Dan Roodt, Author at praag.co.za

SAIIR verwag nuwe Malema’s

Dit sal ‘n fout wees om te dink die skorsing van Julius Malema, leier van die ANC-Jeugliga, beteken die einde van politieke radikalisme, het die Suid-Afrikaanse Instituut vir Rasseverhoudinge (SAIRR) Donderdag gesê.

“Onvermydelik, indien die land nie daarin kan slaag om hoër vlakke van ekonomiese groei te behaal nie, sal nuwe Malemas na vore kom, van binne of buite die ANC,” het Catherine Schulze, woordvoerder, gesê.

“‘n Land met Suid-Afrika se ongelykhede sal altyd ‘n broeiplek vir politieke radikalisme wees.”

Die instituut glo die beslissing teen Malema was “ongewoon streng”.

“[Dit] was waarskynlik die enigste meganisme wat die ANC-leierskap beskikbaar gehad het om die toename van sy politieke gewildheid te verhoed,” het sy gesê.

“In die afwesigheid van sulke ystervuis-optrede sou mnr. Malema se gewildheid tot ‘n waarskynlike ontseteling van die huidige senior leierskap van die party kon lei, wat weer tot fundamentele beleidsveranderinge vir Suid-Afrika sou kon lei.”

Volgens Schulze was die ANC in die pre-Malema-era te gemaklik en het hulle die toenemende jeugkrisis in die land geïgnoreer.

“Dit is moontlik dat, met mnr. Malema uit die pad uit, die party weer in dieselfde gemak sal verval.”

Фильчаков

Waarheen nou sonder Malema?

Dit mag baie vreemd klink, maar baie blankes het in Malema al ‘n soort bondgenoot begin sien. Sy uitsprake en liedjies het immers baie Afrikaners verenig in hulle weersin. Verder was dit duidelik dat sy uitsprake al meer verdeeldheid binne die ANC-geledere veroorsaak het.

Dan was daar diegene wat sy onverskrokkenheid stilletjies bewonder het en heimlik gehoop het dat iemand uit eie geledere sal opstaan en Afrikanerbelange net so vreesloos sal bevorder.

Elkeen van ons met ‘n tikkie rebelsheid het tog ‘n bewondering vir iemand wat nie bang is om gesag uit te daag nie.

Sy uitsprake oor nasionalisering was altyd omstrede. My standpunt was deurgaans dat die nasionalisering van myne my nie gaan beinvloed nie. Ek besit dan nie ‘n myn nie. Dat die grondstowwe aan die mense van die land behoort, stem ek ook mee saam.

Daar is by my egter geen twyfel dat die wyse waarop die myne tans bestuur word, maksimum finansiële voordeel aan die staat en die werkers oordra.

Vergelyk gerus die bonusse wat werkers van privaatmyne kry met met die salarisse (of gebrek daaraan) wat werkers in genasionaliseerde myne kry.

Vergelyk ook die inkomste wat die staat uit belasting kry uit privaatmyne met dit wat uit genasionaliseerde myne verkry word.

So kan ons aangaan. ‘n Druiweboer kry byvoorbeeld net 10% van die inkomste vir sy druiwe meer as wat die staat daaruit verdien deur doeane en aksyns.

Die staat besit dus op ‘n manier alreeds die meeste plase en die myne.

Die “eienaar” bewerk dit net vrywillig en die grootste inkomste gaan na die staat.

Maar dit daar gelaat. Terug by Malema.

Al was baie sy skorsing te wagte sal ons hom mis. Ons aande voor die TV sal nie weer die selfde wees nie. Saai en vervelig sonder om lekker kwaad te raak.

Afriforum sal inderhaas na ‘n nuwe slaansak moet soek. Boere sal ‘n ander vyand moet kry.

En die kanse lyk al hoe beter dat die huidige president vir nog ‘n termyn aan bewind sal wees.

Александр Фильчаков

‘Die handskoene is af’

Julius Malema, voormalige president van die ANC-jeugliga, het gesê hy gaan teen sy skorsing as ANC-lid appelleer, het eNews Donderdag berig.

Volgens die nuuskanaal het Malema dié boodskap vir ondersteuners gehad nadat hy ‘n politieke wetenskap-eksamen in Limpopo afgelê het.

Malema het gesê die handskoene is nou af en dat dit tyd is om die vyand te konfronteer en te beveg.

Selfs al is hy nie die president van die jeugliga nie, moet die massas steeds die goeie stryd stry, het Malema gesê.

Malema is tot effektief vir vyf jaar geskors.

Hy is skuldig bevind op die eerste aanklag dat hy verdeeldheid saai in die party nadat hy gesê het die Afrika-unie (AU) en die Suider-Afrikaanse Ontwikkelingsgemeenskap (SAOG) is sedert oudpres. Thabo Mbeki nie meer staatshoof is nie, die pad byster. Hy is ook skuldig bevind op aanklag dat hy die ANC in oneer gebring het met sy uitlatings oor Botswana. Malema is egter onskuldig bevind op aanklag van rassisme oor uitlatings wat hy in Mei tydens ‘n saamtrek gemaak het.

Derek Hanekom, voorsitter van die ANC se nasionale tugkomitee, het Donderdag gesê die “respondent sal sy pos as president van die ANC-jeugliga ontruim”.

Malema was nie in Johannesburg nie, omdat hy ‘n eksamen by die Polokwane-kampus van Unisa afgelê het.

Floyd Shivambu, woordvoerder van die ANCYL, is ook beveel om sy pos te ontruim. Hy was nie onmiddellik beskikbaar vir kommentaar nie.

Фильчаков Харьков

Naspers kondig personeelvermindering aan

Afrika se grootste aanlynnuusbron 24.com, wat nuuswebwerf News24 publiseer, het aangekondig dat ‘n “herstrukturering” wat sal lei tot personeelvermindering in die pyplyn is.

Die aanlynnuusbron wat deur die internetreus van ontluikende markte Naspers besit word, bestaan uit 22 webkanale met ‘n gesamentlike gehoor van meer as vier miljoen maandelikse gebruikers. Die maatskappy het sowat 250 mense, insluitend redaksionele, tegniese en verkopepersoneel in diens, wat dit die grootste aanlyn-mediawerkgewer op die vasteland maak.

Algemene Bestuurder, Geoff Cohen het die werksverliese afgemaak as ‘n blote herfokus van die maatskappy se doelwitte. Cohen het verduidelik dat die maatskappy ‘n herstrukturering ondergaan om die besigheid te “fokus”.

“Ons is besig met die herstrukturering 24.com as ‘n geheel. Ons het ‘n bestekopname gedoen en daar is so baie gebiede waar ons probeer om in te speel en ons het net nie die ruimte om ewe veel te fokus op alle gebiede nie,” het Cohen gesê.

Cohen het beklemtoon dat die skuif nie oor inkomste aan nie, maar eerder oor ‘n organisatoriese strategie.

Cohen het gesê hy is onseker oor hoe baie mense geraak sal word deur die herstrukturering, omdat die bestuurspan tans in ‘n raadgewende fase verkeer. Volgens Cohen, sal daar ‘n “inkorting” wees, ook by die aanlyn-operasie van die webtuistes van baie Media24-koerant titels.

Hy glo nog steeds die aanlyn-mediaruimte van 24.com is die enigste waardige belegging en sien vinnige groei in advertensie-inkomste.

“Ek wens aanlynadvertensie kon vinniger groei – maar dit groei. Ons het ook ‘n toename in die groei in die gebruikers gesien, en ons is op soek na beter maniere om dit te vergroot,” het hy gesê.

Twee van die maniere wat die aanlynnuusbron hoop sal help om sy nuwe fokus te bereik is deur aanvullende nuusbronne en gebruikersinhoud.

“Ons wil dit oopstel vir gewone mense, sodat hulle hul stories kan vertel. “

Hierdie herstrukturering kom binne ‘n maand vandat Naspers se MIH Internet-Afrika sy e-handelsmaatskappy, Kalahari in Nigerië en Kenia gesluit het.

Malema ontvang volle betaling tot appèl

Alhoewel Derek Hanekom, voorsitter van die ANC se nasionale tugkomitee, Donderdag ter afsluiting van die bevindinge aan die pers gesê het die “respondent sal sy pos as president van die ANC-jeugliga ontruim”, sal Julius Malema met volle betaling geskors wees totdat die appèlproses afgehandel is, het Jackson Mthembu, woordvoerder van die ANC, gesê.

Malema is vir vyf jaar geskors nadat hy op twee aanklagte van ‘n reeks, skuldig bevind is.

Die ANC se nasionale tugkomitee sal Malema uit die party skors indien hy homself binne die volgende twee jaar skuldig maak aan ‘n soortgelyke oortreding. Hy is tans uit sy presidentsamp van die ANC-Jeugliga geskors met volle betaling, het Mthembu bevestig.

Die tugkomitee het uit ‘n ingewikkelde regsverslag van 139 bladsye aangehaal om tot die gevolgtrekking te kom. Ontleders meen die regsbeginsels in die verslag vervat is veelvuldig en bevat ‘n aansienlike hoeveelheid detail.

Malema geskors, maar kan appelleer

Julius Malema, president van die ANC-jeugliga, is vir vyf jaar uit die party geskors nadat hy skuldig bevind is op twee van die vier aanklagte teen hom. Hy en sy medebeskuldigdes is reeds in kennis gestel van die komitee se bevindinge.

Hulle het 14 dae om by die nasionale appèlkomitee appèl aan te teken. Cyril Ramaphosa tree as voorsitter van die appèlkomitee op.

Wat die twee aanklagte betref is bevind Malema het verdeeldheid gesaai in die party nadat hy gesê het die Afrika-Unie (AU) en die Suider-Afrikaanse Ontwikkelingsgemeenskap (SAOG) se Afrika-agenda was beter gedien deur oudpres. Thabo Mbeki. Malema het ook die ANC in oneer bring oor sy uitlatings oor Botswana. Die aanklag van rassisme teen Malema is afgewys.

Floyd Shivambu is vir drie jaar uit die ANC en die ANC-jeugliga geskors omdat hy ‘n joernalis gevloek het. Dié skorsing is nie opgeskort nie.

Malema, Floyd Shivambu, woordvoerder van die jeugliga, Ronald Lamola, adjunkleier van die jeugliga, Sindiso Magaqa, sekretaris-generaal, Kenetswe Mosenogi, adjunk-sekretaris-generaal, en Pule Mabe, tesourier-generaal is ook daarvan aangekla dat hulle ‘n vergadering van die ANC sonder uitnodiging bygewoon en ontwrig het. Hulle is skuldig bevind op dié aanklag en twee jaar geskors. Die skorsing is opgeskort vir ‘n tydperk van drie jaar.

Фильчаков прокурор

Malema los op 1 aanklag

Die lidmaatskap van vyf van die lede aangekla in die dissiplinêre verhoor van die ANC-Jeugliga is opgeskort vir 2 jaar. Dit sluit dié van president Julius Malema in.

Hu is skuldig bevind op aanklag dat hy en ander jeugliga-leiers ‘n vergadering ongenooid bygewoon en ontwrig het.

Ronald Lamola, adjunkleier van die jeugliga, Sindiso Magaqa, sekretaris-generaal, Kenetswe Mosenogi, adjunk-sekretaris-generaal, en Pule Mabe, tesourier-generaal is ook aangekla en skuldig bevind.

Dié bepaling sal egter vir drie jaar opgeskort word en indien Malema en ander lede weer enige verdere oortreding begaan, sal hulle lidmaatskap beëindig word, het Derek Hanekom pas by ‘n perskonferensie bekendgemaak.

Jackson Mthembu, die ANC se kommunikasiehoof, moes joernaliste by die mediakonferensie stilmaak nadat Hanekom die bevinding teen Malema uitgelees het.

Hy het gedreig dat lede van die media uit die vertrek gegooi sal word deur die sekuriteit as daar daar nog aanmerkings uit die gehoor kom. Die mediaverteenwoordigers, waarvan talle van buitelandse agentskappe, was merkbaar geskok deur die aankondiging dat Malema se opskorting opgeskort is vir een van die aanklagte teen hom, naamlik om ‘n ANC-vergadering ongenooid by te woon en te ontwrig.

Hanekom het beklemtoon dat Suid-Afrika in ‘n klimaat van verhoogde mededinging verkeer vir beleggings en daarom geen ongedissiplineerde uitsprake van sy lede en lede-organisasies kan duld nie.

Meer nuus volg.

Die lui Grieke…

Griekeland se ekonomie is op die rotse omdat ‘n klomp van olyf-spuwende, ouzo-verbruikende, lui Grieke weier om ‘n volle dag se werk in te sit, aftree terwyl hulle nog tieners is, en dit alles met geleende geld. Noudat hulle skielik hoër belastings moet betaal, betoog hulle in die strate, breek vensters en brand banke, skryf Greg Palast.

Altans is dit wat die Angelsaksiese nuusagentskappe die wêreld wil laat glo. Die Amerikaners en Britte vertel ons al lank en gereeld, en met al hoe korter tussenposes, ook dat die Europese Unie “totaal ineenstort” danksy Griekeland.

Maar soos een ekonoom dit prontuit stel: Griekeland is ‘n misdaadtoneel. Die man op straat is die slagoffer van ‘n geknoei deur ‘n bank met die naam van Goldman Sachs.

In 2002, het Goldman Sachs in die geheim €2,3 miljard van die Griekse regering se skuld gekoop, dit alles omskep in jen en dollar, en toe dadelik terugverkoop aan Griekeland.

Goldman het ‘n groot verlies op die transaksie gemaak.

Is Goldman so dom?

Nee, Goldman het ‘n geheime ooreenkoms met die Griekse regering aangegaan. Hul spel: Om ‘n massiewe begrotingstekort te verberg. Goldman se vervalste verlies was die Griekse regering se vervalste bonus.

Goldman sou terugbetaling vir die “verlies” van die regering verhaal teen astronomiese tariewe.

Die punt is, deur middel van hierdie duur gekonkel, kon Griekeland se vryemark-regering maak asof sy tekorte nooit meer as 3 persent van die bruto binnelandse produk (BBP) is nie.

Bedrieglik en vir roofkapitaliste blykbaar heel koel.

Maar sulke konkelwerk is deesdae nie goedkoop nie: By die moorddadige rente, het Goldman die Grieke oor ‘n kwartmiljard dollar in fooie gevra.

Toe die die nuwe sosiaal-demokratiese regering van Papandreou aan bewind kom, het hulle die boeke van nader beskou en Goldman se vlermuise het natuurlik uitgevlieg. Beleggers was rasend, en het monsterrentekoerse vir lenings geëis om hierdie skuld om te rol.

Griekeland se paniekbevange houers van effekte het hulle gehaas om versekering teen die land se naderende bankrotskap te koop. Die prys van die versekering, genaamd credit default swaps (CD’s) of kredietwanbetalingsooreenkomste, het ook deur die dak geskiet. En raai wie het ‘n groot stapel van die CDS-versekering te koop aangebied? Goldman.

Hul kliënte moes tevrede wees met wat in wese goud geverfde loodstawe was. Dit is egter Goldman se spesialiteit. In 2007, met die sub-primadebakel het Goldman ‘n “netto kort” posisie teen hierdie effekte gehou. Dit wil sê, Goldman se finansiële “produkte” was weddery wat hulle geweet het in die asblik sou eindig. Hulle kon sodoende die helfte van ‘n miljard dollar op hul “netto kort” posisie in hulle sakke steek.

In plaas daarvan om Goldman se uitvoerende hoof, mnr. Lloyd Blankfein in ‘n hok deur die strate van Athene te paradeer, kry die Griekse volk die skuld. Die “verspreiding” van die skuld het nou gestyg tot $14 000 per gesin per jaar. Geen wonder die mense betoog nie!

Die DA se eie Yengeni-skandaal

Tony Yengeni is in 2004 skuldig bevind en tot tronkstraf gevonnis agv magsmisbruik. Hy het sy posisie misbruik en op korrupte wyse ‘n onregverdige afslag op ‘n luukse viertrekvoertuig bekom. In die vreemde Nuwe Suid-Afrika was ‘n kleinerige minderheid, stellig iewers tussen 10% en 20% van die bevolking, destyds gewalg deur die onverkwiklike spektakel van Tony Yengeni wat na die tronk as ‘n held begelei is. Die meerderheid van die bevolking het egter aanhou stem vir sy party, en was klaarblyklik nie juis ontstig deur die verering van die anti-held nie. Die minderheid wat wel deur die heldeverering vir ‘n misdadiger afgestoot is, het hulself kennelik moreel meerderwaardig gevoel. Die Demokratiese Alliansie was voor in die koor van diegene wat Yengeni se begeleiding veroordeel het.

Net jammer die DA het geen morele lessies aan ander te leer nie.

Die bevindings van die Openbare Beskermer se ondersoek na die ongerymdhede in die Midvaalmunisipaliteit dui daarop dat baie soortgelyke wanpraktyke aan Yengeni s’n al vir ‘n geruime tyd in die DA-beheerde Midvaal plaasvind. Volgens die verslag van die Openbare Beskermer het mnr André Odendaal, ‘n prokureur en die leier van die DA in Midvaal, na bewering erwe teen ‘n belaglike afslag by die stadsraad aangekoop, en die eiendomme dan na bewering teen ‘n enorme wins herverkoop. Die ooreenkomste tussen Yengeni se optrede en Odendaal se beweerde misdrywe is voor die hand liggend: Yengeni het sy gesagsposisie misbruik om ‘n onredelike afslag te bekom. Odendaal het na bewering presies dieselfde gemaak. Hy het na bewering sy eie posisie misbruik om ‘n onredelike afslag op eiendomme te bekom, en persoonlik daaruit munt geslaan.

Voorts herinner die flou pogings tot verontskuldiging van die DA sterk aan die spektakel rondom Yengeni, waartydens die ANC hom steeds as ‘n held voorgehou het. Die DA probeer tans desperaat om te skerm vir Odendaal en sy trawante, deur te beweer dat die Openbare Beskermer geen korrupsie bemerk het nie. Die vervolging van korruptes is egter die plig van die Departement van Justisie, nie van die Openbare Beskermer nie, en dit is nie net moontlik nie, maar inderdaad waarskynlik, dat veral Odendaal, maar ook ander DA-kaders, hulself eersdaags in ‘n hof kan bevind, indien nie agter tralies nie.

Dit is ook so dat Rooi Helen Zille, daardie groot bewonderaar van kommuniste soos, ironies genoeg, die Sowjet-opgeleide Yengeni, reeds sedert minstens 2009 bewus was van die grootskeepse geknoeiery in Midvaal, maar steeds hardnekkig en blindelings lojaal gebly het aan haar eie kaders in Midvaal. Sou Odendaal of ander DA-kaders in Midvaal wel skuldig bevind word aan korrupsie, sou ek persoonlik nie verbaas wees om te sien hoe Rooi Helen op aapagtige wyse toyi-toyi-passies uitvoer wanneer haar eie party se kaders die hekke van die gevangenis binnegaan nie.

Malema nie by verhooruitspraak nie

Julius Malema, leier van die ANC-Jeugliga, sal afwesig wees wanneer die uitspraak in sy dissiplinêre verhoor Donderdag gelewer word, het die liga gesê.

Volgens die liga sal hy in daardie stadium eksamens in Polokwane aflê.

Malema se medebeskuldigdes, Floyd Shivambu (woordvoerder), Ronald Lamola (adjunkpresident), Pule Mabe (tesourier-generaal), Sindiso Magaqa (sekretaris-generaal) en Kenetswe Mosenogi (adjunk-sekretaris-generaal) sal wel die vergadering met die dissiplinêre komitee bywoon.

“Die ANCYL plaas dit op die rekord dat ons onsself onderhewe aan die dissipline en die leiding van die ANC plaas,” het die liga in ‘n verklaring gesê.

“Die leierskap van die ANCYL sal slegs in die openbaar oor die dissiplinêre verrigtinge en uitkomste praat nadat elke klein detail… afgehandel is.”

Die groep sal die uitslag aanhoor by die ANC se Luthulihuis in Johannesburg.

Slotbetoë in die verhoor, wat aan die einde van Augustus begin het, het laat Sondagaand gesluit.

Malema se eerste verskyning voor die dissiplinêre komitee het by Luthulihuis plaasgevind. Dit is egter geskuif nadat geweld by die gebou uitgebreek het. Lede van die Jeugliga het klippe en bakstene na polisie- en medialede gegooi en t-hemde met die gesig van President Jacob Zuma op verbrand.

Die ANC het Malema daarvan aangekla dat hy die party se naam in oneer gebring en verdeeldheid binne die party gesaai het.