Beurtkragdiesel maak naeltegnikus en tandarts stinkryk

Ná ‘n week van hoë drama by Suid-Afrika se kragvoorsiener waarin vier senior amptenare geskors is, het nog skokkende onthullings na vore gekom.

Die maatskappy het selfs nie geskroom om ‘n swart tandarts en ‘n swart naeltegnikus aan te stel om diesel te verskaf vir sy kragopwekkers nie.

Dit beteken dat dié soort verskaffers reusewinste gemaak het uit beurtkrag.

Volgens die Sunday Times, was die tandarts, Dr Maxine Kekana, en skoonheidsdeskundige, Monica Nkosi, onder die verskaffers om brandstof ter waarde van R200 miljoen aan Eskom te lewer.

Kekana se maatskappy Kekoil en Nkosi se firma Kamoso is twee verskaffers wat Eskom gebruik van tyd tot tyd ondanks die feit dat kontrakte met groot olieverskaffers, insluitend PetroSA gesluit is.

Die koerant berig dat die twee vroue nuwelinge was in die energie-sektor en dat hul maatskappye nie voldoen het aan Eskom se breë-gebaseerde swart ekonomiese bemagtigingskriteria toe hul kontrakte met Eskom gesluit is nie.

Kekana het bevestig dat sy diesel aan Eskom voorsien en dat sy ‘n tandarts van beroep is, maar het daarop aangedring dat sy nie die enigste verskaffer is nie. In ‘n brief aan die koerant het sy gedreig met regstappe as die koerant haar naam of die naam van haar maatskappy publiseer.
 
Nkosi, die naeltegnikus, het ook bevestig sy Eskom van diesel voorsien, maar het gesê sy “het nie iets soos ‘n formele kontrak nie”.

Zola Tsotsi, voorsitter van Eskom het vroeër aangekondig dat Tshediso Matona, uitvoerende hoof geskors is, sowel as drie senior bestuurders en gesê ‘n volledige onafhanklike ondersoek sal van stapel gestuur word.

5 thoughts on “Beurtkragdiesel maak naeltegnikus en tandarts stinkryk”

  1. Van sit en staan is LÊ die lekkerste, vir party mense in elk geval.

    “Beauty(-ies) and the beast (Eishkom)” – Van die eerste oomblikke in 1994 af het die huidige ANC regering gewys dat hulle meesters is in die skep van baantjies vir boeties ( en sussies) . En as
    daar nie baantjies is nie, dan SKEP hulle baantjies soos byvoorbeeld in die vorm van die swaar(oor)gelaaide parlement, provinsiale en munisipale strukture. En NOG verder, onnodige “derdemanne” . Wat deur die jare by Eskom gebeur het, is ‘n perfekte voorbeeld van hierdie derdemanne, wat elkeen ‘n GROOT hap vat. Twee vrouens, ‘n skoonheidskundige en ‘n tandarts, bid jou aan, voorsien diesel vir Eskom se kragopwekkers!

    Die REDS (Regional Electricity Distributors) bestaan al van die begin van die “nuwe” SA af, en hulle is opvreters by uitnemendheid. Waarom kan krag byvoorbeeld nie direk aan boere verskaf word nie, soos dit in die “ou dae” was? Hier is ‘n studie gedoen van hoe die “REDs” net meer en meer geld uit ons sakke jaag:

    http://www.electricity4all.za.org/redscommentary.pdf

  2. Ek het nie ‘n probleem as iemand ‘n besigheid begin en daarmee ook geldjies maak nie – ek ken ‘n hele paar mense wat diesel rondry vir mense en daaruit ‘n paar rand verdien (hoë risiko met baie lae marges maar omdat die volumes so hoog is maak die mense wel hulle geld – nogal baie ook, ongelukkig ook net een kaping en twee jaar se geld is daarmee heen)

    In ‘n geval soos hierdie sou ek reken ESKOM het kontrakte met al die groot petroleum maatskappye en Petronet as verspreider in plek. Hoekom moet tussengangers nou nog hulle persentasie ook bysit? Dit wys net hoe daar “wettige korrupsie” in hierdie land gepleeg word.

  4. Van beurt krag gepraat : Hoekom sny evkom nie die krag af van die buurlande waarheen hy krag na toe uitvoer as daar nie genoeg krag vir sy eie land is nie?Ek ruik ‘n rot!Miskien het dit tyd geword dat “ons” self dit doen en die torings aftakel duskant die lands grens??Dis verregaande dat krag uitgevoer word maar ons sit met te min in ons eie land.

Maak 'n opvolg-bydrae