Rugby – Bladsy 8 – praag.co.za

Bokspan vir Nuweland-toets teen die All Blacks

Die Bokspan vir Saterdag sonder ‘n beseerde Bakkies Botha kort ‘n baie belangrike komponent… iemand wat bereid is om die donkiewerk te doen.

Die Bokke was erg blootgestel by die afbreekpunte teen die Aussies omdat niemand bereid was om skoon te maak nie, behalwe Bakkies Botha. Sonder hom daar en met manne soos CJ, Beast, Spies, Matfield en Bekker wat eerder verkies om op vleuel diens te doen kan Saterdagmiddag lank raak vir die Bokke op Nuweland. Verder is die wêreld se beste losvoorspeler en die All Blacks se inspirerende kaptein, Richi McCaw, terug in die tuig om die Bokke verder by die breekpunte te frustreer.

Aan die positiewe kant maak Fourie Du Preez ‘n welkome terugkeer, wat die druk op Butch James sal verlig. Fourie gaan egter ‘n moeilike middag hê as die Bokke se voorspelers hom nie beter beskerm en onder die spreekwoordelike kombers speel nie. Percy Montgomery sal ook geskiedenis maak deur die eerste Springbok te word wat Suid Afrika in 100 toetse verteenwoordig.

Die spanne vir Saterdag is:

Springbokke – 15 Percy Montgomery, 14 JP Pietersen, 13 Adi Jacobs, 12 Jean de Villiers, 11 Bryan Habana, 10 Butch James, 9 Fourie du Preez, 8 Pierre Spies, 7 Juan Smith, 6 Schalk Burger, 5 Victor Matfield (k), 4 Andries Bekker, 3 CJ van der Linde, 2 Bismarck du Plessis, 1 Beast Mtawarira.
Subs: 16 Adriaan Strauss, 17 Brian Mujati, 18 Danie Rossouw, 19 Luke Watson, 20 Ricky Januarie, 21 Frans Steyn, 22 Conrad Jantjes

Nieu-Seeland – 15 Mils Muliaina, 14 Richard Kahui, 13 Conrad Smith, 12 Ma’a Nonu, 11 Sitiveni Sivivatu, 10 Dan Carter, 9 Jimmy Cowan, 8 Rodney So’oialo, 7 Richie McCaw (k), 6 Jerome Kaino, 5 Ali Williams, 4 Brad Thorn, 3 Greg Somerville, 2 Andrew Hore, 1 Tony Woodcock.
Subs: 16 Keven Mealamu, 17 John Afoa, 18 Anthony Boric, 19 Adam Thomson, 20 Piri Weepu, 21 Stephen Donald, 22 Isaia Toeava.

Plaasvervangers nie op standaard

Die bokspan vir die Pumatoets is aangekondig en het verbasend min kritiek ontlok. Die bokke sal sonder twee van hulle beste spelers, Brian Habana en Schalk Burger, die Pumas moet pak. Dit mag 'n baie wyse besluit wees aangesien die twee goud werd sal wees in die Bokke se poging om die drienasie titel te verwerf. Wat egter dwaas is, is die plaasvervangers vir die twee helde. Jonge Nokwe en Luke Watson het nog niks spesiaal gedoen om hulle insluiting te regverdig nie.

Met Nokwe maak De Villiers die Springboktrui goedkoop want Nokwe kan beslis nie as 'n langtermynbesluit gesien kan word nie. Daarvoor is hy heeltemal te lig in die broek en ontbreek te veel basiese vaardighede by hom. Ek sidder om te dink wat die Nieu-Seelandse makrospoedvraatvleuels met die tingerige mannetjie gaan aanvang.

Daar is 'n magdom losvoorspelers in Suid Afrika wat beter keuses sou gewees het as Watson. Een van die groot probleme in die Australiese toets was juis dat niemand bereid was om skoon te maak by die losskrums nie. Met Watson wat 'n voorliefde daarvoor het om op losskakel staan, gaan die probleem ook nie aangespreek word nie.

Dis ook 'n bietjie van 'n waagstuk om die toets binne te gaan sonder 'n erkende losskakel op die bank. Hopelik kom Butch James ongeskaad deur die toets. Verder hoop ek dat Fourie du Preez en Jacque Fourie voldoende speelkans gegun sal word aangesien hulle 'n moet is vir die res van die drie nasies.

Suid-Afrika behoort te veel skietgoed te hê vir 'n Pumaspan wat meer as 'n maand laas rugby gespeel het en nog glad nie 'n wedstryd onder die nuwe reëls gespeel het nie.

Die bokspan vir Saterdag is:15 Conrad Jantjes, 14 JP Pietersen, 13 Adi Jacobs, 12 Jean de Villiers, 11 Jongi Nokwe, 10 Butch James, 9 Ricky Januarie, 8 Pierre Spies, 7 Juan Smith, 6 Luke Watson, 5 Victor Matfield (c), 4 Bakkies Botha, 3 CJ van der Linde, 2 Bismarck du Plessis, 1 Beast Mtawarira. Reserwes: 16 Adriaan Strauss, 17 Brian Mujati, 18 Andries Bekker, 19 Joe van Niekerk, 20 Fourie du Preez, 21 Jaque Fourie, 22 Percy Montgomery.

WP-klubs s? nee vir Groenpuntstadion

Waarskynlik sal daar nooit rugby in die nuwe Groenpuntstadion wat vir die wêreldsokkerbeker gebou word, gespeel word nie. Die Westelike Provinsie se rugbyklubs het tydens 'n geheime vergadering op 28 Julie besluit dat hulle nie operateurs van die nuwe stadion wil word nie.

Daarom sal Nuweland vir die afsienbare toekoms die tuiste van WP-rugby bly. Theuns Roodman, van die WP-rugbyunie, het gesê dat die besluit om finansiële eerder as emosionele redes geneem is. Terwyl die speelveld op Nuweland teen aansienlike koste verbeter is, heers onsekerheid oor die speelveld by Groenpunt.

игрушечная кухня топкарго

Kommentaar op die Bokoefengroep

Pieter de Villiers het sy nuwe oefengroep aangekondig en daar was net hier en daar ‘n verassing.

Kom ons analiseer die kandidate:

Loskop Stutte: Gurthro Steenkamp en Tendai Mtawarira. Pieter de Villiers het raakgevat hier. Daar is min stutte in wêreldrugby met beter werkverrigting as die twee. Gunthro het in die wentoets teen Nieu-Seeland die tweede meeste duikslae (18) na Schalk Burger (20) uitgevoer.

Hakers: Adriaan Strauss en Bismarck du Plessis. Die Bokke het vir Bismarck erg gemis in die toets teen Australië. Hy is gewoonlik een van die eerste spelers by enige breekpunt en is beslis die beste skrummer van al die hakers in Suid-Afrika. Schalk Britz het hom in die toets teen Australië uit die Bokspan gespeel met swak skrumwerk en nog swakker ingooie by die lynstane. Adriaan Strauss sal geen span in die steek laat nie maar ek sou voelers uitgesteek het na ‘n ervare speler soos Gary Botha.

Vaskopstutte: Brian Mujati en CJ van der Linde. Die Bokke het baie lanklaas ‘n vaskopstut gehad wat domineer. Ongelukkig het die twee in die groep nog nooit gewys dat hulle ‘n teenstander in die grond in kan skrum nie. Die Pumas kan dinge vir CJ en Brian warm maak daar voor en ongelukkig kan dit ‘n kettingreaksie veroorsaak deur die res van die span. BJ Botha sou sekerlik ‘n beter keuse gewees het.

Slotte: Andries Bekker, Bakkies Botha, Victor Matfield. Min mense sal stry dit die 3 by verre die drie beste slotte in Suid Afrika is. Bakkies en Matfield is ‘n ongelooflike kombinasie en intimideer enige haker as dit lynstaantyd is.

Losvoorspelers: Joe van Niekerk, Juan Smith, Luke Watson, Pierre Spies, Ryan Kankowsk, Schalk Burger. Schalk Burger en Juan Smith is besliste keuses. Op agsteman en op die bank is waar die kopkrap werk gaan inkom. Met Schalk wat bietjie van ‘n besering dra sou dit sin gemaak het om die klipharde Wickus van Heerden as sy adjudant te kies. Luke Watson was ‘n goeie speler in 2006. Hy het nog niks gedoen wat sy plek in die span regverdig nie. Op agsteman is die vraag of mens met Spies gaan begin en later Kankovski gaan vrylaat of anders om. Spies was maar stillerig in sy toetse sover vanjaar, maar sy talent is bo verdenking. Wat baie duidelik is, is dat die wedstrydfiksheid skort. Teen Australië het hy ‘n paar goeie lopies in die eerste helfte ingekry, die lyn goed gebreek en soos ‘n Trojaan verdedig. In die tweede helfte het hy weggeraak. Spies het omtrent 10 wedstryde in die laaste 12 maande gespeel. Die keurders moes hom vrygestel het om Curriebeker rugby te speel om te skaaf aan die wedstrydfiksheid totdat die All Blacks kom op 16 Augustus.

Skrumskakels: Enrico Januarie en Fourie du Preez. Fourie maak ‘n welkome terugkeer. Januarie was die held in die wentoets teen Nieu Zeeland maar het dit ongedaan gemaak ‘n week later met ‘n patetiese vertoning teen Australië. Butch James se gesukkel kan ook grootliks toegeskryf word aan die swak diens wat hy ontvang het van sy skakelmaat.

Losskakels: Butch James, Peter Grant en Ruan Pienaar. Butch is die man in die saal maar het nog glad nie oortuig onder die nuwe reëls nie. Miskien is sy in-jou-gesig benadering nie so effektief met die nuwe reëls waar hy nou vyf meter agter die skrum moet staan nie. Sy swak spel kan ook voor die deur van Januarie gelê word wat hom glad nie die diens gegee het wat van ‘n internasionale skrumskakel verwag word nie. Ruaan Pienaar het al die talent in die wêreld om ‘n legende te word op losskakel, maar het baie meer tyd in die posisie nodig om selfvertoue te kry. Peter Grant se keuse in die groep verbaas my. In die Kaap word groot ophef gemaak van hom, maar ‘n internasionale losskakel wat nie ‘n bal verder kan skop as wat hy hom kan gooi nie, hoort nie in internasionale rugby nie.

Senters: Adrian Jacobs, Jaque Fourie, Jean de Villiers en Francois Steyn. Jean de Villiers en ‘n beseringvrye Jacque Fourie behoort die nr 12 en 13 truie hulle eie te maak. Adrian Jacobs het my verbaas in die wedstryde wat hy gespeel het, maar gelukkig vir hom is hy nie op die verdediging getoets nie. Ek sidder om te dink wat Stirling Mortlock se hoë knie-aksie aan arme Adrian gaan doen. Frans Steyn moet leer dat rugby ‘n spansport is en dat hy nie alles alleen hoef te doen nie.

Vleuels: Bryan Habana, Jongi Nokwe, JP Pietersen en Odwa Ndungane. Habana en Pietersen het dit al gedoen en behoort dit weer te doen. Hoe Nokwe in die groep is sal net Pieter de Villiers weet. Twee drieë vir Vrystaat teen die Valke maak nie van jou ‘n goeie vleuel nie

Heelagters: Conrad Jantjes en Percy Montgomery. Hopelik het Pieter de Villiers nou geleer dat mens nie Percy se ervaring net so kan weggooi nie.

Dit sal interesant wees om te sien hoe de Villiers se 22-tal uit die groep saamgestel gaan word en watter uitwerking politieke druk op die groep gaan hê.

Sonder politieke druk behoort die span so te lyk: Steenkamp, Du Plessis, van der Linde, Botha, Matfield, Burger, Smith, Kankovski, Du Preez, James, Habana, De Villiers, Fourie, Pietersen, Montgomery. Reserwes: Strauss, Mtawarira of Mujati, Bekker, Spies, Januarie, Steyn, Pienaar.

Die probleem met die span is dat daar net 3 spelers van kleur in die beginvyftiental is, iets wat heel moontlik nie aanvaarbaar gaan wees vir die ANC nie. Hoe de Villiers sy span gaan skommel om ten minste vyf gekleurdes in die beginspan te hê, en wie die slagoffers gaan wees bly ‘n ope vraag. Moontlik sal Montgomery moet plek maak vir Janjes en Fourie vir Jacobs. Tyd sal leer.

Die Fouries is terug

Jacque Fourie

Die wêreldbekersterre, die senter Jacque Fourie en die skrumskakel Fourie du Preez is in die Springbokgroep ingesluit wat Argentinië, Nieu-Seeland en Australië volgende maand moet pak.

Die haker Bismarck du Plessis wat sy skorsing vir die onversigtige kontak met 'n teenstander se gesig uitgedien het, keer ook terug.

Die enigste nuweling in die groep is die Vrystaat se spoedgooier, Jongi Nokwe.

Die Springbokke pak Argentinië op die 9de van volgende maand en handel dan hulle drienasiesveldtog a. Hulle sal teen die All Blacks in Kaapstad speel en daarna teen Australië in Durban en Johannesburg.

Springbokke desperaat om te wen

Die All Blacks- en Springbokkampe het dissipline uitgesonder as die wesentlike element om Saterdag se tweede rugbytoets te wen.

Die wedstryd dreig om selfs harder as die plofbare eerste kragmeting te wees.

Die heersende wêreldkampioenspan van die Springbokke is desperaat om aansien te herwin nadat hulle die eerste toets met 8-19 in Wellingtong 'n week gelede moes afstaan.

Die All Blacks-hulpafrigter Wayne Smith sê dat die balanseertoertjie vir sy span sou wees om fisies die Bokke te weerstaan sonder om die spelvernuf af te staan wat nodig is om die wedstryd te wen.

Springbokke en All Blacks verskree mekaar

Die bekgeveg wat die toetswedstryd tussen die Springbokke en die All Blacks voorafgaan, het verhewig met 'n voormalige Kiwi-stut wat die Springbok-afrigter as 'n marionet beskryf het.

Dowd sê Peter de Villiers het nie die geloofwaardigheid om die Springbokke se afrigter te wees nie.

Volgens sy mening weet De Villiers niks van rugby af nie.

Hy het gereageer op De Villiers se standpunt dat die All Blacks se voorrye onwettige taktieke moet gebruik om die Springbokke se krag teë te werk.

Vroeër het die beseerde Springbok-kaptein John Smit ook ingeklim en gesê die All Blacks word toegelaat om met oortredings weg te kom waarvoor ander spanne gestraf word.

Suid-Afrika se erekonsul in Nieu-Seeland, Gregory Fortuin, het Dowd aangespreek en versoek om sy uitlatings terug te trek.

Springbokkaptein vaar uit teen skeidsregter

John Smit

Die beseerde Springbokkaptein, John Smit, het uitgevaar teen die skeidsregter Stuart Dickinson wat die wedstryd tussen Suid-Afrika en Nieu-Seeland gehanteer het.

Smit is in die wedstryd sodanig beseer dat hy die komende toets Saterdag teen die All Blacks sal misloop.

In 'n openhartige onderhoud het Smit ernstige beswaar aangeteken teen die hantering van die insident waarin hy beseer is.

Hy het 'n liesbesering opgedoen na 'n boorvat deur die All Black-slot Brad Thorn.

Smit sê as Bakkies Botha, byvoorbeeld, dit met Richie McCaw gedoen het, sou die wêreldrugby tot stilstand gekom het.

Thorn is vir een wedstryd geskors.

Die Suid-Afrikaanse skeidsregterbaas,André Watson, het die Springbokkaptein ondersteun.

Hy sê die reëls van die spel vereis ten minste 'n geelkaart vir 'n boorvat.

теннис на чемпионате

Ellispark se naam verander

Ellispark gaan nie langer Ellispark wees nie.

Die stadion het sy naamregte vir 'n kolossale R45 miljoen aan Coca Cola-internasionaal verkoop. Dit sal voortaan as Cocacolapark bekendstaan.

Volgens 'n artikel in Sondag, is daar verlede Woensdag hieroor ooreengekom toe 'n vierjaarooreenkoms aangegaan is wat vandeesweek aangekondig sal word.

Dis die eerste keer in die geskiedenis dat die stadion se naam verander word.

In 1995 is die einwedstryd van die Rugbywêreldbeker daar gespeel.

топкарго развод

Erasmus wil graag vir Bokke speel

Jaco Erasmus sal in die Italiaanse kleure aangetrek wees as 'n lossvoorspeler in die enkeltoets te Nuweland Saterdag teen die Springbokke.

Erasmus is 28 jaar gelede te Empangeni gebore. Hy sê egter dat hy enige tyd na Suid-Afrika sou terugkeer indien hy vir die Springbokke sou kon speel.

Hy het aan verslaggewers gesê dat die toetswedstryd 'n groot geleentheid gaan wees en dat hy werklik daarna uitsien.

Hy is nie spyt dat hy sewe jaar gelede die geleentheid aangeneem het om Italië toe te gaan nie, maar glo dis elke skoolseun se droom om vir die Springbokke te speel.

Italië se afrigter Nick Mallett het gister gesê dat Erasmus baie talent het, 'n baie intelligente speler is, maar waarskynlik moet werk aan sy lynstaantegniek.

Erasmus is nie familie van Rassie Erasmus nie.

99spravok Лобановский Харьков

Andr? Venter sal Springboktruie uitdeel

Die veteraan-Springbok André Venter sal die truie aan die Springbokspan van 22 wat Saterdag se toets teen Wallis speel, oorhandig.

Die trui-seremonie sal Vrydagoggend plaasvind.

Venter het reeds 66 toetse vir die Springbokke gespeel en is op sy hoogtepunt as een van die wêreld se beste losvoorspelers beskou. Tans verkeer hy in 'n rolstoel na 'n virusinfeksie.

Volgens die nuwe afrigter Peter de Villiers was Venter die ooglopende keuse om die oorhandiging waar te neem.

детски иг

Peter de Villiers ‘n prater, s? Walliese breier

06:42:54 Volgens die besoekende Walliese afrigter Warren Gatland, praat die nuwe Suid-Afrikaanse breier Peter de Villiers baie maar sonder om werklik iets te sê.

Gatland het De Villiers daarvan beskuldig dat hy een ding in die pers op een dag kwytraak en dan iets anders die volgende dag. Hy weet nie mooi wat die Suid-Afrikaanse afrigter van hulle as besoekers verwag nie.

Vir Saterdag se wedstryd teen die Springbokke op Bloemfontein, het Gatland 'n sterk pak voorspelers gekies wat fisies teen die Suid-Afrikaners sal kan meeding.

лобановский класс

Fran?ois Steyn en Ruan Pienaar se posisies wisselvallig

Tot op hede het die nuwe Springbokafrigter, Peter de Villiers, nog nie besluit waar hy die talentvolle François Steyn in die span gaan aanwend nie. Dieselfde geld vir Ruan Pienaar wat as losskakel reeds met Australië se Stephen Larkham deur die voormalige Springbokafrigter, Jake White, vergelyk is.

De Villiers het gesê dat hy vertroue in albei spelers het en dat beide waarde tot die span toevoeg.

Dit was gister egter duidelik dat Steyn in die nabye toetswedstryde as senter langs Jean de Villiers ingespan gaan word met Pienaar se posisie nog onseker.

by instagram Данильченко

Veel meer swart Springbokke?

Peter de Villiers

Peter de Villiers, die nuwe Springbok-rugbyafrigter, het 'n beroep op Suid-Afrikaanse rugby-ondersteuners gedoen om hulle obsessie met ras te laat vaar. Vier dae voordat De Villiers veronderstel is om sy eerste span vir die jaar aan te kondig, word daar bespiegel dat hy 'n ongekende aantal swart spelers gaan insluit.

Volgens 'n onderhoud met The Cape Argus is die afrigter gevra hoeveel swart talent hy tydens die Super 14-toernooi opgemerk het. "Ek het baie talent gesien, swart, wit, geel, groen, blou – ek het regtig baie talent gesien," het De Villiers geantwoord.

“Ons kan 'n baie goeie span kies, ons kan eintlik drie goeie spanne kies,” het hy verder gesê. “Ek weet nie hoekom ons van alles 'n swart-en-wit storie wil maak nie. Dit is die enigste ding wat mense sien. Ek sien net mense. Of 'n ou nou swart of wit is, sy waarde bly dieselfde."

De Villiers se kommentaar volg 'n dag nadat Oregan Hoskins, president van die SA Rugby-unie, herhaal het daar geen kwotas in die nasionale span sal wees nie. Op 'n vraag of dit belangrik is om vyf of tien swart spelers in toekomstige Springbokspanne te hê, het hy bloot gesê: "Dit is baie belangrik om 15 rugbyspelers in die span te hê. Daarsonder kan mens nooit kompeterend wees nie. Ons het 'n wonderlike nasionale span, uitstekende spelers, kompeterende ingesteldhede.”

De Villiers sal komende Saterdag na afloop van die wedstryd tussen die Chiefs en die Sharks die name van sy Bokspan bekendmaak.

турецкая баня