praag.co.za

VF+, IVP, ACDP kla oor SA Palestyne ontvang

Written by

praag

in

,

Die Vryheidsfront Plus, die IVP en die ACDP het die ANC gekritiseer omdat hy die Palestynse Hamas-leierskap verlede week in Suid-Afrika ontvang het.

Die partye sê dit is strydig met die regering se amptelike posisie oor die voortslepende konflik tussen Israel en die Palestyne.

Die partye het aan die media in die Parlement gesê dat die regering nie kant moet kies nie omdat dit ‘n vreedsame oplossing kan ontspoor.

Die partye was in September deel van ‘n feitesending aan Israel en die Palestyne.

Die Vryheidsfront Plus het vroeër in ‘n verklaring gesê Hamas is ‘n “internasionale terreurorganisasie”, alhoewel dit nie as sodanig gelys is nie.

Slegs die gewapende vleuel van die beweging word as ‘n terreurorganisasie deur sommige lande beskou, maar in die geheel word Hamas as meer gematig as byvoorbeeld Fata gesien.

Die VSA het Hamas as ‘n terreurorganisasie gelys, terwyl die EU en onverbonde lande sowel as Rusland en China die politieke vleuel van Hamas aanvaar as ‘n regmatige verteenwoordiger van die Palestyne.

Die ANC se woordvoerder, Zizi Kodwa, het in reaksie gesê die vergadering met Hamas is deel van die ANC se pogings om verskeie Palestynse faksies te verenig.

Kodwa sê klagtes oor die uitnodiging aan Hamas toon dat die betrokke politieke partye nie internasionale eensgesindheid begryp nie.

Khaled Masjaal, die leier van Hamas, het tydens sy besoek aan Suid-Afrika gesê die Palestyne worstel met Israel se “rassisme en apartheid”.

Hy het Israel as ‘n “apartheidregime” beskryf, ‘n frase wat ook gebruik word deur die Amerikaanse minister van buitelandse sake John Kerry.

Intussen het Israel die aanbring van kameras in Jerusalem se ou stad en die Al-Aqsa moskee-kompleks, een van Islam se heiligste plekke, verwelkom.

Israel­ se eerste minister, Benjamin Netanyahu, sê ’n ooreenkoms om 24-uur veiligheidskameras rondom die kompleks te installeer, is in Israel se belang.

Dié besluit kom nadat die Israelse weermag ‘n Palestynse meisie doodgeskiet het na ‘n beweerde mesaanval.

Spanning laai steeds op met botsings by die moskee-kompleks, bekend as Tempelberg, na ’n vlaag mesaanvalle en dodelike protesbyeenkomste.

Comments

4 responses to “VF+, IVP, ACDP kla oor SA Palestyne ontvang”

  1. Rooikop Avatar
    Rooikop

    Die plekke is “heilig” maar nie helig genoeg om nie moord daar te pleeg nie. Het die spul dan ook vergeet dat ons huidige regering ook ‘n terroriste organisasie “was”? Die res van die wêreld het nie so gevoel nie en hulle is met ope arms verwelkom. Dan maak dit mos net sin dat hulle met soortgelyke organisasies hand-op-die-blaas sal wees.

    1. G Avatar
      G

      Presies. Israel sing saam in die koor van Afrikaners se bose aandeel aan apartheid om by die ANC gat te kruip.

  2. Guest Avatar
    Guest

    As Lenin famously said: Politics is a concentrated expression of economics. Someone should tell old Pieter Mulder that having a job with an Israeli guarantee does not mean economics in general. It means he will soon be out of a job.

  3. Ray Avatar
    Ray

    Die VF+, IVP en ACDP is duidelik blote mondstukke van die Anglo-zionistiese beweging. Die Amerikaanse regering het geen reg om enigeen as ‘n terreurorganisasie te lys nie, in die lig van hulle steun aan ISIS nie. Hulle gaan nou jou wragtig waar soldate in Sirië plaas om ISIS teen die Russe te beskerm!

Leave a Reply

More posts