Motoriste word aangeraai om dele van die Goue Hoofweg te vermy nadat geweld weer uitgebreek het.
Sowat 200 oproeriges van die Slovo Park-lokasie naby Bushkoppies, suid van Johannesburg het begin klipgooi op die Goue Hoofweg by die Stockwell-aansluiting.
Die oproermakers versper die pad met klippe en ander voorwerpe.
Die rede vir die betoging is nog nie bekend nie.
‘n Woordvoerder van die Johannesburgse Metropolisie, Wayne Minnaar het motoriste aangeraai om die R554 en N12 as alternatiewe roetes te gebruik.