Mmusi Maimane, DA-leier, is skuldig bevind omdat hy versuim het om sy borgskappe te verklaar, het ‘n parlementêre subkomitee oor etiek en ledebelange bevind. Hulle het aanbeveel dat Maimane beboet word.
Maimane is saam met nog ‘n DA-LP, Makashule Gana, skuldig bevind. Hulle is glo per brief ingelig dat hulle teen die straf kan appelleer.
Parlementslede moet elke jaar hul belange verklaar.
Nie Maimane of ander lede van die party wou nie kommentaar lewer op die skuldigbevinding nie.
Die ANC het in November die klagte teen Maimane en ander DA-lede ingedien nadat hulle glo nie al hul finansiële belange verklaar het nie.
Die lede het borgskappe ontvang in aanloop tot die DA-leierstryd in 2015.
Maimane, wat verklaar het hy het “niks om weg te steek nie”, moes later erken dat dit ’n “ernstige oorsig” was.