‘n Vyftigjarige man en twee kinders is Sondagaand doodgeskiet op ‘n plaas by Vredefort in die Vrystaat.
Volgens polisiewoordvoerder Masilela Langa het plaasvoorman Hansie Raadt na bewering ‘n swartman, wat aan hom bekend is, en ses kinders by ‘n vulstasie op die dorp opgelaai en saam met hulle op die plaas Palmietkuil gaan eet.
Die man het blykbaar ‘n vuurwapen van Raadt in die hande gekry en die groep daarmee gedreig. Hy’t Raadt doodgeskiet asook die elf- en 15-jarige seun doodgeskiet toe hulle probeer vlug het.
Hy het met Raadt se bakkie gevlug wat hy daarna aan die brand gesteek het.
Die verdagte is in ‘n lokasie in Kroonstad aangekeer.