Etiket: reddingswerkers

Honderde vermis na passasierboot in China omslaan

‘n Reuse-reddingsoperasie is steeds aan die gang op die Yangtze-rivier in die suide van China waar ‘n passasierskip met meer as 450 mense aan boord tydens ‘n storm omgekantel het.

Honderde word vermis wat op die Eastern Star gereis het, tydens ‘n storm op die rivier omgeslaan het.

Honderde mense is vermoedelik steeds binne die skip vasgekeer in gure weer.

Volgens die amptelike Xinhua-nuusagentskap kon nog net sowat 10 mense gered word.

Die vaartuig het glo geen noodsein uitgestuur voordat dit gesink het nie.

Verskeie mense het glo met die hulp van vissermanne en die polisie daarin geslaag om na die oewer te swem.

‘n Sterk wind en swaar reën bemoeilik pogings om die vasgekeerdes te bereik.

Nog ‘n aardbewing skud Nepal

Nog ’n aardbewing­, wat 7,3 op die Richterskaal geregistreer­ het, het Nepal geruk.

Bevreesde inwoners van die land se hoofstad, Katmandoe­, het gister verskrik in die strate uitgehardloop.

Die aardbewing het om 12:35 plaaslike­ tyd die Himalajas-nasie­ getref. Die middelpunt van die aardbewin­g was ongeveer 76 kilomete­r oos van Katmandoe.

Die jongste skok vir die land kom skaars twee weke nadat ’n 7,8-aardbewing­ die lewe van meer as 8 000 mense geëis het.

Die trillings in Katmandoe het byna ’n minuut lank geduur.

Die aardbewing is so ver soos die Indiese hoofstad, Nieu-Delhi­, ongeveer­ ’n 1 000 kilometer­ verder, gevoel.
Teen gistermiddag is berig dat vier mense gesterf het.

Nóg ’n aardbewing, wat 5,6 op die Richterskaal geregistreer het, het Nepal enkele minute later getref.

Hele nedersettings is in die aardbewing­ van 25 April in puin gelê en tienduisende mense is dakloos gelaat.

Reddingswerkers van oor die wêreld werk steeds om water, kos en mediese bystand aan Nepal ná die eerste aardbewing te lewer.