Die African Bank-bankrotskap gaan nie die land se bankstelsel ongeskonde laat nie. Hoewel die banksektor in sy geheel nie aangetas word nie, sal sowel die Reserwebank (dus die belastingbetaler) as die kommersiële banke moet instaan vir African Bank se verlies van om en by R10 miljard. Dít alles gaan uit ons sakke kom, want immers betaal ons almal bankkostes aan die banke.
African Bank leen hoofsaaklik geld aan swart verbruikers sonder enige sekuriteit. Hoeveel van die ander banke is nie ook betrokke by soortgelyke lenings nie? In elk geval het die ANC-bewind oor die afgelope twintig jaar ‘n kunsmatige middelklas van ongeveer 2 miljoen staatsamptenare geskep wat almal oor huis- en motorlenings beskik. Hierdie mense beskik nie oor die vaardighede om in ‘n moderne ekonomie mee te ding nie en is bloot in diens geneem omdat hulle aan die regering se maatstawwe vir regstellende aksie en “transformasie” voldoen.
Hoe lank dié kunsmatige swart middelklas gaan aanhou bestaan, weet nugter. Die oomblik as die staat se finansies onder druk kom, gaan ons ons in ‘n afwaartse spiraal bevind wat sowel die staat se kredietwaardigheid as die banke s’n kan tref.
Geruime tyd reeds bepleit ek dat ons met ‘n klein beleggingsmaatskappy in die buiteland moet begin, wat aanstons tot ‘n Afrikanerbank buite die land se grense kan aangroei. Switserland of Luxemburg sal ‘n geskikte plek vir so ‘n bank wees. Deesdae kan mens aanlyn al jou banksake doen en maak dit nie saak in watter land jou bank gedomisilieer is nie.
Nie net kan so ‘n bank ons fondse veilig hou en bestuur nie, maar dit kan ook deur geld vir nuwe ondernemings in Suid-Afrika te leen, werk vir ons mense skep.
As u in so iets belangstel, vul die vormpie aan die regterkant van dié blad as praag-vrywilliger in of klik hier. Meld op die vormpie dat u in die oorsese beleggingsmaatskappy belangstel, dan vertel ek u hoe dit kan begin.
Dan Roodt
Orania het ook n bank en hy WERK!!!
Stem saam – Oranjekas bestaan al etlike jare.
Hulle het nie die kennis en ervaring wat Dr Roodt het nie
Ek het geen kennis van wat Dr Roodt gedoen het voor PRAAG nie – Ek weet hy het in die finansiële wêreld gewerk maar dit is al. Hierdie is net ‘n opmerking dat daar alreeds sulke dinge aan die gang is. Ek weet nie eers hoe suksesvol hulle is nie aangesien ek tans nie van hulle dienste gebruik maak nie.
Dr Roodt was die hoof van afgeleide markte by ‘n paar internasionale banke. Ek is self in die bankwese. Hy dink hy gooi sy pêrels voor die swyne, maar dis maar net my opinie. Hy kan liewer by ‘n Switserse bank gaan werk as wat hy gratis probeer om Afrikaners te help.
Veral in hierdie ekonomiese klimaat.
Dit het ek nie geweet nie. Met sulke kennis moes ons al lankal met ‘n plan gekom het –
Daar is te veel krewe wat graag help aftrek
Is hierdie nie ‘n plan nie? Lyk vir my soos ‘n goeie een.
Oranjekas verloor geld. Dr Roodt lyk my sommige mense is jou kompetisie nie jou ondersteuning nie
Hierdie is niks teen Dr Roodt nie – ekself het geen ervaring met oranjekas nie – hierdie is bloot ‘n opmerking en nie negatief teen Dr Roodt se vermoëns en of idees nie –
Ek glo in elk geval dat die enigste persoon wat my geld se groei op die hart dra is ekself. Ek het my dure les al jare gelede deur Sanlam geleer. Ja dit is meer werk vir myself maar dit is hoe ek daaroor voel en uitsien.
Rooikop, dankie vir die kalm wyse wat jy jou saak nou hier gestel het.
Dis absoluut verstommend met hoeveel venyn mense kan optree, en bitsige antwoorde rond slinger.
Ek is absolute leek wanneer dit kom by banksake en verlaat my op my mede afrikaner broer om advies en inligting te deel, maar op hierdie wyse is dit uiters onaangenaam.
gatkruiper, hou op stories opmaak, wil jy hoofseun wees? Dr. Roodt Dit en Dr. Roodt dat.. wharra wharra wharra
Nee hy werk nie, maar dan is daar mense wat vrot melk ook as ‘n wenner sien
willy gaan koop vir jou karingmelk, so in jou kraal
As jy dan nie die verskil verstaan tussen wat dr Roodt voorstel en Orania se bank of Oranjekas nie, moet jy dalk nie ‘n mening waag nie.
en jou punt is? war verskil ek? Ek het bloot uitgewys dat ander maniere en banke ook kan werk, se asb waar suig jy uit jou duim uit dat ek verskil?
Ek neem kennis Praag.
Mense, ons moet nou gróót begin dink. Die Afrikaner is soos ‘n bokkie op die treinspoor: ons weet grondhervorming gaan ons tref, nuwe antiblanke wetgewing, die rand gaan in sy kanon in val en ons gaan uiteindelik terugkeer na ‘n armblanke toestand toe soos in die dertigerjare. In die verte kom die trein se ligte aan en die lokomotief fluit al vir ons!
Oor die afgelope paar weke het ek met ‘n klomp mense gesels: oorsese bankiers wat baie pessimisties oor SA se toekoms en ons geldeenheid is, maar ook rekenmeesters hier in ons land wat bevestig dat daar wel steeds klein sake is wat goed doen in bepaalde bedrywe.
Wat ons moet doen, is om ‘n gedeelte van ons fondse buiteland toe te skuif, maar ook aan te hou belê in kleinsake in SA wat vir ons mense werk kan skep en onder die radar van SEB en al die ander goggas bly.
Die internet maak dit moontlik om dít alles baie maklike te bedryf. Om een voorbeeld te noem: verlede jaar het 9 miljoen Britte deelgeneem aan sogenaamde “skarebefondsing”, oftewel “crowdfunding”.
Ons kort so een miljard rand om ‘n nuwe bank in Switserland of Luxemburg te begin, iets wat ons binne ‘n jaar kan bereik. Intussen kan ons egter solank die kapitaal bymekaarmaak en in sekere nuwe besighede belê wat sal werk skep en die kapitaal sal laat groei. ‘n Gedeelte van die fondse sal egter in genoteerde aandele, goud of buitelandse valuta belê word om te sorg dat daar ook likiede bates is wat uiteindelik die bank se kapitaal sal uitmaak.
PRAAG sal instaan vir die oprigtingskoste van ‘n buitelandse beleggingsmaatskappy wat vrylik aandele kan uitreik vir beleggers wat aandele daarin opneem.
Hierdie is baie opwindend!
Hou aan lees.
Waarom moet daar langer langer Afrikaners in plakkerskampe sit as ons vir hulle werk kan skep? As ons hulle kan oplei om in ons alternatiewe ekonomie te kan werk, geld te kan verdien, hoef niemand meer bakhand te staan by ‘n verkeerslig nie. Maar ons moet ook almal baie meer geld kan maak om die soort gesofistikeerde veiligheidsdienste te bekostig wat ons nodig het om in dié gevaarlike land nie net te oorleef nie, maar ook veilig te kan bly. Veiliger as in Switserland of Ysland! In Ysland is daar glad nie misdaad nie, so te sê niks nie.
Die staat en die banke besteel ons elke dag. Na my beraming bestaal Afrikaners iewers tussen R50 en R100 miljard se rente en bankkoste elke jaar aan die vier groot banke. Dis baie konserwatief geskat. Dis genoeg geld om vir ons ‘n utopie in Suid-Afrika te skep, met veilige beleggings oorsee sodat as die rand eendag soos die Zim-dollar in die hek duik, gaan ons ons slap daarvoor lag en eenvoudig ons kredietkaarte in euro of Switserse frank uithaal en hele geboue of plase opkoop vir die prys van ‘n ete in ‘n restaurant.
Ons kan ons eie betaalstelsel bedryf wat sowel in rand as in buitelandse geldeenhede sal werk en jy kan kies in watse geldeenheid jy jou geld wil hou. Jy kan selfs ‘n goudrekening hê wat aan goudstawe in ‘n kluis in Zürich gekoppel is. Indien al die geldeenhede ter wêreld dus ineenstort soos sommige mense voorspel, sal jy nog steeds met ‘n breë glimlag rondloop.
Ons is mos pioniers. Ons vroue is kaalvoet oor die Drakensberge. Dis nou die tyd om kaalvoet terug oor die Switserse Alpe met jou sakgeld te klim. Ek vertrou Gill Marcus net sover as ek haar kan gooi en sy lyk swaar… Die feit dat sy klaar R10 miljard van die SA banke se aandeelhouersfondse kan vat om ‘n bankrot swart bank te red, sê vir jou dat sy jóú geld in jou bankrekening ook sal vat as dit daarop aankom om hul kommunistiese utopie-in-wording te red! Onthou: in Siprus het die regering 10% van mense se spaargeld uit hul rekenings gevat.
Dankie Dr Dan dit is absolute stimulerende inligting wat u deurgee. Iets wat beslis vinnig aandag sal moet kry.
Ek het so vinnig deur die kommentare geskandeer en dit wil vir my voorkom of ons mense nie werklik besef hoe haglik die land se finansies is nie. Wat gebeur met ons as die rand binne 3 – 6 maande of self n jaar devalueer tot R20 of moontlik meer vir elke dollar. Dit kom daarop neer dat
mens onmiddelik van n half tot twee derdes van jou bates permanent verloor en die realiteit is dat niemand ons te hulp sal snel nie soos vir die swart regering se bodemlose put nie. My seun bv. het vanaf dag 1 n deel van sy inkomste in die buiteland belê – goeie rente verdien – hy het sy huis kontant gekoop met die geld wat hy getrek het soos dit vir my lyk gaan hy nou sy huis verkoop en weer die geld in die buiteland belê – waar? Ek weet nie-hy sê nie en ek vra nie. Hy het net vir my gesê Suid Afrika is bankrot en gaan finansieel duik.
Die voorddele is legio as mens erens in die buiteland jou geld kan belê selfs later miskien in n besigheid daar belê wat jou geld laat vermeerder sonder om die risiko te loop dat jy dit hier plaaslik met die val van n byl kan verloor. Ons toekoms in hierdie land lyk vir my maar redelik onseker. Mens is nie eens meer seker van jou pensioen waarvoor jy n leeftyd gespartel het nie. Ek het nou nie die kennis van n finansieële konsultant nie – maar n mens hoef nie een te wees om te sien wat om jou aangaan nie.
Heeltemal korrek, Riempies. Tot redelik onlangs was die rand R8 per euro werd… Dit staan nou op R14,23 per euro. R10,63 per dollar. Dit help jou niks die aandelebeurs styg met 20% en jou geld raak 30% minder werd nie!
Verder is die ANC besig om ons toe gooi met reëls en regulasies. Jy kan niks meer doen sonder om ‘n vorm in te vul of iewers te registreer nie. Ek weet van vele makelaars en finansiële adviseurs wat die bedryf verlaat het omdat dit eenvoudig te duur en te omslagtig geword het. Nog ‘n rede om alles na ‘n buitelandse jurisdiksie te verskuif.
Uitstekend plan wat al laaaankal aandag moes kry.
OSK van Orania is ‘n volwaardige spaar en krediet bank geregistreer by die Reserwebank wat dit beskou a die beste ontwikkelingsbank…
Orania is gekoop vir 1.4 miljoen en kapitaalontwikkeling word nou waardeer op R500 miljoen en groei eksponensieel.
So Dr Dan sal verseker met OSK vrugbaar kan gesels oor buitelandse sekurteit..
Gaan praat met die grootste Afrikanerbank op die oomblik. Hulle betaal 8% rentes per maand. maw samegestelde rente op ‘n vaste deposito.soos wat ek verneem.
Die punt is dat bestaande grond en vaste eiendom die geld ‘ Ora ‘ se sekuriteit is.
Sonie kan julle met my kom gesels want ek het al ‘n spaarrekening in ‘n switserse bank o jaaaa. belowe!!
Dit het nou 1000 swissfrank en krimp en sak soos my moed.
Grappie op ‘n stokkie.
Die ding wat ‘n ekonomie en geldstelsel saboteer is vals geld. Dis wat met Zim gebeur het en dis wat met die Sovjet unie gebeur het.
Reagen het die russe met denkbeeldige starwars besig gehou sodat hulle al hul eld op gemors het op gemors. Toe oorspoel hy die mark met 10 Roebbel note..
Dit was ‘n skitterende doodskoot vir die ganse Marxisme van Rusland.
Daarom word Reagen as die grootste strateeg beskou. Sonder om ‘n druppelbloed te vergiet het hy sy vyand totaal vernietig. – Wat ‘n ontsaglike prestasie!!!
Maw dis soos die Rand ook sal koeleps. Maaaaaar die rand word deur goud verseker.en platinum en wapengraad verrykte uraanen en en en hmmmm….
Daarom moet ons in ander valuta spaar teen die bose geeste van die lug…..asteware.
So ek gaan maar my geldjies wegsit in my Switerse en Orania spaarvarkies
Volkome wettig.
Of hoe?
Daar bestaan ook die werklike uitdaaging dat mens waar moontlik van die hele bankstelsel en Reserwebank se beheer en manipulasie wil wegkom. Kooperasies bied verskeie voordele en die geld behoort aan die lede, nie aan die instansie of die beheerraad nie, en is ook nie onderworpe aan ander banke of instansies se swak etiek, versuim of slegte besigheid nie.