Dit was ‘n historiese gebeurtenis in Koblenz, Duitsland. Dramatiese volksmusiek het die teen-beraad geopen wat hierdie naweek gehou is onder die sambreel van Europa van Nasies en Vryheid (ENV), ‘n groepering in die Europese parlement wat 40 lede van nege lande insluit.
Slegs ure na die inhuldiging Amerikaanse president Donald Trump in Washington, is die geleentheid wat deur die Alternatiewe für Deutschland (Afd) gereël is, afgeskop. Dit het skokgolwe deur die uitgediende elite gestuur wat naarstiglik gesoek het na “verskille” om uit te buit.
Ten einde laaste het die Telegraph berig dat die musiek “Moslem” geklink het, nog ‘n fopnuus-storie. Die ou verotte elite is duidelik in rep en roer.
Die Franse presidensiële voorloper en Front National (FN) leier Marine Le Pen, Nederlander Geert Wilders, wie se Partij voor de Vrijheid (PVV) ‘n leidende rol gaan speel in Maart se verkiesings, en Matteo Salvini van Italië se Noordelike Liga, was van die swaargewigte daar.
Afgevaardigdes moes beskerm word deur die 2 000 polisiebeamptes wat betogers buite gehou het. Owerhede in die sentrale Duitse stad was gereed vir die protes op Saterdag deur ‘n koalisie van linkse groepe, sowel as hoofstroom politieke partye en vakbonde.
Afgevaardigdes binne is verwelkom deur Martin Schiller, Afd raadslid van die stad van Münster.
Soos Markus Pretzell, die eerste spreker opgemerk het, het sowat 350 joernaliste om akkreditering aansoek gedoen – ten spyte van ‘n hoogs gepubliseerde verbod op sommige van die grootste Duitse media-organisasies.
Die vergadering is voorafgegaan deur wrywing binne die AfD rakende NAVO. Georg Pazderski, voorsitter van Berlyntak en Alexander Gauland, is pro-NAVO en gekant teen Marine Le Pen omdat sy NAVO kritiseer.
Pretzell het die lot van die Duitse “Mittelstand”, die ruggraat van die Duitse ekonomiese wonderwerk beklemtoon en het daarop gewys dat proteksionisme bedoel is nasionale sakeondernemings te beskerm teen die gulsige aptyt van multinasionale maatskappye.
Hy het gesê die betogers buite is verantwoordelik vir die mislukkings van buitelandse beleid en verdediging, want al wat hulle najaag, is “integrasie”. Hy het die afgevaardigdes vertel dat Brussel die insluiting van Turkye en Oekraïne beplan.
Pretzell het opgemerk dat oop grense ‘n aansienlike veiligheidsrisiko geskep het: “Ons het ‘n probleem met politieke Islam”, en die EU beskuldig van die befondsing van terreur teen Israel.
Marine Le Pen was ‘n kragtoer. Sy het gesê die verwerping deur die kiesers van een wêreld is onomkeerbaar. ‘n Oorwinning van Trump oor die Neo-liberale het hulle gepootjie. “Die opstand van die volk teen ‘n nie-verkose mag” is onstuitbaar, het sy gesê.
Sy het die EU as ‘n kultus beskryf met sy amptenary wat optree as hoëpriesters wat alle kritiek uitsluit.
Sy het gesê die Europeërs is onderworpe aan ‘n inligtingsoorlog wat deur die EU teen hulle gevoer word. “In hul logika, moet elke volk geskei word van die ander, sodat hulle geen band vorm nie. In Frankryk lieg hulle oor Duitsland. In Duitsland lieg hulle oor die Verenigde Koninkryk.”
Le Pen het bygevoeg dat Merkel in Frankryk as ‘n “nasionale heldin” opgehemel word as gevolg van haar “vrygewigheid teenoor immigrante” terwyl die Franse vertel word hulle is “onbenulliges”.
Sy het Merkel se immigrasiebeleid as ‘n “katastrofe wat daagliks ontvou” beskryf.
Die FN leier het gesê Merkel kan nie rekenskap gee van 500 000 immigrante nie, iets wat die kanselier as ‘n “ongelooflike liggewig” ontbloot.
“Tradisie, sosiale struktuur, verskillende tale, geskiedenis en die unieke eienskappe [van ‘n volk] is nie uitruilbaar nie. Ekonomie is geanker in ‘n nasionale werklikheid. Ek is lief vir Duitsland, want dit is Duits. Ek is lief vir Frankryk, want dit is die Franse.” Die EU is ‘n “krag van sterilisasie”, het sy bygevoeg.
“Sowat 95 persent van lande het grense, dus is patriotisme die toekoms van politiek. Wanneer volke terugkom, sal diversiteit en vrede heers, nie oorlog nie. Die oorlogsugtiges is dié teen Poetin en Trump.”
Sy het gesê nie een van die deelnemers kan beskryf word as “verregs” nie. Dis ‘n etiket wat sy sê gebruik word “deur ons vyande om ons te diskrediteer”.
Die uiters gewilde Nederlandse politikus Geert Wilders, wat 24/7 beskerm moet word as gevolg van doodsdreigemente deur Islamiete, het sy toespraak in Duits gelewer met die opruiende woorde: “Hallo Deutschland … Gister ‘n nuwe Amerika, vandag Koblenz en môre ‘n nuwe Europa!”
Hy het gesê Europa benodig ‘n sterk en selfversekerde Duitsland, “trots, wat vir sy kultuur en identiteit opstaan”. Hy het bygevoeg: “Europa benodig Frauke [Petry] in plaas van Angela [Merkel]”.
Wilders het Duitse patriotte geprys, want hulle “staan op teen die nuwe totalitarisme wat ons bedreig”. Alle Europeërs word gekonfronteer met dieselfde bedreiging vir hul voortbestaan, het hy gesê. Hy het opgemerk dat Afrika se bevolking viervoudig gaan toeneem binne ‘n eeu, terwyl een uit elke drie swartes hul kontinent wil verlaat. In Asië en die Midde-Ooste is dit een uit elke vyf inwoners wat soek groener weivelde, potensieel ‘n ramp vir Europa.
Hy het aangehaal uit Aleksandr Solzhenitsyn, die Russiese romanskrywer en historikus, wat sê die waarheid is meestal bitter, nie soet nie. “My hart breek om te sien hoe mense onwelkom voel in hul eie lande,” het hy bygevoeg.
Die Nederlandse politikus het sy toespraak afgesluit met: “Vanjaar sal die jaar van volke wees… die jaar van bevryding, die jaar van die patriotiese lente.”
Sy party, die gewildste in Nederland, kan die grootste persentasie van stemme in die Nederlandse parlementêre verkiesing in Maart wen.
“Geskiedenis doen ‘n beroep op ons om Europa te red!” het hy gesê.
Matteo Salvini van die Italiaanse Lega Nord en Harald Vilimsky van die Oostenrykse FPÖ was ook sprekers tesame met die die leiers van die AfD wat die geskiedkundige konferensie gereël het.
Bemoedigend! Nou kan mens net hoop en vertrou dat ander stamlande en anti-liberale verspreides hulle voete vind en organiseer, groepeer en self-regeer in plaas daarvan om bloot van die kantlyn af te juig.
Baie interessante inligting. Hoogs opwindende verwikkelings Dit lyk asof ‘n nuwe daeraad aan die aanbreek is. Te laat vir ons?
Ek is bly wat in Europa en oor die wêreld (VSA) besig is om te gebeur. Ek skat dis te laat vir ons. Die Afrikaner het sy magsbasis prysgegee in 1992. Maar, my pa sê altyd: Waar daar ‘n wil is, is daar ‘n weg. Ek dink wel die Afrikaner moet vriende maak met AfD, FN, PVV, ens. Vriende wat waarskynlik invloedryk gaan wees in die toekoms. Wie weet.
Net een Europese land moet nou ‘brexit’ om `n snelle ineenstorting van die hele EWO kaartehuis te presipiteer. Hoe vroeër, hoe beter. Kom ons hoop die bifurkasiepunt is Nederland in Maart. Die spanning sal ontwikkel tot op `n entropiese maksimumpunt waar transformasie nie meer gekeer kan word nie. So min of meer soos wat weerlig, epilepsie, paniek, orgasme en finansiële ineenstorting by `n sekere punt verby nie meer gekeer kan word nie.
Een van die wigte/teenwigte wat in die menslike natuur ingebou is, is dat slegs mense met goeie intensie onbeperk kan saamwerk. Die slegtes onder ons kan net tot op `n punt saamwerk, en eindig altyd op in `n oorlewingstryd met mekaar.
Soos wat die kaartehuis tuimel sal die bose bevorderaars van die EWO mekaar begin uitlewer. Ek vermoed dat die suppressie en manipulasie van waarheid en inligting tans erger is as ooit tevore in die geskiedenis (selfs tydens die middel eeue), en dat toekomstige historici die huidige periode se identiteit sal ontleen aan hierdie verskynsel.
Die Britte en Amerikaners het saamgestaan en die EWO teegestaan. Ek weet nie of blanke SAfrikaners oor soortgelyke selfgelding beskik nie. Maar daar is hoop. Hopelik neem ons soos `n inkvis die kleur en tekstuur van die nuwe omgewing aan.
Die groot verskil is natuurlik dat die Britte en Amerikaners hul teenstand op die demokratiese manier van meerderheid-stemme kon demonstreer. Watse vorm sal ons gesamentlike gewaarwording en aksie neem?
Ek dink daar is heelwat solidariteit- en verset -aksies wat geneem kan word. Ek herinner my daaraan dat PRAAG `n geruime tyd terug reeds `n artikel geplaas het oor moontlikhede.
Die beginsel is lojaliteit teenoor eiesoortigheid, ‘Lagerisme’ as jy dit so wil sien. Die blanke sou byvoorbeeld onmiddelik alle vyandige media kon boikot, en besighede selektief ondersteun.
Hier is nog voorbeelde/gedagtes:
http://www.aforcemorepowerful.org/resources/nonviolent/methods.php
Die probleem is beslis nie magteloosheid of gebrekkige geleentheid nie. Dis eerder korstigtige dislojaliteit (teenoor die eie) en opportunistiese ondersteuning (van die vreemde) met die hoop op persoonlike oorlewing wat die probleem is.
Naspes beskyt hulleself nou.
Waar ons as blanke bevolking moet begin is om onder mekaar versoening te vra vir jare se rug stekery. Ons moet vrede onder mekaar kry en dan in een mag opstaan en teen die vyand optree. Teenoor die vyand moet ons se- forgiveness is a sign of weakness- no more.