Zambië worstel met die ergste cholera-krisis in jare, het gesondheidswerkers van dié land gesê.
Sedert Maart het meer as 130 mense weens cholera gesterf terwyl sowat 5 000 mense al dié dodelike siekte opgedoen het.
Dis glo die hoogste aantal gevalle van cholera wat in ‘n dekade geregistreer is.
Volgens dr. Reuben Mbewe, woordvoerder vir die gesondheidsministrie, is dié krisis deur vloede in Lusaka veroorsaak.