'n Huiseienaar van Constantia is Dinsdag in sy afwesigheid aangekla vir die moord op 'n polisieman. Hy het die geregsdienaar wat sy eiendom betree het, noodlottig gewond, het die Wes-Kaapse polisie gesê.
Konstabel Percy Masiu is na bewering in die bors geskiet deur die eienaar nadat hy en 'n kollega Saterdag die huis in Constantia binnegekom het deur die voordeur wat nie gesluit was nie. Hulle het op 'n huisbraakoproep gereageer, volgens Inspekteur November Filander.
Die tweede polisieman het die eienaar se vuur beantwoord en hom in die bene en maag getref. Hy is onder polisiebewaking gehospitaliseer.
Geen tekens van inbraak, roof of diefstal is op die toneel gevind nie.
Die 34-jarige man sal Maandag in die Wynbergse landdroshof verskyn indien sy mediese toestand dit toelaat.