David Blaine, ‘n kulkunstenaar wat ‘n wêreldrekord wou breek, het Woensdag daarin geslaag. Hy het sy asem vir ‘n hele 17 minute en 4 sekondes opgehou.
Die regering in Bagdad het aangekondig dat meer as 900 mense gedood is en 2 605 gewond sedert die einde van Maart in gevegte in Sadr City, Irak.
Die gevegte het ook swaar verliese aan die Amerikaanse kant veroorsaak. In April het 20 soldate in Bagdad gesterf, die meeste in Sadr City, terwyl 46 Amerikaners in die hele Irak omgekom het.
Dit is die dodelikste maand nóg vir die Amerikaanse besetting sedert September 2007 toe hulle 65 soldate verloor het.
Maliki het belowe dat hy die Megdileër en ander insurgente in sy land sal uitroei.
Bronne binne die Zimbabwiese verkiesingskommissie meen dat Morgan Tsvangirai van die Beweging vir Demokratiese Verandering tussen 48% en 50% van die stemme in die presidentsverkiesing op hom verenig het. Ander bronne beweer dat Tsvangirai 47% van die stemme verkry het en Mugabe 43%.
Omdat Tsvangirai nie ’n volstrekte meerderheid bereik het nie, sou dit beteken dat ’n opvolgverkiesing tussen Tsvangirai en Mugabe gehou moet word.
Die MDC het egter die gedagte van ’n opvolgverkiesing om die presidentskap verwerp. In Johannesburg het ’n woordvoerder van die opposisieparty, George Sibotshiwe, herhaal dat sy party nie aan ’n opvolgverkiesing sou deelneem nie aangesien slegs verkiesingsbedrog Tsvangirai van ’n volstrekte oorwinning kon beroof.
Volgens Sibotshiwe was daar geen waarborg dat Mugabe die uitslae van ’n opvolgverkiesing sou aanvaar nie aangesien hy nie die huidige uitslae wil aanvaar nie.
Vanuit die ZANU PF-kamp het die minister van justisie, Patrick Chinamasa, geweier om op die moontlike uitslag van die presidentsverkiesing kommentaar te lewer.
“Ek is nie bewus van so ’n syfer nie. Ek was gister by die voorsitter van die verkiesingskommissie, regter George Chweshe, en hy het steeds gewag op uitslae van verskillende kiesafdelings. Ek het sekerlik geen idée waar daardie syfers vandaan kom nie.”
Die president van Liberië, Ellen Johson Shirleaf, het gewaarsku dat die gevaar bestaan dat die konflik na buurlande in Suider-Afrika kan oorspoel. Sy het ’n beroep op Afrikaleiers gedoen om te verseker dat die uitslae die wil van Zimbabwiërs weerspieël.
Shirleaf het die leiers daarop attent gemaak dat Liberië se burgeroorloë tydens 1989-2003 die dood van 200 000 mense veroorsaak het, weens die “onderdrukking van die volkswil en -keuse.”
“Daarom is ek een van daardie Afrikaleiers wat aan ons leiers en ons kollegas sê, dis tyd om iets oor Zimbabwe te doen,” het Shirleaf in New York gesê.
Die superhelde se vader gaan egter nou onder die vaandel van ‘n mededinger van Marvel, Pow! Entertainment, sy 10 nuwe helde aanbied. Dit sal in die vorm van 10 verskillende strokiesprentalbums wees vir elke nuwe karakter en sal ook as kort en lang animasiefilms ontwikkel word.
Dit is die laaste uitweg om die Afrika olifant wat sedert 1995 meer as verdubbel het, se getalle onder beheer te bring.
Minister van Omgewingsake, Marthinus van Schalkwyk sê die kwessie van getallebeheer is uitermate moeilik.
Die toename in die aantal olifante vanaf 8 000 tot 18 000 het enorme druk op die land se wildsparke geplaas.
SANParke het ‘n beroep op die regering gedoen om getallebeheer toe te pas.
Die supersoniese vliegtuig met verstelbare vlerke is die swaarste vegvliegtuig wat daar nog gebou is. Tesame met die Tu-95 turbopropellertuig, het dit verlede jaar ná ‘n onderbreking van 15 jaar weer op patrollievlugte vertrek, in opdrag van president Wladimir Poetin.
Die patrollies vind langs die grense van Amerika se bondgenote plaas, soos dit tydens die Koue Oorlog gedoen is.
Met die kodenaam "wit swaan" wat Russiese loodse daaraan gegee het, kan die vliegtuig 12 kruisermissiele met kernkoppe dra, of 40 ton bomme en vir 13 000 kilometer ononderbroke sonder brandstofinname vlieg.
Hulle sal nietemin ‘n mediese ondersoek moet ondergaan om vas te stel of dit nie ‘n gesondheidsrisiko inhou nie.
Die burgemeester het aan die idee gekom nadat ouer mans by gereelde administratiewe vergaderings gekla het oor ‘n gebrek aan seksuele plesier.
‘n Groot polemiek heers oor ‘n satiriese artikel oor waar Afrika sou staan as dit nie vir slawerny en kolonialisme was nie. Ten regte, want dit wat diep in Afrika gesetel is, is nie behoorlik opgeteken nie.
In ‘n Sondagkoerant is byvoorbeeld veel gemaak van die Timboektoe-dokumente. Ou beskawingslyne in Afrika is een van my belangstellingsvelde, en juis daarom vind ek dit effe sinies dat ‘n relatiewe jong beskawing, sterk deurspek met Arabiese kolonialisme (daar was verlede jaar weer ‘n Toareg-opstootjie in Niger) so baie aandag kry. Selfs Augustinus se verblyf in Afrika dateer van lank voor die Timboektoe-beskawing. Om nie te praat van die Kartaagse ryk, die Ethiopiese, selfs Zimbabwe en natuurlik die Egiptiese en Nubiese ryke.
Baie van die ou Arabiese of Moslemryke, soos onder andere dié van Darfoer, was sterk op slawehandel geskoei.
Om Timboektoe as vertrekpunt te gebruik, is kunsmatig en baie oppervlakkig.
Dit is nie nuut dat die opgetekende geskiedenis eers by ‘n laat stadium inval by die werklike nie. ‘n Paar jaar gelede is Columbus se “ontdekking” van Amerika groot gevier. ‘n Beter rekonstruksie van die geskiedenis dui daarop dat minstens die Vikings lank voor Columbus kolonies in Amerika gestig het – trouens, die doelbewuste vestiging van die eerste Christenkolonie se duisendste herdenking is verlede jaar gevier. Maar nie so dat mens dit sou agterkom nie.
Trouens, dit raak al hoe duideliker dat Columbus by die Yslanders van die bestaan van Amerika te wete gekom het – daar was ook genoeg geskrewe bronne onder andere in Rome hieroor waar hy gaan navorsing doen het.
Nou ontvou nog ‘n klassieke voorbeeld voor my oë. Verlede jaar is pres. M.T Steyn se 150ste geboorteherdenking gevier. Toevallig het ek vir Colin Steyn raakgeloop, en dit onder sy aandag gebring. Hierna het ek ‘n artikel aan al wat publikasie is gestuur oor Steyn, onder andere sy rol om generaals De la Rey en de Wet tot hul reg te laat kom. Radio Pretoria en radio Rosestad het dit gebruik. ‘n Kransleggingsaksie wat Colin Steyn-hulle gereël het, het die SABC gehaal, maar nie werklik die gedrukte media nie.
Op Heldedag is daar ‘n opskrif in een van die koerante wat dit geïgnoreer het: Ken jou helde van die geskiedenis. Met teleurstelling lees ek: Robert Sobukwe, Nelson Mandela… so gaan die lysie aan.
Vanjaar is die 100-jarige herdenking van Bram Fischer se geboorte – in lewe ‘n tydgenoot van die Komintern wat deur Stalin beheer is en wat tot die doodmaak van miljoene mense gelei het, waaronder ook miljoene Russe. Reeds is dit duidelik dat Fischer veel meer erkenning gaan kry as Steyn.
Steyn en Fischer se geskiedenis het verskeie ooreenkomste: beide Vrystaters (Steyn is in die Vrystaat gebore), beide was regsgeleerdes, en beide aktief in die politiek. Beide het hulle in ‘n politieke konteks aan die verkeerde kant van die oorheersende politieke winde bevind – Steyn eers na die Anglo-Boereoorlog) maar Steyn se statuur en wyse raad (juis onder die boom van sameswering) het ‘n simbool van wysheid geword.
Nationwide Lugredery het Dinsdag aangekondig dat werksaamhede stop gesit is tot verder kennisgewing.
Die uitvoerende direkteur Vernon Bricknell het gesê hulle kontantvloei is kritiek en die staking van die funksionering was ‘n vrywillige besluit.
Voorts het Bricknell verskoning gevra aan alle lojale kliënte wat nou verontrief is.
Bricknell het in ‘n toespraak verwys na ‘n insident waar ‘n enjin uit die vliegtuig geval het tydens die opstyging van die vlug by die Kaapstadse Internasionale Lughawe verlede jaar November.
Die Europese Unie het uiteindelik hulle teenvoeter teen die Amerikaanse Globale Posisioneringstelsel of die sogenaamde GPS, die Galileo, die ruimte in gestuur.
Gelyksoortige projekte word in Rusland en China beplan.
Kritici het die projek al afgemaak as te duur, maar die EU sê dat dit duisende werksgeleenthede en onafhanklikheid van die VSA sal verseker.
