Dan Roodt, Author at praag.co.za

Kan Afrikatale universiteitstale word?

Kan die Afrikatale wat in die Suid-Afrikaanse grondwet as amptelike tale erken word, ontwikkel tot volwaardige universiteitstale?

Dr. Pieter Mulder, VF Plus-leier het nalv die Hoëronderwysbegrotingsdebat in die Parlement op 24 April 2012 sy gedagtes oor die kwessie gestel:

Dit word nie betwis dat ons kinders vlot Engels moet kan praat nie aangesien dit ‘n internasionale taal is.

Maar ek stem saam met die agbare minister (Hoër Onderwys en opleiding) toe hy in ‘n toespraak (verlede jaar) sy teleurstelling uitgespreek het met die stadige vordering met die “ontwikkeling van Afrika-tale as tale van onderrig” by die land se universiteite.

In sy toespraak het hy voorstelle gemaak oor hoe om inheemse Afrika-tale in tale van onderrig in hoër onderwys te ontwikkel.

Die minister en ek het reeds baie gesprekke oor taal en onderwys gevoer. Hy weet hoe sterk ek persoonlik oor hierdie sake voel en dat die VF Plus hierdie uitsprake van hom ondersteun.

Prof Adama Samassekou van Mali, het as president van die Afrika Akademie van tale gesê: “…dit is onaanvaarbaar dat Afrika die enigste vasteland is waar kinders nie in hul moedertaal onderrig word nie.” Duitsers leer in Duits, Japanners leer in Japanees, Chinese in Chinees maar die mense van Afrika in ‘n vreemde taal.

Die vraag is: Kan die Afrikatale wat in die Suid-Afrikaanse grondwet as amptelike tale erken word, ontwikkel tot volwaardige universiteitstale?

Aan die begin van die vorige eeu is Afrikaans afgemaak as ‘n kombuistaal wat nooit tot ‘n volwaardige akademiese taal sal kan ontwikkel nie. Binne ‘n paar dekades is Afrikaans ontwikkel tot ‘n universiteitstaal. (Daar is meer as 450 vakwoordeboeke en terminologielyste asook ‘n gerekaniseerde taaldatabank en speltoetsers in Afrikaans ontwikkel.) As die wil daar is, kan enige taal tot op hierdie vlak ontwikkel word – ook isiZulu en Sesotho. Hebreeus was vir 2000 jaar ‘n dooie historiese taal. Omdat die wil daar was, is Hebreeus in die twintigste eeu tot ‘n moderne taal vernuwe waarin vandag rekenaars gebou en gevorderde navorsing gedoen word. Afrikaans is saam met Hindi, Maleis en Hebreeus die enigste tale wat hulle self in die 20 ste eeu van kombuis tot universiteit ontwikkel het. Ek glo as die wil daar is, kan van die Suid-Afrikaanse Afrikatale dieselfde doen in die 21ste eeu.

Baie goeie werk word tans by sommige Suid-Afrikaanse Universiteite in hierdie verband gedoen. Ek dink aan die goeie werk wat iemand soos Professor LZM (Zamokwakhe) Khumalo vir die ontwikkeling van isiZulu by die Universiteit van Zululand gedoen het. As ek reg is he was the first person to do his PhD in the medium of IsiZulu.

Ek is ook bewus van die goeie werk wat by die Noordwes Universiteit gedoen word waar reeds elektroniese speltoetsers vir onder andere isiZulu, Setswana en isiXhosa ontwikkel is.

My vraag is, wat word gedoen om hierdie Universiteite aan te moedig om hiermee voort te gaan en so ander Suid-Afrikaanse tale, naas Engels, te bevorder. Verskeie Universiteite bied hulle klasse in meer as een taal aan of maak gebruik van gelyktydige vertaaldienste. As die minister ernstig is met sy droom om ander Suid-Afrikaanse tale tot op universiteitsvlakte ontwikkel, moet hy en sy departement maatreëls te tref om hierdie universiteite aan te moedig om hiermee voort te gaan. (Dit is al manier hoe die minister se droom van die ontwikkeling van ander Suid-Afrikaanse tale gaan realiseer.) Die beste manier sal wees om die finansieringsformule waarmee die staat universiteite finansier aan te pas ten einde hierdie universiteite ekstra te vergoed vir die ekstra uitgawes wat hulle aangaan om veeltaligheid te bevorder. Ek wil die minister en sy departement vra of hulle bereid is om so ‘n ondersoek te doen na die aanpassing van die finansieringsformule?

Transnetpensioene, infrastruktuur en e-tolopstand

Die regering se infrastruktuurplanne, spesifiek met verwysing na die opgradering van die spoorstelsel vir beide passasiers en vragvervoer kan ‘n verbetering wees as dit sonder enige korrupsie, diskriminasie en ander vermorsing van belastingbetalers se geld sal geskied. Daar is egter twee probleme wat die minister sal moet aanspreek:

Ten eerste: Die publiek en besighede vind spoorvervoer steeds te duur. Indien geen aansporingsmaatreëls geskep gaan word om vervoergewoontes te verander nie, gaan die uitgawes wat aangegaan word om die spoortstelsel op te gradeer en nuwe uitbreidings te bou, vrugtelose uitgawes wees. Hoe gaan die minister hierdie bekommernisse aanspreek?

Ten tweede: Hoewel ons toekomsgeoriënteerd moet wees in ons beleid en aksies, moet ons nooit die bydraes wat deur die vorige generasies gemaak is met die opbou van instellings soos Transnet, vergeet nie. Tog is dit presies wat die regering doen deur die nood van pensioenarisse van die twee Transnet Pensioenfondse, naamlik die Tweede Vaste Voordeel Fonds en die Transport Pensioenfonds, wat steeds slegs ‘n 2% verhoging per jaar ontvang, te ignoreer.

PRASA sal blykbaar enige suksesvolle vervaardiger wat ‘n spoorvervoer-tender ontvang, dwing om ‘n SEB-vennoot aan boord te bring. As dit die geval is, waarom kan Transnet en PRASA nie ook alle suksesvolle bieërs van alle tenders dwing om ‘n maatskaplike beleggingsbydrae tot die Transnet-pensioenfondse te maak nie sodat pensionarisse onmiddellik verhogings kan ontvang wat gelykstaande is aan die inflasiekoers? Dit sal nog ‘n duur hofgeding waarin die regering betrek word, voorkom.

Die Vryheidsfront Plus ondersteun só ‘n benadering tot die ekonomiese kwessies van Suid-Afrika, sê Anton Alberts. Dit beteken die regterhand moet weet wat die linkerhand doen. Dit blyk egter nie die geval te wees wanneer dit by die Gautengse tolhek-saga kom nie, sê hy.

Aan die een kant spandeer die regering geld aan openbare infrastruktuur-opgradering en -skepping ten einde die ekonomie te laat groei. Die minister van handel en nywerheid skep heelwat programme om industrialisering en werkskepping aan te moedig. Aan die ander kant besluit die regering om, teen alle goeie advies in, voort te gaan met die aanskakel van die e-tolstelsel in Gauteng.

Hierdie tolstelsel is volgens adv. Alberts in essensie niks meer as ‘n kanker wat deur die regering in die Suid-Afrikaanse ekonomie geïnduseer is nie. Elkeen in hierdie land, met die uitsondering van SANRAL en die regering, stem saam oor die negatiewe effekte van hierdie kanker wanneer dit geaktiveer sal word. Die ontplooiing van hierdie sage is soos om ‘n vreeslike ongeluk in ‘n vertraagde rolprent te aanskou.

Ons almal weet dat wanneer ‘n belasting eers ingestel is, skrap regerings dit nie. Hulle verhoog net die tariewe. Volgens Alberts is hierdie immorele belasting onder die dekmantel van ‘n tolfooi die saad van ontevredenheid wat gesaai is vir ‘n populistiese opstand in hierdie land, soos daar sedert 1994 nog nooit was nie.

E-tol en Brittanje se grypsug

Die Minister van Finansies, Pravin Gordhan, is gevra om lig te werp op ‘n ongewaarborgde lening van die Suid-Afrikaanse Nasionale Padagentskap wat deur staatspensionarisse besit word.

Die voorsitter van die staande komitee oor finansies, Thaba Mufamadi, is versoek om Gordhan te ontbied sodat hy die die komitee oor die status van die skuld kan inlig.

Vyf persent van staatsamptenare se pensioenfonds-aandele is glo deel van SANRAL se aandele. Slegs die helfte van die 15 miljard randse aandele het ‘n regeringswaarborg.

Die vertraging met die e-tolstelsel wat deur die publiek se oorweldigende weerstand veroorsaak is, het dié stap genoodsaak sê die DA.

Ontleders meen die e-tolbelasting is ook ‘n manier van die Britse regering om hul militêre doelwitte in Irak en Afghanistan te finansier op die rug van Suid-Afrikaanse belastingbetalers.

Die Britte maak reeds gebruik van wit Suid-Afrikaanse huursoldate in verskeie oorlogsteaters om die aantal sterftes van hul eie troepe asook die politieke risiko tuis te beperk.

Volgens ‘n invloedryke Amerikaanse strategiese analis, George Friedman van Stratfor, is Brittanje se buitensporige militêre avonture die enigste manier waarop hulle hul invloed in die wêreld kan laat geld omdat hul verhoudinge met voormalige kolonies nie meer winsgewend is nie.

Daar is ook kenners wat meen dat Brittanje se aandeel in die oorname van die ANC in 1994 ‘n manier was om hul grypsug in Suid-Afrika aan te help.

Фільчаков прокурор

Twee liberale joernaliste kry pak slae

Daar is woede in Norfolk, Virginia, in die VSA, nadat ‘n wit egpaar aangeval is deur dosyne swart tieners, en die plaaslike koerant nie verslag oor die voorval gedoen het nie. Vir twee weke lank was dit absoluut stilgehou, ten spyte daarvan dat die slagoffers self verslaggewers is.

Selfs vandag nog, dek die Virginia-Pilot nie die misdaad as nuus nie, maar het ‘n opiniestuk deur rubriekskrywer Michelle Washington in die plek daarvan geplaas.

Golf na golf van jong swartes het beurte gemaak om die twee slagoffers uit hul motor te probeer trek, te slaan en te skop.

Die slagoffer se vriend, ‘n jong vrou, het probeer om hom terug te trek in sy motor. Aanvallers het haar aan haar hare getrek, haar kop geslaan en oog beseer. Sy het 911 geskakel en eers die derde keer deurgekom. Sy kon slegs histeries die kruising waar dit besig was om plaas te vind uitskree oor die foon.

Dit het vier blokke van waar hulle werk, by die Virginia-Pilot, gebeur.

Twee weke het verloop sedert verslaggewers Dave Forster en Marjon Rostami wat by die koerant werk op ‘n Saterdagaand aangeval is terwyl hulle huis toe gery het van ‘n vertoning by die Attucks Teater. Hulle het by ‘n rooilig gestop, en ‘n skare van minstens 100 jong swartes op die sypaadjie sien verbyloop. Rostami het haar motordeur toegesluit. Iemand het ‘n klip deur haar venster gegooi. Forster het uitgeklim om die klipgooier te konfronteer en toe begin die poppe dans.

Minstens 30 mense het aan die aanval deelgeneem, maar die polisiebeamptes wou nie enige swartes arresteer nie. Die beampte het gesê: “Omdat hulle waarskynlik jeugdiges in elk geval is. Wat gaan ons doen? Vind hul ouers en vertel hulle?” Nie enige getuies se name is geneem nie.

Die beampte het gesê daar is openbare behuising in die gebied en die groot groepe tieners loop rond en soek skoor oor die naweke. “Dit is wat hulle doen,” het hy aan Forster gesê.

Kan gewelddadige bendes van swart tieners so alledaags in Norfolk wees dat die polisie en slagoffers geen verhaal het om te vertel nie?

Kongo loof SA-boere

“Binne ‘n baie kort tydjie het die Suid-Afrikaanse boere in die Republiek van die Kongo reeds indruk op die president van die Kongo en die minister van Landbou gemaak,” sê dr. Pieter Mulder, leier van die VF Plus en adjunkminister van Landbou, Bosbou en Visserye.

Dr. Mulder het tydens sy besoek verlede week aan die Kongo gesprekke gevoer met die president van die Kongo, mnr. Denis Sassou Nguesso, asook met die minister van Landbou, mnr. Rigobert Maboundou. Die gesprekke het onder andere gehandel oor die posisie en toekoms van die Suid-Afrikaanse boere in die Kongo. Albei leiers het met groot lof gepraat van wat die Suid-Afrikaanse boere binne enkele maande reeds in die Kongo reggekry het.

Die boere het hulle gevestig op ‘n staatsplaas van 85 000 ha in die Niari-vallei. Binne enkele maande het die boere 1 200 ha ontbos en met mielies beplant. Hulle het die waterpompe en pype na die grond herstel met die gevolg dat die plaaslike bevolking nou ook kraanwater het. Waar die plaaslike bakker maar enkele brode ‘n week verkoop het, bak hy nou 200 brode per dag as gevolg van die nuwe werkgeleenthede en geld vir die plaaslike gemeenskap. Die Kongolese minister van Landbou het ‘n video van die boere se suksesse gemaak ten einde dit aan die president te vertoon. Die projek is ook as ‘n presidensiële projek verklaar.

Dit is met gemengde gevoelens dat ‘n mens luister na die waardering wat die plaaslike politici vir die Suid-Afrikaanse boere se kundigheid en hardwerkendheid het. Eers wanneer leiers en die bevolking van Suid-Afrika die waarde van hierdie boere begin besef, sal ons die Suid-Afrikaanse verlies aan sulke boere en aan landboukundigheid kan omdraai, volgens dr. Mulder.

Vryheidsdag, na 18 jaar

Dit is moontlik om in Suid-Afrika ruimte te skep vir al sy gemeenskappe en om in vrede en harmonie te leef, maar dan moet regstelling reggestel word en die voortdurende verandering van name met ‘n afsnypunt gestop word.

‘n Kind wat 27 April 1994 gebore is, is vandag 18 jaar oud en stemgeregtig. Daar is geen rede waarom daar teen so ‘n “nuwe Suid-Afrika-kind” gediskrimineer moet word op grond van ras wanneer hy/sy byvoorbeeld aansoek doen vir werk of vir toelating tot ‘n universiteit nie. Tog gebeur dit nog steeds en lei dit tot polarisering tussen groepe. Die rassistiese toelatingsbeleide van sekere universiteite en die rasgebaseerde bevorderingskriteria wat by staatsdepartemente gebruik word, is slegs enkele voorbeelde. As arm kinders om ekonomiese redes bevoordeel word, is dit aanvaarbaar as regstelling maar nie ras as enigste kriterium nie.

Die voortdurende naamsveranderinge in onder andere Pretoria, wat na 18 jaar weer kunsmatig op die agenda geplaas word, vervreem groepe van mekaar. Dit gebeur wanneer een groep se helde met ‘n ander groep s’n vervang word in plaas daarvan dat daar ruimte vir albei geskep word. Die pleidooie om duidelike riglyne vir naamsveranderinge en ‘n afsnydatum waarna sekerheid oor alle straat- en dorpsname in Suid-Afrika kan kom, word deur die regering geïgnoreer.

Sake soos bogenoemde lei tot die ongesonde polarisering, wat steeds tussen gemeenskappe in Suid-Afrika plaasvind. Die grondwetlike skikking van 1994 was in hierdie opsigte gebrekkig om permanente oplossing vir bogenoemde probleme te gee. ‘n Nuwe skikking, waar spesifiek groter klem op minderheidsregte geplaas word, kan hierdie probleme oplos en polarisering teenwerk.

“Die Vryheidsfront Plus is op 27 April 2012 bekommerd oor die polarisasie wat in Suid-Afrika rondom hierdie sake plaasvind. Alle groepe in Suid-Afrika smag na versoening, samewerking en vrede. Ware versoening is ‘n wen-wen situasie tussen alle groepe in Suid-Afrika. Na agtien jaar begin 27 April steeds meer die betekenis kry van die oorwinning van een groep oor die ander. Dit is ‘n resep vir konflik en nie vir versoening nie,” het dr Pieter Mulder, leier van die VF Plus op 27 April 2012 gesê.

Spieëltjie spieëltjie aan die wand… Lexus

{jathumbnail off}

Lexus is ‘n vervaardiger op sy eie. In die beginjare was hulle net opgekikkerde Toyota-modelle met hier en daar ‘n besonderse model. Vandag het Lexus ‘n hele reeks motors, party baie nuut en modern en ander so ‘n bietjie lank in die tand. Alhoewel ‘n vervaardiger in sy eie reg, is Lexus nog steeds die luukser en – baie belangrik – duurder tweelingboetie van Toyota. In Suid-Afrika is daar nie regtig enige mededingers nie en Lexus probeer om die septer te swaai teen die drie Duitsers: Audi, BMW en Mercedes. Daar is ook nog Volvo. Alhoewel Sweeds, maar na ons mening is Volvo baie nader aan die drie Duitsers as Lexus — veral op die gebied van veiligheid, tegnologie en verrigting.

Ons het die voorreg gehad om twee Lexus-modelle te bestuur, die splinternuwe Lexus CT200h F-Sport en die IS350 SE.

Lexus CT200h F-Sport

Die intreevlak-Lexus is ‘n luikrug en ding mee teen motors soos die Audi A3, BMW 1-Reeks en, nogal insiggewend, Toyota se eie Prius- en Auris-hibriedemodelle. Die CT200h F-Sport is ‘n hibriede voertuig. Nou vra jy seker waar kom die A3 en 1-Reeks in? Wel, beide Audi en BMW bied dieselmodelle in hulle onderskeie motors en dan is albei weelde-aanbiedings wat juis Lexus-gebied is. Toyota se eie Auris en Prius is nou wel nie sulke weeldeklasmotors nie, maar bied presies dieselfde tegnologie as die CT200h F-Sport.

Enjin

Lexus is baie trots op die 1,8-liter- petrolaangedrewe eenheid wat gekoppel is aan ‘n elektriese motor. Beide die kragbronne lewer saam 73KW en 142NM; dit is net die verpakking van die bakwerk wat verskil tussen die drie nefies uit die ooste. Die ratkaste is identies, die verrigting is identies, die tegnologie is identies; dis bloot die prys wat verskil. Lexus gee die maksimumspoed aan as 180 km/u en 0-100km/u word binne 10,4 sekondes bereik. Alles gebeur in doodse stilte tot ongeveer 40km/u; dan neem die petrolenjin by die elektriese motor oor. Daar is verskillende modusse wat gekies kan word om die aandrywing interessanter te maak. Ons toetsmotor se F-Sport-pakket het dan soos die naam aandui ‘n sportmodus: die toereteller en instrumentepaneel se liggies verander na rooi in dié modus en die ratkas hou die ratte effens langer, die versneller se aanvoelbaarheid en reaksie is vinniger en die CT200h voel lewendiger al is dit net vir ‘n baie klein rukkie tot die realiteit van die 73 KW bereik word. Die A3 1.6 TDI Sportback lewer 77 KW en 250Nm, die 120d Sportline bied 135KW en 380Nm. Uitlaatgassyfers vir die CT200h is 94g/km, die A3 is 112g/km en die 120d se syfer 119g/km. Waar die Lexus se elektriese motor oorvat wanneer daar by ‘n verkeerslig stilgehou word, skakel die “Stop Start”-tegnologie van die twee Duitsers die dieselmeultjie af wanneer daar stilgehou word en weer binne millisekondes aan wanneer daar weggetrek word. Die uitlaatgassyfers is dus al drie onder die 120g/km-belastingkerf wat die motors uiters ekonomies maak.

Gerief

In luikrugmotors is daar normaalweg nie veel ruimte nie. Hulle is gewoonlik slegs voldoende vir korter afstande of stadsgebruik. In die CT200h is dit dieselfde storie; eintlik is die CT200h effens kleiner binne as die Prius en selfs die Auris. Wat die Duitsers aanbetref, is daar heelwat meer beenruimte agter as in die Lexus. Alles binne die CT200h vertoon luuks en sportief met duursame leer en aluminiuminsette om die sportiewe karakter te beklemtoon: daar is ‘n tru-ratkamera en kontroles op die stuur vir die radio en telefoon, asook ‘n ingeboude hardeskyf vir jou musiek. Hoe dit vergelyk met die Duitsers is miskien een area waar die Lexus die naaste aan sy mededingers kom. Laairuimte word erg beperk deur die batterystelsel wat onder die agterste vloer ingebou is; daar is regtig baie min pakplek in die CT200h.

Waarde

Sou ons van prys praat, is die CT200h ‘n ware Lexus. Ons toetsmotor, die CT200h F-Sport, verkoop teen R448 200, die Audi A3 1.6 TDI R288 000 en die BMW 120d Sportline teen R360 500. Tensy jy werklik ‘n baie groot Lexus-aanhanger is, is die Toyota Auris 1.8 XS HSD teen R299 600 of die Toyota Prius 1.8 Exclusive teen R389 600 al twee beter kopies met identiese tegnologie. Ons sou egter eerder R88 000 spaar en die BMW 120d aanskaf. Ons gee die Lexus CT200h F-Sport 2 uit 5.

Lexus IS350 SE

Net soos die CT200h, ding die IS350 mee in die luuksesegment C, dié keer in die kompaktesedansegment. Die IS-reeks is so pas opgekikker vir 2012 met nuwe stampers, ligte en enkele vernuwings aan die binneruim. Nou vertoon die IS varser en in die geval van die IS350 meer sportief as sy voorganger, maar dit sal ‘n kenner neem om die verskille op te merk.

Enjin

Ons toetsmotor is toegerus met Lexus se 3,5-liter- V6-kragbron wat 233KW lewer en 378Nm se wringkrag. Baie indrukwekkende syfers vir ‘n kompakte motor. Soos alle Lexus’e word die IS350 deur die agterwiele aangedryf. ‘n Ses-spoed- outomatiese ratkas met ‘n Sportmodus verplaas krag na die teerpad.

Verrigting

Ek was effens teleurgestel met die verrigting van die Lexus. Met kragleweringsyfers wat jou oë laat traan, voel die IS350 net te stadig, te ingeperk. Daar is geen ontploffing van krag soos jy in ‘n vergelykbare A4 3.0 TFSI of die BMW 335i of selfs die bedeesde C350 BlueEfficiency vind nie. Die motor is sterk en vinnig, maar nie naastenby op dieselfde speelveld as die drie Duitsers nie. Verrigtingsyfers van 230km/u en 5,6 sekondes van 0-100km/u is indrukwekkend, maar dit is die algehele gevoel onder jou sitvlak wat net nie dieselfde as die segmentleiers is nie.

Akkomodasie

Maak die deure oop en swart leer begroet jou met sagte aanrakingsknoppies vir omtrent enige iets wat verstel kan word. Toerusting is puik met ‘n indrukwekkende klankstelsel, outomatiese verstelling vir die sitplekke, kantspieëls en stuurkolom. Die raakskerm met ingeboude hardeskyf en navigasiestelsel is standaard. Daar is egter slegte nuus ook hier binne: die kontroles vir die kantruite en -spieëls is op die bestuurder se deur gemonteer, so teen ‘n skuins helling. Dit het die gebruik van alles net bemoeilik. Verder voel die deure se oop en toemaak net nie goed genoeg vir die prysklas nie. Wat ruimte betref, is die Lexus ongelukkig ook in groot geselskap en kon ek met my 1,85-lyf glad nie agter in die motor kom nie; die deuropening is te klein en sou daar ‘n man van 1,8 voor sit, sou ek nie plek vir my bene gehad het nie. Wat wel indrukwekkend is, is die bagasieruim. Vir ‘n kompakte motor het die IS350 nogal heelwat plek vir bagasie.

Prys

Teen R548 600 is die Lexus nie goedkoop nie. Sy mededingers in die segment, die Audi A4 3.0 TFSI Quattro (R504 000), die BMW 335i Sports (R547 190) en die Mercedes Benz C350 BlueEfficiency Avant-garde (R561 000), is almal duur, maar hulle het elkeen ‘n groter binneruim, baie beter ratkaste, beter verrigting en is tegnologies meer gevorderd. Lexus is op die regte pad met die IS350. Ons dink net dat die huidige IS-Reeks dalk ‘n totale vernuwing met ‘n groter bakwerk, meer spasie en beter ratkas moet kry. Na ons mening is die IS350 die swak skakel in die Lexus-ketting. Dalk sal die koms van Infinity die manne met die wit jasse by Toyota laat regop sit en besef dit is tyd vir ‘n nuwe IS.

Ons gee die Lexus IS350 SE 3 uit 5.

Katolieke groep wil Tutu verbied

‘n Godsdienstige groep eis dat Aartsbiskop Desmond Tutu verbied word van ‘n besoek aan ‘n Amerikaanse Katolieke Universiteit as gevolg van sy pro-aborsie en gay huwelik-menings, asook sy anti-Joodse houding, is Woensdag berig.

Die Cape Times het berig dat 784 mense ‘n petisie geteken het vir Gonzaga Universiteit in Washingtonstaat om sy uitnodiging aan Tutu terug te trek.

Tutu het ‘n versoek om ‘n toespraak te lewer by die universiteit se 125ste verjaarsdagvieringe aanvaar. Hy sal ook ‘n ere-doktorsgraad ontvang.

Die petisie is deur die Kardinaal Newman Vereniging, wat Katolieke identiteit in hoër onderwys steun, geloods.

Dit lui: “Alhoewel aartsbiskop Tutu wonderlike werk verrig het in Suid-Afrika, sal sy posisie oor ongebore lewe, seksualiteit, en sy minagting vir die Joodse volk, hom diskwalifiseer van die ontvangs van ‘n eretoekenning by enige instansie wat beantwoord aan die Katolieke roeping”.

‘n Teen-petisie deur die aanlyngemeenskap Faithfull America het egter reeds 12 192 handtekeninge ingesamel.

Daar word gesê op hulle webwerf dat “godsdienstige regse ekstremiste”, wat ‘n “veldtog van vrees en intimidasie op die Katolieke kollegekampusse voer, moet nie toegelaat word om Tutu stil te maak nie”.

Jack Parow in Newcastle van verhoog gejaag

Die Afrikaanse rapper [kletsrymer] Jack Parow moes van die verhoog gelei word tydens ‘n optrede in Newcastle, KwaZulu-Natal, die naweek, want sy lirieke het ‘n groep mense ontstel, het die Cape Times Woensdag berig.

Die groep het Parow, wie se regte naam Zander Tyler is, fisies gedreig by die fees Vrydagaand, omdat sommige mense aanstoot geneem het oor vloekwoorde.

‘n Man het op die verhoog probeer spring, maar is afgetrek deur die polisie, wat ingeroep is om die skare te kalmeer.

Parow se kritici het hul standpunte op die Newcastle-koerant se Facebook-bladsy gelug, met ‘n paar wat Parow as ‘n “duiwelslang” beskryf het en ‘n “skande vir die Afrikaanse taal”.

Ander het sy optrede verdedig. Die rapper het aan die koerant gesê hy is nie gepla deur die reaksie nie.

“Ek sing ‘Dans, dans fokken dans‘. Hierdie een man skree op my en sê: ‘Waarom fokken vloek jy?’, maar dit was snaaks, want hy het op my gevloek.

“As jy my na die blerrie Steve Hofmeyer opsit, wel, ons fans is wêrelde uitmekaar.” Parow probeer Afrikaners gewoonlik as agterlik uitbeeld en anti-Afrikaanse gehore geniet sy optredes.

Cosatu staan by ANC

Van die breuk in die ANC wat Media24 aangekondig het by monde van Tim du Plessis was dié naweek maar weinig te siene toe die president van Cosatu Sdumo Dlamini in die openbaar die herverkiesing van Jacob Zuma ondersteun het.

Dlamini, wat deur Zuma en die SAKP-sekretaris-generaal Blade Nzimande by die hoof Meidag-saamtrek in Botshabelo, in die Vrystaat, vergesel is, het gister gesê hulle sal graag saamwerk.

Die omstrede hoof van polisie-intelligensie, Richard Mdluli, het ook die saamtrek bygewoon. Hy is omring deur beamptes, was voortdurend op sy selfoon en het herhaaldelik agter die deure in die BBP-area skuiling gesoek.

Dlamini het gesê Cosatu is tevrede met die huidige ANC-leierskap.

“Ons sal saam met die leierskap staan oppad na Mangaung en daarbuite. Daar is niks wat verander het van die posisie wat ons na Polokwane gelei het nie. Ons staan steeds by daardie posisie en niemand moet verwar word nie,” het Dlamini gesê.

Dlamini se belofte om Zuma “buite” Mangaung te ondersteun, het die vakbondfederasie se posisie duidelik gemaak en faksievorming binne die party ter ruste gelê.

In die Oos-Kaap, het Vavi die verhoog gedeel met die ANC se sekretaris-generaal, Gwede Mantashe.

In sy toespraak het Vavi gefokus op die e-tolstelsel in Gauteng en die vakbondfederasie se voortgesette stryd om die regering te dwing om arbeidsmakelary af te skaf.

Sy eweknie, SAKP-sekretaris-generaal Blade Nzimande, het gesê die Gautrein en die e-tol in Gauteng sal nie help om die vervoerprobleme van Suid-Afrika se werkers of die armes op te los nie.

Nzimande het gesê hierdie projekte is hoofsaaklik gerig op die maak van wins op die publiek se rug.

Zuma het gefokus op historiese oorwinnings van werkers en georganiseerde arbeid wêreldwyd.

In KwaZulu-Natal, het die Jong Kommunistiese Liga se nasionale sekretaris, Buti Manamela gewaarsku dat werkers moet waak teen “Superman en Batman” politici wie se belange in posisies was.

Die lid van die sentrale komitee van die SAKP het ook gewaarsku teen “kameraad tsotsi, wie se begeerte om sy sakke te vul, kameraadskaplike liefde en deug vervang het”.