Die presidensie sal nie onmiddellik reageer op Hoofregter Mogoeng Mogoeng se besware oor bewerings dat die regbank beïnvloed word nie.
Die SABC berig Mogoeng het ‘n mandaat gegee dat ‘n vergadering met die president aangevra word om die bedreiging van die regstelsel te bespreek.
Dit volg nadat die land se top-regters vir die eerste keer in die geskiedenis van ‘n demokratiese Suid-Afrika, ‘n versoek gerig het vir ‘n vergadering met President Zuma.
Regters sê hulle wil die herhaaldelike en ongegronde kritiek teen die regterlike gesag bespreek en sê dit het die potensiaal om die howe se gesag te ondermyn.
Die presidensiële woordvoerder, Harold Maloka, sê president Jacob Zuma sal aandag aan die saak gee sodra hy van die BRICS-beraad teruggekeer het.
Volgens die SABC is dit die eerste keer in die geskiedenis van ‘n demokratiese Suid-Afrika dat die land se topregters ‘n vergadering met die president aanvra.
Hoofregter Mogoeng het vroeër gesê hy is optimisties dat President Jacob Zuma die regte ding sal doen
Senior ANC-lede het die howe onlangs skerp gekritiseer, veral oor die Omar al-Bashir-kwessie.
Die regters probeer die wet uitvoer soos dit veronderstel is om gedoen te word. Die regerering wil maak soos hy wil sonder enige nagevolge – juis daaroor is die skeiding van die twee groepe noodsaaklik om die mense van die land te beskerm. Natuurlik gaan die twee groepe hieroor bots.
Rooikop,
ek sien ook ‘n ander donker “kol”. Die van die president self wat nog moet tereg staan op die wapen skadaal. of is dit ook al van die tafel gevee. Sy Nskandla storie is ook nog in ‘n weegskaal.
Juis Andy – dit gaan eintlik ook oor die “beskerming” vir al die skelmstreke en korrupsie. Verder ook oor grondeis uitsprake, moorduitsprake ens – Noem dit maar wat dit is – magsmisbruik.
INDERDAAD