Dan Roodt, Author at praag.co.za

Definisie vir militêre veterane bly

Die Portefeuljekomitee op Verdediging en Militêre Veterane in die Nasionale Vergadering het die definisie van ‘n militêre veteraan, soos dit aanvanklik in die Wetsontwerp op Militêre Veterane omskryf is, behou. Volgens die definisie kwalifiseer, onder andere, enige persoon wat militêre diens gedoen het in die statutêre en nie-statutêre magte voor 1994, as ‘n militêre veteraan. Dit beteken dat dienspligtiges van die vorige bedeling ook kwalifiseer as militêre veterane ingevolge die wetsontwerp.

“Die besluit om die definisie te behou gee erkenning aan alle lede van militêre magte wat op een of ander stadium opgeoffer het in die stryd, ongeag watter kant van die stryd hulle gedien het. Dit is die korrekte besluit gegrond op billikheid, regverdigheid en onpartydigheid wat politiek uitsluit. Soms is dit nodig om ook agter die skerms te werk om die regte besluit geneem te kry, en het politiek, en veral partypolitiek, nie altyd ‘n plek in besluite wat die belange van lede van militêre magte raak nie,” sê mnr. Pieter Groenewald (LP), hoofwoordvoerder van Verdediging vir die Vryheidsfront Plus.

“Dit beteken egter nie dat elkeen wat volgens die definisie ‘n militêre veteraan is nou kan aanspraak maak op die voordele in die wetsontwerp nie. Elke militêre veteraan sal ook die middelletoets moet slaag. Die minister sal egter die middelletoets bepaal wat onder andere sal bepaal dat jou inkomste onder ‘n sekere perk sal moet wees. Minstens word daar nou ook behoorlik erkenning gegee, nie net aan dienspligtiges nie, maar ook aan die vergete Kaapse Kleurlingkorps, wat opofferings gemaak het,” sê Groenewald.

Groenewald het ook gewaarsku dat baie oud-lede deur swendelaars oorval word met e-posse wat lede se besonderhede vra en teen ‘n fooi, dan kwalifiseer vir sekere voordele. Hierdie e-posse is vals en moet verwerp word en lede moet bedag daarop wees sodat hulle nie onskuldige slagoffers word van skelms nie.

автосканер депутат лобановский

Taalraadbaas summier afgedank

Die uitvoerende hoof van die Pan-Suid-Afrikaanse Taalraad (Pansat), Ntombenhle Nkosi, is tydens ‘n tugverhoor aan finansiële wanbestuur skuldig bevind en summier afgedank.

‘n Pansat-woordvoerder, het Dinsdag gesê Nkosi is reeds op 20 Februarie 2009 weens bewerings van finansiële wanbestuur geskors.

Lees verder.
прокурор Фильчаков

Swart skole gaan verengels om lae standaard te troef

Angie Motshekga, minister van basiese onderwys, het Dinsdag verslag gedoen oor 2011 nasionale assesseringstoetse waarin gr. 3- en gr. 6-leerlinge onderskeidelik 35% en 28% vir geletterdheid en 28% en 30% vir gesyferdheid behaal het.

Sowat 6 miljoen kinders het in Februarie die toetse geskryf sodat die onderwysdepartement ‘n basisvlak vir vaardighede in Suid-Afrikaanse skole kon stel.

Motshekga het gesê die uitdaging is nou om die vaardigheidsvlakke teen 2014 tot minstens 60% te verbeter.

Die hoogste punt van 43% vir geletterdheid in die Wes-Kaap se gr. 3-groep was steeds ver onder die mikpunt, het die minister gesê.

Meer as 80% van gr. 3- en gr. 6-kinders in Limpopo, Mpumalanga en Noordwes kon nie die verwagte gesyferdheidsvlakke eens naastenby behaal nie.

Swart kinders wat hul skoolloopbaan met moedertaalonderrig begin het, moes in gr. 3 na Engels oorskakel. Dit is as een van die striemende faktore in die verslag uitgelig.

Die departement het dus besluit om van volgende jaar af Engels as ‘n verpligtende vak in gr. 1 in te stel. Dié besluit is gemik op skole waar leerlinge se huistaal nie Engels is nie.

Skoolvakke gaan volgende jaar verminder word van agt tot ses in die intermediêre fase (gr. 4 tot gr. 6). Onderwysers sal voortaan op grondslagvaardighede fokus, meen die departement.

boost followers

Eskomverhogings sal soos hartaanval wees

Die VF Plus gaan Eskom se aansoek by NERSA vir verdere tariefverhogings teenstaan. Adv. Anton Alberts, VF Plus-parlementêre woordvoerder oor energie, het aangedui dat in die lig van Eskom se wins en die vorige toegestaande verhogings Eskom alreeds spasie gegee is om sy huis in orde te kry.

“Eskom wil eintlik die totale verhoging wat vroeër nie toegestaan is nie nou weer opvang deur verdere verhogings oor ‘n nuwe tydperk. Dit is onaanvaarbaar en sal die ekonomie ‘n verdere knou toedien. Die nuwe kragtarief-verhogings saam met die toltariewe in Gauteng sal soos ‘n hartaanval vir ons ekonomie wees.”

Enige verdere verhogings sal die armstes die hardste tref en daarom sal die regering moet ingryp in die bestuur van Eskom se finansies sonder dat die kragverbruiker of belastingbetaler verder belas word.

the very

Nasionalisering geniet wye steun in ANC

Die Vryheidsfront Plus het gesê dat daar toenemend tekens is dat daar sterk ondersteuning vir nasionalisering binne die ANC-alliansie bestaan. Dit volg na berigte dat Cosatu asook die ANC in die Noordwes-provinsie ‘n beleid van nasionalisering amptelik ondersteun.

Die VF Plus het ook Suid-Afrika se amptelike opposisie, die Demokratiese Alliansie, gekritiseer oor hulle stilte rakende die nasionaliseringsdebat. “Dit is uiters jammer dat die party waarop meeste opposisiekiesers onlangs hulle hoop geplaas het, daardie kiesers nou faal in ‘n tyd van krisis,” het dr. Conrad Beyers, VF Plus-woordvoerder oor finansies, gesê.

Die VF Plus het gesê dat Cosatu se ondersteuning van nasionalisering van myne en banke nie in belang van Suid-Afrikaanse werkers is nie, maar suiwer ideologies-gedrewe is. Volgens die VF Plus bestaan daar sterk aanduidings dat nasionalisering van kernbedrywe eerder werkloosheid kan vererger as verbeter en daarom is dit verbasend dat Cosatu ‘n potensieel selfvernietigende standpunt inneem.

Volgens Beyers blyk dit asof Suid-Afrikaners tans in ‘n staat van ontkenning verkeer rakende nasionalisering. “Alle belanghebbendes behoort tot die besef te kom dat die vooruitsig van nasionalisering nie maar net ‘n abstrakte droom oor die verre toekoms deur ‘n paar waansinniges in die regerende party is nie. Die VF Plus waarsku lank reeds oor die radikalisering binne die regerende party en dit is nou besig om te realiseer,” het Beyers gesê.

Volgens die VF Plus behoort belanghebbendes insluitende die mynboubedryf, bankwese, landbousektor, vakbondwese, burgerlike samelewing asook politieke partye op ‘n gekoördineerde wyse saam te werk ten einde voorbereidings te tref om die bedreiging aan te spreek.

Dit begin duidelik word dat die ANC en sy alliansievennote tans deur ekonomiese ideologie gedryf word en dat hulle nie sal skroom om die land ekonomies te vernietig in die proses nie. “As die ANC toegelaat word om die grondwetlike reg op eiendom weg te neem, sal daar geen keer wees nie. Daarna sal geen eiendom meer veilig wees nie – die gulsige elite wat voordeel uit nasionalisering trek sal nie stop voordat alle Suid-Afrikaanse hulpbronne en welvaart opgevreet is nie”.

China verwelkom Soedan se omstrede president

China het die omstrede president van Soedan, Omar al-Bashir, in die land verwelkom.

Dié besoek het opslae gemaak omdat die internasionale strafhof voorheen ‘n lasbrief uitgereik het vir al-Bashir se inhegtenisname vir volksmoord, oorlogsmisdade en misdade teen die mensdom in Darfoer.

Dis die eerste lasbrief van sy soort wat vir die inhegtenisname van ‘n president uitgereik is.

Die president het voor sy besoek ‘n onderhoud met China se Xinhua-nuusagentskap gesê: “Ons sien China as ‘n strategiese vennoot vir Soedan op verskeie gebiede. Dit sluit politieke, ekonomiese, kommersiële en kulturele samewerking in.”

Hy het China geloof omdat hulle nie inmeng in die interne handelinge van ander in nie.

games for

Internasionale juridiese gewete?

Die lasbrief wat die Internasionale Strafhof in Den Haag vir Moeammar Ghaddafi, sy seun en “troonopvolger” en die hoof van Intelligensie uitgereik het, stuur skokgolwe oor die wêreld. Veral uit Afrika is daar ontsteltenis.

Die optrede kan egter beswaarlik as anti-swart afgemaak word.

Lasbriewe op aanklagte wat met volksmoord, of die doodmaak van burgerlikes verband hou, is ruim uitgereik vir oortreders en beweerde oortreders uit Joegoe-Slawië, en kort-kort word oor nog arrestasies en uitlewerings berig.

Die Groot-merekonflik en etniese moordorgies lewer ook elke nou en dan arrestasies op, terwyl ander dele van Afrika ook al ‘n uitlewering of wat opgelewer het. Die Taylor-verhoor het selfs ‘n diamant-nadraai in die Suid-Afrikaanse howe gehad, waarby die Mandela Trust en Naomi Campbell betrek is.

Afrika het egter ook ‘n paar kladmerke agter die blad. Pres. Oamar al Bashir van Soedan word byvoorbeeld nie uitgelewer nie, en soms blatant deur Afrikalande gesteun. Stilswyend is daar blykbaar ‘n internasionale vergelyk dat solank Bashir sy samewerking gee vir die onafhanklikheid van Suid-Soedan, so lank sal sy vryheid stilswyend geduld word.

Intern in Afrika is sake egter ook nie altyd mooi gestroomlyn nie. Pres. Robert Mugabe van Zimbabwe bied byvoorbeeld huisvesting aan die oud- Ethiopiese diktator Haile Mirriam Mengistu. Mengistu is in ‘n stadium in sy eie land ter dood veroordeel.

Hoewel Afrika sake na anti-Afrika of anti-swart probeer herlei, sit dié leiers se turf. In die eerste plek kan hulle geen sweempie vordering toon vir hul pogings om die Libiese kwessie op te los nie, en Ghaddafi het telkemale omtrent dadelik sy sogenaamde ondernemings aan basies enigeen verbreek deur weer aanvalle op burgerlikes te loods.

In die eerste plek is die regter wat aan die hoof staan van die groep regters wat die lasbrief uitgereik het, ‘n vroueregter uit Botswana. In die tweede plek het die regters van die ontbinde SAOG-tribunaal ook met stappe teen die SAOG begin. Dié tribunaal het bekendheid verwerf toe dit uitspraak teen Mugabe se grondgrype gelewer het, maar die SAOG dit eerder ontbind het as om sanksie te gee aan die uitspraak.

Teen dié agtergrond klink Afrika se besware teen die Ghaddafi-lasbrief op die nie-Afrika-oor verspot. Lande buite Afrika neig om ‘n heel ander persepsie oor die Libiese krisis te hê, soos die onlangse besluit van Denemarke om slegs die rebelle-owerheid in Libië as wettige regering te erken. Ghaddafi word gewoon nie as deel van enige toekomstige Libië beskou nie.

Dit beteken egter ook nie dat daar besliste pragmatiese negatiewe aspekte is in die uitreik van die lasbrief nie. Ghaddafi sal nou baie moeiliker uit die beergreep op die Tripolitaanse gebied van Libië gedwing word, omdat hy nou streng gesproke geen veilige hawe buite sy land sal kan vind nie. Boonop geld dieselfde vir die enigste mens aan wie hy bereid sou wees om sy gesag af te staan, sy seun Saif al-Islam.

Intussen neem vrae toe oor hoekom Ghaddafi dié soort behandeling kry, terwyl die wêreld traag weggespring het met selfs beperkte, persoonlike sanksies teen die bewind in Sirië. Ook daar kom daar bykans weekliks na die Vrydagaand-gebede slagtings van burgerlikes aan die hand van die militêre voor. Die getal vlugtelinge in Turkye neem geleidelik toe, wat bykans verseker dat ‘n oplossing gevind sal moet word – of Turkye sit met ‘n permanente vlugtelingbevolking wat onder meer Koerde insluit – ‘n klip-in-die-maag-vooruitsig vir die Turke. Die tipe sanksies wat lande teen die Assad-bewind instel, is grootliks ongekoördineerd en opsigtelik impotent.

free online slots games

Maatreëls om grondhervorming te bespoedig

Pres. Jacob Zuma het op die vergadering van Cosatu se sentrale komitee maatreëls aangekondig om grondhervorming te bespoedig. Dit sluit onder meer in:

– Die aanstelling van ‘n waardeerder-generaal om die herverspreiding van grond te bespoedig;

– ‘n Grondbestuurskommissie gaan opgerig word om grondtransaksies te ondersoek en titelaktes te hersien;

– ‘n Huurpagwetsontwerp wat sal help met die oprigting van lokasies vir plaaswerkers;

– ‘n Bestuursraad vir grondregte wat die lokasies sal reguleer en regshulp aan plaaswerkers sal bied, gaan opgerig word.

– Ten minste drie maniere van herverspreiding sal aanstons in ‘n nuwe groenskrif vervat word. Ten eerste sal staatsgrond verhuur word, ten tweede sal daar vrypag ingestel word met beperkings, en ten derde sal buitelanders se reg op besit gekwalifiseer word.

Grondeienaarskap sal sodoende die staat toekom indien buitelanders nie aan vasgestelde verpligtinge voldoen nie.

Zuma het gesê omdat die regering sedert 1994 op markpryse aangewese is, is die regering aan samespanning en bedrog in die grondwaardeketting blootgestel. Hy het gesê dié gevaar moet aangespreek word.

play

Veel te lees in onafhanklike Vlaamse buitelandse beleid?

Die Vlaamse koerant, De Standaard, maak groot gewag van die Vlaamse Minister-president (premier), Kris Peeters se besluit om regstreeks amptelik met buitelandse regeringsleiers te skakel.

Peeters maak dit duidelik dat die tyd verby is dat deelstate die posisie van tweede of selfs derde regeringsvlak inneem.

Ter agtergrond: België het geleidelik meer en meer die karakter van ‘n federale staat aangeneem, en sedert 1993 verklaar die grondwet self België tot federale staat.

Is dit wat Peeters doen, werklik so uit pas met normale federale praktyke?

Dit hang baie af van hoe ‘n federasie tot stand gekom het, en of die deelstate oorspronklike, of gedelegeerde gesag het.

In state soos die VSA en Australië – en in ‘n mate Switserland – waar die federasie die gevolg was van eens onafhanklike state wat vir ‘n verskeidenheid redes ‘n nuwe federale staat vorm, het die deelstate gewoonlik steeds oorspronklike gesag. Hulle dra bloot sekere funksies, soos verdediging en buitelandse sake aan die nuwe federale regering op, maar behou hul soewereiniteit – oorspronklike gesag – oor ander sake soos onderwys en justisie.

Dit, in elk geval, is die teorie. ‘n Teenswoordige manifestasie is hoe die lidlande van die Europese Unie nou gesag na die Europese parlement “opwentel.”

België was egter eers ‘n veel meer unitêre staat na dit in 1830 as onafhanklike staat tot stand gekom het. Vlaandere het egter reeds lank voor federasievorming sekere buitelandse betrekkinge gehandhaaf. In die Vrystaat het die Vlaamse regering byvoorbeeld die Sentrum vir Burgerskapontwikkeling en Konflikbeslegting gevorm en gevestig, en dié befondsing is eers opgeskort toe ‘n latere Vrystaatse Premier die sentrum ontbind het en die finansiering in die Vrystaatse Ontwikkelingsplan wou laat opgaan. Dié regstreekse buitelandse skakeling het heel dikwels, maar nie altyd nie, kulturele wortels gehad.

Nou maak Peeters dit duidelik dat ‘n gemeenskaplike kultuurbelang geen oorweging is nie. Sy eerste afspraak op 4 Julie is wel met die Nederlandse Premier, Mark Rutte. Hoewel dit ontken word, kan aanvaar word dat die Nederlandse besluite – tot Vlaandere se ontsteltenis – oor die Hedwigepolder op die agenda sal wees.

Politiek eerder as kultuur, blyk egter nog duideliker uit Peeters se beplande afspraak met die Katalaanse leiers – weliswaar na hy eers met die Luxemburgse premier ‘n afspraak nagekom het.

Peeters kan kwalik ‘n duideliker boodskap rig oor die simboliek van sy voorgenome afspraak met die Katalaanse leiers – trouens, hy kon sy standpunt slegs duideliker gemaak het deur ‘n afspraak met die Baskiese leiers in die vooruitsig te stel. Katalonië, ‘n nie-Spaanse gedeelte van Spanje, het soos die Baske beperkte selfregering gekry. Vlaandere en Katalonië deel dus in ‘n mate ‘n outonomiestatus.

Peeters se reaksie op die vraag of sy, Peeters se optrede in ‘n tyd van hoogspanning (België kon ‘n jaar na die verkiesing nog geen vaste federale regering vorm nie) nie die vlakke van senuagtigheid opjaag nie is beslis beantwoord: “Ik zou niet weten waarom. Ik ga geen gesprekken organiseren over bevoegdheden die ik niet heb. Ik wil een toegevoegde waarde geven. Complementair met het federale. Het zal ook stap voor stap gebeuren. Ik ga niets overhaasten.”

Maar miskien tog ietwat haastiger as wat hy beoog. Peeters is lid van die Christen-Demokrate in Vlaandere, ‘n party wat tot onlangs nog oorheersend in die regerende koalisies van Vlaandere en België was. Op die vlak van die Belgiese federale regering funksioneer ‘n Christen-demokraat, Yves Leterme, wel as instaanpremier, maar het nou veels te min steun om sonder die Vlaamse nasionalistiese party, N-VA van Bart de Wever, ‘n nasionale regering te kan vorm. De Wever se party is sterk genoeg om te keer dat die Waalse (Franstalige) sosialisteparty die nasionale regering oorneem. Kortom, die politieke sentimente in Vlaandere waai na onafhanklikheid, en as die Christen-demokrate hul relevansie in Vlaamse politiek wil behou, sal hulle meer as net simboliese seine moet uitstuur.

games to

Ope brief aan Naspers en Media24

Die direkteure van Naspers,

Die direkteure van Media 24,

Die redakteur van Beeld,

Die redakteur van Volksblad,

Die redakteur van Rapport.

I/s: Die verval van ‘n etiese gedragskode binne die media

Ek rig die volgende skrywe aan u om duidelikheid te probeer kry oor ’n paar opvallende aspekte binne die spesifieke koerante, soos verteenwoordig deur hulle redakteurs.

Vryheid van spraak

Mediagroepe, joernaliste en die man op straat is almal bekommerd oor die nuwe inligtingswet. Die beheer van inligting is, soos ons almal weet, ’n uiters gevaarlike speletjie. Daarom is dit juis ironies dat terwyl u aan die een kant baklei vir die behoud van vryheid van spraak, u aan die ander kant vryheid van spraak belemmer. Elke keer as ek ’n kommentaar plaas op Rapport se webwerf verskyn daar ’n kennisgewing op my rekenaar wat lees my kommentaar word gemodereer. U is uiters ontsteld oor die idee dat die regering inligting wil modereer, maar tog beoefen u dieselfde praktyk oop en bloot!

By omtrent elke artikel in hierdie koerante is ’n funksie waar lesers, soos ek, kommentare kan lewer. Die slag wanneer dit nie gemodereer word nie, is dit ’n wonderlike geleentheid om die waarde van vryheid van spraak te illustreer. Die vraag wat ek in verband hiermee aan u wil stel, is hoekom sekere kontroversiële artikels nie oor hierdie funksie beskik nie? Dit kan nie as gevolg van finansiële redes wees nie, want ’n debat wat volg in hierdie kommentaar-funksie genereer trefslae vir julle webwerf wat weer gebruik word om advertensiekostes te bepaal. Dit is dus teen finansiële koste dat julle nie vryheid van spraak hier toelaat nie… Hoekom dan nie?

Skeefgetrekte perspektief

Ek maak ’n punt daarvan om die kommentare te bestudeer en dit is duidelik dat u lesers nie saamstem met van die sentimente wat deur veral rubriekskrywers ten toon gestel word nie. Dit is vreemd dat ’n koerant ten spyte van hierdie skeefgetrekte beeld nog steeds kan voortgaan om hoofsaaklik een tipe sentiment te verteenwoordig terwyl daar weke verbygaan waar ons as lesers nie ’n enkele insetsel van ’n behoudende Afrikaner te sien kry nie. Die enigste afleiding wat mens kan maak is dat julle nie die behoudende Afrikaner se bestaan erken nie, terwyl die kommentare oorheers word deur hierdie einste sentiment. Deur net een sentiment (wat male sonder tal deur my as leser as anti-Afrikaner ervaar word) te huisves, is mos nie ’n objektiewe of realistiese verteenwoordiging nie? Kyk mens na die toon van sommige rubrieke is dit duidelik dat die Afrikaner nie meer welkom is by die koerante waarvan hulle die mark is nie. Die oomblik as ons net sekere idees, net sekere kommentare, net sekere sentimente aanbied as verantwoordelike media, is ons besig met propaganda. Is u besig met propaganda?

In die week van 20 tot 26 Junie was koerante oorlopens toe vol met berigte rakende die besoeke van Oprah Winfrey en Michelle Obama. In dieselfde week het ’n onafhanklike internasionale organisasie met die naam “Genocide Watch” (Genocidewatch.org) aangetoon dat Suid-Afrika opgeskuif gaan word na vlak 6 uit ’n moontlike 8 vlakke van volksmoord. Voor u dink dit is weer ’n “regse” belang, wys ek u graag daarop dat daar twee groepe is waaroor die organisasie besorgd is, by name die blanke bevolking van ongeveer 4 miljoen sowel as die swart immigrante van ongeveer 10 miljoen. Is dit bloot swak joernalistiek dat daar nie ’n berig geplaas word dat die groter deel van u lesers alreeds 6 uit 8 stappe gevorder is in terme van volslae volksmoord nie, of skuil daar ander motiewe agter?

Dit is ironies dat ’n multimiljoen- (of is dit multibiljoen-) randorganisasie soos u miljoene rande se sensasie genereer uit vier jong mans wat ’n video maak oor hulle frustrasie met gedwonge integrasie (wat myns insiens ook ’n tipe van vryheid van spraak verteenwoordig) terwyl die direksies van Naspers en Media 24 asook die topbestuur van Naspers oorheers word deur wit mans. Berig na berig is geskryf oor die probleem met transformasie na aanleiding van die Reitz-debakel, dog blyk dit u direksie is baie ver van verteenwoordigend af? Inteendeel, ek sien slegs een swart man op die direksie… U hamer dus op hierdie arme vier seuns, terwyl u self skuldig is aan ’n onwilligheid om te transformeer? Miskien as u self voel watter impak dit op ’n individu en huisgesin het wanneer iemand op grond van sy wit velkleur afgedank word, sal u ’n beter begrip hê vir die frustrasie wat duisende lesers elke week op u forums openbaar.

As leser is ek moeg vir hierdie subtiele subjektiwiteit wat in ons kele afgeforseer word. Die grootste gevaar vir vryheid van spraak is nie die regering nie, maar die media wat eenvoudig weier om sekere sienings en opinies te plaas in ’n land waar ons veronderstel is om gelyke regte te hê. As julle dan ’n mondstuk wil wees vir een of ander sentiment, wees ten minste net eerlik daaroor of as julle waarlik verantwoordelike media wil verteenwoordig, doen dit so deur almal se kant van die saak te erken!

topcargo