Die hoofsekretaris van die SAKP, Blade Nzimande het ‘n beroep op die ANC as die meerderheidsparty gedoen om strenger op te tree teen oproerige gedrag in die Parlement.
Hy sê indien dit nodig is, moet die reëls in die Parlement en die Provinsiale Wetgewers verander word, het RSG berig.
Nzimande sê hoewel daar diegene is wat die onlangse gebeure in die Parlement vier, moet die ANC strenger optree.
Nzimande het ook die Suid-Afrikaanse Nasionale Redakteursforum – Sanef – ‘n anti-ANC klub genoem.
Hy het dié stelling gemaak in reaksie op Sanef se klagte dat daar ingemeng word met die klank en beeld wat in die Parlement uitgesaai word sodra daar ontwrigtings plaasvind.
Nzimande het Sanef se klagte as absurd beskryf.
Dis maklik om wet en orde in die parlement te verkry – laat Zuma vir sy wandade betaal. Probleem opgelos.
wat nou bloody Blade ? ‘De pot verwijt de ketel dat ie zwart ziet’…..wijlens een aantal ‘parlementsleden’ snurkend wakker schrikt in de gefaalde staat……
Ek sweer die buiteland lag hulle dood vir hierdie sirkus wat hulle verbeel hulle is n regering.
Wat Blade eintlik bedoel is dat solank die ANC aan bewind bly, kommunisme die grootste kans het om te seëvier in Suid-Afrika.