Lt-kol Lungelo Dlamini het gesê River Road en Malibongweweg in die gebied is gesluit.
“Die betogers het ook twee vragmotors gestop en hul sleutels weggeneem,” het hy gesê. Dit veroorsaak dat groot vroeë-oggendse verkeersknope in dié area.
Swart plakkerskampe omring die wit woongebiede en deurgangsroetes word maklik afgesper.
Duitse ondernemings in Suid-Afrika sien die politieke situasie in die land steeds as volhoudend swak of in ‘n verdere staat van verswakking en afname. Die algemene siening oor die ekonomie is ietwat beter as twee jaar tevore, maar ook steeds negatief.
Dit blyk uit die jongste verslag oor ‘n gereelde opname van Duitse maatskappye in die land se beoordeling van die politieke en ekonomiese klimaat wat deur die Duitse kamer van handel en nywerheid gedoen word. Die opname is weliswaar twee jaar gelede in 2010 gedoen en aan die begin van verlede jaar hersien, maar die verslag daaroor is pas vrygestel.
Aansienlike aandag word in die verslag gegee aan die impak van die Wêreldbekertoernooi van 2010 wat in Suid-Afrika aangebied is en oor die algemeen is die siening dat die suksesvolle afhandeling daarvan die land se aansien internasionaal aansienlik verhoog het, maar twee-derdes van die maatskappye het berig dat hulle weinig voordeel daaruit getrek het.
Die algemene indeks van sieninge was in 2010 heelwat beter en meer positief as met die vorige opname in 2008, maar daardie jaar se opname het ‘n uiters negatiewe beeld van politieke en ekonomiese persepsies geopenbaar en ondanks die verbetering in die jongste opname is die algemene indeks steeds laer as die hoogtepunt wat dit in 2004 bereik het.
Fyner ontledings oor spesifieke kwessies toon soms ‘n uiters negatiewe prentjie. So was 80% van die respondente pessismisties of baie pessismisties oor korrupsie, 77% het groot kommer gehad oor die bedrewenheid en vermoë van die staatsdiens, 66% was negatief oor vertroue in politieke leiers en 60% het weer kommer aangedui oor veranderlike arbeidsregulasies en -wette.
Sowat 90% het opbrengs op hul beleggings as positief gesien en sowat 80% was ook so positief oor die vlak van mededingendheid in die ekonomie. Maar ‘n baie hoë persentasie is steeds baie negatief oor vakbonde se optrede en produktiwiteit van hul arbeidsmag en kommer het aansienlik toegeneem oor die beskikbaarheid en betroubaarheid van bekostigbare elektrisiteit.
Daar is egter groter vertroue in bestaande maatreëls om fondse na die buiteland oor te plaas en blykbaar ook groter verwagtinge dat aansporings vir beleggers sal verbeter.
Ontleding van die syfers dui ook daarop dat daar nie ‘n beduidende toename was in die maatskappye se beleggings in Suid-Afrika nie – selfs gemeet teenoor die swak tydperk in 2006. Insgelyks het indiensnemings nie beduidend gestyg nie.
Die Duitse maatskappye is ook grotendeels van mening dat ‘n afname in die ekonomiese groeikoers, ‘n daling in die waarde van die Rand teenoor ander geldeenhede en stygende olie- en elektrisiteitspryse ‘n aansienlike nadelige uitwerking op hul ondernemings gaan hê en hulle maan dat drastiese wysigings in wette oor die onteiening van grond en eiendom ‘n baie nadelige uitwerking op toekomstige beleggings in die land kan meebring.
Seker een van die veelseggendste bevindings in die verslag is dat verreweg die meerderheid ondernemings van mening is dat swart ekonomiese bemagtiging ‘n duur oefening is met weinig voordele vir die sakegemeenskap en selfs die potensiaal het om hulle te dwing om hul ondernemings te sluit en pad te gee.
Altesaam 98 maatskappye het terugvoer gegee en hulle verteenwoordig sowat 80% van die werknemers van Duitse maatskappye in die land. Die getal respondente is meer as in die vorige opname, maar heelwat minder as die 168 van so tien jaar gelede. Uit hierdie syfers moet afgelei word dat die getal Duitse ondernemings wat in Suid-Afrika bedrywig is, in daardie tydperk afgeneem het, maar presiese syfers is nie aangegee nie.
Die jeug van Ratanda dra openlik wapens en tuisgemaakte petrolbomme. Selfs linkse joernaliste beïndruk hulle nie en ‘n wit verslaggewer, Greg Nicolson, is Dinsdag deur mense gewaarsku dat hy doodgemaak sal word. Dis ‘n turfoorlog in die lokasie en die inwoners het nie-rassigheid vaarwel geroep en kleurblindheid afgesê.
‘n Wit motoris is deur Nicolson van ‘n gewisse dood gered nadat sy motor se bande gebars het toe hy moes uitswaai en gebots het onder ‘n klippereën. ‘n Woedende swart skare het op hom toegesak. Nicolson het die geskokte man na veiligheid gelei.
Die mense protesteer as gevolg van die elektrisiteitspryse, en dis al, sê ‘n lid van die Ratanda Community Forum (RCF). Die totale opportunistiese chaos, openlike anti-wit klimaat en xenofobie wat heers, pla die forumlid min.
Die “regmatige griewe” gaan hulle blykbaar in rookseine aan die owerhede oordra want hulle dreig om al wat ‘n regeringsgebou is af te brand.
Dit is ongehinderde plundering en beskadiging van eiendom net soos in die dae van die struggle, ‘n hele twintig jaar na die einde van apartheid. Die jeugbendes wat nou die strate ingevaar het, was toe nog nie gebore nie.
Die griewe van destyds en die griewe van nou spreek boekdele. Voorheen was dit ‘n bepaalde stel ideologiese misdrywe wat swart inwoners na “geoorloofde” geweld gedryf het. Vandag is dit werklike kwessies, danksy ‘n vervallende swart staat. Die sondebokke bly steeds, vreemd genoeg, wit.
Die jeugdige betogers het beloof om alles af te brand totdat hulle deur die burgemeester Lerato Maloka toegespreek word… of comrade Jacob Zuma. Die burgemeester steur haar nie aan sulke nonsens nie. Sy het nog nooit haar gesig gewys in haar gemeenskap nie en sy gaan beslis nie nou nie.
Me Maloka het kennelik ‘n geleentheid laat verbygaan om apartheid vir dit alles te verkwalik, maar bygesê, dis deesdae die DA se voorliefde met uitsprake soos die “misdaad van Bantoe-onderwys”.
Dis geen wonder dat die mense van Kimberley en masse opgedaag het vir Malema en so entoesiasties geraak het nie. Hy daag ten minste, soos die grootste opposisieparty, op.
Die SAPD het bevestig dat 80 mense Maandag en Dinsdag in hegtenis geneem is vir aanklagte wat wissel van openbare geweld, opsetlike skade aan eiendom, diefstal en brandstigting. Hulle het bevestig dat twee raadslede se huise afgebrand is, saam met die biblioteek en twee sale.
Munisipale kantore is ook in puin gelê terwyl ooggetuies sê ander geboue is eweneens aan die brand gesteek.
Daar was verslae van grootskaalse plundery van winkels wat deur buitelanders besit word. Hulle kan dit maar op hulle magies skryf, die arme buitelanders, want daaroor gaan geen regerings- of opposisieparty ‘n woord rep nie. Hulle is nie so dom om kiesers te gaan staan en vervreem nie.
‘n Gemeenskapskliniek is Dinsdag leeggemaak en munisipale kantore afgebrand. Inwoners het gesê Woensdagaand het betogers probeer om die polisiestasie oor te neem.
Dis nie meer ‘n struggle nie, dis oorlog.
Waarom is Florida se skietvoorval nasionale nuus? Waarom het daar duisende artikels reeds verskyn, vir die laaste vier dae nou al, oor ‘n enkele skietery?
Byna al die nuusberigte oor George Zimmerman en Trayvon Martin bevat ‘n kombinasie van valse bewerings, menings wat aangebied word as feite, ooglopende verdraaiings, en ‘n volledige afwesigheid van sommige van die mees relevante besonderhede.
Dit is hoe nuus uit die VSA lyk as dit ‘n “witte” is wat die sneller getrek het en die dood van ‘n “onskuldige swart slagoffer” veroorsaak het. Dit lyk soos Suid-Afrika se gedrukte nuusaanslag.
Hier in Suid-Afrika het ene Rebecca Davis nie teleurgestel nie en ‘n verleentheid van ‘n prul aan haar gemengde gehoor opgedis.
Byna al die nuusitems word slegs uit een invalshoek geskryf. Die media verkies ou babafoto’s van Trayvon. Niemand weet dat hy oor die ses voet in ou taal in sy sokkies gestaan het nie. Of dat sy “moordenaar” George Zimmerman nie wit is nie, uit selfverdediging opgetree het en eintlik bruin is.
Is die media regtig besig om die nuus te rapporteer, of is hierdie ‘n klassieke propaganda-oefening om ‘n politieke agenda te bevorder? Wel, president Obama het dadelik ‘n geleentheid raakgesien en gesê as “hy ‘n seun gehad het sou hy soos Trayvon gelyk het” en dat “sielsondersoek” behoort plaas te vind.
Letterlik duisende artikels bevat ten minste ‘n valse verklaring in die eerste paar reëls: “George Zimmerman, ‘n wit man” of “deur ‘n wit man geskiet.”
Zimmerman is bruin. Maar, die media wil ‘n wit man hê, want dit pas beter in die politieke verhaal wat hulle probeer skep. Baie nuusberigte het ook beweer die omgewing is “meestal wit.”. Die omgewing is eintlik nie-blank.
Op 16 Maart het die Sanford se polisiedepartement nuwe besonderhede aan die Orlando Sentinel-koerant vrygestel. Weereens is hierdie amptelike weergawe deur die owerhede geïgnoreer of verander deur die media.
‘n Getuie beweer dat George Zimmerman op die grond was, en Trayvon bo-op hom, besig om hom te slaan.
Die getuie sê George Zimmerman het aanhoudend geskree vir hulp.
Zimmerman het volgens die polisie bloeding op sy gesig en die agterkant van sy kop gehad. Hy het ook grasvlekke op sy rug gehad het. Dit bevestig die storie vertel deur Zimmerman én die getuie.
Polisie speel die 911-oproep vir Trayvon Martin se pa, wat die polisie vertel dat die stem wat om hulp roep nie die stem van sy seun is nie.
Nie een van die duisende artikels en nuussegmente het gedink dit is belangrik om te noem hoe misdadigheid in die buurt oor die algemeen toegeneem het nie.
Trayvon is volgens die media ‘n “rolmodel”. Hy was vir vyf dae geskors uit sy skool toe die skietery plaasgevind het. ‘n Prokureur vir Trayvon se familie het intussen toegang tot sy skoolrekords geblokkeer om te keer dat die rede vir sy skorsing rugbaar raak.
Ons weet nou dat die 24-jarige Jonatha Carr oor Trayvon Martin se geval ‘n gewelddadige uitbarsting tydens ‘n evolusie-klas by die Universiteit van Florida Atlantic gehad het.
Zimmerman is nie aangekla vir die tiener se dood nie en Carr noem dit ‘n uiterste onreg.
Trouens Carr was heeltemal buite beheer in haar evolusieklas Dinsdagoggend, het op haar professor gevloek, mede-studente geslaan, en moes uitgesleep word uit die klas deur veiligheidspersoneel.
Rebecca Davis en haar soort “joernaliste” kan trots wees op Carr.
Nee, die ding staan so: Die Afrikaners is gered. Toetentaal. Heeltemal. 100%. En julle sal nie raai deur wie nie. Skoppensboer het ook byna in sy koffie verstik toe hy van die man met ‘n plan verneem. Nie eens Siener het so vêr gesien nie.
Dis Frikkie homself. Ja, ek belowe! Njannies! Troes Bob! Die einste opperdopperpankop van verraaiersfaam, oorgawe, wigte-teenwigte, demokrasie en daar-sal-‘n-tweede-referendum-wees. Daai Frikkie.
Hy hét sy adjudante wat hom getrou bystaan in sy dapper reddingspoging. Maar daaroor later. Ek weet lesers brand om van die geheime meesterplan uit Potjiesdorp te verneem.
Dit lyk so: Ten eerste het die knape hulle slagspreuk by die HNP gaan leen, naamlik dat die hele Suid-Afrika aan hulle behoort. Die swartes gaan by ons eie universiteit van die Noorde inskakel om dit te laat realiseer. In Afrikaans, hoor. OK, bygesê, dit sal nuwe Afrikaans wees, sonder die moeilike ou grammatika en taalreëls. Maar darem.
Die gedagte is ‘n tweede US, ‘n Stellenbosch in Tshwane. Skoppensboer dink dit gaan presies weer soos die Taliban van die suide werk: Baie vryheid van spraak, baie vryheid van assosiasie en geen dwang hoegenaamd nie. Oopkop, met wye konsultasie, heeltemal in die geheim sonder sprake van ‘n demokratiese proses. Baie broederlik.
Vir die twyfelaars, en gelukkig is daar net 700, is daar Orania. As jy wit en Verwoerd wil wees, dan is dit jou heimat. Daar gaan so min aan, nie eers die swartes stel belang daarin nie. Maar vir Frikkie se manne is Orania ‘n belangrike argument om te beset. Let wel, net die argument, nie die plek nie.
Daarmee kan hulle hul ewige verbintenis tot Die Volkstaat heeltemal kosteloos verklaar. Dis die Afrikaner se eie Witoewer, amper soos die Wesoewer in Palestina, sonder die bomme. Skadeloos en baie bruikbaar.
Ek meen, waar gaan die vakansiegangers tussen Transvaal en die Kaap oornag as hulle nie tolgeld wil uitgee op die bankrot pensioenfondse nie? En dis so lekker stil daar. Regtig doodstil.
Nee, Gariepie, niemand gaan karring met vrae oor hoe honderdeduisende verstedelikte Afrikaners nie daarheen sal trek nie en ons redders gaan dit ook nie aanmoedig nie. Hulle beheer mos spraakvryheid in die gedrukte media, of het julle vergeet?
Dis waar Frikkie se helpers help. Daar is Schollie by die media en Flippie wat werkers bystaan om die trauma van regstellende aksie beter te verwerk, teen vergoeding natuurlik. Ek meen, nie almal het ‘n paar miljoen gekry vir die oorgawe wat tot bloedvergieting en voortslepende geweld gelei het nie. Baie Afrikaners is nog bang hulle verloor hulle werk. Fear is good business, sê die wat weet.
Gelukkig gaan Malema ook saam sleg voel oor wit ellende. Hy het belowe toe hy sy nuusmakerprys by die media, Schollie se base, gaan haal het. Dis darem ‘n troos.
Schollie gaan seker maak dat sy Taliban-preke inslag vind. Hy staan reg met sy “regse” verfkwas om algar met sy slym by te dam wat nie wil inval by die meesterplan nie. Schollie is hoeka so ywerig soos ‘n bostrol, die ombudsman moes al vir ‘n vale keer dat hy nie heeltemal oorboord gaan nie.
Moenie probeer kla oor moorde en misdaad en menseregtevergrype wat Joseph Kony na ‘n non laat lyk nie. Werk saam aan jou ondergang en doen dit blymoedig. Die Potjiesdorpers sal sorg dat jy jou laaste woorde in Afrikaans, jou huistaal, prewel en hulle oorweeg tolkdienste vir die wat nog sukkel om “die you white bitch” te verstaan.
En Flippie? Dís nou ‘n kleurryke mens. Vreeslik slim. Ontsettend eintlik. Hy het per geleentheid vir Skoppensboer self vertel hy moes ‘n glasoog kry nadat hy ‘n siende een verloor het deur Frikkie se toedoen. Die kêrel is erg ingestel op vergifnis, want deesdae is hy en Frikkie die beste van dik vriende.
Dis nou as Flippie nie aan ‘n ander gehoor vertel dat hy sy oog in ‘n motorongeluk verloor het nie. Sy geheue lol soms, lyk dit, al is hy so begaafd.
‘n Kennis van Skoppensboer vertel dat hy Flippie se kennis op ‘n keer wou toets. Hy vertel toe vir ons intellektuele reus van ‘n boek wat hy gelees het en hy suig net daar ‘n klomp beesekskrement uit sy duim. En weliswaar gaan herhaal Flippie die vier fiktiewe hoofstukke net so voor ‘n ander gehoor, sonder om te blik of bloos. Slim, want sy baas sal hom nooit vang nie. Dié rook mos, blykbaar ander ook, vir ‘n lewe.
Nee, ek weet daar is nou van julle maaifoedies wat gaan sê daardie rubrieke van Flippie in Rapport is so dom soos grond en elke keer dieselfde 200 woorde in ‘n ander volgorde met geen verwysingsraamwerk nie nes Frikkie se befaamde boek. A, nee a! Dis gewone jaloesie mense. Wie van julle kan ‘n boek wat nie eens bestaan nie se vier hoofstukke onthou en herhaal asof hy dit self geraadpleeg het?
Ons eenoogleier se vergewensgesindheid is pragtig! Om te dink ‘n man trap jou oog uit by Codesa en jy aanbid hom agterna. Dis mos regtig vreeslik mooi. Wie sal dit durf waag om te sê ‘in die land van die blindes’?
Die buiteland gaan oorweldig wees met daardie hope kennis van ons span. En dan is daar sowaar die beswaardes wat dink ‘n gesofistikeerde gehoor sal regdeur sulke ongekunstelde vrypostigheid sien tot in Potjiesdorp se longdrop.
Behalwe vir Flippie en Schollie, is Jannie ook doenig met sy teksverse ter aanmoediging van Frikkie se Stigting se persverklarings in nuwe Afrikaans. Dis nou as hy nie in ‘n beswyming raak oor die dominatrieks met die mansstem wat kort-kort haar bobene vir die swartes flits nie. Dis spanwerk uit die boonste rakke.
Om te dink die Stellenbossers het altyd heerlik gelag vir die dommerds daar in Potjiesdorp met hulle skynheilige maniertjies en bedenklike standaard. Dis ‘n hoërskool, het diesulkes gespot. Daar kom nooit enige navorsing uit nie, was die hoonlag.
Vir al julle beterweters, net dit: Julle het nie ‘n geheime meesterplan nie!
“Jy moet nooit die storie koop dat ons anti-wit is en ons wil blankes in die see dryf nie. Dit is jou huis, jou land en dit behoort aan ons almal,” het hy gesê.
“Ek sal sterf in die verdediging van die wit minderheid – hulle moet dieselfde regte as swartes geniet. Maar wanneer ons sê dat ons moet deel, beteken dit nie ons moet baklei nie – ons beskerm julle eintlik,” het hy gesê.
Malema was vol lof vir die rol wat deur die Openbare Beskermer Thuli Madonsela in die handhawing van demokrasie speel, en sê sy is die “Charlotte Maxeke en Winnie Mandela van hierdie land”.
“Dit maak nie saak of sy sommige van ons ondersoek nie. In die geheime vergaderings as haar integriteit aangeval word, is ons die eerstes om haar te verdedig,” het Malema gesê.
Malema het aan adv. Thuli Madonsela, Openbare Beskermer, gesê hy gaan binnekort ‘n klag na haar kantoor bring. “Die misbruik van staatsmag – dit lyk asof ons terug is in die jare voor Polokwane waar diegene in magsposisies staatsinstellings misbruik om faksie-politiek te bevorder.”
Hy het verwys na Madonsela as “ons moeder en ‘n vreeslose vrou van ons demokrasie”.
Malema het vroeër ‘n uitnodiging, om die toekenning te aanvaar, van die hand gewys en gesê hy het nie die belangrikheid daarvan verstaan nie.
“Jy kan nie eer ontvang vir die feit dat jy revolusionêr is nie. Daar is geen toekennings in ‘n rewolusie nie, dit maak nie saak wie sê wat nie,” het Malema gesê.
Hy het gesê die besluit om die uitnodiging te aanvaar is geneem nadat hy in kennis gestel is oor die moontlike dood van die jeugliga.
Malema het ‘n dwarsklap na die New Age-koerant gegee oor “die faksiepolitiek van die ANC”.
“Vir seker weet jy daar is sommige onlangse koerante na die Polokwane-konferensie, wat kante kies en hulle is nie skaam nie.
En die New Age maak so … behoort aan ‘n faksie en individue wat hul faksie-agendas bevorder, “het Malema gesê.
“Die ANC Jeugliga is nie anti-media nie, ons sal veg vir die beskerming en die onafhanklikheid van die media sonder vrees of guns,” het hy gesê, onder ‘n koor van applous en gelag van die gehoor.
Hy het daarop aangedring dat hy nooit sy standpunt oor die onteiening van grond sonder vergoeding sal verander nie”, en sê die ANC moet die beginsel aanvaar.
“Ek sal nooit my idees verander nie, dit maak nie saak wie wat sê nie. Die land is geroof, gesteel. ‘n Swart volksmoord is gepleeg teen diegene wat die land besit het … Ek sal nooit saamstem met die beloning van diegene wat ons land gesteel het nie.”
Die beleërde jeugleier was apologeties en het jammer gesê aan diegene wat aanstoot geneem het as hy sy “revolusionêre mandaat” uitgevoer het.
“Ek weet dat daar ‘n warm oomblikke tussen onsself en joernaliste was en alles wat ons oor julle gesê het, dit was niks persoonlik nie … ons almal doen ons werk,” het hy gesê.
“Ek wil sê jammer aan alle Suid-Afrikaners wat ek het te na gekom het, ek het nie dit doelbewus gedoen nie. Ek het aan die BBC-joernalis [John Fisher] om verskoning gevra, en ek wil graag hier weer om verskoning vra.”
Kaptein Pelonomi Makau het gesê die ses was na bewering deel van ‘n groep mense wat protes teen swak dienslewering en die korrupte amptenare van die stamowerheid gehou het.
Hulle het gesê daar is wanadministrasie by die stamowerheid na die dood van hul hoof, Leema Ntuane. Hulle is ook kwaad vir die stamowerheid nadat hulle nie enige terugvoer van die regering gehad het oor wanneer ‘n nuwe hoof aangestel sal word nie.
Die ses sal Maandag in Mogwase se landdroshof verskyn.
“Cosatu eis dat die Suid-Afrikaanse regering hierdie gedienstigheid aan Amerikaanse imperialiste staak en die enigste beleid wat in die beste belang van hierdie land en die ontwikkelende wêreld is, nastreef,” sê uniewoordvoerder Patrick Craven.
Craven het gesê die sanksies word kwansuis “geregverdig deur onbewese bewerings deur die VSA en ‘n paar Europese lande dat olie-inkomste gebruik kan word om kernwapens te ontwikkel.”
Iran dring daarop aan dat sy uraanverrykingsproses vir suiwer burgerlike doeleindes gedoen word. Die sanksies het op 28 Junie ingeskop en lande wat nie daaraan voldoen nie, sal hulle toegang tot die Amerikaanse bankstelsel afgesny sien.
Donderdag het die adjunk-minister van buitelandse sake, Ebrahim Ebrahim ‘n gemors van ‘n aankondiging gemaak dat Suid-Afrika se olie-invoere verminder word in ooreenstemming met die VSA se sanksies teen Iran.
Terwyl Suid-Afrika ten minste 25% van sy ru-olie van Iran invoer, het Ebrahim aangekondig dat die invoere gering is. “[Na my wete], vloei geen Iranse olie na ons land nie. As daar is, is dit baie min,” het die Business Day hom aangehaal.
Die departement van internasionale betrekkinge en samewerking se woordvoerder Clayson Monyela het later bevestig dat SA meer as ‘n kwart van sy ru-olie vanaf Iran invoer.
Craven het gesê Cosatu is bekommerd dat Suid-Afrika se departement van energie in gesprek met die VSA en ander olie verskaffers getree het om “opsies te ondersoek” oor Iranse ru-olie-invoere en hoe om te reageer op die sanksies sodat invoere na die land nie ontwrig word nie.
Hierdie week het die Openbare Beskermer Thuli Madonsela aangekondig dat sy bewerings dat Kgalema Motlanthe se lewensmaat deel was van ‘n poging om ‘n omkoopbedrag te aanvaar namens Suid-Afrika om die VN se wapensanksies teen Iran te omseil, sal ondersoek.
Dit was ’n tipiese sonskyndag in Wellington, Nieu-Seeland… wat beteken dit het meeste van die tyd gereën en vir die res was dit triestig en windverwaai. Die Nieu-Seelandse boulers het op hulle kenmerkende sprankelende manier geboul – met ander woorde hulle was lusteloos, planloos en vir die ganse dag paaltjieloos. Hulle werk, soos hulle dit blykbaar verstaan, is nie om paaltjies te neem nie maar om balle te boul. Die plan, as daar ’n plan was, was om te wag dat die kolwers ’n fout sal maak en ’n paaltjie Nieu-Seeland se kant toe sou gooi. Hulle het nie lank gewag nie – daar was maar 37 boulbeurte in die dag geboul – maar hulle het te vergeefs gewag. Die Proteas se twee Kleurlingkolwers, Alviro Petersen en JP Duminy, het moeitelose, dramalose krieket gespeel. Petersen, wat sekerlik genoeg gedoen het om nou in die span te bly, het 96 nie-uit-nie lopies van 224 balle gekry en Duminy was op 76. Een hele dag is reeds verlore, maar as die Proteas hulle eerstebeurttelling kan verdubbel, het hulle waarskynlik genoeg brisant in die arsenaal om die Kiwi’s twee keer uit te boul.
Die DA-leier Helen Zille het president Jacob Zuma daarvan beskuldig dat hy “Bantoe-onderwys” steun deur “politiese gedienstigheid” aan die vakbond Sadou, ‘n filiaal van die ANC-bondgenoot Cosatu.
Haar “beswaar” oor Bantoe-onderwys was weer ‘n bedekte aanval op haar mees getroue ondersteuners, naamlik oningeligte Afrikaners.
Zille het nie verduidelik hoe Bantoe-onderwys en stakings verband hou nie. Onder Afrikanerbewind was daar geen onderwysstakings nie. Die Black Sash, waarvan Zille deel was, het egter die ontwrigting waarmee swart onderwys steeds worstel in die tagtigerjare sterk aangemoedig.
Zille het haar oordrewe kommentaar op Menseregtedag gelewer in Port Elizabeth ter bevordering van “gelykheid”. Die DA probeer naarstiglik swart stemme werf met oproepe om gelykheid.
Zille het gesê: “Die optrede van Sadou oor die afgelope twee jaar is niks kort van ‘n nasionale skande nie. Dit verdien afkeuring van elke leier van elke party. Om te sien dat president Zuma so onverskillig dank aan Sadou betuig in sy landstoespraak, was politieke opportunisme in sy ergste vorm.
“Die president het die potensiaal en toekomstige vooruitsigte van elke Suid-Afrikaanse leerder vir ‘n paar ekstra stemme in Mangaung uitverkoop.
“En hy het daardeur gehelp om die misdaad van ongelyke Bantoe-onderwys in stand te hou.”
‘n Regeringswoordvoerder het Zille daarop gewys dat Zuma nie melding gemaak het van Sadou in sy 2012-landstoespraak nie.
Die president het alle vakbonde geprys wat sorg dat leerkragte in die klas is, betyds opdaag en hulle werk doen, het hy gesê.
