Die Universiteit van Pretoria het ʼn nuwe BSc-graad wat nou oor vier jaar, in plaas van drie behaal kan word. ʼn Bekendstellingspamflet en -brief is onlangs aan skole uitgestuur.
Hierin word verduidelik dat Tukkies die regering se inisiatief om jong swart wetenskaplikes op te lei, steun om die kritieke tekort aan ingenieurs en wetenskaplikes aan te vul.
Die eerste jaar word slegs in Engels aangebied en kan slegs op die Mamelodi-kampus van die Universiteit van Pretoria gevolg word. Finansiële hulp is ook gratis vir hierdie “Engelse” van Mamelodi wat 18 maande moet studeer om een semester te doen, beskikbaar.
Dit is doodgewone onverbloemde rassisme! Hoekom moet daar so verskriklik teen wit Afrikaanse kinders gediskrimineer word?
Wit, Afrikaanse kinders wat hard leer en deurkom word benadeel deur hierdie blatante rassepolitiek van die UP en die regering. Dit is eenvoudig skreiend.
Ons glo dus nie meer die regering of Tuks as hulle sê hulle wil kundigheid in die land hou nie.
Maar die ANC en hulle handlangers by UP kan ons maar glo as ons sê ons is nou regtig dik vir hulle.