Julius Malema, partyleier van die Ekonomiese Vryheidsvegters (EFF), het in ‘n beëdigde verklaring gesê hy het eerstehandse kennis van donateurs wat pres. Jacob Zuma deur duistere trustfondse gefinansier het, het ANA berig.
Die Sunday Times het berig dat Malema hierdie bewering verlede week in ‘n 83 bladsy-lange verklaring gemaak het. Die verklaring is in die hooggeregshof in Pretoria ingedien in die voortslepende regsgeding tussen Malema en die Suid-Afrikaanse Inkomstediens (SAID).
Volgens Malema het hy persoonlik geld vir Zuma by ANC-saamtrekke ingesamel van “ongeïdentifiseerde donateurs” voordat Zuma in 2009 president geword het. Hy het gesê dat daar geen verskil was tussen sy Ratang-familietrust, wat vir sy leefstyl betaal het, en Zuma se familietrusts nie.
“Formele trust-strukture is opgerig waarin donasies gemaak is – sommige groot, sommige klein – ter voordeel van die leiers. Ek het eerstehandse kennis hiervan; ek het donasies aan pres. Zuma hanteer,” het Malema gesê. “Ek is op dieselfde manier onderhou. Soms is geld net in my bankrekening inbetaal deur onbekende donateurs; soms het bekende ondersteuners my uitgawes betaal of geld, klere en ander lewensbenodighede en luukshede as geskenke gegee.”
Mac Maharaj, Zuma se woordvoerder, het ontken dat die president enige “geheime donasies” ontvang het. “Die president het voortdurend alle inkomste ontvang in sy belastingopgawe aan SAID verklaar,” het Maharaj gesê.
SAID het aansoek gedoen dat ‘n bevel van finale sekwestrasie teen Malema gebring word nadat ‘n skikkingsooreenkoms rakende sy uitstaande belastingrekening ineengestort het. Die saak sal in Junie in die hof aangehoor word.
Zuma en Malema is troetel klonkies van die Afrikaner Illuminati , dink ek.
Ek het verstaan dat Malema, Zuma se buite egtelike seun is. Vandaar die stilswye van Zuma as Malema iets kwytraak. Ek het die verneem van Zoeloesprekendes en kan dit nie bevestig nie.
Hulle tree byna dieselfde op, “like father like son”.
Aan die ander kant, almal is mos broers, susters, ooms, tannies, ouma’s en oupa’s.
Ons moet sseblief net versigtig wees dat ons, onsself nie te veel verlustig in hierdie kookpot van “paddas en slange” en fokus verloor nie.
Wees asseblief te alle tye waaksaam.
Ek het al uit die spreekwoordelike perd se bek gehoor hoe hierdie goed werk. Die hoeveelhede geld wat op groot regeringskontrakte in hierdie trusts en konsortiums se sakke laat beland. Hulle reken dan dat daar reeds soveel as R700 biljoen in 20 jaar verlore is deur korrupsie! Dit beteken dat die belastinggeld wat ons baie hard voor gewerk het net verlore is in plaas daarvan dat daardie geld broodnodige goed gekoop het soos paaie en behoolike elektrisisteitsvoorsiening.
Wat egter my groot lekkerkry gee is die feit dat hierdie spul so teen mekaar opstaan – Malema (wat natuurlik in die binnekring was) wat nou teen sy maatjies draai. Solank hulle mekaar so besig hou staan ons ‘n goeie kans om te oorleef in hierdie plek.