10:38:51 'n Bende swaargewapende mans het met ‘n onbekende bedrag geld weggekom nadat hulle ‘n kluis by ‘n supermark in Springs opgeblaas het, het die polisie vanoggend berig. Kaptein Johannes Ramphora sê ‘n bende van agt mans het vier sekuriteitswagte omstreeks 2-uur vanoggend vasgebind, voordat hulle deur die dak van die Pick 'n Pay ingegaan het, waar hulle die kluis opgeblaas en ‘n groot hoeveelheid geld geneem het.
Volgens Kaptein Ramphora is ‘n klag van roof en nog ‘n klag onder die plofstowwewet geopen.
‘n Paar polisie-eenhede span saam om die saak te ondersoek, het hy verder bygevoeg.