Van die matrieks wat die onafhanklike eksamenraad (IEB) se eksamen geskryf het, het 98% geslaag.
Dié eksamen is deur meer as 9.500 leerlinge van 185 skole afgelê.
Die raad se bestuurshoof, Ann Oberholzer, sê dit toon ‘n geringe verbetering van 0,3 persent op verlede jaar se uitslae, het RSG berig
Sy sê wat veral verblydend is, is dat twee persent meer leerlinge vir universiteitstoelating gekwalifiseer het.
Dié persentasie het van 83 persent tot 85 persent verbeter.