Die skade wat tydens gewelddadige diensleweringsbetogings in Gauteng aan openbare eiendom aangerig is, word op R65 miljoen geraam, het RSG berig.
Die LUR vir Behuising, Ntombi Mekgwe sê die bedrag sal waarskynlik styg weens verslae wat nog uitstaande is en die feit dat betogings voortduur.
In Bekkersdal alleen beloop die geraamde skade aan eiendom R20 miljoen. Dit sluit die skade aan ‘n gemeenskapsaal en munisipale kantore in.
Mekgwe het ‘n waarskuwing aan gemeenskappe gerig dat die reg sy loop sal neem wanneer mense openbare eiendom beskadig.