Egipte het Sondag ’n duikboot gestuur om te help met die soektog na die vlugopnemers van die straler van EgyptAir wat in die Middellandse See neergestort het. Al 66 mense aan boord het gesterf.
Honderde mense het Sondag in die Koptiese Christelike kerkgebou in Kaïro vergader om vir naasbestaandes onder die slagoffers te bid.
Daar is nog geen aanduiding wat tot die neerstorting van vlug 804 van Parys na Kaïro gelei het nie, ten spyte van spekulasie oor plofstof.
Egipte se pres. Abdel-Fattah el-Sissi sê dit sal tyd neem om vas te stel wat presies aan boord van die Airbus A320 gebeur het.
Menslike oorskot dui daarop dat daarop dat geen plofstof gebruik is nie, het ‘n Egiptiese forensiese beampte en ondersoekbronne gesê.
Egipte se lugvaartnywerheid is onder die internasionale vergrootglas sedert 31 Oktober verlede jaar. Toe het ’n Russiese Airbus A321 onderweg van die Rooi See oord Sharm el-Sheikh onderweg na St. Petersburg, in die Sinai-skiereiland neergestort.
Altesame 224 mense het in daardie ongeluk die lewe gelaat.
As daar nie springstof by betrokke was nie, wat dan? Een of ander nuwe tipe wapen?
Selfde as 9/11. Ge-‘hack’ met afstandbeheer. Boeing is seker al rasend omdat hulle nie ‘n beter produk kan bou nie.