Die heersende hittegolf gaan na alle waarskynlikheid tot môre oor groot dele van Suid-Afrika voortduur.
Die Bloemfonteinse weerkantoor se Phemelo Zonke het aan OFM gesê in die westelike dele van die land word geen reën voorspel nie.
Sy sê sekere dele van sentraal-Suid-Afrika kan wel verspreide donderbuie te wagte wees.
In Bloemfontein gaan die kwik waarskynlik môre tot 34 grade styg, terwyl Vryburg gaan braai met ‘n temperatuur van 38 grade. Upingtonners kan 42 grade verwag.
Mense word weereens gemaan om uiters versigtig met vuur om te gaan, aangesien die toestand vir wegholveldbrande baie gunstig is.