Dit word uit die Klein Karoo berig dat die Meiringspoort-pad naby Oudtshoorn gesluit is weens oorstromings.
Die provinsiale verkeersdepartement het pas Meiringspoort gesluit by Klaarstroom en De Rust as gevolg van swaar reën.
Motoriste wat na Beaufort-Wes moet gaan word aangeraai om die Willowmore-pad te gebruik.
Die Swartbergpas is steeds oop vir verkeer, maar motoriste word gemaan om nie dié pad te gebruik nie.
Daar kom sedert die begin van die week swaar reën en wind in die streek voor.
Dis nie duidelik hoe lank die betrokke pad gesluit gaan word nie.