Rwanda se hooggeregshof het dié week ‘n aansoek om grondwetlike wysigings verwerp om pres. Paul Kagame toe te laat om vir ‘n derde presidentstermyn te staan.
“Enige artikel kan gewysig word,” het hoofregter Sam Rugege gesê toe hy die saak, wat deur die Demokratiese Groen Party gebring is, van die rol geskrap het. “Die petisie het geen gronde nie en word gevolglik van die hand gewys.”
Die Groen Party is die enigste politieke groep wat openlik planne uitdaag om artikel 101 van Rwanda se grondwet te wysig wat die president tot twee termyne beperk.
Kagame het in 2003 en 2010 se verkiesings geseëvier en het elke keer meer as 90 persent van die stemme op hom verenig. Hy is in beheer van Rwanda sedert sy rebelle-weermag in 1994 ‘n einde aan die volksmoord gemaak het.
Meer as 3,7 miljoen mense, meer as 60 persent van geregistreerde kiesers, het ‘n petisie onderteken wat vra vir die grondwetlike wysigings om Kagame toe te laat om weer in 2017 as presidentskandidaat te staan. Albei huise van die parlement steun ook die voorgestelde veranderinge.
Die verwikkelinge kom midde groter omstredenheid in Afrika oor pogings van leiers om grondwette te verander ten einde langer aan die mag te bly.
Zuma gaan die selfde probeer / doen!? Hoe gaan ons sy derde termyn stop!?
Iemand is darem êrens besig om wakker te word in afrika!. NIe voor hierdie lang heerskappye stopgesit word sal dit beter op die kontinent gaan nie.
So, jy glo dat wat hulle in biljoene jare nie kon verander het skielik in ons geslag gaan verander?
Nie regtig nie maar wie weet, dalk beskaam die hoop nie. Mense leer soms goed. Let wel net SOMS.