Die Pan-Afrikanistiese Jeugkongres, afgekort na Payco in Engels, het gedreig om die leier van die ANC-jeugliga, Julius Malema, dood te maak as hy nie om verskoning vra omdat hy die land mislei het oor die Sharpeville-opstand nie.
“As Malema nie binne vyf dae om verskoning vra nie, gaan ons hom so ernstig beseer dat hy aan sy wonde beswyk. Hy sal of in die hospitaal of in ‘n lykhuis opeindig,” het Pitso Mphasha, president van Payco, gesê.
Malema het gesê die gebeure van Sharpeville “behoort” aan die ANC en nie aan die PAC nie en dat die PAC dié gebeure “gekaap” het.
Dit is ‘n manier om Malema op die militante manier dissipline te leer, het Mphasha gesê.
Hy het ook die regering 10 maande gegee om die naam van Menseregte-dag na Sharpeville-dag te verander.
Mphasha het gewaarsku dat die PAC die land gaan “omkeer” as die regering nie luister nie.