Sowat R8,5 miljard se voertuie is verlede jaar in Suid-Afrika gesteel.
Van die 66 360 motors wat verlede jaar gesteel is, was 15% die gevolg van motorkapings, het die Suid-Afrikaanse buro vir versekeringsmisdaad (Sabic) Maandag gesê.
Sowat R5 miljard se motors wat gesteel is, is land-uit geneem, het Hugo van Zyl, uitvoerende hoof van die buro, in ’n verklaring gesê.
“Voertuigmisdaad is ’n markgeoriënteerde misdaad wat die burgers van Suid-Afrika op verskeie maniere raak,” het Van Zyl gesê.
Die “publiek is nie net slagoffers van motorkapings en –diefstal nie, maar word ook die slagoffer wanneer hulle onwetend gekloonde gesteelde voertuie van sindikate koop”.
Motorkapings het met 11% tot 11 129 in 2013 toegeneem, het die polisie in September bekendgemaak. – Bloomberg
Diefstal en korrupsie is soos “ekonomiese Ebola” . ‘n Pasiënt wat die siekte het, bloei stadigaan dood. So syfer Suid-Afrika se “bloed” ook ekonomies weg deur gewetenlose mense, en mense wat nie eers die mees basiese begrippe verstaan wat ‘n land se ekonomie in stand hou nie. Wanneer gaan ons die punt van “onomkeerbaar” bereik, wonder ek…
Ek dink ons is reeds verby daardie punt veral as jy kyk na koperdiefstal om nie eers te praat van kragdiefstal in hierdie land nie. Die feit dat ons president korrupsie – wat ook eintlik maar diefstal van die belastingbetaler se geld is as wenslik beskou verklaar waarom daar nêrens elders weerstand teen hierdie epidemie is nie.