‘n Chinese sakeman is in sy winkel in Ngaleni naby Mthatha in die Oos-Kaap beroof en aangerand, het die polisie Donderdag gesê.
Supt. Mzukisi Fatyela het gesê vyf mans het die sakeman omstreeks 05:00 aangeval.
“Hulle het hom aangerand en R10 000 gesteel voor hulle gevlug het.”
Die man het diep snywonde aan sy kop en bors opgedoen en is hospitaal toe geneem vir behandeling.
Fatyela het gesê dit lyk asof die rowers hom met ‘n stomp voorwerp geslaan het.
“Hy het probeer terugveg, maar in oorrompel. Die polisie is op die spoor van die vyf mans en hulle sal in hegtenis geneem word.”
‘n 23-jarige verdagte is intussen aangekeer.