Sokrates de Wet – praag.co.za

Baie dankie, oom Tokyo

Dit is seker niks nuuts dat mnr. Sexwale op openbare radio gekla het dat hy al weer “verkeerd verstaan” is deur lede van die opposisie nie. Die feit dat die stelling wat ‘n week of wat gelede gemaak het en nou begin om homself te verdedig, dui aan dat hy êrens ‘n flater gemaak het, wat hy nou probeer toesmeer.

En dat die stuk sy betekenis in die vertaling verloor het, is maar net nog ‘n verskoning. Woorde wat eenkeer geuiter is, kan ongelukkig nie teruggetrek word nie, en dit is iets waarmee hy maar moet vrede maak.

Ek wonder waar die “ryk Afrikataal” waarvan hy praat vandaan kom, want indien dit nie was vir die vorige regering se baie harde werk nie, het vele van die plaaslike tale glad nie eers behoorlik op papier gekom nie, en ek sê nie hier dat die swartmense dit neergepen het nie. Dit is die blankes wat maande en jare se werk ingesit het, en hope geld wat as mens so kyk nou in die water gegooi is, om vir al die “ryk” inheemse tale woordeboeke op te stel, en ook die Bybel in hulle onderskeie tale vertaal het. En nou kan ek met reg vra, vir wat?

Indien die Bybel se beginsels enigsins posgevat het, sou daar nie in die Nuwe Suid-Afrika, en selfs in die oue plek wees vir soveel bygelowe dat mens ensiklopedieë sou kon vol skryf met die goed nie. En dit is hier waar die KVP se besware teen die stellings van oom Tokyo heeltemal gegrond is. Siende dat ons weet hoe bygelowig die swartman is, vat dit nie ‘n vuurpylingenieur om uit te werk dat die “ouer dames” wat sogenaamd op televisie rondgeparadeer is se lewens werklik in gevaar kan wees nie, aangesien mens tog van tyd tot tyd lees hoedat swart vroue as hekse verbrand en vermoor word.

Rondom die woord “takhati” wat hy sou gebruik het, uit watter een van die 11 amptelike tale sou dit kom? Ek het in ‘n skoolwoordeboek met so ‘n paar swart tale gaan loer en die beste waarmee ek kon opkom, is die volgende.

Xhosa              Zulu             N-Sotho      S-Sotho       Tswana
Igqwirhakazi   umloyi         moloi           moloi           molôi    (heks,towenares)
-thakhatha       -thakathela -loya             -loya            -lôa       (betower)

Wat bogaande aandui is dat daar geen definitiewe spelreëls is oor hoe woorde gespel word in ten minste twee van die tale wat hy genoem het in sy verweer teen beskuldigings dat die KVP heksery in hulle veldtog gebruik nie.

En hier kan ek weer die vraag vra, wie is dit wat die moeite gedoen het om die taal in ‘n woordeboek op te neem, want hier sien ek vir die 7 tale, wat Afrikaans en Engels insluit, net een swartman se naam, en wat die res betref, bevat 4 uit die 5 swart tale blankes se name as samestellers van die woordeboek.

Wel wel, mens kan net wonder oor hoekom dit so sou wees. Dalk omdat die swartman maar net nog nooit bekwaam genoeg was om so iets vir homself te kan doen nie of dalk nie omgegee het nie. En dan kom vertel oom Tokyo vir ons dat die swart taal so “ryk” is aan beelde.

Met verwysing na sy beskrywing van Engels as ‘n kombuistaal kan ek net my kop skud. Sover my geheue strek, is daar baie lank terug in ons land se geskiedenis ook verwys na Afrikaans as ‘n kombuistaal, maar nou skielik het die man die reg om Engels ook te noem?

Hokaai mnr. Sexwale! Dit is die taal waarvoor julle klomp swartmense soveel drama veroorsaak het in 1976, omdat julle dit as onderrigtaal wou gehad het. En nou kom beledig jy dit waarvoor jou makkers so hard gestry het? Komaan! Dit werk nie so nie.

Jy en elke “suksesvolle” swarte in die land weet dat julle swart tale julle nie ‘n enkele tree sal help om internasionaal mee te ding nie. Ek kan waarborg dat baie van jou miljoene nie gemaak is deur net in Zoeloe, Xhosa en Sotho te praat nie, maar Engels.

Ons almal weet dat jou Maybach-rydingetjie (wat meer kos as wat baie mense in hulle leeftyd sal verdien) nie in Zoeloe bestel is nie, maar in Engels, sou hou maar op met jou hoogheilige houding.

Ek kan hier byvoeg dat selfs al is dit ‘n kombuistaal, die meeste swart kinders wat voor my huis verbyloop op pad van die skool af, nie eers naastenby ‘n begrip het van die taal nie. Hulle kyk mens met groot oë aan as mens netjies, beskaafd in Engels vra dat hulle nie moet hardloop nie maar net moet stap, omdat die hond hulle dan nie sal wil storm nie (selfs al is hy agter ‘n heining).

Ek wonder of met die sogenaamde “ryk” taal en uitdrukkings waarna daar verwys word, wat so vryelik aan oom Tokyo en kie beskikbaar is, daar ook vergunnings gemaak sal word vir Afrikaans se taalrykdom en kultuur om weer na vore te kom.

Ek bedoel dat ons weer met vrymoedigheid sal kan verwys na nasies, soos dit in die volksmond was vir geslagte lank voordat die ANK en liberale elemente dit alles kom opdons het met hulle politieke geveinsdheid en korrektheid.

Ek kan hier eerlik sê dat in die apartheidsjare ons in die weermag baie minder politieke snert gehad het onder die rasse as wat ons nou het. In die werkswinkel en op tegniese kollege het ons mekaar openlik darkies, kypies en whities genoem, en niemand het aanstoot geneem nie. Sulke aksies vandag sal in alle waarskynlikheid lei tot tugstappe teen van die partye op die minste en meer waarskynlik tot ‘n skietorgie soos wat al in sommige militêre basisse plaasgevind het. Die geval by die lugmagbasis in Pretoria is ‘n sprekende voorbeeld.

Mens kan ook wonder oor hoekom die man so vasgenael gesit het voor die TV toe die advertensie van die KVP uitgesaai is, maar ek kan verstaan, hy moet darem op hoogte bly van sy vyand se optrede. En rondom die ouvroue wat sogenaamd geparadeer is, kry ek die indruk dat hy wel beïndruk was. Om watter rede weet net hy alleen (dalk het hulle hom betower?).

Haai boet, jy is getroud, en nogal met ‘n wit vrou, so bly maar eerder tuis, want anders as die swart vroue se verdraagsaamheid met hulle mans se rondlopery agter nyatsi’s (meisies) aan, mag dit jou dalk duur te staan kom as jy na groener (ouer?) weivelde sou gaan soek. Praat van betowerende (askies, bekoorlike) “ou” dames.

Ek vind dit net baie interessant dat ‘n wel opgevoede man soos Tokyo Sexwale so maklik opinies het oor wat ander mense dink, doen en sê, maar dat hy tog in sy wese net soos die res van sy ongeletterde broer en susters is op wie hy so maklik neersien.

Die bygeloof en tradisies onder die swart nasie is ook een van die redes hoekom die land in so groot gemors verkeer dat dit tans voorkom asof niks ooit weer sal herstel nie. Die verspreiding van MIV/Vigs is maar net een voorbeeld, want in baie gevalle “erf” ‘n man wat gesterf het se broer sy vrou, huis en die hele lot, volgens tradisie. As die een persoon dalk Vigs gehad het, gaan dit soos ‘n veldbrand deur die familie versprei. Die gewoonte om eers kinders te hê sodat die vrou haar “vrugbaarheid kan bewys” is nog so ‘n voorbeeld, asook die gewoonte om los meisies te hê waar die mans ook al heen gaan.

Ek wonder wat die kommissie vir geslagsgelykheid veronderstel is om te maak uit die klagte wat die KVP gelê het. Iets wat algemeen bekend is, is dat indien ‘n klagte teen ‘n swartman, en veral een so hoog, magtig en onaantasbaar soos Tokyo Sexwale gelê word, daar ongeveer niks van gaan kom nie. Klaarblyklik het die KVP vergeet dat dit die ANK was wat die liggaam in die eerste plek daargestel het, om hulle te dien, en nie die volk soos wat algemeen geadverteer word nie.

Dieselfde geld ook vir die meeste van die kommissies, komitees en ondersoekrade, wie se woord net aanvaar word wanneer dit die ANK-regering sou pas. Dit het meer as een organisasie al uitgevind, onder andere die DA en die VF+ wat gekla het oor Julius Malema se “ons sal moor vir Zuma”-opmerkings.

Of daar enigsins iets sal gebeur na aanleiding van die advertensies van die KVP en hulle reaksie op Sexwale se kommentaar sal net die tyd ons leer. Intussen, moet ons maar ligloop vir die “takhati”, voordat hulle ons ook bekoor.

компрессор со 7а

Bravo Israel, welgedaan, gee die terroriste gas

Ek het met ‘n baie lekker lag vanoggend gelees oor die Suid-Afrikaanse regering wat skielik dink dat hulle vir Israel kan vertel hoe om sy eie buitelandse en militêre beleid te hanteer en om die aanvalle op die Gasastrook onmiddellik te staak.

In ‘n vorige verklaring oor Israel het die regering hulle stilswye en verdraagsaamheid teenoor Zimbabwe se geliefde leier, Robert Mugabe, se streke verdedig en vir die Israeli ambassadeur vertel dat hulle, (die SA regering) baie besig is om die sake in Zimbabwe op te los.

Nog ‘n dosis humor rondom Israel was toe aartsbiskop Tutu te vertel had dat die aanvalle op die Gasastrook alle tekens van oorlogsmisdade bevat, ‘n “onbillike oormag van dodelike vegvliegtuie” wat genadeloos bomme op die arme weerlose Palestyne neerwerp met totale minagting vir die lewens van Hamas se “onskuldige” Islamitiese ekstremiste.

Toevallig is dit dieselfde mense wat in 2005 laas die Israeli’s ietwat omgekrap het met selfmoordbomaanvallers wat in baie gevalle onskuldige mense doodgemaak het net om seker te maak dat hulle kwota van 144 maagde of wat ook al vir hulle nadoods verseker word. Ek het nogal slegte nuus vir die Palestynse ekstremiste: as jy dood is, is jy dood, en geen hoeveelheid maagde gaan jou weer gelukkig of lewendig maak nie.

‘n Mens wonder ook hoekom so baie vroue in die hiernamaal? Is dit as beloning omdat jy so selfloos jou lewe weggegooi het om die vyand te dood, of eenvoudig omdat julle ekstremiste sulke gierige mense is? Ek is seker dalk te dom om die waarde van 144 maagde te kan insien, maar sover ek redeneer, is een vrou heeltemal genoeg, dankie, en ook volgens wet al waarop ek geregtig is.

Presies wat dink ons regering het hulle tot nou toe in Zimbabwe vermag waarop hulle hulself kan roem? Sover ek kan sien, net mooi niks nie.

Die magsdelingsooreenkoms wat ons geliefde Thabo Mbeki uitgewerk het, word nou ná meer as drie maande steeds nie toegepasnie. Die situasie in Zimbabwe het van sleg tot uiters sleg verval, wat betref mediese dienste, voedselvoorsiening en cholera wat uit beheer raak (daar word al hoe minder syfers bekend gemaak, het hulle dalk iets om weg te steek?).

Om alles te kroon wil die liewe ANC-mense nou vir die wêreld kom voorhou hoedat hulle, die ANC, die modelregering is wat alles vermag het om ‘n utopie te skep. Kom by, mense, en dink weer. Die ANC het nog nooit veel meer reggekry as om te vernietig nie.

Uit hulle eie het hulle nog nie met een opbouende stelsel vorendag gekom nie, terwyl Israel se wetenskaplikes nogal nie sleg gedoen het op ‘n hele paar gebiede nie en internasionale erkenning daarvoor geniet.

Die Israeli’s verdien net die hoogste respek. Hulle het in die middel van ‘n harde stuk droë, genadelose grond hulleself bewys en daar ‘n goeie lewe vir hulle burgers uitgekap. Hulle het ‘n weermag wat met die beste ter wêreld kan meeding en nywerherde opgebou wat van hul land ‘n gedugte teenstaander maak, ‘n volk wat in ‘n groot mate selfonderhoudend is wanneer dit nodig is.

In die Sesdaagse oorlog jare terug het die omliggende Arabiese state tot hul spyt ontdek dat Israel geen sagte teiken is nie

En dan wil die klomp ANC-makkers vir hulle vertel hoe om hulle eie sake te bestuur?

Ek sê welgedaan Israel, en hou julle maar net doof vir mense wie se siening nie eintlik tel nie.

Indien die ANC wel wil hê dat Israel hulle ernstig moet opneem, sal daar heelwat verandering in Suid-Afrika moet geskied. Sover het die ANC wel aan Israel bewys dat hulle onbetroubaar is, dat hulle geldgierig is ten koste van hulle eie mense, dat hulle besig is met hulle eie vorm van terrorisme en stille oorlogvoering teen die blankes en Afrikaners in die land wat ongestoord voortgaan.

Hulle het getoon dat die wet nie van veel waarde is nie en dat dit oor die algemeen gemanipuleer word om sekere hooggeplaaste mense te kan pas of te beskerm. Met so prestasierekord sou ek nie verbaas wees as Israel hulle net afvee aan die ANC nie, want daar is niks om voor bang te wees nie.

Rondom biskop Tutu is mens amper stomgeslaan. Want die arme gek sit daar in sy gerieflike plekkie en het die vermetelheid om die een land wat dit tot dusver reggekry het om baie aanslae te weerstaan van oorlogsmisdade te beskuldig.

Wel mnr. Tutu, hoekom kyk jy nie nader aan die huis nie?

Of is die dood van meer mense ná sogenaamde “demokrasie” as in ‘n gewapende oorlog vir jou ‘n prestasie? Is die volgehoue aanslag teen boere, Afrikaners, vroue en kinders jou idee van ligte Vrydagaandvermaak?

Is volksmoord jou idee van ‘n naweek se pret?

Klaarblyklik so, want as jy jou oë sou oopmaak en bietjie meer sou dink, sou jy sien dat hier in SA ook oorlogsmisdade aan die gang is. Meer spesifiek deur die regering van die dag wat op stelselmatige wyse deur middel van die sinistere magte van misdadigers en korrupte polisie ongestoord kan voortgaan met hulle misdadige bewind, net soos in Zimbabwe, sonder vrees vir vervolging. As ek nie beter geweet het nie sou ek dink dat daar aan hulle soms kwotas gegee word om vol te maak: ons wil soveel vermoor hê dié naweek; ons wil soveel aanrandings en rooftogte hê.

Dit is natuurlik maklik om te kan sien hoedat die regering van die dag heel maklik agter baie onheil kan sit, want verkiesings kos geld en plase moet oorgeneem word. Want die regering het beloftes om na te kom, en as dit nie op ‘n eerlike manier gedoen kan word nie, sal dit op ‘n ander manier gedoen word.

Ek wonder of mnr. Tutu nie dalk eerder ‘n uitnodiging wil rig aan die vredeliewende Palestyne en vra dat hulle al die ekstremistiese selfmoordbomaanvallers eerder na SA wil stuur nie. Ek dink dan sal hy seker weer die een of ander bekvol te kla hê indien hulle skielik hier sou opgeblase voel.

Mens kan dit nie altyd hê net soos wat jy dit wil hê nie, mnr. Tutu.

So hou jou selfvoldane menings vir jouself asseblief, en hou op om te praat oor goed waarvan jy eintlik niks weet nie en weier om die waarheid in die oë te kyk. Of maak die waarheid dalk te seer vir woorde? Hou asseblieftog op om die splinters in die wêreld se oë met tange te verwyder, terwyl jy die balke in jou eie oë nie met ‘n vurkhyser wil laat uithaal nie.

Indien jy die waarheid wou praat, sou jy met die regering in gesprek tree oor die volksmoord wat eintlik reg onder jou neus aangaan, op ‘n minderheidsgroep wat by die dag minder word.

topcargo

Die oplossing vir misdaad, ‘n paar wilde voorstelle?

Die oggendlug is skerp-vars, terwyl ek voor die rekenaar sit en werk. Die nuus dat ons land se vrye grond dalk nog 500 addisionele misdadigers moet dra in die gemeenskap is iets wat in my kop rondmaal. Dit kan net nie so aanhou nie. Daar moet êrens ‘n oplossing wees. Dis toe wat ek die aha-ervaring kry, soos vars oggendlug in die winter wat mens se kop kom oopmaak.

Die een groot probleem deesdae is dat geen misdadiger werklik aanspreeklik gehou word vir wat hy of sy doen nie. As hulle gevang word, en meer belangrik, suksesvol vervolg word is dit maar net een pad. Tronk toe met tralies wat toeklap agter die oortreder. Daar is hy veronderstel om te boet vir wat hy gedoen het, deur bloot uit die samelewing verwyder te word vir ‘n tyd lank. En dis net hier wat die probleem begin.

Tyd alleen maak nie alles reg nie.

Die verblyf daar bepaal grootliks of die stap suksesvol was aldan nie. En tans word die tyd wat die misdadiger agter tralies spandeer nie korrek aangewend nie. Wat die staat nie besef nie, is dat hulle met ‘n onuitputbare bron van arbeid sit en dat hulle dit nie aanwend vir die land nie. Inteendeel, hulle word in geen kapasiteit aangewend behalwe om ‘n las op die belasting betalers te word nie. Want hulle word geag as mense wat regte het, en behoede jou as jy sou durf waag om hulle regte aan te tas, want die volgende oomblik is die menseregtekommissie op jou.

Die antwoord is eintlik maklik. Daardie kriminele het deur hulle eie aksie hulle regte verbeur deur ander van dieselfde regte te ontneem. Dus is hulle na my mening nie geregtig op enige konsiderasie nie. Geen regte nie en bitter min voorregte, dis al wat hulle behoort te hê om op staat te maak. Hulle behoort nie eers geken te word in sake wat hulle omstandighede betref nie. Hulle moet doen soos hulle beveel word en dis al. As dinge ongerieflik raak moet hulle dit maar sluk, want dis wat hulle slagoffers moes doen.

En vir sover dit regte en geriewe aangaan behoort hulle slegs die basiese te hê soos kos en water (waarvoor daar van hulle geld afgetrek word), ‘n bed en ‘n dak oor die kop. Enigiets meer as dit is onnodig. Biblioteke, televisie en gereelde besoeke is alles voorregte wat die man bedank het toe hy sy misdaad gepleeg het. Die verskynsel dat mense studeer in die tronk is ook ‘n onding. Want die persoon is nie daar om vakansie te hou en sy graad klaar te vang nie, hy is daar omrede hy gestraf word, en gratis studie vir ‘n graad is nie in my oë gelyk aan straf nie.

Dit is hier wat ‘n sisteem van restitusie behoort in te tree. ‘n Sisteem wat waarde aan arbeid heg en wat van die gevangene verwag om volgens sy wandaad arbeid te verrig om die staat en die een wat verontreg is deur sy werk te vergoed. En saam met dit kan mens sover gaan as om te sê dat hy nie eers geregtig is op voedsel sonder om daarvoor te werk nie. Dit kan verder uitgebrei word na dinge soos mediese behandeling en die onderhoud van die tronke waarin hulle hulself bevind.

Mens kan dalk hier die sisteem uitbrei om die misdadiger wel die voordeel te gee dat as sy familie die bedrag geld kan betaal wat aan sy sosiale skuld gekoppel word dat hy dan as vry man weer die buitelug kan inasem, maar ek dink nie dat dit sal gebeur nie, aangesien die oorgrootte meerderheid van hulle nie daartoe in staat sal wees nie. Daar kan byvoorbeeld gesê word dat as daar R 100 000 se goed gesteel is dat hy die waarde van R200 000 moet terugwerk, natuurlik met die inagneming van sy daaglikse voedsel en verblyf. Die tipe arbeid kan in verskeie velde aangewend word, van paaie bou tot landbou, daar waar dit op daardie tydstip die nodigste mag wees.

Sommige tonele uit die ou film “Cool hand Luke” kom hier in my gedagtes op. Die tyd van “chain gangs” waar almal ewe hard aan die pad help werk terwyl hulle aanmekaar vasgeketting staan, met een gewapende wag wat ogie hou en nie skroom om te skiet as iemand skielik “haasbloed” in sy sisteem ontwikkel nie. (Dis die neiging om te vlug as hy die kans het.)

Of as hy ‘n groot familie het wat hom vreeslik mis kan hulle maar sy skuld kom help afwerk en hom sodoende gouer uit die tronk uit haal.

Mens kan hier selfs ‘n addisionele sisteem voorstel. Indien ‘n persoon ‘n misdaad gepleeg het en die gemeenskap van die persoon se aksies geweet het, die gemeenskap dalk ook verantwoordelik gehou kan word. En waar daar dan ‘n soort boete op die gemeenskap gehef kan word. Vir hulle “aandeel” in die misdaad omdat hulle nie die daad gestop het of die persoon aangegee het by die owerhede nie.

Dan sal daar die situasies wees waar mens nie dit kan vervang wat geneem is nie, soos lewe en gesondheid. Dit maak dinge so ‘n entjie moeiliker. Daar sal die keuse moet begin inkom van doodstraf of lewenslank werk vir iets wat hy nie kan terug gee nie. Persoonlik is ek voorstaander van doodstraf. Daar bestaan wel ‘n ander opsie, en ek dink dit kan ook baie van ons probleme oplos as dit reg benader kan word.

Die eerste opsie vir die misdadigers sal wees om goudmyners te word, maar dit sal nie die vorm van “veilige” werk wees wat in georganiseerde mynbou aangetref word nie. Hulle sal die plek van die sogenaamde “zama-zama’s” inneem, ‘n werk wat in elk geval op onwettige wyse gedoen word, deur onwettige werkers, diewe, as mens dit so eenvoudig stel. Die tipe straf kan dan meer as een voordeel inhou. In die eerste plek sal die persoon wat homself die straf op die hals haal risiko dra, en in die tweede plek sal die persoon konstruktief besig gehou word op so manier dat die land en die samelewing voordeel trek uit sy aksie uit.

Die voordeel van die tweede punt sal veroorsaak dat daar heelwat myne wat tans as amper onontginbaar beskou word, weer oopgestel kan word sodat die goud wat in moeilik ontginbare are is ook uitgehaal kan word. ‘n Verdere voordeel van hierdie tipe mynwerk is dat die myn nie teen astronomiese koste bedryf hoef te word nie, maar teen die minimum koste, amper net genoeg krag om die waaiers aan die gang te hou wat genoeg vars lug ondergronds moet inpomp.

Hoewel die konsep van mynwerk onder die omstandighede dalk uiters wreed en barbaars van my mag klink is dit een manier om van die arbeid wat sit en sleg wees in die tronke gebruik te maak. En as die “bleeding hearts” brigade daaroor wil kla, moet hulle dink aan die ander opsie – doodstraf – kort en kragtig.

Die ou dae van slaweskepe klink dalk nie na so slegte idee nie, siende dat ons op die donker kontinent woon. Ek glo dis nie onmoontlik om met min moeite so paar groot vragskepe om te bou na tronkskepe nie, wat dan gebruik kan word om gevangenes en hulle families (opsionele ekstra) te neem na elders ver van hier.

Die buiteland moet hier intree en dan voor ‘n keuse gestel word, indien hulle vir die persoon se regte meer omgee as vir die van die slagoffer van die misdaad moet hulle dan bereid wees om die persoon as burger van hulle regsisteem oor te neem, waarna hy dan met sy hele uitgebreide familie op ‘n skip gesit word en gepos word na die land wat gesê het dat sy regte onaantasbaar is. Indien hulle nie bereid is om ons probleempie oor te neem nie, (wat natuurlik die standaard antwoord sou wees) moet die persoon tereggestel word sonder dat daar enige geweeklaag is oor die persoon se reg tot lewe wat hom ontneem word.

Siende dat Australië sy ontstaan te danke het aan die Britte se wonderlike gewoonte om misdadigers per skip na die wilde, woeste land te stuur, dink ek dat Brittanje dalk net die aangewese plek sou wees om ons van die kriminele elemente te verlos, aangesien hulle so verlig was om ons ou beleid van doodstraf te kritiseer.
Verder is Brittanje ook die een om te bedank in ‘n groot mate vir die gemors wat ons nou mee moet sit. Misdaad sonder keer. Dus is dit niks minder as regverdig dat hulle help dra aan die las waaronder hulle ons geplaas het nie.

Ek dink dat selfs Amerika ook ‘n deel van die skuldlas behoort te dra, net vir hulle histeriese geraas oor ons kwansuis so onderdrukkend was. Maar veral omdat hulle ook van ons grootste kritici is wat betref die stygende misdaadsyfers. Terwyl hulle met geen werkende oplossings vir ons probleem na vore kan kom nie. En dit van ‘n land wat in ‘n paar van die deelstate self nog die doodstraf toepas.

Ek besef dat wat ek hierbo noem verbeeldingsvlugte is, maar dat daar wel meriete aan is kan nie ontken word nie. Wel, tot ons iets beters as die huidige sisteem het kan ons maar net hoop dat dinge êrens vorentoe sal verbeter.

на тетивах

Musiek en speel, die resep vir moord

Ná die sinnelose moord van ‘n medeskolier eergister in Krugersdorp het ek gewonder hoe lank dit sou neem vir die koerante om weer die blaam vir geweld op musiek en speletjies te plaas, en soos gewoonlik het hulle nie teleurgestel nie.

Dit was nie die eerste keer dat ek op die nuus gelees het dat videospeletjies en sommige tipes musiek geblameer word vir die geweldadige optrede van kinders en jeugdiges nie.

Wat wel interessant was in Beeld vanoggend was die feit dat die musiek waarvan die jong moordenaar duidelik ‘n groot aanhanger was dan ook gekoppel is aan ‘n paar insidente waar skoliere in Amerika gemoor het, maar mens kan veilig die afleiding maak dat dit in stilte deurgetrek word na die NSA. Dié keer kan ek wel saamstem met kenners dat die musiek se lirieke veel te wense oorlaat in ‘n moderne wêreld waar beskaafdheid die norm is

{mosbanner:id=7,9,10}

Van die lirieke word in ‘n artikel in Beeld genoem, en mens moet ‘n baie siek persoon wees om na sulke gemors te kan luister en dit nog musiek te noem. Dat dit wel die vermoë kan hê om mense aan te hits om dade te pleeg wat teen die samelewing se waardes indruis, is nie moeilik om te verstaan nie, maar ek dink dit word erg oordryf.

Inteendeel, dis nie net oordryf nie, maar word as verskoning voorgehou vir die oortreder se dade. Want vir elke aksie is daar ‘n reaksie, en as die musiek (boos van aard) dan kwansuis die persoon die moord laat pleeg het, kan mens wel die stelling maak dat daar dan ander musiek beskikbaar is wat die persoon nie sou dryf om te moor nie. Wat die persoon sou kon kalmeer en in die teenoorgestelde gemoedstemming plaas as waarin hy was ten tyde van die barbaarse daad. Dit dui vir my daarop dat die persoon die definitiewe keuse gemaak het om nie die beter alternatief te kies nie.

In dié geval – ook gesien saam met ander – was daar duidelike tekens dat die persone wat sulke dade pleeg kortom nie die verantwoordelikheid wil neem vir hulle eie dade nie en dat enigiets aangegryp word as flou verskoning vir hulle eie swak gedrag.

Die verskonings vir moord wissel van “invloed van musiek”, “Satan het my dit laat doen”, “armoede”, “invloed van dwelms en speletjies”, tot grype na ander obskure grashalms.

Die antwoord is eintlik so eenvoudig: dis net gebrek aan eie verantwoordelikheid wat dit laat gebeur. En natuurlik in die NSA ook die gebrek aan ‘n regsisteem wat mense vir hul dade verantwoordelik sal hou. Want “haai siestog, die arme seun het nie geweet wat hy doen nie…” My reaksie daar is eenvoudig: snert!

Die jong ridder het volgens die berig in die Beeld aan ander gesê dat daar iets op pad is, wat aangedui het dat hy met voorbedagte rade sy moorplan gekoester het, en dat daar absoluut geen versagtende omstandighede vir sy optrede was nie.

Mens kan wel verdere afleidings maak wat later die invloed van sekere rekenaarspeletjies ook by die saak sal betrek. En weereens gaan sommige brigades wat teen dié vorm van vermaak as iets uit die bose gekant is, die blaam vir die klein knopkop se gedrag daarop plaas. Ek wil net vir die mense wat so redeneer, sê dat dit absolute onsin is.

‘n Insident uit my weermagdae het weer skielik helder in my gedagtes opgekom, en het ook betrekking. Ek was deel van ‘n groep mense wat op gereelde basis ‘n gewilde “rol-speelspel” gespeel het oor naweke. “Dungeons and dragons” was so ampertjies uit die bose op daardie stadium. Dit was nou volgens dié wat nie geweet het wat in die spel aangaan nie.

Selfs die SAW het mense gehad wat op baie onopsigtelike manier die mense wat dit gespeel het gemonitor het, en ek is na ‘n tyd ingeroep om my aksies te verduidelik, aangesien dit bekend geraak het dat ek en andere in die eenheid soms naweke sit en speel het. Wat verbasend was, is die feit dat ek gewaarsku is teen die spel, deur iemand wat nie ‘n greintjie kennis van die ding gehad het nie.

Dit was die oop deur waarvoor gewag het en ek het baie duidelik aan ‘n adjudant-offisier verduidelik dat as hy waarskuwings wil rig oor so iets moet hy dalk eenkeer kom insit op so ‘n spel en daarna weer met my praat, aangesien ek die sogenaamde leier van ons groepie was. Nodeloos om te sê, die aanbod is nooit aanvaar nie, maar ek het duidelik gemaak dat ek geen intimidasie sal aanvaar as gevolg van wat ek in my vrye tyd doen nie. Ons het mekaar met respek gegroet en was daarna altyd op goeie voet.

Dit bring my by die tweede item wat baie keer die skuld kry vir sulke tipe optrede. Die rekenaarspeletjies wat wel in die een berig genoem word. Ek wonder of die mense oor wie se lippe die name van die speletjies so gladweg vloei ooit die moeite doen om self eenkeer agter die rekenaar te gaan sit en te speel. Ek praat nie van die vinnige 5 minute sukkel voor hulle opgee nie. Ek praat van speel, ernstig speel.

Dalk is daar van hulle wat wel die ding probeer, maar ek dink hulle mis die punt hier. Die doel van die goed is om te ontsnap van die harde werklikheid na ‘n plek waar mens kan maak en breek soos mens wil, sonder dat daar gevolge is om te dra. Die doel is nie om die surrealistiese spel na die werklikheid oor te dra nie. Om enigsins so te redeneer, is om te soek na moeilikheid wat nie te lank sal wag voor dit kom aanklop nie. Dis ‘n manier van ontsnap van die werklikhede wat mens 24 uur per dag omring.

Dat van die speletjies wel geweld bevat, kan niemand ontken nie. En die een wat wel genoem word wat in Amerika klaarblyklik ‘n rol gespeel het, is niks anders as een geveg na die ander nie. Mortal Combat is letterlik die een geveg na die ander, en mens se aansien word net verhoog soos jou vaardigheid en vlakke verhoog. Dat dit okkultiese verbindinge het, kan ek ook seker nie betwyfel nie. Maar dis eie keuse wat ook invloed het, en elkeen het die keuse om nee te sê.

Doom is na my mening ‘n donker spel, maar nie soveel so dat mens sodra jy dit eenkeer begin speel het in ‘n moordadige maniak sal verander nie. Ek het hom wel ook probeer speel, en nie baie gehou van die rigting wat dit inslaan nie. Die eindresultaat is eenvoudig: ek speel hom nie meer nie. Daar is natuurlik ooreenkomste wat Doom met ander speletjies het, in die tipe karakters en monsters wat mens teëkom, maar die agtergrond waarin alles plaasvind maak groot verskil in hoe ‘n spel oorkom. Die feit dat die teestaanders wat in Doom redelik demonies van aard kan voorkom, is een van die redes waarom ek hom in sy kassie gebêre het.

Die derde spel wat genoem word is Quake. Die agtergrond is dat mens ‘n ruimtevlootsoldaat is wat op pad is om aan die finale slag deel te neem op ‘n planeet, nie die aarde nie. Die vyand is bekend as die Strogg, ‘n klomp wesens wat reeds die aarde redelik verwoes het, en soms is die gevegte titanies, maar ek kan geensins sê dat dit sulke tipe gedrag te voorskyn kan bring nie. Wat is ek van mening dat dit soms harde werk verg om deur ‘n sekere fase in die spel te kom, want mens wil altyd weet wat vorentoe wag. Demonies? Nee, ek dink nie so nie, net ‘n baie goeie verbeeldingsvlug wat iemand uitgedink het.

Die ding is dít. Elke mens het ‘n keuse om te maak, en dit geld vir alles in die lewe. Wanneer mense dan die verkeerde keuses maak en dit toeskryf aan ander faktore spreek dit maar van swak karakter en opvoeding. Want soos dinge nou gaan, is daar reeds sterk tekens dat almal wat fouteer nie meer die verantwoordelikheid wil aanvaar vir wat hulle doen nie, aangesien dit dan ook aanspreeklikheid meebring, en mense wil nie aanspreeklik wees nie, hoewel mens nooit 100% daarvan sal kan ontsnap nie.

Indien mens so 15 jaar sou aanskuif in tyd en die seun wat gister sy medeskolier met die swaard gedood het, het dalk ‘n gesin, wat deur die een of ander maniak so vermoor word, gaan hy vir seker nie die verskoning aanvaar wat hy nou so ligweg opdis as rede vir sy optrede nie. Geen hoeveelheid musiek en speletjies sal dan verskoning genoeg wees om die oortreders te verskoon nie.

Kortom, mense behoort verantwoordelikheid vir hul dade te neem.

NSA-regering soebat om verder gedestabiliseer te word

In die Rapport van verlede naweek was daar ŉ berig wat handel oor ŉ verslag wat bekendgemaak is deur die Nasionale vervolgings gesag (NV ) waarin baie dringende waarskuwings gerig word dat Suid-Afrika as veilige hawe gebruik word deur Moslemterroristegroepe.

Die name van Hamas, Hezbollah en El-Kaida word in die stuk genoem. Ek dink nie dit verg veel verbeelding om die potensiaal te sien vir die soort probleme wat die huisvesting van sulke mense kan skep nie, gegewe die reeds bloedige spoor wat hulle tot op hede gelaat het nie. Dat hulle aksies die wêreld se oë op hulle gevestig het, is wel waar, maar dit die land se reputasie verder benadeel indien ons aanhou sulke mense onderdak te bied.

Suid-Afrika het reeds die nuus gehaal met ŉ SA burger van Moslem-agtergrond wat in Brittanje gevang is toe hy en andere vliegtuie in die lug wou opblaas.

Die redes vir hulle teenwoordigheid hier word as drieledig beskryf. Eerstens omdat hulle voortvlugtig is voor die wet elders ter wêreld, tweedens omdat hulle befondsing soek vir hulle onderduimse aktiwiteite en laastens om rekrute te kry vir watter doel dit ook al mag wees.

Wat die bogenoemde inligting wel ter sake maak, is die omstandighede waaronder dit bekend gemaak is, tydens ŉ voorlegging oor die wysigingswetsontwerp wat die Skerpioene moet ontbind.

Dit dui op die onversetlike posisie wat die regering ingeneem het jeens ŉ organisasie wat kon help om die verspreiding van georganiseerde misdaad vanuit die geledere van terroriste-organisasies te bekamp. Aangesien hulle nie die enigste bronne van georganiseerde misdaad in die land is nie.

Mens kan net wonder wat die regering probeer bewys met die openbare verhore wat tans die land vol gehou gaan word om die publiek se mening in te win oor die ontbinding van die enigste doeltreffende manier om georganiseerde misdaad te bekamp. Totdat mens later agterkom dis maar net baie duur oëverblindery wat bedoel is om die mense sogenaamd gelukkig te hou, en aan die regering die troos te gee dat hulle wel die volk geraadpleeg het.

Die een ding wat wel baie duidelik in die verslag genoem word, is die bedreiging wat die teenwoordigheid van georganiseerde misdaad vir die land se stabiliteit inhou.

Verder word daar melding gemaak van die invloed wat georganiseerde misdaad op die land se veiligheid en integriteit het, asook die baie duidelike vermoë om die land se regstelsel en regering se doeltreffendheid te ondermyn.

Een van die gebiede waarin van die misdaadsindikate bedrywig is, kan verwoestende gevolge, naamlik die privaatveiligheidsbedryf. Dit is baie duidelik sigbaar in die land oor die afgelope jaar, met die opblaas van OTM-masjiene as net een voorbeeld van kundigheid wat krimineel aangewend word. Die feit dat polisiemanne reeds betrek was by van die ontploffings dui op die omvang en lang arms van die sindikate.

Verder is die opleiding van paramilitêre magte ook ŉ aktiwiteit waaraan mense van die ou regering se veiligheidsmagte en oudvryheidstryders gekoppel is. Weer kan mens die voorbeeld noem van OTM’s wat opgeblaas word en aanvalle op petrolstasies waar die aksies met militêre presisie uitgevoer word. Die een voorval in die nuus waarin ŉ polisieman oorlede is en blanke mans deel van die groep was, klaarblyklik in beheer, spreek boekdele hieroor. Dit is dieselfde tipe teenstand waarin die polisie hom keer op keer in vasloop wanneer daar teen dwelmhandelaars opgetree word, mense wat presies weet hoe om die wetstoepassers bloedneus te slaan.

Iets wat verder sigbaar is, is die verskyning van wapens wat voorheen baie skaarser was, hoewel dit die items van voorkeur was onder vryheidsvegters in die verlede, wat duidelike tekens toon dat wapensmokkelary ook sterk aan die toeneem is.

Ons geagte mnr. Zuma wat so sing-sing vra vir sy masjiengeweer is ŉ sprekende voorbeeld. Die klagtes wat wissel van bedrog tot geldwassery sê alles.

Al die bogenoemde is dinge wat die land se ekonomie, wat op die beste van tyd redelik wankelrig is, net verder kan ondermyn en verswak, ondat dit die boodskap aan die wêreld uitbasuin dat reg en geregtigheid nie in die land meer bestaan nie.

Die gevolg is dat die investering wat die land so bitter graag vanuit die buiteland soek dalk mettertyd kan verminder, aangesien hulle die magteloosheid (dalk totale hopeloosheid?) van die regering raaksien. Dis iets wat die regering nie kan bekostig as hulle die land wil laat groei teen die koerse wat hulle so optimisties voorsien nie.

Daar word in die verslag genoem dat die land se ekonomie tans tussen 0,5% en 4 % van die Bruto Binnelandse Produk verloor weens georganiseerde misdaad. Mens kan net wonder oor die akkuraatheid van die syfers, gegewe die swak kaliber van die sentrale statistiekdepartement se werk oor die afgelope paar jaar. Is dit nie dalk meer nie, en word die regte syfer nie dalk verminder nie, omdat die bekendmaking daarvan dalk ŉ totale uitbarsting van die publiek tot gevolg sal hê nie? Dit is vrae wat net die opstellers van die verslag sal kan antwoord, as hulle gebore in staat was om die waarheid te kon praat.

Dat die sindikate groot geld beskikbaar het om maatskappye te stig wat die geld dan “was”, help ook nie in die stryd daarteen nie.

Wat wel verder interessant is, is die lande wat met misdaadsindikate verbind word. Die name van Rusland en Sjina is die eerste wat die oog vang, aangesien dit die twee lande was wat in die vryheidstryd teen die SA regering opgetree en die vryheidsvegters gehelp het, in woord of daad.

Die tydstip toe hulle name vir die eerste keer aan georganiseerde misdaad gekoppel is, is ook opvallend. Dit het in die die vroeë 1990’s geskied, wat toevallig die tyd is wat die huidige regering uit die tronke en ballingskap gekom het, en wat prominensie verkry het. Ek glo nie dis toevallig nie.

Wat mens wel verder op kan let, is hoe spesifiek dié twee nasies op hul eie bodem deurtrek is van soortgelyke misdaad, wat insgelyks slegs op die oppervlak bestry word, en nie met wortel en tak uitgeroei word nie. Is dit dalk wat dié lande se regering van die NSA verwag, om dié aktiwiteite toe te laat? Mens sal nooit weet nie.

Die feit dat Nigerië ook genoem word, is nie eintlik verrassend nie, aangesien hulle tuisland verrot is van misdaad, met tentakels wat die wêreld vol strek.

Die Italiaanse Mafia verskyn op die lys, en mens het nie baie verbeelding nodig om die name van Agliotti te sien nie, en dan is dit natuurlik verbind met ons eerbare polisiekommissaris, Jackie Selebi, wat volhou dat hy niks verkeerds gedoen het nie. Ek kan dink aan vele Mafia-films waarin die oortreders ook gesê het dat hulle niks verkeerds gedoen het nie, maar die getuies wat sementstewels gekry het en onder ander geheimsinnige omstandighede dood is sou anders vertel het.

Later in die verslag word genoem dat die stryd teen georganiseerde misdaad nie deur gewone polisie hanteer kan word wat ook nog belas is met daaglikse wetstoepassing nie. Ek is nie verbaas nie, aangesien hulle nie eers dit kan doen sonder om foute te maak en misdadigers te laat wegkom as gevolg van hulle onnosel onbeholpenheid nie.

Die verslag stel dit baie duidelik dat dié tipe misdaad sleg deur ŉ sp esialiseenheid hanteer kan word, en dan ook een wat die hulpbronne en vaardighede het. Die eenheid ook die tegniese ondersteuning nodig, toerusting wat die beste is wat geld kan bekostig, aangesien sindikate nie met die tweede beste tevrede is nie. Dus is mense nodig wat weet hoe om met die tegnologie te werk.

Verder vat dit ŉ sekere soort mens om in die kop van die sindikaat te kan “inklim” om te kan analiseer hoe en hoekom dinge gebeur, en dit is ongelukkig nie die deursneepolisieman nie; sy vermoë strek net nie so ver nie.

Wat verder opvallend is, is dat dit volgens speurders en staatsaanklaers sowat 8 jaar neem vir iemand om die spesialisvaardighede op te bou om dié spesifieke misdaadtipe te kan beveg, en dit is net een jaar minder as wat die Skerpioene reeds bestaan. Die afleiding wat ek dan maak is dat hulle wel die nodige standaard bereik het om ŉ verskil te kan maak. Aangesien dit te naby aan die regering se kroonwild begin raak het, is die besluit geneem om hulle te ontbind en die nuwe beoogde eenheid so af te water dat hulle geen kans op enige sukses sal hê nie.

Dalk het die regering ŉ plan met die dekriminalisering van georganiseerde misdaad, om dit so te noem. Op sy minste bied dit vir ons stof tot nadenke.

online casino uk прокурор Фильчаков

Spesiale howe vir 2010-sokkerwêreldbeker? Wat ‘n grap!

Dis met ‘n lekker stukkie binnepret wat ek in die nuus verneem het van die spesiale howe wat vir die 2010 sokker beoog word, wat kwansuis veronderstel is om misdade wat verband hou met die saak te ondersoek en sommer in die tydperk af te handel.

Daar is verskeie vrae wat mens in dié verband kan vra. Die een ding wat baie van toepassing is hier, is mnr. Mbeki se siening dat misdaad nie ‘n probleem is nie, maar slegs ‘n persepsie van rassistiese blankes wat in elke swartman ‘n misdadiger sien wat hom wil beroof of erger.

Die feit dat die regering die waarnemende polisiekommissaris, André Pruis, oorsee gestuur het om aan Sepp Blatter, die Fifa hoof, te gaan verduidelik wat die planne is om misdaad te bekamp en om misdaadsyfers af te bring oor die volgende twee jaar is op sigself reeds ‘n erkenning deur die regering dat misdaad ‘n probleem is. Dié stap slaan klaar Mbeki se stelling dat misdaad net ‘n persepsie is verder plat.

Blykbaar het Pruis aan Blatter gaan verduidelik dat die misdaadsituasie in Suid-Afrika onder beheer is en daar planne bestaan om misdaad met tussen sewe en tien persent per jaar in die volgende twee jaar te laat daal.

Mens kan net wonder hoe hy aan Blatter verduidelik het waarom hy as waarnemende SAPD-kommissaris dié takie moes verrig in die plek van die voltydse kommissaris, Jackie Selebi, wat weens sterk bande met bekende misdadigers tydelik uit sy pos gestel is.

Verder wil ek vra: wat maak die oorsese toeriste so spesiaal dat hulle voorkeurbehandeling moet kry van ‘n regstelsel wat die land se mense reeds gefaal het en steeds faal?

Verder wonder mens hoekom moet daar aan die buitelanders se finansies gedink word en selfs vliegtuigkaartjies betaal word as hulle sou moes terugvlieg om hofsake by te woon? Die een ding wat soos ‘n paal bo die water staan, is dat hulle baie meer het om te bestee as die deursnee-Afrikaner wanneer hulle hier land, te danke aan wisselkoerse wat hulle baie sterk bevoordeel. Na my mening is dit die laaste ding wat in ag geneem moet word, want as die man geld het om te kom sokker kyk, het hy geld om op sy hofverskynings te blaas, sou ek sê.

In aansluiting hierby kan ek die vraag stel: kry Suid-Afrikaners wat oorsee aan misdaad blootgestel word dieselfde hoflikheidsgebare?

Het die spul al ooit gehoor van versekering? Daardie iets wat mense betaal en hoop dat hulle dit nooit gaan nodig kry nie? Wel, die een wat Afrika besoek en nie versekering het nie is ‘n onnosel gek, want die deursnee boorling van die kontinent dink dat regstellende inkopies en gesubsidieerde aankope uit die ander man se beurs nie verkeerd is nie. En aan die regstelsel steur die gemiddelde inwoner van ons land hom maar min.

Verder sou ek raai dat die meeste van die mense in posisies is waar hulle genoeg verdien om ‘n lewenstandaard te kan handhaaf waarvan die meeste Afrikaners net kan droom, dus is geld nie die kwessie nie. My gevoel is dat as die Europese besoeker na Afrika toe kom hy behandel moet word soos die res van ons, niks slegter of beter nie. En die subsidies vir regspraak tydens die sokker lyk beslis na witvoetjiesoek deur die regering by buitelanders.

Die een ding waaroor die buiteland op ‘n veel groter skaal as ons derdewêreldlandjie beskik, is media. Die televisie is in die Noordelike halfrond beskikbaar met ‘n ongelooflike klomp kanale. Die gevolg is dat hulle nie verskoning het as dit kom by nuus oor die donker kontinent nie. En as mens dit in ag neem, sal mens die afleiding kan maak dat hulle welbekend is met misdaad in Afrika en veral Suid-Afrika, wat waarskynlik oor die volgende twee jaar baie deeglik dopgehou gaan word.

Dis waarskynlik aan elke buitelandse besoeker bekend dat verkragting in Suid-Afrika die hoogste ter wêreld is, en dat ons ten opsigte van moord in die top vyf lande verkeer. Dit wil nogal iets sê, en dis nie iets waarop die regering trots kan wees nie. Mens kan dan die aanname maak dat buitelanders weet waarvoor hulle hulleself inlaat en dat hulle geen verskoning het as hulle die slagoffers van misdaad sou word nie.

Die feit dat die regering spesiale howe daarstel om die mense te help, dui net op nog rassisme en diskriminasie teen die land se inheemse bevolking; in dié geval word die swartman ingesluit onder diegene wat aan die kortste ent trek.

Mens kan net wonder of hulle ook spesiale forensiese toerusting sal aankoop en deur buitelandse kundiges laat bedryf vir die duur van die sokkerstryd, hoewel dit nie ‘n onmoontlike gedagte kan wees nie. Want niks is te goed vir die mense wat ons in die stryd teen apartheid ondersteun het nie. Of dalk sal hulle dit huur en die mense wat dit moet gebruik buitensporige tariewe betaal.

Daar is natuurlik een laaste voorstel wat nie te sleg klink nie. En dis iets wat meer vrugte sal afwerp as net die hulp aan arme oorsese slagoffers van sokkermisdaad. Hersien die huidige regstelsel en stel swaar strawwe in, iets wat die oortreder as voorbeeld sou stel vir ander, en misdaad na ‘n minder rooskleurige loopbaan sal laat lyk. Dit sal nie net tydelik wees nie, maar iets wat die potensiaal het om die land weer op die regte baan te plaas. Iets wat aan die buiteland wys dat Suid-Afrika weer die veilige land kan wees wat dit in die verlede was, toe reg en geregtigheid nog aan die orde van die dag was. Nie die land waarin anargie die botoon voer en verdoesel word wanneer buitelanders vrae vra wat ongemaklik is om te beantwoord nie.

Mens kan vir die sokkertoeriste net hoop dat die gees van die Nuwe Suid-Afrika nie die spesiale ondersoekspanne en regters deurtrek het teen die tyd dat die wêreldbeker aangebied word nie. Dis nou as die spul barbare wat die land afgebreek het hulle sal gedra en nie soveel amok maak dat Fifa die gebeurtenis elders toe skuif om hulle kosbare toeskouers te beskerm nie. Want haai, mens kan darem nie dat die arme sagte buitelanders met misdaad kennismaak in wat veronderstel is om ‘n partytjieatmosfeer te wees nie. Ha, glo my, daar sal nog meer as een misdaadpartytjie deur die vrygewige besoekende sokkerliefhebbers gesubsidieer word.

Masjiengewere en 4×4-bakkies

Sokrates de Wet

14:53:39 Ek het Jacob Zuma se reaksie so ŉ tyd terug geniet gedurende die xenofobiese aanvalle, en veral toe die man so briesend was toe die geweldenaars sy “temalied” sing terwyl hulle die onwettige immigrante verjaag het. “Umshini wami”, oftewel, “Bring my my masjiengeweer” is die lied wat ons liewe presidentskandidaat so warm om die kiewe het.

Die feit dat hy die betrokke lied so gereeld sing en neurie, en ook as sy temalied beskou, is na my mening dalk ‘n musikale waarskuwing aan die land se blankes dat ons dae getel is as hy eers aan die bewind sou kom. Al sy mooi woorde en beloftes ten spyt. Ek dink dat die land se boere na wie hy so mooitjies uitgereik het dalk eerste in die tou sal staan as die man sy werklike innerlike wens kan laat gebeur.

Nou sit ek net en wonder, waarom ‘n masjiengeweer, hoekom nie net ‘n geweer, pistool of rewolwer nie? Al drie tipes wapens kan ewe goed doodmaak, of is dit die mag en aansien, die gesag wat mens in jou hande het as jy so ŉ item oor jou skouer haak aan ‘n khakigroen band.

Die lied waarin Zuma vra dat iemand sy masjiengeweer moet bring, is niks anders as bedekte haatspraak nie. In watter wetgewing vandag word die gewone burger van die land toegelaat om ‘n masjiengeweer te besit?

Wat sou die man se eerste keuse van moordwapen wees, ‘n AK47-aanvalsgeweer, ‘n Dragunof-sluipskuttersgeweer. Mens kan net daaroor spekuleer. Dit sal seker die tipe wees waarmee die persoon die beste vertroud is. Dalk selfs ‘n R1, of R4, wat deesdae algemeen deur die weermag, polisie en misdadigers ewe effektief aangewend word.

Verder wil dit ook blyk dat die gemiddelde krimineel meer en beter toegang het tot die arsenale in die land se militêre basisse as die mense wat veronderstel is om die plekke te bewaak.

Boonop wil dit voorkom asof die misdadigers meer sukses het as dit kom by raakskiet as wat die weermag het. Of selfs die polisie. Wel, die klomp kry op ŉ daaglikse basis oefening hierin, moet mens toegee.

In die huidige korrupte stelsel van uitreiking van wapenlisensies word selfs die wetsgehoorsame burger nie eers meer toegelaat om soos in die verlede maklik ‘n wapen te bekom nie.

O ja, die metodes is daar, maar teen sulke hoë pryse dat meeste van ons dit nie kan bekostig nie, en gevolglik word wapens aan die regering ingehandig teen ŉ skrikwekkende spoed, net om daarvan ontslae te raak. Ja mense, die tyd wat die regering ons ontwapen is hier. Verder is die mense wat die lisensies moet uitreik so onbekwaam dat mens jou hande kan saamslaan as jou lisensie sonder enige foute by jou aankom.

Wat die meeste inwoners van Afrika nie besef nie, is dat saam met mag en gesag kom verantwoordelikheid, en dis hier waar die oorgrote meerderheid van die inwoners van die kontinent tekortskiet. Dit help niks as jy mense bewapen en hulle nie leer om lewe en reg te respekteer nie. As mens nie vir hulle iets gee om voor te stry nie. En nie sommer die onsinbegrip vryheid nie, want vryheid het ook verantwoordelikheid wat daarmee saamgaan. Dit moet ‘n werklike geldige rede wees.

Soos in die film, “Blood diamonds”, waar kinders van 10 en 11 jaar oud gedwing word om “vryheidsvegters” te word. Vryheid van wat? Ouerlike gesag? Regeringsgesag? Vn wat wil hulle vry wees wat hulle so erg onderdruk?

Sover ek kon sien was die lewe wat die kinders in hulle huise gelei het wel arm, maar hulle het kanse gehad op onderwys, daar was maniere om graan te verbou, hoewel op klein skaal. Van die mans het visgevang. Dit was oor die algemeen nie ‘n slegte lewe nie, tot die rebelle die dorpie aan die begin van die film ingeval het en begin maai het onder die inwoners.

Wat deesdae van die wapens word wat ingehandig word, is net op hoë vlakke bekend, want anders as in die verlede word die vernietiging daarvan nie meer op SAUK gebeeldsaai nie. So, ons kan maar net wonder.

Wat wel bekend is, is die paar gevalle waar korrupte swart polisiebeamptes die wapens wat deur eerlike Jan Publiek teruggegee word aan mede-inwoners van die land verhuur en verkoop, soos wat in die laaste paar maande al in die nuus openbaargemaak is.

En dis net ‘n klein deeltjie van die goed wat hier ter sprake is. Dit beteken dat daar in alle waarskynlikheid baie meer onwettige wapens in omtrek is as wat ons van weet. En baie van hulle was voorheen wettig gelisensieerde wapens in die naam van die voormalige eienaars.

Vir al wat ons weet, word dit nie meer vernietig nie, maar in arsenale gestoor om later teen die blankes van die land gebruik te word. Want ‘n soldaat moet immers ‘n wapen hê, en daar is al die MK-lede wat nou al begin brom oor grondhervorming wat te stadig na hulle sin gebeur.

Wat is hulle plan, om eers ‘n Zimbabwe-tipe grondoorname van stapel te stuur, waarna hulle soos die res van Afrika sit en hande bak hou omdat hulle magies aan die ruggraat begin vassit as gevolg van honger ? En dit omdat die gehate mabunu nie meer daar is om die plase te kan verbou om aan lui mense kos te voorsien nie.

Dat daar al meer onverdraagsaamheid betoon word, is duidelik. En selfs Zuma se oproep tot verdraagsaamheid teenoor die mense wat die ANC-kaders skuiling en meer verskaf het gaan nie veel vrugte afwerp nie. Die volk is moeg, en ek praat nie eers van die blanke komponent van die volk nie.

Dit is ‘n geval van opgekropte woede teen die mabunu wat stadig begin borrel, eers weens belaglike redes soos buitelanders wat die werk kom steel, en later gaan dit kook, die deksel lig en dan ontplof. Dít wat tans as redes aangevoer word, is maar net ligte bedekkings vir die waarheid, soos ‘n ligte kombers wat mens aan die begin van die herfs oorgooi om die koue af te weer.

Mens kan net wonder oor hoekom Zuma so skielik hard praat met die mense wat dinge so omkrap. Daar kan verskeie redes wees. Maar een wat dalk nie slegte sin maak nie, is dat as dinge te ongeorden raak kan die buiteland wat sy koffers oopgooi vir die regering dalk net die fondse bietjie stadiger laat inkom.

Of selfs vir ‘n wyle staak, en dit kan ons liewe regering nie bekostig nie, nie nou waar hulle op die punt staan om uiteindelik die wit bose oorheersers totaal uit te roei nie. So, daar moet orde wees. ‘n Ordelike vernietiging van die vyand is meer effektief as wat ‘n ongeorganiseerde partytjie is.

En wat die aanvalle op die voormalige hulpverleners betref? Hulle is maar net nog ‘n paar slagoffers en lewe is baie goedkoop in Afrika, soos vele al reeds uitgevind het.

Die feit dat mense beweer dat hulle die oproer makers aan die polisie uitgewys het, beteken niks in dié land nie. In ‘n sisteem waar ‘n redelike deel van die polisie reeds skuldig bevind is aan misdade en vele ander ondersoek word, gaan daar nie veel gebeur nie. Want wanneer wolf as skaapwagter aangestel word, gaan die wolle waai.

En rondom verklikkers wat die waarheid praat, het ons ook al in die verlede die voorbeeld van Joe Mamasela gesien. Hy het openlik in die hof en elders gelieg en dit erken dat swart mense geneig is om te lieg!

Vandag sit Eugene de Kok lewenslank in C-Max-gevangenis as gevolg van leuens van die man. So, ek glo nie dat die verklikkers enigsins betroubaar sou wees nie.

Daar is egter die anderkant van die saak ook. Indien blankes betrokke sou wees, sou die polisie nie vinnig genoeg die rondtes doen en die sondebokke bymekaar maak nie, maar dit druis in teen die gemiddelde swart mens om sy eie volksgenoot so te vervolg

Rondom Zuma se stelling dat die mense wat die geweld propageer terwyl hulle die ANC se lied sing, vervolg moet word wil ek net vir hom vra: in watter droomland sien hy dat dit gaan gebeur?

Toe ek die stuk op die nuus klaargelees het, vang ek myself ‘n wysie neurie: “Gee my ‘n 4 by 4-bakkie, en ‘n baie lang tou…” Elkeen het mos sy liedjie, nie waar nie?

форма 86 топкарго

Terugkeer na kasteel Afriqstein, aanslag van die zombies

‘n Nota aan die leser: die menings wat hier uitgespreek word sal sensitiewe lesers dalk ontstel, so lees dit op eie risiko. Die nasies wat genoem word, word nie as boos uitgesonder nie, maar omdat die bevolkingsgroepe in ‘n spel voorkom.

Die geweld is deel van die betrokke spel. Aksies, reaksies en sintuiglike waarnemings wat ek beskryf is wat ek dink mens sal ervaar indien die ding in werklikheid sou gebeur het.

Die MP 40 se gepersde staalgreep sweet taai en glibberig in my hande. Die reuk van dood hang swaar in die lug. Die wapen se loop sak stadig en ek loop oor die lyke en maak die ammunisie bymekaar, MP 40, Sten en handgranate. Die een gevalle Duitser roer nog eenkeer voor ek hom finaal stilmaak met ‘n kopskoot. Die strooptog van die dooies is niks snaaks nie, dis die norm om aan die lewe te bly. Die paar Mauser-rondtes sal ook help, ek weet wat voorlê.

Ek is gedwing om te stop. Die wapen eers neer te sit en hande droog te maak, dalk die wapen te ruil vir die Sten-masjienpistool met die knaldemper. Die stuk wat volg ken ek goed, ek dink soms te goed. Die vereiste vir stilte ken ek goed, want as ek hier gehoor word voor die begin van die aanslag is dit weereens verby; die groep breek op en dan val hulle my van alle kante aan. As dit so gaan, sak die stafie wat gesondheid aandui soms onrusbarend vinnig en voor ek weet sal ek weer die stuk moet speel. Reg van die begin af.

Reg, die Sten se magasyn is vol, die MP 40 ook, en die Thomson staan by. Laasgenoemde se .45 ammo is seker die beste ding sedert gesnyde brood. Ek sluip om die hoek, Sten gereed, een koeël in die eerste man se kop. Hy syg inmekaar op die grond sonder ‘n geluid en sy ammunisie word ook myne. Sy makker verder om die draai is nie bewus van wat hom tref nie en sluit aan by sy dooie broer in die stryd. Reg, nog net sewe van hulle oor. Dan is die wapenmagasyn wat hulle so pligsgetrou bewaak myne, en die uitsig van onbeperkte ammunisie vir ‘n wyle laat hoop opvlam.

Die grafkelders en die zombies wag vir my, en ek is reg, ek dra soveel ammo as wat ek kan. Die een mooi ding van die zombies is dat hulle nie diskriminerend van persoonlikheid is nie, Dis dieselfde of hulle vir my of die teenstaanders probeer doodmaak. Hulle bystand om die Duitse soldate uit te roei, help heelwat en ek hoef nie self die ammunisie te mors om mense te skiet nie. Dis so maklik as om dit op te tel van die kaalgestroopte liggame, aangesien die zombies nie nut het vir wapens nie. Hulle klouagtige geraamtehande is meer as voldoende om die taak van doodmaak baie goed te doen.

Vir die oningeligtes, die stuk hierbo was ‘n beskrywing uit die rekenaarspeletjie, Return to castle Wolfenstein. Dis ‘n eerstepersoonskieterspel (Eng: FPS, oftewel first person shooter) wat die speler in die middel van ‘n klein deeltjie van die tweede wêreldoorlog plaas. Die atmosfeer in die spel is donker, baie donker. Die kasteel is maklik om by uit te kom, maar die grafkelders is iets anders. Die enigste lig is van flikkerende fakkels en mens kan net soveel lig uit ‘n fakkel uitkry.

Die geluide in die agtergrond laat mens se hare regop staan. Die angswekkende gille van Duitsers wat êrens in die tonnelnetwerk deur zombies aangeval word, gevolg deur skote wat klap en dan totale doodse stilte is senutergend in die ergste graad. Onheilspellende stilte, want dis in die stiltes wat die zombies onhoorbaar beweeg. Wanneer mens iets hoor beweeg agter jou karakter is dit reeds te laat en is die moeilikheid op jou.

Die rede hoekom ek dit wel speel is eenvoudig: dis ‘n manier van ontlaai, ‘n tydelike ontsnapping uit die wrede wêreld waarin ons woon. Dis na aanleiding van ‘n berig waarin drie mense keelaf gesny is wat ek die spel weer opgediep het en begin speel het.

Toe ek die ding gelees het, was ek siek tot in my wese toe, die wrok teen die onheile van die moderne Suid-Afrika het in my opgestoot oor die moord op mense wat niemand gepla het nie. Die moord op mense wat niks verkeerds gedoen het nie.

Die uiters veragtelike daad om ‘n rolstoelgekluisterde vrou, haar man en die hulpdame se kele af te sny soos wat mens skape sou slag. Die sinnelose geweld en doodslag. Verder is dit ook vir die moorde op belowende jong mense, die verkragtings, aanrandings en dies meer. Dit gaan net oor ontlaai.

Dit was eers na die tyd wat iets my soos ‘n bom tref, die ooreenkomste tussen die wêreld op die skerm en die werklike Nuwe Suid-Afrika.

Eerstens die geweld. In die spel is geweld nodig om aan die lewe te bly, daarsonder is die spel niks en die speler sal nooit daar deurkom nie.

In die moderne samelewing is geweld nou al so deel van ons bestaan dat ons soms wonder wat verkeerd geloop het as mens nie jou daaglikse kwota daarvan in die media gekry het nie. Vir sommige elemente van die samelewing is dit weer die fisieke sy van geweld, die uitdeel daarvan. Die neem van lewens en die verwoesting van eiendom. In die spel is dit net dat mens dit aan jou “lyf” beleef, maar verder is daar maar min verskil.

Die zombies wat ek al verskeie male genoem het, is vir my ‘n baie goeie voorbeeld van die deursnee swartmens se tipiese reaksie in vandag se tyd. Die verstandlose optrede soos die moord op die drie mense is klassiek soos in die spel. Sonder die behoefte aan denke tree hulle op, en beide skepper en vyand word voor die voet van die gras af gemaak. Dis die geval waar die skeppings omdraai en die skeppers ewe meedoënloos uitwis.

Dis vir my die mooi van die saak: hulle diskrimineer in geen omstandighede nie, amper net soos in ons land vandag. Swart zombies is net soos die massas breinlose, denkelose monsters in die spel. Hulle is so absoluut gevoelloos, dat hulle selfs nie die lewe van hulle eie soort spaar nie, soms tot my groot verligting in beide die spel en die werklikheid. Van enige denke is daar geen sprake nie, net die gewaarwording van die self as die self die mag van die dood in sy hande hou. Dis iets onbeskryfliks wat dié mag aan mense kan doen.

Nog ‘n verskynsel wat ek opmerk is die groepsmentaliteit, daardie onaantasbare iets wat maak dat mense en monsters in groepsverband so dodelik kan wees en dan ook is.

Dit is ‘n verdere ooreenkoms wat die spel met die werklikheid van vandag toon.

Mens kan die mees beskaafde mense neem en in ’n groep plaas; daar sal wel ‘n tyd kom wat selfs die beskaafde mense ook die groepsmentaliteit sal aanneem en net soos die ander monsters in die groep word. Dit is die een eienskap wat baie sterk onder die swartmense in ons land voorkom.

Die iets wat maak dat selfs die mees “normale” mens kan swig onder groepsdruk en sodoende net nog een van die groep word, sonder dat die invloed van eie denke verder enige uitwerking het. Nog ‘n baie goeie voorbeeld hiervan is die film Lord of the flies na die boek van Golding, waarin skoolseuns ontaard en later die moordende bende word.

Wat in die spel opvallend is, is die rol en invloed van die slim wetenskaplikes. Die mense wat hulle studies op paranormale gebied gedoen het. Ek wil sover gaan om hulle die skeppers van die zombies en ander monsters te noem. Die soeke in die spel is na die opperwapen om die Geallieerde magte mee te verslaan, en die mikpunt is die ontwaking en beheer van ‘n demoniese monster wat die zombies na kleuterskoolmaats laat lyk. Natuurlik is die doel van die spel om die opwekking en beheer van die groot oppermonster te stuit voordat dit gebeur, iets wat nie maklik is nie.

Dit bring my by ‘n verder ooreenkoms met die Nuwe Suid-Afrika. Hoewel ons moderne “wetenskaplikes” nie in wit jasse rondloop nie, is die liberalistiese Frankensteins besig om elke dag nuwe monsters op ons land vry te laat, sonder enige denke van hoe die goed beheer gaan word. Hulle laboratoriums is nie plekke waar gekompliseerde toerusting staan nie, maar orals om ons heen. In ons banke, skole, regering, staatsdiens, weermag en polisie. Hulle is orals om ons heen.

Ek praat hier van laevlak-Frankensteins wat die mense om hulle gebruik en misbruik tot die mense ook so besmet is met liberalisme dat hulle nie meer weerstand het teen die infeksie wat hulle omring nie. Dis iets skrikwekkends, net soos Vigs en tog veel erger. Want hoewel die lyer nie fisiese simptome wys soos klouagtige hande nie is dit dáár, onder skynweefsel versteek. Dit is die laer Frankensteins wat die mense gebruik en misbruik tot hulle later oorbodig word en dan net deur die krake val, uitgewis word om vervang te word deur nog skynmense, zombies in kamoeflering.

En ja, u kan tereg vra wat is die punt waarnatoe ek werk. Dis eintlik so eenvoudig. Net soos in die spel waar mens moet werk om te oorleef en waar tyd vir rus nie bestaan nie, is dit ook so in ons land. Ons kan nie rus nie. Elke dag is ‘n stryd, ‘n stryd teen die boosheid van die onmense, zombies en Frankensteins wat probeer om ons lewens en land oor te neem, tot hier net die skyn van lewe oor is.

Sprake van werklike lewe sal nie aanhou bestaan as ons nie opstaan en veg teen die booshede wat ons tans bedreig nie. Anders as in die spel, het ons nog die opsie om saam te staan, en eendrag maak mag, maar as ons daardie voorreg versaak om elkeen ons eie rigting in te gaan en die vyand die stryd aan te sê, kan ek nou reeds verklaar dat ons verloor het. Eenvoudig, ons is reeds dood en besef dit nog net nie. Dis die keuse: groepeer saam en oorwin of sterf alleen. Want in die stryd is daar nie plek vir die besluitelose nie.

Dis altyd ‘n keuse, indien daar nie ‘n keuse gemaak word vir saamstaan en lewe nie, dan is die besluit reeds geneem vir die dood. ‘n Langsame, uitmergelende dood wat mens stukkie vir stukkie verteer tot net die seningrige geraamte van die persoon oorbly wat ook sal verval in die groepsdenke en wat sal word soos die reeds dooies. Net nog ‘n sieklike monster wat die sirkel van moor en weer moor verder sal laat uitkring. Mense, dis tyd om te kies, julle het net een kans.

топкарго

Polisie is lafhartige bliksems

Dié stuk skryf ek na aanleiding van die polisie se aanranding op mnr. Fanie Kriel van Pretoria.

Mnr Kriel, ek hoop jy slaag daarin om die polisie suksesvol hof toe te neem en die mag vir miljoene te dagvaar.

Mag die meerderheid van die eerlike Jan Publiek die wapen opneem teen die polisiemag en hulle ook so aanrand, in groepsverband as dit moet, sodat daar geen vinger gewys kan word na een enkele persoon nie!

Ek besef dat ek in dié verband geensins beter is as die gespuis wat die daad gepleeg het nie, maar hoe kan mens voortaan op die polisie vertrou om jou te beskerm as hulle ons goedsmoeds aanrand?

Soos verskeie studies al in die redelik onlangse verlede aangetoon het, bestaan ‘n groot deel van die huidige polisiemag uit geharde misdadigers met misdaadrekords.

Dít wat hulle aan jou gedoen het, was barbaars en hoewel ek voorheen van mening was dat geen mens dit verdien nie, begin ek nou voel dat die sogenaamde geregsdienaars wat so opgetree het dit aan eie lyf moet voel.

Mag hulle self eendag in die posisie verkeer waar hulle die slagoffers is, dat daar teen hulle op dié wrede genadelose manier opgetree word.

Die feit dat daar nie melding gemaak word van die kriminele polisiebeamptes se ras nie maak dat mens met redelike sekerheid kan aanvaar dat dit swartes was wat die reg so verkrag het.

Mag die polisiekaptein wat aan hom gesê het dat hy die saak moet los self eendag voel wat hy aan die slagoffer vertel het. Dit sal net reg wees dat die bordjies verhang word en die dom, korrupte bliksem aan eie bas ervaar wat hy ander aandoen. ‘n Oog vir ‘n oog. Ek hoop dat sy woorde eendag in sy eie kop sal maal terwyl hy lê en soebat en smeek vir genade terwyl iemand hom ook verwoes. En daarna moet hy onthou wat hy aan mnr. Kriel gesê het: “dis tog maar net menslik om foute te maak en dat hy die sakie moet vergeet”.

In die kaptein se geval hoop ek dat hy ook maar net-net in die een of ander intensiewesorgeenheid deurgehaal word, maar hy moet die skade aan sy lyf elke liewe dag vir die res van sy lewe voel, die herinnering moet so by hom spook dat hy nie weer sy oë sal kan toemaak sonder om die drogbeelde te sien en elke hou van voor af te voel nie.

En mag hy daarna dink aan die woorde wat hy so maklik uiter: “los maar die sakie net hier, daar sal niks van kom nie”. Die vraag is net, was dit ‘n waarskuwing of ‘n dreigement, mens sal nooit weet nie, kaptein, net jy sal weet hoe jy dit bedoel het, maar ek hoop dat as dit ‘n dreigement was, dit sal terugkom om jou tot selfmoord te dryf. Jy is nie ‘n mens nie, jy is slegter as ‘n dier en verdien nie die pos, salaris en verantwoordelike posisie wat jy tans in die samelewing beklee nie.

Doen aan ander soos jy aan jouself gedoen wil hê.

Александр Фильчаков

In 2010 gaan ons almal so véílig voel…

Geagte mnr. Sep Blatter,

Hiermee wil ek u net die versekering gee dat wanneer die 2010-sokkertoernooi plaasvind u geheel en al veilig sal wees, gegewe u hoë posisie in die sokkerwêreld en ook as vriend van regerings op die Afrikakontinent. Die blinkswart duur Duitse motors met koeëlvaste ruite en spesialiste in persoonlike beskerming wat u elke tree volg en bereid sou wees om die koeël te vat wat vir u bedoel kon gewees het. En dis waar dinge gaan ophou.

Indien u so gek sou wees om te glo dat die huidige regering die misdaadsyfers met 7% tot 10% per jaar kan laat afneem, het ek geen hoop vir u nie. Want net ŉ gek sien die feite en ignoreer dit dan so blatant.

Ek weet nie in watter fantasiewêreld polisiekommissaris Pruis bly nie, maar dit kan nie die Suid-Afrika wees waarin ek woon nie, want nie eers in sy drome gaan die misdaadsyfers krimp soos hy dit voorspel het nie. Of dalk is dit die enigste plek waar dit wel kan gebeur, en dan is dit tyd dat die man wakker word en die koffie ruik.

Kan u my dalk net vertel hoekom u skielik beangs is omtrent die veiligheid van die besoekers wat die toernooi wil kom kyk, in plaas daarvan om u eerder te bekommer oor die inwoners van ŉ land wat reeds in vlamme opgaan? Dalk bang dat iemand gaan seerkry? Wel, nuusflits – iemand gaan seerkry – en as u so onnosel sou wees om te glo dat die derduisende mense wat beoog om die sokker te kom kyk almal ongedeerd daarvan gaan afkom, sit u die pot mis, geheel en al.

U sien, daar is net soveel polisiemanne en ook net soveel gepantserde blinkswart Mercedes-voertuie in die land, en dan is dit op. Ongelukkig kan daar nie derduisende polisiemanne aangestel word om elke besoeker op te pas nie; ons land het nie die vermoë nie. Vir u hogere groepie sal die beskerming daar wees, dis ongetwyfeld so.

Die res sal maar moet doen met die standaard wat die inwoner van die land mee tevrede moet wees en as dit nie goed genoeg is nie, wel, jammer, maar maak vrede daarmee, want dis hoe die saak staan. Misdaadvry? Ha!

Dan het ek nog ŉ vraag. Watter soort nonsens is dit van die Duitsers en ander Europese nasies wat skielik beweer dat dit onveilig is om Suid-Afrika te besoek, en veral om die lokasies te vermy indien hulle wel hiernatoe sou kom? Besef julle nie dat die land se miljoene swartmense afhanklik is van die euro’s en ponde wat julle hier inbring nie? Hoe is julle harte dan nou? Watter soort rassiste is julle dat as dinge nie gaan soos julle daarvan hou nie, julle skielik beweer dat die land onveilig is, en as dit wel goed gaan, is julle die swart Afrikaan se beste vriend. Dit is mos eenvoudig gestel ŉ totaal onaanvaarbare tweegesigbenadering van julle rassiste. ŉ Huigelary in die ergste graad.

Ek kan wel verstaan dat sokker u lewe is, u verdien immers sakke vol geld daarmee, maar hoe kan u verwag dat die toernooi suksesvol gaan wees as u lande mense waarsku teen die gevare daarvan om sekere gebiede in te gaan? Dit is teenstrydig met wat u en ander partye normaalweg glo. Gewoonlik wil die besoekende Europeër ŉ wye draai gooi rondom Pretoria-oos of Bellville waar gevaarlike Afrikaners woon en eerder Alexandra, Soweto of die Joe Slovo-informele woongebied besoek om egte Suid-Afrikaanse kultuur en sedes te ervaar.

Indien Duitsland en Swede wat beide groot sokkerlande is so groot kan skrik vir die bietjie geweld wat hulle op die media sien, kan ek nie dink wat hulle reaksie gaan wees as die saak homself verder tydens die wêreldbekertoernooi uitwoed nie.

Om nie eers van die VSA te praat nie. Mens kan net wonder of die woord “barbaars” nie dalk êrens in hulle woordeskat sal opduik nie?

Om die Afrikane enigsins te kritiseer pas nie by die Westerse beleid van gee-gee-gee nie, en om nou skielik dit te verander omdat julle bang is, grens aan rassisme. Dis so eenvoudig as wat dinge is. Anders as in elektronika, waar “grys” logika ŉ plek het êrens tussen “aan” en “af”, bestaan die woord nie in politiek nie.

Ek weet nie of u die nuus met toe oë gekyk het nie, maar dit is swart Afrikane wat die teiken van die xenofobiese geweld was, nie blankes nie. Dus het u niks om te vrees nie. Ons is darem nog nie Zimbabwe nie, al gaan die ligte soms af. Indien daar sokkergeesdriftiges is wat bietjie donkerder van velkleur is, sou ek wel versigtigheid aanraai.

Ek het heerlik gelag toe ek lees van Pruis se opmerking dat die toernooi in ŉ partytjie-atmosfeer moet plaasvind. Ek kan hom die versekering gee dat dit wel sal gebeur, miskien nie soos hy dit in sy geestesoog voorstel nie, maar daar sal partytjies wees.

Dit sal geskied ten koste van die sokkertoeriste se sakke, dié wat op die harde manier sal uitvind hoe behendig die Afrikaan met ŉ mes en ŉ skietding kan wees!

Daar sal ongetwyfeld ŉ klompie wees wat sal sien hoe lyk die onveilige kant van die items, wat sal opkyk en in die swart loop van ŉ vuurwapen sal vaskyk. Sy maag gaan draaie maak en hy sal vrywillig verplig wees om al sy geld en goedere te skenk aan die mense wat dit so vriendelik van hom vra. Dit is Afrika en as julle die Afrika-ervaring ten volle wil beleef, is die wonder van regstellende inkopies deel van die ervaring. Die besoekers sal ongetwyfeld meer as een sokkerpartytjie finansier met die regstellende-inkopiemetode. Aanvaar dit nou en maak vrede daarmee.

U beter dié stukkie inligting solank versprei onder die voornemende sokkertoeriste. Dit sou hulle nie skade doen om ekstra versekering uit te neem voor hulle Suid-Afrika besoek nie, want hulle mag dit dalk nodig kry, lewensversekering hierby ingesluit. Want daar gaan ongetwyfeld rooftogte en aanvalle op van die besoekers wees. Die kanse dat daar van hulle mag sterf, is redelik goed as mens na die gemiddelde statistieke in ons land kyk. Die kans dat vroue verkrag kan word, is ook aansienlik, volgens dieselfde statistieke. Dink daaraan voor julle die perd opsaal en hiernatoe kom.

Dus, gesien in die lig van feite moet julle dus nou vinnig besluit of die toernooi steeds ŉ goeie ding gaan wees in Suid-Afrika. Ek het selfs al gewonder of Zimbabwe nie ŉ beter keuse sou wees vir die toernooi nie, want as die geweld in sy volle hitte hier uitbars, gaan daar nêrens oorbly om die wedstryde aan te bied nie; die bouery sukkel reeds met gereelde stakings en dergelike probleme. En om alles te kroon glo u elke versekering wat ons regering uit sy mou uit skud. Hoeveel leuens van dié spul gaan u nog glo, of is dit net solank dit u sak sou pas? Ek wonder hoe lank dinge gaan voortduur voor u oë sou oopgaan, voor die harde realiteit u tussen die oë tref?

Ek noem net al dié kwessies sodat u dit uit die perspektief van die gemiddelde mens in dié land kan sien, en ek wens u alle sterkte en voorspoed met die voorbereidings toe…

casino online gratis

Ope brief aan Rachelle Greeff

Ek wonder of jy dink dat almal in die land lus is om die polities korrekte goed wat in die Sarie of Rooi Rose uitgebasuin word te lees en selfs te glo.

Ek weet dat jy by een van die twee tydskrifte gewerk het of vir hulle geskryf het, maar nou wonder ek, glo jy al die politieke onsin wat jy en jou medewerkers deur die tydskrifte in die volk se kele probeer afdruk?

Net soos ganse wat gedwonge gevoed word om hulle lewers te laat vergroot vir die tafels van die rykes.

As jy werklik dink dat die mense al die snert glo wat vir die volk deur die gekaapte media gedruk word, dink ek dat jy weer moet gaan sit en die grys massa bietjie deurmekaar krap met ‘n werkspoging.

Nie almal glo dat die land verbeter het nie, en as jy dit glo is jy net so blind as die mense wat in die regering sit, of dalk sien jy dinge net in dieselfde lig as die onbeholpe mense wat die land in ‘n poging om te regeer in die grond in vertrap.

Dalk weet jy iets wat ek nie weet nie en dat jy intelligent is gaan ek nie betwyfel nie, maar waarom moet dinge in die land altyd gebeur soos wat die polities korrektes dit wil hê ?

Ek glo nie dis nodig nie, en ek glo verder dat die land meer as reg is om so ‘n boek te ontvang, een wat dinge vertel soos wat dit is, nie in versiersuiker toegedraai om die gifsmaak van die amandels weg te steek nie.

Baie van dit wat deesdae in die polities korrekte publikasies verskyn, is goed wat nie voor 1994 toegelaat sou word nie, omrede die mense van daardie tyd nog geglo het in waardes, dinge wat reg en behoorlik is.

Die onheilighede wat deesdae daar verkwansel word vir waarhede is loutere snert, al die sogenaamde alternatiewe geneesmetodes, meditasie, ander gelowe wat opgehemel word vir die wonderlike openbarings wat dit teweegbring, dis goed wat nie daar sou wees in die verlede nie, vanweë die volk se afkeer van sulke twak.

Die artikel wat handel oor ‘n aktrise wat skielik op ouderdom 33 ‘n baba wil hê, omdat haar skuimborrelende biologiese klok kwansuis begin uitloop, watter soort voorbeeld is dit vir die jongmense wat die dame aanhang, soos versierings aan ‘n kersboom? Die feit dat sy geswot het in teologie en steeds ongetroud is, maak dit soveel meer van ‘n sieklike gedagte wat deur julle opgehemel word. Iets wat verder uiters ontstellend is, is die feit dat die betrokke jong dame haar “motivering” put uit die brutaliteit en hoop in die land. Volgens haar laat die kontrasterende fasette van die lewe haar “tiek”.

Dis sulke dinge wat die volk moeg voor raak, en dan vra jy of die beoogde bundel van dr. Roodt enigsins ontvang sal word. Ons is hartlik dik en keelvol vir sulke dinge.

En om nie eers van die advertensies te praat nie, die moet-hê-items vir die komende seisoen se drag, klere wat meer kos per item as wat baie blankes kan betaal, inteendeel, meer as wat baie gesinne in ‘n maand verdien, en jy dink dit is reg en billik? Ja, miskien kan jy ‘n R3500.00 se handsak bekostig met ‘n R 1999.00 se sonbril en nog ander derglike items, maar waar gaan dit stop ? Die dag as julle die geweld aan eie bas voel gaan die hele wêreld natuurlik julle geweeklaag moet aanhoor en verskriklik simpatiek wees met julle, haai, die arme vrou wat so verskriklik beroof is, ensovoorts, maar julle dink nie daaraan dat julle eie aksies van julle die teikens maak nie. Dan is dit monsteragtig soos die mense skielik te werk gaan, barbaars, soos professor Brink nou die dag gesê het.

Ja, nou kan jy die stelling maak dat mense dan maar selfsensorskap moet toepas en nie julle publikasies lees nie, maar die feit is dat dit op die rak is, en die mens is soos jy weet ‘n nuuskierige wese, en die tipe publikasies waarvan jy deel was en of is, sal natuurlik opgetel en gelees word. Dis onvermydelik. Dit sal gebeur en dis waarop die gekaapte media nou staatmaak, nuuskierigheid.

Dit is dit waarop hulle reken om die volk wat reeds redelik moeg is vir die land en sy probleme iets anders te bied, die antwoord wat al hulle probleme sal oplos.

Dat die mense reg is vir ‘n antwoord is nie te betwyfel nie, maar nou wonder ek net, geagte Rachelle, het jy nie self al bietjie moeg en keelvol geraak vir die huidige situasie waarin net die een kant gestel word, altyd so korrek, in nuwe terme vir ‘n nuwe land, sonder dat die ander kant ook sy beurt kry om sy storie te vertel nie?

Kry jy nie soms die hunkering om iets anders as die lewens van Mandela, Mbeki en Robert Mugabe te bestudeer in glanspapierhardebandboeke nie? Die lus om net iets te lees, sonder om te dink aan die politieke sy en gevolge daarvan nie. Dit is die een groot rede dat ek weier om die boeke oor die lewens van die “helde van die apartheidstryd” te koop of onder my dak toe te laat. Want buiten die ophemeling van die mense moet ek dan ook nog goeie geld betaal, wat beteken dat ek hulle reeds welbefondsde partypolitiek verder aanhelp, terwyl ek nie daarmee saamstem nie.

Nie almal van ons is kenners wat aanhalings maak uit toesprake van Nobelpryswenners nie en dit hoef ook nie so te wees nie.

Vir baie van ons gaan dit om oorlewing, en nie om luukses nie, want die lewe bestaan nie net uit lekker nie, maar ook uit die seer, die suur en die bitter, iets wat ek soms wonder hoeveel jy dalk van geproe het, want as ek kyk na wat julle in die gekaapte media uitbasuin, lyk dit of julle nie weet dat die land in helse moeilikheid is nie, en vir julle bestaan die woord swaarkry net nie. Is dit die rede dat jy so krities is oor die beoogde bundel kortverhale ? Dalk bang dat die volk gaan agterkom wat eintlik aan die gang is en julle onder die agterent gaan skop om wakker te word, en te staak met die blatante leuens wat julle vir waarheid verkoop. Ek wou maar net vra, en jammer as ek verkeerd was omtrent jou, dis niks persoonliks nie.

Barbare? Nee prof. Brink, dis jou mense daai

Dis nogal hartseer as openbare figure soos Andre P. Brink, alias mnr. Hyde, die stelling maak dat dieselfde mense vir wie hy so ‘n vurige kampvegter was en dalk in sy hart nog is, nou skielik “barbare” is. Mens kan net wonder wat oor sy lewe geloop het. Dat moord gebeur, is deel van die nuwe Suid-Afrika en – so jammer as wat dit is – moet hy saamleef daarmee, net soos die res van ons. Want dis sy nalatenskap aan ons. Dit is ‘n nalatenskap wat deur sy pen geskep is in die jare her.

Ek sal nie kan sê of sy familie dieselfde politieke oriëntering gehad het as hyself nie, maar weereens kom sekere dinge sterk na vore. Die sogenaamde monsters na wie hy verwys, diskrimineer nie, nie as dit kom by diefstal van die presidentswoning se weerligafleiers nie, en ook nie as dit kom by diefstal en moord op familielede van apartheidsaktiviste nie. Ek is jammer meneer, dat verlies deel is van die lewe behoort jy reeds teen dié tyd te weet. Ek voel met jou vir die verlies van julle familie lid. En ongelukkig kan ek niks meer doen as meegevoel hê nie.

Wat ek wel sou wil weet, is hoekom skielik nou, nie ‘n paar jaar terug nie, maar nou, nadat die monsters in jou binnekring begin maai het, is hulle skielik monsters? Of is dit juis die ding? As hulle elders wei, is hulle jou mense, maar sodra hulle aan jou binnekring raak, word hulle monsters. Wel, jy kan ongelukkig nie die brood aan albei kante gebotter hê nie.

Soos die Zombies in die rekenaar speletjie “Return to Castle Wolfenstein” (wat ek sterk kan aanbeveel as ontlaaimeganisme wat briljant werk in ons moderne tyd) nie diskrimineer tussen vriend en vyand nie, is die monsters wat jy in jou pen-en-papier-laboratorium geskep het ook glad nie diskriminerend nie.

Hulle weet nie dat jy deel van die span wetenskaplikes was wat hulle geskep het nie, en hulle weet nie dat daar vriend en vyand is nie. Hulle tree op volgens hulle natuur, soos wat hulle gemaak is, sonder denke, sonder om vrae te vra. Dis die mooi van die saak. Geen vrae nie, geen uitsonderings nie, niks.

Hulle is gemaak met leë skedels wat nie denke toelaat nie, vir die grootste hoeveelheid van hulle en dit is nie my toedoen nie, maar joune. Ek is nie die een wat geskreeu het dat hulle meer regte en beter lewens moet hê nie, maar jy. Dus kan jy nie die mense wat jy gehelp skep het sommer net monsters noem nie, dis mos monsteragtig om so te maak. Hoe is jou hart dan nou?

Dat jy hartseer is en baie gewis nie lekker voel nie kan ek begryp. Maar om hulle monsters te noem, nee man, los dit uit. Net ons rassistiese Afrikanerblankes noem die mense wat sulke dinge doen monsters en jy is nie een van ons nie, so moet jou nie daardie reg aanmatig nie.

Die feit dat jy Afrikaans baie goed magtig is, is maar net ‘n klein tegniese toevalligheid. Dat ons jou naam kan verander na Dr. Jekyll is gewis. Die feite is dat jy in die verlede jou met onheil besig gehou het en die slang wat jy getroetel het, het nou te groot geword om te beheer. Dit het verander in ‘n monsterslang, ‘n reusagtige onstuitbare ding waaroor nie jy of jou geesgenote enige beheer het nie. So moenie nou kla nie. Elke aksie het ‘n reaksie; en die reaksie van jou aksies is op ons, en op jou. Die reaksie is dat jy nou die prys moet betaal. Ons almal moet betaal vir die ondier wat jy en jou soort help skep het.

Dat die ding moes gebeur, is totaal onnodig. Indien jy in die verlede, tesame met jou geesgenote dieselfde energie sou bestee het om die land op te bou en nie monsters te maak nie, was die saak dalk nie vandag op die nuus nie, maar dit het gebeur en niks wat jy nou doen en sê sal meer die verlede verander nie.

Hoewel daar nog ‘n klein kans is indien jy en jou geesgenote die boot kan swaai ná die nodige hartsverandering, selfs ‘n hartoorplanting indien nodig. Dis tyd dat julle vir terapie en sjirurgie sal moet gaan. En dit beter deksels vinnig gebeur ook.

Maar as julle nou niks doen nie, is julle self direk verantwoordelik vir dit wat nog wag, en glo my, ons blanke Afrikaners sien nie tans ‘n mooi toekoms nie. Dis nou die tyd vir julle klomp wat die land in die verlede so afgekraak het om voor die rekenaars te gaan sit en planne te beraam.

Planne om die skeppings van julle te stuit voor dit ons almal verswelg, vernietig en verbrysel, sodat selfs die gedagte van die Afrikaner nie eers meer in die geheue van die eks-Suid-Afrikaners wat oorsee sit, sal oorbly nie.

Dis nou nie meer in ons hande nie, maar in julle s’n. In die pen wat julle so lustig geswaai het in die verlede. Dis tyd dat julle die pen moet opneem en begin om ‘n ander wysie aan die orkes te dirigeer, een van samewerking en lewe, nie een van moord en vernietiging nie. So, begin werk aan die nuwe storie vir ‘n toekoms.

купить трансформер

Diewe diskrimineer nie, dankie tog

Libertas

Diewe diskrimineer nie, dankie tog. Dis vir my hartsverblydend om te sien dat die gemiddelde dief en skelm nie 'n rassis is wat aandring daarop om slegs blankes te teiken nie.

Dit spreek duidelik uit die insident waar die presidentswoning deur dié soort mense uitgesoek is vir regstellende inkopies in die vorm van weerligafleiers wat bekom is op die aankoopmetode van die nuwe Suid-Afrika.

Dis nou die soort nie-rassige optrede wat vir my werklik dinge in die land in lieflike perspektief plaas. Ek sou raai dat die skelms geweet het dat die inwoner van die betrokke woning waarskynlik meer geld en besittings het as die res van die mense in die Bryntirion-omgewing. Nadat ek die foto op Praag se webwerf gesien het, is ek nog meer verbaas dat die skelms enigsins toegang tot die plek verkry het. Het die wagte dalk geslaap, of net met hulle gewone slap houding dié nag gewerk? Mens sal nie weet nie.

Ek dink dit is wel billik om te verwag dat wie ook al aan diens was voor stok gekry behoort te word en te verduidelik, maar ek het vergeet, hulle het mos ook regte, die arme inwoners van dié land is almal ewe gelyk in regte. Dis net dat sommiges meer gelyk is as ander, soos Orwell gesê het. En ek vermoed die wagte sal onder dié paar gelukkiges tel.

Wat wel interessant is, is die feit dat hulle presies geweet het wanneer die president uithuisig sou wees en dat hulle presies die tyd uitgesoek het om die inkopies te beplan. Verder is dit interessant dat, hoewel die plek bewaak word deur ons land se beste, hulle tog toegang tot die perseel verkry het en dat hulle met die goedere kon verdwyn.

As ek moet raai, sou ek sê dat daar êrens iemand was wat 'n klein vergoedinkie moes ontvang het om die oë na die berge te wend en sodoende te mis wat onder hulle neuse aangaan. Maar dis natuurlik blote spekulasie met geen bewyse nie, ek dink maar net hardop hierso.

Maar nou wil ek die regering se verskriklike rassisme aanspreek. Mense, wat de hoenders besiel julle om 'n blanke kontrakteur te kry om die oprigtingswerk van die weerligafleiers te doen? Is julle dan nie bewus daarvan dat daar derduisende swart kontrakteurs is wat die werk vir die presidentswoning soveel goedkoper kon doen nie, om nie eers te dink aan die swart bemagtiging wat julle met die een mond verkondig en met die ander mond ontken deur julle keuse van werksmense nie.

Dis mos verregaande, hoe kan julle so teen julle eie mense diskrimineer? Wat wel hieruit spreek, is julle gebrek aan agting vir julle eie mense. Spul huigelaars. Of is dit dalk 'n implisiete erkenning van die feit dat die swartman nie in staat is om sonder die blanke behoorlike werk te kan doen nie? Wel, ek vra maar net.

'n Verdere vraag is hoekom die polisiestasie op die perseel nie die klagte van die diefstal kon hanteer nie? Hoekom moes die kontrakteur na die Sunnyside-stasie toe gaan om die saak te gaan aanmeld terwyl die land se beste op die perseel nie in staat was om dit te doen nie?

Ek reken dit spreek nog verdere boekdele oor die bekwaamheidsvlakke van die personeel wat veronderstel is om die land se leierskap te beskerm en om die staatseiendom waarvoor ons so baie betaal te bewaak.

Dit is 'n klug, 'n komedie van foute. Maar het die klomp narre in uniform wat op daardie plek werk al ooit gedink aan die verreikende gevolge van hulle onnosel besluite? Duidelik nie.

Dit was 'n wakkerword oproep, die volgende een kan dalk nie so sag wees nie. As mense toegang tot die perseel kan kry om diefstal te pleeg kan hulle meer doen ook. Hulle hoef nie hulle regstellende inkopies tot die buitekant van die woning te beperk nie, maar kan dit binne toe neem. En soos almal reeds weet is diewe nie eties verbind daartoe om lewens te spaar nie. As iemand geskiet kan word vir 'n paar rand, dink net aan wat die diewe daar sal kan vind om voor te skiet. As julle sover kan dink.

Ek kan net die opskrifte op die koerante sien, "President betrap inbreker, word dood geskiet". Soos dit is, is Suid-Afrika die grap van die kontinent tesame met sy noordelike buurland. Hoeveel keer kan die land homself nog in die voet skiet sonder om heeltemal kruppel te wees? Nie veel meer nie, daarvan is ek oortuig.

насосы для Лобановский Харьков

Oor skole, perde en vaardighede

Die siening van die adjunk-president dat vaardighede ingevoer moet word, is nogal heel interessant. Ek dink nie dat die vrou al enigsins helder gedink het oor die saak voordat sy sulke uitsprake gemaak het nie. En die motiverings daarvoor is nog meer van ‘n ondeurdagte saak. Die een ding wat sy in gedagte moet hou, is dat mens ‘n perd tot by die water kan lei, maar jy kan hom nie maak drink nie. En die beginsel geld regdeur die lewe. Op skool, in ‘n werksituasie of waar mens leef en speel.

Die adjunk-minister se stelling dat mense van buite met vaardighede ingevoer moet word, is ‘n totale absurditeit wat aan waansin grens. Die invoer van vaardige mense sal geensins die probleme in dié land van ons oplos nie. Dis net ‘n maatreël om die gewetens van die mense in die topposisies te sus, sodat hulle darem in alle eerlikheid vir die volk kan sê dat hulle werklik hard probeer om die wanbalanse van die verlede reg te stel. Die waarheid is dat die regering in al hulle glorie vir die volgeling op voetsoolvlak minder as niks voel nie, en dat die funksionele vensterversierings wat ingevoer word om vaardighede aan te vul nie veel werd sal wees nie.

Verder kan mens die stelling ook staaf deur te sê dat as die ek-kan-niks-doen-nie-mentaliteit van die deursnee swart mens nie vinnig verander nie, die invoer van vaardighede nie ‘n bloue duit sal help nie.

Dit is bloot ‘n manier vir die regering om geld te mors wat elders baie beter aangewend kan word. Die feit dat opvoeders en kundiges van elders die grense oorsteek, sal vir seker nie maak dat die swart mense hulle gebrekkige werksetiek sal verander waaroor vele swart meningsvormers al self kommentaar gelewer het nie. Vir die hordes lui mense in die land sal dit net lyk asof nog ‘n persoon gekom het om hulle mensereg tot luiheid te onderdruk. Verder is die vraag dit: Sal die persoon wat gevra word om hier te kom werk gelukkig wees onder omstandighede wat grens aan anargie in die onderwysstelsel, onder omstandighede wat totaal haglik, sonder dissipline en orde is? Ek dink nie so nie. En as ons kyk na veiligheid en salaris hoef ek niks by te voeg nie. Die huidige stand van sake spreek vanself.

Onlangs is daar op hierdie webwerf berig oor die verkryging van subsidies deur mense wat nie geregtig daarop is nie; dit sluit aan by wat ek sê. In die eerste plek is dit nie die subsidies wat onwettig is nie, maar die staatswaarborge wat die mense op oneerlike wyse verkry het. Enige persoon in die staatsdiens kan aansoek doen en subsidie kry, maar soos die verantwoordelike persoon gesê het, is die staatswaarborge slegs vir mense bedoel wat nie die geld het om ‘n deposito op ‘n huis te kan betaal nie. Daar is wel een stelling van die persoon wat totaal verkeerd is en dit is dat die meganismes om die toestaan van staatswaarborge te reguleer nie in plek was nie. Dit is ‘n infame leuen daardie. In die ou staatsdiens was álle meganismes in plek en was daar geen tekorte nie. Die regulering van die toestaan van staatswaarborge en subsidies was totaal onder beheer op enige tydstip en indien ongerymdhede raakgesien is, is hulle baie vinnig en akkuraat aangespreek en reggestel.

Die feit dat daar nou gekla word oor die onaanvaarbaar hoë syfers van poste wat nie in die staatsdiens gevul kan word nie, is geensins vreemd nie. Sulke personeeltekorte het ontstaan omdat die swart regering die mense wat kennis en vaardigheid het uit die poste gewerk het.Vandaar die geweldige probleme wat tans in die staatsdiens heers. Die regering is self verantwoordelik vir die gemors waarin hy hom bevind. Mense wat onbevoeg is, is in poste geplaas waar velkleur nie ‘n plek het nie, maar die afgesaagde refrein van regstellende aksie het voorkeur gekry. Die blankes wat jare lank in poste gesit en leer het om die werk reg en behoorlik te kan doen, is sonder meer vervang deur onbevoegde swart mense wat slegs in die pos is vir die salaris en minder as niks omgee vir die staat nie. Dit is die norm in die land. Ongelukkis is dit so dat die swart mens iemand is wat oor die algemeen nie die beginsels van lojaliteit en werksetiek kan besef en aanvaar nie.

Rondom die skole en universiteite wat nie die geskoolde mense kan oplewer nie is dit nie snaaks as mens die stelsel in ag neem nie. Die Uitkomsgerigte onderwysstelsel is lank reeds in oorsese lande nie meer van toepassing nie, en dis interessant dat die regering dit nie wil of kan opmerk nie. Die feit dat hulle sien dat die sisteem in duie stort, is nou nie juis iets wat hulle tot kommer stem nie. En dan is dit mos weereens maklik om apartheid te blameer!

Ek het nou onlangs die twyfelagtige voorreg gehad om Engelse taalhandboeke wat vir laerskool gebruik word onder oë te neem en die inhoud daarvan is skokkend. Die rassehaat, politieke propaganda en aanblaas van onverdraagsaamheid wat in die boeke verkondig word vir waarhede is totaal onaanvaarbaar. Die huidige sisteem se ondergang is juis dít wat in die skole verkondig word. Die land se ondergang is in sy opvoedingstelsel gewortel.

Die regering se verskoning dat daar nie vaardige opvoeders bestaan nie is maar net nog een van die vele leuens wat verkondig word.

Die huidige regering se lede het baie van hulle basiese onderwys in die ou bedeling (die fameuse apartheidstelsel) ondergaan en sover ek kan sien, skiet dit hulle nie tekort aan kennis nie. Dis net die gebrek aan wil om te dink. Ja, ek erken dat baie van hulle oorsee verder gestudeer het, maar ek lei ook af dat vele van die grade waarmee hulle sit aan hulle gegee is om van hulle ontslae te raak, eerder as wat hulle dit verdien het. Ons gesondheidsminister is een ooglopende geval. As mens in Wes-Europa of Noord-Amerika jou graad verwerf, moet jy wérk daarvoor, iets wat kennelik indruis teen die Afrikamentaliteit van bakhand staat om te ontvang.

Die universiteite is maar net nog ‘n geval van agteruitgang wat toenemend vinnig gebeur. In die jare her het ons wel mense gehad wat verskillende syfers tussen hul historiese en akademiese jare vertoon het. Feit is egter dat, as hulle wel hul akademiese loopbaan voltooi het, hulle die werk geken het en kon hulle sonder probleme in die beroepe instap.

Dit wil voorkom – soos ek reeds tevore opgemerk het – asof politieke aktivisme en verwante dinge die enigstes is wat ernstig deur swart mense op universiteit bemeester word. As hulle eerder die verlede los waar dit hoort en aandag gee aan ander vakke, sal dit nie vir die land nodig wees om kundiges in te voer wat teen dieselfde struikelblokke te staan gaan kom as die blanke kundiges wat reeds hier beskikbaar is nie.

Die feit dat hoeveel van vandag se regeringsamptenare sogenaamde “adviseurs” het om hulle te help, is net nog ‘n bewys van die swart mens se onvermoë om self te doen wat reg en nodig is. As hulle so slim en volleerd was, sou hulle nie die hulp van blanke “adviseurs” nodig gehad het nie.

Die dame se opmerking dat kinders gedwing moet word om in die skole te bly tot hulle matriek slaag, is maar net nog ‘n onpraktiese en onuitvoerbare idee. Die nare waarheid is dat die deursnee-ouderdom in die matriekklas sou styg tot middel- en laat twintigs. Die vlak van die kwalifikasie sal waarskynlik nie veel meer wees as die vermoë om baie gebroke te kan lees en minder te kan skryf nie. Van wiskunde is daar so te sê geen sprake nie; dis die een gebied waarvoor swartes net geen aanleg toon nie.

Die belangrike ding om hier in die oog te hou, is dat mens iemand kan dwing in ‘n plek in, maar as sy hart nie daarin is nie sal dit geen voordele vir hom inhou nie. As hy nie wíl leer nie, sal niks ter wêreld hom daartoe kan dryf nie. Die oeroue storie van die perd en die water.

Die geagte adjunk-president se verdere opmerkings oor die opvoeding op die platteland is net so ongegrond. As sy nou nog nie weet dat dit die boere se vroue was wat begin het om plaasskole te hou en die mense te leer nie, dan sal sy dit nooit weet nie. Dit was mense wat uit die goedheid van hulle hart – sonder staatshulp – begin het met die ondankbare werk om mense van totale ongeletterdheid te red. Mense wat uit hulle eie sakke klein geboutjies opgerig het, gemeubileer het en die swart kinders probeer opvoed het.

As sy wel praat van struikelblokke is sy reg. Die grootste struikelblok is die onwilligheid om te leer, omdat die leerder weet dat daar verantwoordelikheid met die geleerdheid saamkom, en dit is nog iets wat nie die swart inwoner op ons kontinent pas nie. Verantwoordelikheid beteken dat rekenskap vereis kan word, en dit is die grootste vrees vir enige swart boorling van Suid-Afrika.

Rekenskap: die implikasie is te verreikend en is dus die maklikste om te vermy deur al die ander voordele wat dit wel kan inhou ook maar liewer te vermy. Myns insiens is dit die een groot rede hoekom apartheid en die beswaar daarteen nooit sal ophou nie. Dis hul enigste verweer teen alle probleme: swak onderwys, sosio-ekonomiese omstandighede, misdaad, werkloosheid en elke ander kwessie wat geopper kan word.

Dit klink kras, maar soveel akademiese navorsers en beamptes van hulpagentskappe in Afrika het al soortgelyke dinge gesê: Die naakte waarheid is dat dit nie apartheid of kolonialisme se skuld is nie; dis die onwilligheid van die swart mens om homself te verbeter.

сухие смеси прокурор Фильчаков