Die lyk van ’n kleuter wat Sondag in Hartebeespoortdam geslingers is toe ’n rubber-boot omgeslaan het, is deur polisie duikers gevind.
Noordwes-polisiewoordvoerder Sabata Mokgwabone, sê Zandré Vosloo se liggaam is Maandag met behulp van ‘n snuffelhond opgespoor. Hy het gesê die kind se liggaam is deur ‘n polisiesnuffelhond, wat deur ‘n beampte van die duikeenheid in Rustenburg hanteer is, opgespoor vier uur nadat die soektog om 07:00 hervat is. Zandré sou volgende maand sy tweede verjaardag gevier het. ‘n Geregtelike doodsondersoek is geopen.
Nasionale seereddingsinstituut-woordvoerder, Craig Lambinon, het vroeër aan OFM-nuus gesê dat ’n Pretoria-Noord gesin van ses op ’n vriend se boot was toe dit naby die Eagle Waters-oord omgeslaan het, nadat hulle ’n skerp draai gemaak het.
Die kaptein, pa, ma en hul twee kinders, ’n 18-maande-oue dogter en hul seun, was op die boot. Mokgwabone sê die ondersoek na die voorval duur voort.
Wat ‘n hartseer insident.
Rus dan nou in vrede en sterkte aan die bedroefde ouers en familielede.
Ek stem volkome saam Kaylee.
Dit maak nie saak watse vrae ‘n mens sou vra, die tragedie verdoof dit alles… Mens kan amper (met hartseer, ontsag en respek) sê: Daardie dag was daar ‘n kruis in daardie huis geplant…
Dolk, jou skrywe het my nou in trane – dis so roerend, mooi gestel.
So dikwels ry mens verby ‘n murasie wat eensaam tussen die klowe staan of, sommer so verwese soos ‘n daklose, versteende sielekarkas teen die kim – soos mens ingedagte deur die skemer voortsnel toe wasem… So lyk dit baie kere vir my Kaylee.
Dan dink ek onwillekeurig aan die oomblike wat soos goue bekers vol kosbare olie iewers in die onsienbare ewigheid vir ewig gevul bly staan… Die skeppingsoomblikke, die barensoomblikke, die omhelsingsoomblikke – hoe hartstog soos ‘n goue draad deur almal kronkel… Dit wat ‘n geboorte en ‘n sterwe in gemeen het… Die Liefde, Hoop en geloof.
Tragies
“Noorwes-polisiewoordvoerder …” moet seker wees ‘Noordwes’ .
Vrekkit maar ek lees vrot! :(( Dis nou al die hoeveelste keer dat jy goed uitwys wat ek nie raaklees nie!
Duidelik is ek nie ‘n snuffelhond-leser nie. ;))
Die lyk van ’n kleuter wat Sondag in Hartebeespoortdam geslingers …
En daar lees ek toe net so half.