Vier vermeende militante van die Islamitiese Staat-groep (ISIS) en twee Turkse polisiebeamptes is dood in ’n skietery in Diyarbakir, die belangrikste stad in die suidooste van die land met ’n Koerdiese meerderheid, het veiligheidsmagte gesê.
Die polisie het vroegoggend klopjagte uitgevoer in ’n distrik waar jihadiste vermoedelik geskuil het, toe die militante op veiligheidsbeamptes losgebrand het.
’n Hewige skietgeveg het uitgebreek met die polisie wat vrees dat nog militante in die gebied kan voorkom. Die owerhede vermoed die groep is agter die dubbele selfmoordbomaanvalle op 10 Oktober in Ankara toe 102 mense in die land se ergste aanval dood is.
’n Massiewe soektog is die naweek deur polisie van stapel gestuur na ’n vermeende ISIS-sel, wat ’n Duitse vrou insluit, wat vermoedelik gehelp het om ander aanvalle uit te voer, het Turkse media berig.
Die polisie het die afgelope twee weke verskeie vermeende jihadiste aangekeer. Vier van hulle staan nou tereg vir die aanvalle op Ankara.
Turkye het lekker goedkoop olie van Isis gekoop. Die dubbele rol wat Turkye speel begin nou letterlik in hulle gesigte te ontplof.
Ek reken dat die derde wêreld oorlog ‘n wêreld burger oorlog gaan wees, ipv die tradisionele oorloë tussen lande.