Die voormalige Springbok- en Bulls-flank Ruben Kruger (39) is Woensdagaand oorlede ná ‘n lang stryd teen kanker. Die nuus van sy afsterwe is deur Facebook versprei.
Kruger was deel van die Wêreldbekerrugbytoernooi se wenspan van 1995.
Hy is in 2000 met ‘n breingewas gediagnoseer en in 2007 en 2009 het hy twee breinoperasies ondergaan om gewasse uit sy brein te verwyder.
Kruger laat sy vrou Lize en twee dogters Zoë (7) en Isabella (4) agter.