Die nuutverkose pres. Edgar Lungu van Zambië, het Maandag aangekondig dat visepresident Guy Scott, Afrika se enigste onlangse wit staatshoof, nie deel sal wees van sy regering nie.
Lungu het verlede week die verkiesing naelskraap gewen.
Scott was waarnemende president sedert Sata se dood. Hy was die eerste wit leier sedert die einde van apartheid.
Scott is vervang deur me. Inonge Wina, ’n voormalige minister belas met geslagsake en voorsitter van die Patriotic Front.
Scott en Lungu was voorheen in ‘n magstryd betrokke. Scott het Lungu, wat as hoofsekretaris vir die regerende party gedien het, kort na Sata se dood afgedank, maar moes hom later noodgedwonge weer aanstel na betogings deur ondersteuners.
‘n Sending van die Suider-Afrikaanse Ontwikkelingsgemeenskap het pas die verkiesings in Zambië vry en regverdig verklaar ondanks onderlinge onverdraagsaamheid onder politieke partye wat tot sporadiese voorvalle van geweld gelei het.
Geen voorvalle van geweld is op stemdag self aangemeld deur die waarnemersending van nege SAOG-lidlande wat na die tien provinsies van Zambië ontplooi is nie.
Die verkiesing is genoodsaak deur die skielike afsterwe op 28 Oktober 2014 van pres. Michael Chilufya Sata.
Swaar reën het egter logistieke en administratiewe uitdagings ontwrig en die stemproses in die wiele gery.
“Zambië is bekend as ’n vreedsame land en ons vra alle politieke partye om op so ’n wyse op te tree dat vrede, veiligheid en stabiliteit in die land gehandhaaf word,” lui SAOG se verklaring.
hy haat mos SuidAfrika ook………….
Ja en dit nadat hy deur ons belastinggeld deur die ANC in
luukse gehou is – een van die redes hoekom die ANC vandag bankrot is.
Hoe lank nog voor die liberals wakker word en besef dat as jy wit is, is jy nie welkom in Afrika nie. Enige hulp aan die res word gesien as swakheid (al skree hulle ook hoe hard daarvoor) Die enigste manier wat blankes in Afrika gaan oorleef is in ‘n eie tuisland.