Die Chinese regering beskuldig die Dalai Lama daarvan dat hy sy volgelinge in Tibet opsweep om hulself te verbrand.
Die regering het gister ’n verklaring uitgereik waarin die 79-jarige leier daarvan beskuldig word dat hy sy volgelinge manipuleer.
Volgens die International Campaign for Tibet het 113 mans en 24 vroue hulself al sedert Maart 2011 geïmmoleer.
Intussen het aartsbiskop Desmond Tutu aangekondig dat hyself, asook die Tibetaanse monnik, wat hy as “Sy Heiligheid” aanspreek, “meer vreugde in ‘n onsekere wêreld wil skep” met ‘n nuwe interaktiewe boekprojek vanuit die Britse hoofstad Londen.
Chinese amptenare het intussen herhaaldelik die uitgeweke Dalai Lama se aansprake op reïnkarnasie uitgedaag as bog.
Die Dalai Lama vertel aan sy volgelinge dat hy as die Tibetaanse Boeddhisme se hoogste godsdienstige leier, weer hergebore sal word.
In reaksie op Chinese kritiek het ander Tibetaanse geestelikes verklaar dat die Dalai Lama nie hergebore hoef te word as hy nie so voel nie. Hulle het gesê die besluit berus by hom alleen in ‘n radio-onderhoud met Radio Free Asia in Washington.
Hulle het ook verklaar dat hulle onwrikbaar aan die verskynsel glo.
China het Woensdag die Dalai Lama gevra om sy “illusies” oor Tibet se toekoms te laat vaar omdat hy eerder vir onafhanklikheid as outonomie agiteer en onopreg is daaroor.
China sê die monnik het ‘n “sentimentele verbintenis aan ‘n feodale teokrasie” en dat die streek sedert antieke tye deel van China is.