Woensdag se rentekoersverhoging – die eerste in vyf jaar – kan dalk net die begin wees.
Die goewerneur van die Reserwebank, Gill Marcus het aangekondig dat die repokoers met ‘n halwe persentasiepunt sal verhoog word tot 5,5%. Die primakoers sal gevolglik klim tot 9%.
As jy R1 miljoen op jou verband skuld, sal dit jou sowat R319 meer elke maand kos, volgens Eerste Nasionale Bank se eiendomsontleder.
Hy het huiseienaars gewaarsku om voorsiening te maak vir die styging.
Die rand se onlangse daling het inflasionêre verwagtinge geskep en die sentrale bank genoop om op te tree.