Spanning in Boitekong naby Rustenburg in Noordwes het afgeneem nadat die SAPD teen oproermakers van Sondela en Meriteng ontplooi is. Die afgelope twee dae is die gebied op horings geneem.
Polisiewoordvoerder, Kelebogile Moleko, sê die polisie het die situasie sedert Maandagaand gemonitor. Sy sê die oproeriges is ontevrede oor swak munisipale dienslewering en gebrekkige watertoevoer.
‘n Groep van sowat 200 mense het gister by ‘n vulstasie op die R510 by Rustenburg saamgedrom en aangedring dat munisipale verteenwoordigers aan hulle antwoorde verskaf.
Volgens haar het verteenwoordigers van die munispaliteit die groep toegespreek waarna watertoevoer na die gebied weer herstel is.
Moleko sê twee betogers, ‘n man en vrou, wat Maandagaand in Sondela in hegtenis geneem is weens openbare geweld, is gister in die Rustenburg landdroshof op waarskuwing vrygelaat.
Volgens haar is die paaie by Sondela and Meriteng wat gesluit is nadat betogers dit met boomtakke en brandende bande versper het intussen weer oopgestel.
Oom Siener se voorspellings word een na die ander bewaarheid.
Deel met my asb? Watter voorspelling is dit nou hierdie? Daars so baie, weet nie wats kop of stert nie…
https://www.facebook.com/groups/355953287946834/
Gaan snuffel ‘n bietjie op hierdie FB blad.Oom Siener se voorspellings word daar bespreek.
En dan kan jy ook gaan kers opsteek by Vaandel.
http://vaandel.co.za/