedoen.”

Maar ‘n geskokte Nonyongo het gesê sy het ‘n e-pos ontvang van die lodge die volgende dag, wat lees: “Jammer blankes alleen, volgens die eienaar Mark Spence”.

Sy het gesê die eienaars het uiteindelik gereageer en om verskoning gevra nadat sy ‘n plaaslike koerant genader het. Gister het Spence homself gedistansieer van die e-pos, en beweer dat ‘n ontevrede personeellid die gewraakte boodskap gestuur het.

Spence gee voor dat die werknemer ‘n “Afrikaanssprekende rassis” is en dat hy nie met die e-pos saamstem nie.

“Ek het hom gehuur om ons webwerf aan die gang te kry en ook om ons internet-besprekings te bestuur, want ek weet nie hoe om ‘n webwerf te bedryf nie.” Die man is glo intussen afgedank.

Spence het gesê hy is nie rassisties nie. “Ek kom van Zimbabwe en ek het op skool langs swart mense gesit, en ek sou nooit so iets doen nie.

“Ek is nie seker hoekom hy [die personeellid] so opgetree het nie, maar hy het ‘n probleem met swart mense, want die man is ‘n ou, wit Afrikaner wat in die weermag betrokke was gedurende die ou Suid-Afrikaanse regering. “

Die personeellid kon nie vir kommentaar bereik word nie.

Spence het gesê dat hy sedertdien om verskoning gevra het aan Nonyongo en het aangebied om haar gratis akkommodasie te gee.

Nonyongo het gesê sy kan nie die aanbod aanvaar nie, omdat sy nie Spence se weergawe van die gebeure glo nie.

Die kollega van Nonyongo, Yassi Tamdji, van New York, wat haar sou vergesel op die reis, was verstom deur die e-pos.

“Ek was verstom deur sulke blatante diskriminasie. Ek weet dat Suid-Afrika ‘n adolessente demokrasie is, maar die land het goeie vordering gemaak in die skepping van ‘n nie-rassistiese samelewing.” Sy het bygevoeg dat Suid-Afrika nog ‘n “lang pad het om te gaan”.

O Grond!

Die gronddebat het pas weer opgevlam en die vonke spat na alle kante. Maar soek hoe hard ek wil, ek kan net een praktiese voordeel daarin vind.

Daar is lonende maniere om ‘n mens self mee uit te put: Fietsry, touspring en draf, byvoorbeeld, bou spierkrag en stamina. Geslagsgemeenskap bevorder bloedsomloop.

Om met swartmense oor die eienaarskap en moontlike vervreemding van landbougrond te debatteer, het geen waarde nie. Dis ‘n gehap na skaduwees, ‘n poging om water met ‘n kantgordyn te skep.

Die nuutste rondte in dié rondomtaliegesprek het uitgebreek as naloop van Dr. Pieter Mulder se toespraak in die parlement waarin hy die blankes se aansprake op dele van die grondgebied in Suid-Afrika in die een afdeling verdedig het, en die swartes se eienaardige aandrang dat hulle histories die hele grondgebied beset het, in die ander afdeling bevraagteken het.

Heel onvermydelik en algeheel Pavloviaans het die opposisiepartye en die liberale media – met Naspers aan die spits – liters en liters se ink in dagblaaie, en gigagrepe data op die internet, begin kwyl. Mulder is ‘n rassis, het hulle gehyg sonder om dié rassisme uit te wys; Mulder kort ‘n geskiedenisles het hulle gekreun sonder om vir hom een aan te bied; Mulder se party het geen bestaansreg nie het hulle gefulmineer sonder om te bevestig wat dit is wat ‘n party die reg op bestaan in hierdie eienaardige demokrasie gee.

Mulder in repliek het openlik gefrons oor sy aanklaers se onvermoë om feite en logika eerder as emosie sentraal in die gesprek te plaas. Indien niks anders nie, het die bevolking darem ‘n sterk, selfversekerde stem in Mulder ontdek.

En tog is dit ‘n stem wat net in sy eie geledere, die Afrikanervolk, gehoor sal word. Vir die res – die ANC en hulle ondersteunersbasis, die hoofstroommedia en die liberale Afrikanerdom – is die gesprek afgehandel, nie deur die inhoud van Mulder se betoog nie, maar deur die blote feit dat hy oor grondsake wil praat. Vir die Bantoe en die liberalis is dit ‘n heilige aksioma dat swartmense vreedsaam in voorspoed oor die ganse Suid-Afrika gewoon het voordat die kil, inhalige blanke hulle uitoorlê en verdryf het. Om hieroor te wil praat is politieke kettery.

O, kyk, die liberaliste sal stry en sê dat hulle juis gereeld daarop aandring dat die verskeie kulture in hierdie land met mekaar sal praat. Oop gesprek is wat nodig is. ‘n Mens moet net verstaan wat “oop gesprek” in die verskuiwende leksikon van liberaaltaal beteken. ‘n Oop gesprek vir ‘n liberalis is ‘n geleentheid waartydens hy verduidelik hoekom hulle so deksels reg is en die ander skuifvoetend boete doen omdat hulle so verkeerd was. Vir ‘n uitruiling van gedagtes, opvattings en veral idees is daar nie ruimte in die linkse gesprekvoering nie.

Mulder dui aan dat die dryfveer vir sy toespraak juis was dat ons almal tot anderkant emosie kan vorder waar die saak uitgepluis kan word aan hand van betroubare geskiedkundige gegewens, redelikheid en logiese slotsomme. Ek vertrou dat hy nie regtig verwag dat dit sal gebeur nie en dat sy toespraak eerder ‘n gebaar is wat net nog ‘n formaliteit in die komende politieke herrangskikking kan aftik.

Die eenvoudige, onomstootbare waarheid is dat nie die ANC, die liberalis of die swart gemeenskap die minste in feite en statistieke belangstel nie. Hulle sien emosie nie as ‘n swakheid in die gesprek nie, maar eerder as die vertrekpunt, die reis en die eindstreep van die totale debat. Vergeet van die “30% grondgebied” wat teen “2014” aan swartmense oorhandig moet word. Hierdie is bloot getallesimbole om die momentum van hulle rewolusie mee te rig. En vergeet van die grondkwessie as iets wat oor blote grond gaan. Vir “grond” in die ANC se argument, lees “blanke plase.”

Die ANC stel nie belang in ‘n oplossing vir die grondvraagstuk nie. Sodra dit uitgeklaar is, verloor hulle hulle geldigheid in die oë van die mense wat hulle demokraties aan bewind hou. ‘n Rewolusionêre aktivisme-organisasies soos die ANC behou net hulle populistiese momentum deur uitspattige beloftes en die bereidwilligheid om ander mense namens hulle ondersteuners te beroof. Dit was na alles Robert Mugabe se laaste, wanhopige werp van die teerling gewees en het vir hom die tyd gekoop om ZANU-PF van ‘n gewaande demokratiese party te herontplooi as onderdrukkende diktatuur.

Die oomblik as die ANC sou aankondig dat die grondkwessie na hulle goedkeuring afgehandel is, verloor hulle geheel en al hulle aansien en geldigheid in die oë van die gierige swart massas. Die ANC se blote voortbestaan hang daarvan af dat hulle aan hulle verwerplike ideaal van grondonteieining sal vasklou. Sou hulle hulle verwronge interpretasie van die verlede laat vaar, gee hulle as party boedel oor. Hulle geldigheid lê nie in hulle voortreflikheid as regerende party of hulle rekord van prestasies nie. Hulle enigste aanspraak om die land te regeer is onlosmaaklik vasgekoek in die verlede en hulle presiese weergawe daarvan.

Die DA sal ook niks beter vaar nie. Vir hulle om ‘n lewensvatbare teenvoeter vir die ANC te wees, beteken noodwendig dit moet ‘n swart party word met ‘n swart bestuur en ‘n swart manier van dinge doen. En om enigsins volgelinge te werf, moet hulle grondhervorming – die finale aanslag op blanke plase – voorhou. As die simboliese 30%, volgens welke opmeting ook al, behaal word, sal hulle, ter wille van politieke oorlewing, onmiddellik begin betoog vir die oorblywende 70%. Die gronddebat sal ophou eers wanneer die hele land in puin en die samelewing onderworpe aan ekstreme hongersnood is.

Vir Mulder en die ANC om oor die grondgeskil te praat, is nutteloos. Dis soos vir ‘n blinde en ‘n dowe om ‘n rolprent te bespreek – nie een kan begryp wat die ander te sê het nie. Uit die debat kom daar dan uiteindelik een besef wat praktiese politieke waarde het: Die Afrikaner en die Bantoesprekende (soos Mulder hulle tereg genoem het) sal nooit gelyke oppervlakte vind waarop hulle ‘n werkbare saambestaan kan uitpraat nie. Die Afrikaner kan nie onderhandel as feite en logika nie die grondslag van die gesprek vorm nie en die ANC kan homself juis nie in terme daarvan uitdruk nie.

As enige iemand wil weet of hierdie twee kulture werklik onversoenbaar is, haal die gronddebat op.

Mulder het, in die oë van baie, uiteindelik sy politieke stem gevind en dit is ‘n welkome luide stem. Mag hy dit helder en driftig gebruik om die enigste oplossing vir die grondvraagstuk te verkondig. En daardie oplossing is ‘n federasie van state.

O, lei my na daardie Volkstaat!

Фильчаков

Taakspan aangestel om ‘doodsberigte’ te bestuur

Onophoudelike nuus oor Mandela se afsterwe het blykbaar die regering en sy buitelandse aanhangers tot inkeer gebring.

‘n Taakspan bestaande uit plaaslike en buitelandse media- en regeringsamptenare sal ingestel word om toekomstige nuusberigte oor oud-president Nelson Mandela se gesondheid te hanteer.

Regeringswoordvoerder Jimmy Manyi het gesê die besluit om die span te vorm, is geneem tydens ‘n vergadering tussen die media en verteenwoordigers van die regering Maandag.

“Die karakter van die vergadering was baie positief. Daar was ‘n samevloeiing en instemming betreffende die kommer oor die oud-president Nelson Mandela,” het hy in ‘n verklaring gesê.

“Alle partye het waardering uitgespreek vir die kommer oor Madiba se privaatheid en vir sensitiwiteit in die kommunikasie oor sy gesondheidstatus.”

Die taakspan sal bespreek hoe Mandela se moontlike hospitaalbesoeke in die toekoms bestuur moet word.

“Alle partye het weer onderneem om nie ‘n negatiewe impak op Madiba se waardigheid en sy familie se privaatheid te maak nie.”

Die presidensie het gesê Mandela is ontslaan uit ‘n onbekende hospitaal Sondag, nadat hy Saterdagoggend vir ‘n maagkwaal daar behandel is.

Minister van Verdediging, Lindiwe Sisulu het gesê daar is “niks verkeerd” met Mandela nie en dat hy ‘n laparoskopie ondergaan het.

Op 26 Januarie 2011, het ‘n gebrek aan inligting oor Mandela se toelating tot die Milpark-hospitaal in Johannesburg vir ‘n respiratoriese infeksie, verslae van sy dood op Twitter laat sirkuleer.

Dit het later na vore gekom dat daar ‘n “turfoorlog” woed oor wie die vloei van inligting oor Mandela se gesondheid moet hanteer.

Malema by Implats

ANC-jeugliga leier, Julius Malema, sal werkers by Impala Platinum (Implats) se myn naby Rustenburg Dinsdag toespreek, na aanleiding van ‘n vyf weke lange onwettige staking.

Jeugliga woordvoerder Floyd Shivambu het gesê Malema sal praat met die werkers by die Freedom Park-stadion oor die nasionalisering van myne en beter werksomstandighede.

Maandag het die National Union of Mineworkers (NUM), se sekretaris-generaal Frans Baleni gesê Implats was verantwoordelik vir die staking. Hy het gesê die unie se sentrale strukture is nie in kennis gestel dat Implats ‘n salarisaanpassing vir mynwerkers gaan implementeer nie.

Volgens berigte in Britse koerante, is die platinummynbedryf bekommerd dat hulle winste daal en hulle beoog glo om produksie te snoei om die pryse opwaarts te druk.

Implats se retensiebonus is blykbaar nie aan booroperateurs gebied nie, wat gelei het daartoe dat hulle van hulle werke afgestap het, en gevolg is deur duisende ander mynwerkers. Implats het 17 200 werkers afgedank nadat hulle geweier het om terug te gaan na hul werk.

Aanvanklik het Implats gesê dat die afgedankte werkers weer kan aansoek doen vir hul poste, maar sou enige voordele wat hulle voorheen gehad het, verloor. Vrydag het die NUM en Implats ooreengekom dat werkers met hul vorige voordele ongeskonde kan terugkeer. Hulle sal nie betaal word vir die dae wat hulle nie gewerk het nie.

Werkers het tot 15:00 Woensdag om terug te keer na Implats, of hulle sal nie heraansgestel word nie. Die maatskappy het gesê hulle sal slegs 15 000 werkers terugneem, en laat 2 200 werklose myners gaan.

Drie mense is dood tydens die staking.

Student dood na geweld op kampus

‘n Twintigjarige student is Maandag dood nadat geweld by die Walter Sisulu Universiteit in Mthatha op die kampus uitgebreek het, het die polisie in die Oos-Kaap gesê.

“Hy was op die dak van ‘n kampusgebou saam met talle ander studente,” het lt. kol. Mzukisi Fatyela gesê.

“Sommige van hulle het klippe na die polisie gegooi.”

Die student het blykbaar op ‘n plastiek-daklig getrap wat meegee het en deur die opening geval.

Dertien ander studente is in hegtenis geneem vir openbare geweld.

“Hulle het paaie afgesper met vullisdromme, ystergrendels en ander dinge,” het Fatyela gesê.

“Hulle is uiters gewelddadig. Hulle het eiendom beskadig, bande en vraestelle verbrand en klippe na die polisie en ander mense gegooi.”

Fatyela het gesê polisievoertuie is beskadig, maar geen beserings is aangemeld nie.

Die polisie het rubberkoeëls op die skare afgevuur om hulle uitmekaar te probeer jaag.

Ongeveer 1 000 studente betoog sedert 06:00 op die Nelson Mandela Rylaan-kampus, het hy gesê.

Fatyela het gesê die studente eis dat hulle deurgesit word, al het hulle hul toetse gedruip. Die skare het om 15.40 begin verdaag.

‘Rassehaat kan tot Obama-moord lei’

In ‘n vurige lesing aan duisende volgelinge van die Nasie van Islam Sondag in Chicago, het pastoor Louis Farrakhan gewaarsku dat rassehaat kan lei tot pogings om president Barack Obama te vermoor.

Farrakhan het heelwat van sy toegespreek gewy aan wat hy as Satan se invloed oor die rassistiese kragte in die politiek en die samelewing beskryf het, voordat hy ‘n skerp retoriese vraag gevra het: “Dink julle hulle is sleg genoeg om ons broer se moord te beplan, soos ons hier praat?”

Farrakhan het sy toespraak voor ‘n entoesiastiese skare van aanhangers gelewer by die Nasie van Islam se jaarlikse vieringe van Reddersdag, wat die geboorte van die geloof se stigter, W. Fard Mohammed herdenk. Vanjaar se gebeure was die 82ste jaar van die godsdiens se bestaan in Noord-Amerika.

Met sy wysvinger in die lug bokant hom en sy stem dikwels verhef tot ‘n verontwaardigde gegil, het Farrakhan, 78, sy boodskap aan ‘n skare van mans in donker pakke met strikdasse en vroue in glinsterende wit togas en serpe oorgedra.

Hy het vir meer as drie uur oor ‘n wye verskeidenheid onderwerpe gepraat, van die Amerikaanse buitelandse beleid, wat daarop dui dat 9/11 ‘n regeringsbeplande verskoning vir die oorlog in die Midde-Ooste was, onlangse uiterste weerstoestande en ‘n aanval op moeders wat hul kinders kos uit McDonald’s voer. Hy het ook herhaaldelik teruggekeer na ‘n onderwerp wat intense polemiek in die verlede veroorsaak het: Die invloed van Jode in die politiek en die media.

Farrakhan het ‘n onderskeid tussen die edele Jode en volgelinge van “die sinagoge van die Satan,” getref en verwys na ‘n onlangse voorval waarin die uitgewer van ‘n Joodse tydskrif voorgestel het dat Israeliese veiligheidsmagte Israel kan help bewaar deur Obama te vermoor. Hy het Israel se beleid aangeval, asook vermeende Joodse invloed in die VSA.

“Die Joodse volk was nie die oorsprong van Hollywood nie, maar hulle het dit oorgeneem,” het hy gesê, en die vermaaklikheidsbedryf vir die land se losse sedes verkwalik.

Hy het gewaarsku teen enige moontlike militêre optrede in Iran. Die skare het hom luid toegejuig toe hy voorgestel het dat hulle as “gewetensbeswaardes” weier om deel te neem aan ‘n oorlog teen Iran.

Hy het weer die moord van die Libiese leier Moeammar Gadaffi veroordeel. Farrakhan was vriende met die afgestorwe diktator, en die Nasie van Islam se hoofkantoor is 40 jaar gelede met ‘n $3 miljoen-lening van Gadaffi gekoop.

Farrakhan het ook voorgestel dat Osama bin Laden vermoor is deur die Amerikaanse magte, in plaas van om hom vir ondervraging aan te hou, want die regering was nie in staat gewees het om al hulle aantygings teen hom te bewys nie.

“Amerika is op haar sterfbed het die lewensaanduidings van Amerika is nie goed nie,” het hy gesê.

Ter afsluiting van sy toespraak, het Farrakhan ‘n paar minute geneem om Obama se politieke situasie met dié van Abraham Lincoln te vergelyk, wat na ‘n tweede termyn vermoor is, en voorgestel dat ‘n moordkomplot teen Obama deur ‘n persoon onderneem sal word wat die skuld vir ‘n wyer sameswering sal verdoesel.

“Ek glo hulle wil ‘n Moslem kry om president Obama te vermoor,” het hy gesê.

Kommandokorps ontken rassisme

Die Kommandokorps het Maandag ontken dat die groep se paramilitêre kampe jeugdiges teen swart mense geïndoktrineer het.

“Geen uitsprake van haatspraak word ooit gemaak nie. Kadette word geleer om hul eie taal, kultuur, tradisies, godsdiens en ras lief te hê. Dit is in die grondwet,” het Franz Jooste, uitvoerende direkteur van die groep, Maandag in ‘n verklaring gesê.

Die verklaring kom ná ‘n berig in die Mail & Guardian oor ‘n nege dae lange kursus wat deur jong seuns tussen die ouderdomme van 13 en 19 bygewoon word.

Tydens die kamp word die seuns oor rasseverskille ingelig. Daar word onder andere beweer dat swart mense ‘n kleiner serebrale korteks as wit mense het en daarom nie ininsiatief kan neem nie en ook nie na behore kan regeer nie.

Die seuns is ook aangesê om ‘n Suid-Afrikaanse vlag as ‘n deurmat te gebruik.

Een van die seuns wat deur M&G genader is, het gesê hy het twee swart vriende gehad. Teen die einde van die kursus was die seun nie seker of hulle meer vriende kan wees nie, lui die berig.

Een seun is deur sy enkelmoeder gestuur sodat hy meer tyd om mans kan spandeer. Nog een wil in staat wees om sy gesin te beskerm en ‘n ander het gehoop dat dit sy “verfballoopbaan” kan verbeter.

Jooste sê alhoewel kulturele verskille tydens die opleiding beklemtoon word, word dit gedoen “met die doel dat hierdie verskille oor ‘n breë spektrum verstaan word.”

In die Kommandokorps se nuutste video word die kadette ontmoedig om ander rasse te haat, het Jooste gesê.

Sy kursus is soortgelyk aan talle infanteriekursusse regoor die wêreld en hy het bygevoeg dat hy ‘n brief het waarin die polisie sy kursus goedgekeur het.

Dit sluit in, volgens die verslag, die dra van weermaguniform, stewels en om houtbalke rond te dra.

Jooste het ook uitgevaar teenoor AfriForum se kritiek teen die Kommandokorps. Hy sê die burgerregtegroep het nog nie veel gedoen om plaasmoorde te verhoed nie.

“AfriForum moet by SY werk bly en die Kommandokorps sal by SY werk bly,” het Jooste gesê.

Kallie Kriel, hoofbeampte van AfriForum, sê die behandeling van jeugdiges was “immoreel” en “onverskoonbaar”.

Die Menseregtekommissie sê hy sal M&G se berig bespreek voordat hy enige uitspraak lewer, het Vincent Moaga, ‘n woordvoerder vir die MRK, gesê.

топкарго

‘Jeugliga-verbod het regses losgelaat’

Die verbod op ‘n “radikale stem” binne die ANC het die vertroue van regse leiers wat glo dat swart mense geen aandeel in die land het nie, versterk, het die ANC-jeugleier Julius Malema gesê.

“Hulle sê dat Suid-Afrika nie aan ons behoort nie en hulle sê so omdat hulle weet dat die radikale stem van die African National Congress verbode is,” het Malema aan ‘n skare by die liga se eeufeesbyeenkoms in Kliptown in Soweto Sondag gesê.

“Hulle het begin met die liedjies en ons het gedink hulle speel, Hulle het ons vertel ons kan nie die bevrydingliedjies sing nie, want hulle het stadig vertroue gewen.”

Op 12 September, is Malema skuldig bevind aan haatspraak vir die sing van “dubul ‘ibhunu” (“skiet die Boere”), in die Hooggeregshof in Johannesburg nadat die Afrikaner burgerregte-groep AfriForum Jeug beweer het dat wit boere kwesbaar voel vanweë die liedjie.

Met verwysing na onlangse kommentaar deur die Vryheidsfront Plus-leier, Pieter Mulder, het Malema gesê: “Ons word nou deur ‘n regse, die leier van ‘n rassistiese organisasie, vertel ons hoort nie in hierdie land nie, dit is nie ons land nie.”

Mulder, wat ook die adjunk-minister van landbou, bosbou en visserye is, het onlangs gesê daar is voldoende bewyse dat daar geen Bantoe-sprekende mense in die Wes-Kaap en Noord-Wes-Kaap, wat 40 persent van Suid-Afrika se grond verteenwoordig, was nie.

Hy het gereageer op argumente dat wit mense kwansuis grond “gesteel” het.

Malema het die ANC-leierskap daarvan beskuldig dat hulle wegskram daarvan om Mulder in sy plek te sit. Dit was ten spyte daarvan dat president Jacob Zuma en die ANC-sekretaris-generaal, Gwede Mantashe, vroeër in die week gesê het dat Mulder “probeer om die geskiedenis te herskryf”.

“Ons leierskap het in plaas van om hom deeglik op sy plek te sit, hom vermy … Hy kan nie vermy word nie,” het Malema gesê onder dawerende toejuiging van ondersteuners wat versamel het in die versengende hitte.

Hy het gewaarsku dat indien die leierskap van die ANC nie bereid is om die grond te verdedig nie, dan sal die “ekonomiese vryheidsvegters” dit verdedig.

“Ons sal nooit Madiba teleurstel (oud-president Nelson Mandela) nie… Ons sal nooit uitverkoop [sell out] waarin hy geglo het nie,” het Malema gesê.

“Dit is ons land en ons ken die geskiedenis van hierdie land. Ons weet die setlaars het ‘n swart volksmoord gepleeg, dat hulle swartes vermoor het terwyl hulle hierdie grondgryp gepleeg het.

“Hulle het grondeienaars in slawe van hierdie grond verander en vandag het hulle die moed om ons te vertel dit is nie ons grond nie na die moord op ons grootouers, nadat hulle dit van ons gesteel het.”

In ‘n onderhoud met die Sunday Independent, het Mulder gesê tegnies, kan niemand aanspraak maak op grond in Suid-Afrika nie.

“Ons het ‘n ingewikkelde stelsel. Niemand kan sê dit is my land in die geheel nie,” het hy gesê, en bygevoeg dat sy argument deur die geskiedenis gestaaf word.

Malema het gesê die ANC se stigting in 1912, het alle swartes saamgesnoer en hulle het ‘n “gemeenskaplike vyand” geïdentifiseer.

“Die vyand is die persoon wat die grond gesteel het. Ons hoort hier. Ons hoef nie die goedkeuring van die setlaars te vra nie.”

Malema, wat vroeër as ‘n hoofbevelvoerder van ekonomiese vryheid voorgestel is, was saam op die verhoog met ander Jeugligaleiers – insluitende sy adjunk Ronald Lamola, algemene sekretaris Sindiso Magaqa, liga-woordvoerder Floyd Shivambu en Gauteng ANC-voorsitter, Lebohang Maile.

Hulle wag steeds op die uitslag van die argumente ter versagting en verswaring van hul skorsings, wat wissel van 18 maande tot vyf jaar.

Moedertaalonderrig die enigste oplossing

Die Molteno-instituut vir taal en geletterdheid het weer ‘n beroep op die regering gedoen om die politieke wil – en geld – vir moedertaalonderrig in Suid-Afrika te bewillig. Die uitvoerende hoof Masennya Dikotla sê hierdie is die enigste manier om kinders te help leer en beter te presteer.

Dit kom nadat die Suid-Afrikaanse Instituut vir Rasseverhoudinge (SAIRR) die dalende status vir Afrika-tale in die onderwys bevestig het. Die verslag toon dat 92% van die leerlinge deur matriek, in Engels of Afrikaans leer, ten spyte van die feit dat dit nie hul huistaal is nie. Dit is ‘n faktor wat Dikotla meen ‘n groot deel van die rede is waarom Suid-Afrika so swak presteer in skole.

“As die medium van onderrig nie die taal is wat by die huis gepraat word nie, veral wanneer die ouers ongeletterd is, hoop leerprobleme op en kanse vir uitvalle word groter,” sê Dikotla. “Daar is ook genoeg navorsing wat toon dat die studente vinniger leer om te lees en ander akademiese vaardighede bekom wanneer hulle eerste in hul moedertaal geleer het.”

“As ons nie ons Afrikatale ontwikkel nie, ten spyte van hierdie dwingende redes om dit te doen, dan stel ons nie belang in die opvoeding van ons kinders nie.” As die vorige politieke bedeling hierdie doelwit kon bereik met Afrikaans deur geld en politieke ondersteuning, is daar geen rede hoekom dit nie bereik kan word met Afrika-tale nie, het Dikotla bygevoeg.

Hy sê Afrika-tale is agter Engels en Afrikaans in terme van die nodige hulpbronne soos literatuur en handboeke, asook onderwysers wat vaardig is. Suid-Afrika het egter die tersiêre instellings en akademici wat beskikbaar is die situasie om te keer, maar hang nou van die politieke wil en finansiële steun af.

Nog ‘n rede hoekom Dikotla glo dis so moeilik vir die samelewing om te aanvaar dat kinders beter leer deur hul moedertaal is dat baie beleidmakers glo dat die gebruik van net één amptelike taal, soos Engels, die beste manier is vir alle burgers om te kan kommunikeer met mekaar, om die land te verenig en wêreldwye ekonomiese deelname te verseker.

“Niks kan verder van die waarheid wees nie!” sê Dikotla. “Bo en behalwe die taalbeleid, sal eenheid net soveel afhang van ekonomiese vooruitgang, regverdige verdeling van rykdom, geregtigheid, ‘n responsiewe politieke stelsel en gelyke toegang tot die fasiliteite wat deur die Staat voorsien word.”

Net so, sê hy het ‘n paar ouers en kinders gekies vir die gebruik van ‘n vreemde medium van onderrig uit onkunde oor die vele voordele huistaalonderrig, wat sosiale identifikasie met ‘n mens se gemeenskap insluit.

“Moedertaalonderrig is die enigste oplossing vir van die probleme wat ons in die gesig staar in die onderwys in hierdie land,” het hy afgesluit. “Enigeen wat dink dat hierdie roete te duur of nie die moeite werd gaan wees nie, moet onkunde probeer veins.”

Senegal se Wade klou

Amptenare in Senegal het Maandag stemme begin tel, terwyl inwoners op hul selfoonradio’s ingeluister het hoe die uitslae stadig inkom.

Senegal se regerende president, Abdoulaye Wade, wat sy ampstermyn wil verleng, is uitgejou toe hy sy kruisie by ‘n stemlokaal getrek het.

Die 85-jarige Wade se besluit om homself weer verkiesbaar te stel, het die lewe van ses mense geëis en vir ‘n maand van oproer gesorg.

Nie een van die 13 opposisiekandidate kon as voorloper uit die stryd tree nie.

Die voormalige premier Macky Sall se kamp het vroeër gesê hy en Wade blaas in mekaar se nek.

Jean-Paul Dias, ‘n woordvoerder, het gesê Wade het tussen 34% en 36% van die stemme gekry, terwyl Sall tussen 32% en 34% van die stemme kon kry.

“Die tweede ronde kan dus dalk tussen Abdoulaye Wade en Macky Sall wees.”