Die Duitse kanselier, Angela Merkel, het vroeër gesê ‘n Europese Stabiliseringsmeganisme is nie uitgesluit tov Griekeland nie.
Merkel sê die EU sal die kwessie ondersoek voordat onderhandelinge oor ‘n ESM-program vir Griekeland oorweeg sal word.
Daar is nog geen ooreenkoms oor hoe die noodfondse oorgedra kan word nie.
Internasionale leners binne die Euro-gebied raam dat Griekeland tot 86 miljard Euro kan benodig om ‘n finansiële ineenstorting af te weer.
Die Griekse eerste minister, Alexis Tsipras, het Sondag met leiers van die Eurosone vergader, na die opskorting van ‘n volle beraad.
Volgens die BBC wil die leiers hê die Griekse regering moet oor die volgende drie dae ‘n reeks wette in die parlement deurvoer, voordat daar met gesprekke oor ‘n derde reddingsboei begin kan word.
Griekeland het intussen dringend miljarde Euro nodig om die land oor die korttermyn aan die gang te hou.
Moontlik ook Suid Afrika se voorland, maar dit gaan nie die Europese unie wees wat ons uit die moeilikheid gaan haal nie, maar Rusland/Sjina. Hulle gaan sommer die land oorvat..
Dalk ‘n goeie idee vir die EU om Griekeland te bestuur totdat Griekeland weer op die been is. stel ‘n tussentydse regering tesame met die huidige regering aan om seker te maak dat die ou spulletjie aan die gang kom en weer lekker loop. Griekeland skuld die EU mos ‘n groot klomp geld.