Dan Roodt, Author at praag.co.za

FW, Zuma verskil oor ekonomie

Oudpres. FW de Klerk probeer maak asof die Nasionale Party ‘n beter regering was as wat die ANC is, het die ANC in die Oos-Kaap Donderdag gesê.

“Hy vergeet in ons 18 jaar van demokratiese regering, het ons dinge gedoen wat hulle opsetlik besluit het om nie te doen nie,” het Lubabalo Oscar Mabuyane, provinsiale sekretaris, in ‘n verklaring gesê.

“Ons ekonomie is in die toestand waaraan dit is omdat hulle swart mense letterlik uit die ekonomie en samelewing geskop het,” het die verklaring gelui.

Die ANC het reageer op berigte dat De Klerk die ANC blameer het vir die land se toenemende ekonomiese en sosiale probleme.

De Klerk het Woensdag in ‘n toespraak voor sakeleiers teen die ANC se beleid oor die hervedeling van rykdom uitgevaar.

Hy het gesê die party gaan ‘n toestand skep “waar mense se vooruitsigte weer bepaal sal word deur ras, eerder as individuele verdienste en omstandighede”.

De Klerk het erken dat sommige van die land se probleme van die apartheidsjare geërf is, maar dat pres. Jacob Zuma nie daarin geslaag het om dit op te los nie.

“… Dis nie regverdig om al ons huidige probleme op die verlede te blameer nie.”

Hy het bygevoeg dat die ANC “hoofsaaklik vir die huidige krisis verantwoordelik” is.

Mabuyane het gesê die ANC sal sy beleid nie verander nie.

“Ons sal voortgaan met die regstellende aksie, swart ekonomiese bemagtigingsprogram en ander ekonomiese ontwikkelingsbeleid wat voortgaan om ons ekonomie te laat groei,” het hy gesê.

“Die beste ding wat De Klerk kan doen is om sy mond te hou of om wit Suid-Afrikaanse maatskappye aan te moedig om hulle by die nasionale demokratiese revolusie in te val deur werksgeleenthede te skep, opleidingsgeleenthede te verskaf en swart mense salarisse te betaal wat gelyk is aan hulle bruin, Indiese en wit eweknieë.”

Bewerings dat die gaping tussen ryk en arm in die land besig is om te vergroot, is onwaar, het pres. Jacob Zuma egter Donderdag gesê.

Zuma, wat afgevaardigdes by die amptelike opening van die nasionale huis van tradisionele leiers in die parlement toegespreek het, het gesê bewerings van ‘n groeiende inkomstegaping is ‘n leuen wat die afgelope 18 jaar verskeie kere herhaal is.

“Ons begin dit amper glo dat die gaping sedert 1994 vergroot het. Dit is nie wetenskaplik korrek nie,” het Zuma gesê.

Zuma het gesê dié bewerings word net gemaak om die regering onregverdig te kritiseer.

Hy het bygevoeg dat daar voor 1994 nie ‘n ware meting van die gaping kon wees nie, omdat net wit mense tydens die sensus getel was.

“Ons (swart mense) is na die tuislande toe gedruk. Ons is nie getel nie en ons het nie eens geweet hoeveel ons is nie.”

Zuma het daarop aangedring dat die gaping tussen ryk en arm eintlik verklein het.

Hy het gesê swart mense is voor 1994 nie toegelaat om aan die hoofstroomekonomie deel te neem nie, maar dat daar nou baie swart ondernemings op die effektebeurs is.

“Armoede was erger voor 1994 as wat dit nou is. Mense kry nou toelaes wat hulle nie voorheen gekry het nie. As dit nie die gaping verklein nie, wat gaan dit dan doen?”

Zuma het ook gesê die regering is besig om mense se lewensgehalte te verbeter.

“Mense wat vir die koerante skryf is geleerde mense en ons aanvaar wat hulle skryf is waar. Dit is propaganda, wat baie gevaarlik is.”

Jaap Kelder lê beslag op munisipale bussie

Mnr. Jaap Kelder, die bekende munisipale aktivis en Afrikanerleier, het so pas beslag gelê op ‘n voertuig wat aan die Ekurhuleni-munisipaliteit behoort. ‘n Mercedes-Vito-bussie met die registrasienommer SFX904GP sal nou opgeveil word om die R16 425 wat die munisipaliteit mnr. Kelder skuld, te delg.

Die skuld het oorspronklik ontstaan omdat Ekurhuleni mnr. Kelder se elektrisiteit by sy sakeperseel in Edenvale “onwettig afgesny het”. Hierna het mnr. Kelder die munisipaliteit vir skadevergoeding gedagvaar.

Selfs nadat die hofbevel teen Ekurhuleni verkry is, het hulle nie die R16 425 betaal nie. In ‘n epos vra mnr. Jaap Kelder: “Sou dit werkilk moontlik wees dat die tweede grootste munisipale metro in die land se finansies so beroerd is dat hulle bates verkoop moet word om skulde te betaal en dít dan agv. die feit dat hulle my fabriek se krag onwettig afgesny het of sou dit wees dat hulle administrasie so swak is dat hulle duisende rande aan regskoste onnodig verspil?”

Mnr. Kelder is ook voorsitter van die nasionale belastingbetalersunie wat reeds meer as 40 hofsake teen munisipaliteite landwyd gevoer het ten einde belastingbetalers se regte af te dwing en korrupsie en wanbestuur hok te slaan. PRAAG en die NBU het verlede jaar in September ‘n groot Afrikanervergadering in Centurion gereël wat op die sogenaamde “Strategiese Komitee” van alle Afrikaanse organisasies uitgeloop het.

Eerskomende Saterdag 3 November vind daar weereens in Pretoria ‘n geslote vergadering van alle Afrikaanse organisasies plaas wat deur die Strategiese Komitee gereël is.

Nog ‘n lid van die SK, mnr. Botha Laubscher, vertel dat daar ook op Heilbron gereeld skuldinvorderingsake teen die plaaslike munisipaliteit gevoer word. By geleentheid het die balju al op die raadsaal se meubels beslag gelê, maar voordat dié op ‘n veiling verkoop kon word, is die skuld vereffen.

R6 miljoen verdwyn uit munisipale rekening

Die Moses Kotane-munisipaliteit in die Noordwes het die bankrekeninge van 15 mense en entiteite laat bevries ná meer as R6 miljoen in minder as vier dae uit die munisipale rekening verdwyn het, het Beeld Donderdag berig.

Die hooggeregshof in Pretoria het Absa, Eerste Nasionale Bank, Nedbank en Standard Bank Dinsdag beveel om die sake-, trust-, persoonlike en beleggingsrekeninge van dié 15 rekeninghouers te bevries totdat die munisipaliteit se stappe om dié geld terug te kry, afgehandel is.

Die geld is glo van 28 September tot 1 Oktober onwettig uit die munisipaliteit se Absa-bankrekening getrek.

Sekere munisipale personeellede het volgens ‘n amptenaar toegang tot die bankrekening. Die munisipaliteit se stelsel maak dit egter onmoontlik dat een mens ‘n transaksie vaslê én goedkeur.

Hendrik Shonga, die munisipaliteit se krediteure-bestuurder, het volgens die koerant op 1 Oktober gesien R180 000 is in een transaksie uit die munisipale rekening getrek en na ‘n ander bankrekening oorgeplaas. Die stelsel het dié rekeninghouer as K.K. Trading geïdentifiseer.

Shonga en Harry Fourie, sy toesighouer, het toe besef meer as R6 miljoen is onwettig uit die munisipale rekening getrek.

Katrina, Irene, Sandy

Water wat ses voet hoog gestyg het nog skaars heeltemal weggedreineer uit die strate van Coney Island in Brooklyn, NY, toe swart plunderaars reeds op die oorblyfsels van kwesbare winkels op Mermaid Avenue begin toesak het.

Dinsdagoggendvroeg het werkers by Mega Aid Apteek aangekom om uit te vind dat die orkaan Sandy nie alleen die gebou verniel het nie, maar diewe wat ingebreek het is met meer as 10.000 farmaseutiese items weg. Die meeste van die gesteelde goedere is voorskrifmedisyne.

“Die water is net weg en mense begin die strate invaar en beroof winkels,” het ‘n gefrustreerde werker by die apteek, wat anoniem wou bly, aan HuffPost gesê.

Hy en die apteek se bestuurder, die 27-jarige Stan Gutkin, het na hul winkel in ongeloof gestaar terwyl werkers herwinbare voorrade probeer red het.

“Ek weet nie eens wat dit gaan neem totdat ons operasioneel is nie,” het Gutkin gesê. “Dit breek die onderneming. Ek weet nie waar om te begin nie.”

Hul storie was net een van vele op Mermaid Avenue, een van slegs vele in Coney Island Dinsdag. Die polisieteenwoordigheid in die omgewing is opgeskerp nadat plunderaars gesteel het van banke, apteke en ander winkels met waardevolle voorraad.

Dit raak ‘n misdaad wat byna na enige ramp reeds verwag word. Toe die orkaan Irene die Atlantiese kus verlede jaar getref het, was plundery so algemeen dat truTV ‘n skyfievertoning van die misdaad kon saamstel. Kort na die orkaan Katrina is New Orleans met plundery en gewelddadige aanvalle geteister.

“Wanneer dit donker word, dan word dit werklik gevaarlik hier – dit is waarom daar ‘n polisiebeampte op elke blok is,” het een NYPD-beampte gesê aan HuffPost. “Hulle steel alles.”

Die buurt is die tuiste van ‘n stadsbehuisingsprojek genaamd Ocean Towers, waar ‘n geveg uitgebreek het in die teenwoordigheid van verslaggewers en polisie, waarskynlik oor gesteelde goedere. Inwoners van die toringgebou, wat in donkerte gehul is, het objekte na die polisie begin gooi wat orde wou handhaaf, met ‘n kattegemaai wat geheers het soos swart inwoners vloek en skel en by die vensters uithang.

“Mense val mekaar nou aan,” het een inwoner gesê en haar kop geskud. “Selfs wanneer daar geen ramp is nie, is hierdie gebou rampspoedig. Maar ná die orkaan, het dit net mal geraak.”

Jamaika, Kuba en die Bahamas is ook direk deur Sandy getref as ‘n Kategorie 1- en 2-storm.

Orkaan Sandy het in die Karibiese Eilande minstens 69 mense dood gelaat, duisende dakloos en min fondse vir heropbou. Die Karibiese slagting word grootliks geïgnoreer deur media-fokus op die VSA.

Sandy het die lewens van 52 mense in Haiti, 11 in Kuba, twee in die Bahamas, twee in die Dominikaanse Republiek, een in Jamaika en een in Puerto Rico geëis.

Geskiedenis moet reggestel word

Suid-Afrika se geskiedenis moet herskryf word om die nagevolge van kolonialisme op intellektuele produksie reg te stel, het Blade Nzimande, minister van hoër onderwys, gesê.

“Die geskiedenis van SA moet nie net herskryf word nie… maar moet ook ondersoek en in die eerste plek opgeskryf word,” het hy tydens ‘n toespraak in Kaapstad gesê.

“Groot gedeeltes van hierdie geskiedenis is nog nie vertel nie, of word in ‘n baie eensydige wyse vertel.”

Hy het by die aankondiging van SA History Online se studente-internskapprogram gepraat.

Nzimande het bygevoeg dat geestes- en sosiale wetenskapvakke nie genoeg waardering kry nie, aangesien die gemeenskap al hoe meer materialisties raak.

Skiet die boer skep geen presedent nie

‘n Ooreenkoms oor die sing van die lied “Dubula iBhunu” (skiet die boer) wat buite die hof geskik is, is pas ‘n hofbevel gemaak.

Die ANC het vroeër die week ooreengekom om nie teen ‘n uitspraak wat die sing van die liedjie verban het, te appelleer nie.

Die party het die ooreenkoms met AfriForum en TLU SA onderteken.

Die ooreenkoms lui: “Die partye het ooreengekom dat AfriForum en TLU SA die gelykheidshofbevel sal laat vaar en die ANC en [Julius] Malema kom ooreen om die appèl teen die appèlhof ter syde te stel.”

Die hofbevel is egter nie ‘n bevinding van die regters nie en skep dus geen presedent wat haatspraak en aanhitsing betref nie.

Koop EU-burgerskap by Hongarye

Hongarye bied tans aan ryk buitelanders die kans om burgerskap te koop as hulle ten minste €250,000 belê in die land se ekonomie.

Die potensiële beleggers – en toekomstige “burgers” – sal spesiale staatseffekte kan koop, wat sal lei tot voorkeurimmigrasiebehandeling vir hulle. Sodra hulle die Hongaarse paspoort ontvang, sal die nuwe burgers in staat wees om in die EU te bly en te werk.

“Die doel van die wysiging is om “inwonende beleggers na Hongarye te lok,” het die aanvoerders wat die aangepaste wetgewing gesê. Die skuif het beslis nuwe beleggers gelok, veral uit China.

“Dit is natuurlik gemik op ryk Asiërs – veral Chinese,” het dr Helen Szamuely van die Bruggegroep aan RT gesê.

Maar die EU is deesdae skaars ‘n belastingparadys, so die voorstel lei tot die vraag of daar genoeg mense gaan wees wat “Hongaars” wil wees om die onderneming die moeite werd te maak.

Dr Szamuely sê die voorstel kan dit moontlik maak vir welgestelde Chinese burgers om “expats” in ander lande te wees.

“Die grootste vraag is of hulle in die EU of in ander lande, soos Hong Kong sal woon, waar die tariewe aansienlik laer is. Sodat jy kan eindig met ‘n eienaardige situasie van Chinese miljoenêrs – of miljardêrs – wat EU-burgers is en in Hong Kong woon,” het sy gesê.

Hongarye het miljarde euro’s se buitelandse valuta skuld, gelykstaande aan 78% van sy jaarlikse ekonomiese uitset, met die land se skuld die hoogste in Sentraal-en Oos-Europa, volgens Moody’s.

Budapest het gevra vir finansieringshulp van die Europese Unie en die Internasionale Monetêre Fonds, maar die vordering is traag.

Regoor die wêreld word verblyfreg of burgerskap aangebied aan buitelanders wat belê in ‘n land se ekonomie. Kanada lok “ervare sakelui” wat bereid is om 800.000 Kanadese dollar ($800,376) te belê om in die land te vestig.

Soos verwag kon word, is die jongste skuif met negatiewe reaksies van Hongarye se Europese vennote begroet, aangesien hulle lugtig is vir ‘n oop skuiwergat na die Unie.

VSA val van toptien welvarendheidsindeks

Die VSA het vir die eerste keer van ‘n ligatabel geval wat die toptien mees welvarende lande aandui en wat drie Skandinawiese lande bo-aan vir welvaart en welsyn plaas.

Die VSA het vanaf die 10de plek op die Legatum Instituut se jaarlikse welvaartindeks gedaal tot 12de posisie te midde van verhoogde onsekerheid oor die gesondheid van die ekonomie en die vermoë van politici. Noorweë, Denemarke en Swede is as die mees welvarende op die indeks verklaar, wat dié week in Londen vrygestel is.

Met die presidensiële verkiesing net ‘n week weg, het die navorsingsgroep gesê dat die stand van die Amerikaanse ekonomie verswak het onder dié van 19 mededingers. Die verslag het ook getoon dat respek vir die regering geval het, minder Amerikaners sien harde werk as nuttig, terwyl nuutgestigte maatskappye hoër aanvangskostes moet aangaan en die uitvoer van hoë-tegnologie produkte daal.

“Terwyl die VSA sukkel om die boublokke van die Amerikaanse Droom te herwin, is dit nou ‘n goeie tyd om te oorweeg wat die beste sal wees om die land te terug lei na voorspoed en hoe om te kompeteer met die ratser lande,” sê Jeffrey Gedmin, die Legatum Instituut se president en hoof uitvoerende beampte in ‘n verklaring.

Die ses-jaar-oue Legatum Prosperity Index is ‘n studie van die welvaart en welsyn in 142 lande, gebaseer op agt kategorieë soos ekonomiese mag, onderwys en bestuur. Met 96 persent van die wêreld se bevolking, is dit ‘n poging om die meting van ‘n land se ekonomiese gesondheid uit te brei buite aanwysers soos die bruto binnelandse produk (BBP).

Die Legatum Instituut is die openbare beleidsnavorsingafdeling en deel van die Legatum Groep, ‘n private beleggingsgroep in Dubai, gestig in 2006 deur die Nieu-Seelandse miljardêr Christopher Chandler.

Die verslag toon dat selfs te midde van die ergste finansiële krisis sedert die Groot Depressie, globale welvaart toegeneem het oor al die streke in die afgelope vier jaar, maar die gevoel van veiligheid en sekuriteit het verminder te midde van spanning in die Midde-Ooste en vrees vir misdaad in Latyns-Amerika .

Noorweë en Denemarke behou die voorste posisies in algemene welvaart, terwyl Swede, Australië en Nieu-Seeland in die derde verbygesteek. Kanada, Finland, Nederland, Switserland en Ierland het die top tien afgerond. Die Sentraal-Afrikaanse Republiek is heel onder ingedeel.

In sy sub-indekse, het Legatum Switserland as die sterkste ekonomie met die beste stelsel van regering uitgesonder. Denemarke is die mees ondernemende en Nieu-Seeland het die beste opvoeding, terwyl gesondheid die beste in Luxemburg is en Ysland is die veiligste. Kanadese geniet die mees persoonlike vryheid en Noorweërs het die mees uitgebreide sosiale kapitaal.

Met president Barack Obama en die Republikeinse uitdager Mitt Romney wat vir die Wit Huis stoei, het Legatum gesê die Amerikaanse ekonomie het twee plekke van verlede jaar tot 20 gedaal. Dit het bevind dat Amerikaners hul regering minder vertrou, van van 42 persent verlede jaar tot 39 persent tans.

Geteister deur die eurosone skuldkrisis, het 24 uit 33 Europese lande, ‘n afname in hul ekonomiese telling sedert 2009 getoon, volgens Legatum. Op die welvaartskaal, het Griekeland die grootste daling in 2012 aangeteken, en met 10 plekke geval sedert 2009 tot 49. Spanje bly op die 23ste plek.

Die Verenigde Koninkryk is 13de, een voor Duitsland.

In Asië, is Hong Kong, Singapoer en Taiwan ingedeel in die top tien vir hul ekonomieë en die top 20 algehele indeks. Indonesië het die grootste styging in die welvaart van ‘n land sedert 2009 beleef, en 26 posisies gevorder tot 63.

Switserland, Noorweë en Singapoer is bo in die ekonomie sub-indeks, wat tevredenheid met die ekonomie en die verwagtinge betref, die doeltreffendheid van die finansiële sektor en die fondamente vir groei meet. Denemarke is voor Swede en Finland vir die krag van innovasie en toegang tot geleenthede.

Switserland het ook bo-aan die ranglys vir die beste regering geëindig. Dit is gevolg deur Nieu-Seeland en Denemarke vir doeltreffendheid en aanspreeklikheid van wetgewers, die regverdigheid van die verkiesings, die deelname van mense in die politieke proses en die oppergesag van die reg. Die hoogste punte vir onderwys het aan Nieu-Seeland, Australië en Kanada gegaan.

Luxemburg, die VSA en Switserland is die beste vir gesondheid en infrastruktuur sowel as voorkomende sorg en tevredenheid met die diens. Ysland, Noorweë en Finland is bo-aan die lys vir veiligheid en sekuriteit, met Tsjad, Kongo en Afghanistan die heel laagste

Kanada, Nieu-Seelanders en Australië geniet die meeste vryheid en sosiale verdraagsaamheid. Denemarke en Australië het die hoogste tellings vir sosiale kapitaal gemeet aan sosiale kohesie, die gesin en gemeenskapsnetwerke.

прокурор Фильчаков

Moorde op polisie wek kommer

Die moord op sers. Reuben Dibakwane in Hebron, Pretoria, is deel van ‘n kommerwekkende tendens van polisielede wat vermoor word terwyl hulle aan diens is, het die Tshwane-metropolisie Woensdag gesê.

“Die moord op sers. Dibakwane kom op ‘n tyd wat die land ‘n toename ervaar in die aantal polisiebeamptes wat deur misdadigers vermoor word,” het Steven Ngobeni, hoof van die Tshwane-metropolisie, in ‘n verklaring gesê.

Hy het die polisielede geprys wat twee van die vier mans in hegtenis geneem het wat glo vir die moord verantwoordelik is, en het beloof om aksie te neem teen die twee verdagtes wat steeds op vrye voet is.

Ngobeni het gesê Dibakwane word oorleef deur ‘n vrou en drie kinders.

“Mag hulle sterk wees en weet dat hulle man en pa ‘n dapper en onselfsugtige soldaat was wat met sy stewels aan gesterf het,” het hy gesê.

Console Tleane, ‘n polisiewoordvoerder, het Woensdag gesê drie beamptes is aangeval terwyl hulle die gebied naby Ga-Rankuwa gepatrolleer het.

“Hulle het opgemerk dat ‘n voertuig se ligte nie gewerk het nie, en dit laat stilhou en ‘n boete aan die bestuurder uitgeskryf.”

“Kort na die boete uitgereik is, is die beamptes deur vier mans oorval…”

Een van hulle het op die polisiebeamptes losgebrand, waarna ‘n beampte in die kop gewond is.

“Sy twee kollegas het teruggeskiet en een van die mans getref, maar hulle het weggehardloop toe die beamptes na hul kollega teruggekeer en hom na die Legae-kliniek in Mabopane geneem het,” het Tleane gesê.

Een van die aanvallers is later in Hebron aangekeer.

Tleane het gesê gemeenskapslede het ‘n tweede aanvaller vasgetrek en hom aan die polisie oorhandig.

ANC nie te vertrou oor haatspraak

“Die Vryheidsfront Plus sou ‘n hofbeslissing oor haatspraak verwelkom het in die Malema-haatspraak saak, want dit sou duidelikheid gebring het en afdwingbaar gewees het.

Die ANC kan nie vertrou word met die ooreenkoms met AfriForum en TLU SA oor die Malema-haatspraak saak nie. Dit is nie die eerste keer dat die ANC onderneem om sy ondersteuners aan te moedig om hulle te weerhou van haatspraak nie. Histories het die Vryheidsfront Plus in 2007 ‘n soortgelyke ooreenkoms gehad met die ANC, na ‘n klagte van haatspraak by die Menseregtekommissie (MRK). Die klagte het gespruit oor plakkate in Dendron van “All Boers are Killers” en “‘n Boer will remain a F*** Boer” in ‘n optog van die ANC. Die ooreenkoms is op 17 April 2007 in die verhoor van die MRK gesluit en die ANC het selfs onderneem om dissiplinêr teen sy lede op te tree. Nodeloos om te sê die ANC het hom nie by die ooreenkoms gehou nie,” sê mnr Pieter Groenewald, parlementêre leier van die Vryheidsfront Plus.

“Al sou die ooreenkoms met AfriForum en TLU SA ‘n hofbevel gemaak word, is dit moeilik afdwingbaar in die praktyk. ‘n Onderneming om “ondersteuners en leierskap aan te raai en aan te moedig om met selfbeheersing op te tree … om kwetsing te vermy” is te wyd. Nêrens is ooreengekom dat die woorde van Malema haatspraak is nie. Volgens inligting was Malema nie teenwoordig nie en het die ANC namens hom geteken. Malema is nie meer lid van die ANC nie en is dit te betwyfel of hy hoegenaamd by die ooreenkoms sal hou” sê Groenewald.