'n Selferkende Serwiese paramilitêre bevelvoerder het Dinsdag sy appèl teen uitlewering aan Kroasië, waar hy moet teregstaan vir oorlogsmisdade, verloor.
Dragan Vasiljkovic (54) het beskuldigings ontken dat hy beveel het dat ondergeskiktes moord moet pleeg en op burgerlikes moet skiet gedurende die bloedige verdeling van die voormalige Joegoslawië in die vroeë 1990's, en het teen sy uitlewering gestry sedert 2006. Hy het wel nog metodes oop om appèl aan te teken na Dinsdag se uitspraak.
Federale regter, Dennis Cowdroy het Dinsdag Vasiljkovoc se appèl teen 'n laer hof se uitspraak verwerp en die Kroatiese regering se uitleweringsversoek gesteun.
Cowdroy het Vasiljkovic se bewerings van vooroordeel teen hom in die vorige verhoor verwerp, asook die bewering dat hy nie 'n regverdige verhoor sal kry in Kroasië nie.
Vasiljkovic het nie onmiddellik gereageer op die uitspraak, of gesê of hy in 'n hoër hof gaan appelleer nie.
Vasiljkovic, 'n Australiese burger is in 2006 gearresteer op versoek van die Kroatiese regering, wat hom beskuldig het van oorlogsmisdade wat hy gepleeg het toe hy in bevel was van 'n rebelle Serwiese paramilitêre eenheid gedurende die 1991-93 Serwies-Kroatiese oorlog.