‘n Geheimsinnige “organisasie” het so pas ‘n hooggeregshofaansoek in Johannesburg geloods om alle Afrikaanse skole te verbied om enige vorm van christelike verwysing, gebed of die lees van die Bybel in Afrikaanse skole te verbied.
Mnr. Johannes de Klerk Pietersen voer in hofstukke voor die Gautengse Hooggeregshof, Johannesburgse plaaslike afdeling, aan dat dit “ongrondwetlik” is om hoegenaamd na die christelike geloof in ‘n openbare skool te verwys. Daar mag ook nie van “christelike norme en waardes” gepraat word nie, aangesien dit teen ander gelowe en opvattings “diskrimineer”.
Namens die “organisasie vir godsdienste-onderrig en demokrasie”, waarvan hy voorsitter is, vra Pietersen die hof om ‘n bevel wat die Laerskool Randhart in Alberton, die Laerskool Baanbreker in Boksburg, die Laerskool Garsfontein in Pretoria, die Hoërskool Linden in Johannesburg, die Hoërskool Oudtshoorn en die Langenhoven-Gimnasium in Oudtshoorn sal verbied om christelike verwysings en gebruike toe te laat en sodanige verwysings en gebruike as “ongrondwetlik” te verklaar.
Lede van Pietersen se organisasie is, volgens berigte, “Afrikaanssprekende mense wie se kinders in die onderskeie skole aan christelike praktyke onderwerp is”.
Dit is bekend dat dr. Piet Croucamp van die Universiteit van Johannesburg, wat voorheen by ‘n heksejag betrokke was teen Afrikaanse akademici wat kritiek op kultuurmarxisme lewer, insgelyks hewig teen christelike inhoud of gebruike in skole gekant is. Hy lewer gereeld op sy Facebookblad neerhalende kommentaar oor gelowiges en christene in die besonder. Dit is tans onbekend of hy by die aksie teen christenskap in skole gekant is.
Pietersen se organisasie is nou die derde wat teen Afrikaanse skole optree, naas die nasionale onderwysdepartement en die George Soros-ondersteunde Section 27 wat reeds ‘n hofsaak teen die Hoërskool Fochville gevoer het in ‘n poging om die skool te verengels en rasse-onmin tussen kinders te saai. Die vorige LUR vir onderwys in Gauteng, die Engelse mev. Barbara Creecy, het private dreigemente teenoor Afrikaanse skole in die provinsie gemaak dat sy hul geboue sou konfiskeer en met Engelse kinders sou vul.
Mnr. Paul Colditz van Fedsas adviseer die skole oor die hofsaak wat hulle in die gesig staar. Daar is nog nie ‘n besluit geneem of die skole die aansoek gaan teenstaan nie. Volgens hom, “raak die aansoek… elke openbare skool, ook die skole met ’n ander godsdienstige etos as dié van christenskap. Sou die saak verder gevoer word, sal dit waarskynlik in die grondwethof draai weens dít wat gevra word.”
Optrede teen die christelike geloof op skool word internasionaal veral met die kommunisme in die voormalige Oos-Europa vereenselwig. Gewoonlik is dit ‘n teken van ‘n owerheid wat ‘n wig tussen kinders en hul ouers wil indryf, sodat kinders makliker op skool gebreinspoel kan word. In Marx en Engels se oorspronklike Kommunistiese Manifes word voorgestel dat die staat kinders van hul ouers moet wegneem en moet grootmaak sodat kommunisme as enigste ideologie kan seëvier.
Kunsonderwyseresse by die skole is veral bekommerd dat hulle nie meer toegelaat sal word om Westerse kuns, waarin vele christelike tonele en verwysings voorkom, aan kinders te doseer nie. “Dikwels is daar ‘n klassieke skildery wat weer na ‘n Renaissance-skildery met ‘n christelike inhoud verwys,” het ‘n onderwyseres van Johannesburg, wat uit vrees vir viktimisering nie haar naam genoem wil hê nie, gesê. “Hoe gaan ‘n mens die inhoud en betekenis aan leerlinge kan verduidelik sonder om na die christelike godsdiens of die Bybel te verwys?”
Nou, meer as ooit tevore, moet Christene OPSTAAN vir hul geloof en volhard in die stryd !
Vandat Godsdiens weggelaat is uit skole, het baie Christelike norme en waardes ook by die agterdeur uitgevlieg.
CVO-skole blyk die enigste oplossing te wees.
God is ewig en onveranderlik, Hy sluimer of slaap nooit !
Vir die piet croucampers en pietersens, die hel is ‘n werklikheid. (Hoofletters word met opset nie gebruik).
Ek en my boeties was in CVO-skole en ek’t na my studies ook by ‘n CVO-skool skoolgehou. Regtig die beste keuse, ek weet nie hoekom daar nie meer mense is wat dit doen nie.
Trippie, mag ek weer jou e pos adres vra, asb.
Wat is “geheimsinnig” hieraan? Hierdie organisasie (natuurlik weer ‘n Afrikaner en ‘n De Klerk daarby) is jare lank reeds besig met sy agitasie teen die beoefening van die Christelik geloof in skole.
Dit sal seker deel wees van die plan van die liewe Christelike Zumatjie om Jesus gouer te laat verskyn.
Ons almal weet wat met VSA gebeur het nadat die selfde daar gebeur het, die morele standaarde het verval tot by die vlak van Babilon
Mnr. Pietersen, gaan koop vir jou n stel tanne en haal jou kinders uit die skole uit as dit jou so grief, kry n paspoort na Irak daar sal jy nie so iets teen kom nie.
Kopdoek, hang jouself dan sal die waardes jou nie so walg nie, maar aan die anderkant ons prezzie is n “Chrsten” hy sal nie so iets toelaat nie.
Tokkie, kom ons kyk of die baal priester met sy pers rok en groot neusgate sy bek gaan rek, hy gaan dalk se die Bybel het nie genoeg spelers van kleur nie……
Genugtig ek brul soos ek lag. Dit is nou baie mooi gestel Witbeer. (:-)))
ek hou van die manier wat jy dink
En nou gaan ons net weer praat en praat en niks doen nie, Dit is ons Afrikaner/Boere se ondergang. Kom ons kry vandag, nie more nie, vandag iemand hier op Praag om die “ding” van Pieterson te gaan teenstaan. Jislaaik mense ons is gevrek, ons kla ons dingess af maar ons doen boggerol. Gee my die mandaat en ek sal dit doen, as dit moet. Ek het die SAUK aangevat oor hul blatante diskriminasie teen ons Afrikaner/Boere, het wel reaksie gekry, want die saak is na 6 ander lede verwys van die SAUK raad. Nee magtig mense ons kan nie alles sommer net vir die klomp idiote op ‘n skikbord gee nie, iemand moet begin rug styf maak. komaan ons soek vrywilligers met regskennis om hierdie nonsens aan te vat.
Ek hou van ‘n man wat sy man kan staan !
Uitstekende idee !
Dankie ook dat jy ingestaan het wat die SAUK aanbetref.
Ek skaar my heelhartig by jou sentimente.
Persoonlik meen ek die eenvoudigste oplossing is om die skole te sluit en oor te skuif na privaatskole waarvan daar reeds honderde in die land is. Maar as ons die speul wil aanvat, dan is die eerste stap om ‘n instansie te identifiseer wat bereid is om die aansoek teen te staan en veral die koste daarvan te dra of te organiseer om die finansies in te samel. Miskien kan die betrokke ouers help wat betref die finansiering. Op die oog af lyk dit asof die enigste instansie wat sg. Locus Standi het om die saak te dryf, die belanghebbende ouers sal moet wees. Daarna moet die betrokke instansie dan die dienste verkry van ‘n bevogede advokaat om die saak vir hulle te voer.
Hi Bad moon – ek is nie ‘n regsgeleerde nie, maar jy het my mandaat. Laat weet net wat ons moet doen.
Ek het nogal gedink ons moet dit teenstaan. PRAAG kan dit as vriend van die hof doen, allerlei getuienis voor die hof plaas hieroor.
Goeiemiddag Dr Dan. Baie dankie vir u bereidwilligheid, ek sou sê dit is net eenvoudig nodig, dat hierdie aspek teengestaan moet word. Ons staan alreeds onder die druk van die moslems, raak aan hul goed en kyk wat gebeur. As dit reg is met u sou ek graag wou sien dat Praag hierdie teenstaan. U kan op my samewerking staatmaak
Waarmee kan ons help? (Meer as net bydraes)
Ek jubel en juig. Hier kom dit nou. Asseblief Bad moon doen wat jy kan doen.
Wat van diskriminasie jeens die christene. Hoekom moet ons altyd padgee vir ander gelowe.
Hoekom vat Zuma nie vir Mohammed bietjie in die gesig soos wat hy sopas gedoen het met ons Skepper, met sy minagtende opmerkings nie. Dan kyk ons bietjie wat gebeur dan.
Dankie dat jy so kordaat is om op te tree. Ek vertrou daar sal nog manne en vroue hulle hande opsteek om jou te ondersteun.
VREDE
Johannes de Klerk Pietersen – as jy nie hou van wat jou kind by die skool leer nie is tuisonderrig ook ‘n opsie – gaan voeter jou eie kinders op en los die res uit.
Ek stem 100% saam met Bad Moon. Ons kla en steun aanmekaar maar niemand het die ruggraat om op te staan en net sy se te se nie. En dis nie net die SAUK nie, ook ESKOM met ons maak en breek net hoe en wanneer hulle wil. Betaal meer en meer, vir wat? Sodat hulle meer bonusse in hulle sakke kan steek en al ons al hoe armer word. Hoe lank is hulle net nie besig met die nuwe kragstasie nie, maar dit kom nooit klaar nie, want hulle strike 24/7! Nee magtig man, kry julle ry dan eerder!!
En nou wil ‘n “geheime organisasie” ons skole kom hiet en gebied en ons kinders eintlik leer daar is nie ‘n Here nie. Sorry ongelukkig kan julle nie die Here weg wens nie. Hy is en sal vir altyd daar wees. As ‘n satanistiese geheime organisasie kan dink hulle gaan met die optrede ons almal laat verander in ateiste moet hulle weer dink. Ons IS CHRISTENE!! Ek het net een woord vir julle – WYK SATAN!!!!!!! Ons kinders is beskermd onder Onse Vader se kosbare bloed. AMEN
Wat is die Perskor -kader se rol in die vervolging van Christene?
En die noue bande en vriendskap van Outatolla Piet ben Koevoet kramp is waarskynlik die rede dat E de Kock NIE vrygelaat is nie.
—————-
Gelukkig is die CVO skole uitstekend en die kinders kry maklik werk en het nie oorbruggingkursusse nodig nie. En die CVO-skole is glad nie duur nie.
Met die grootste waardering vir al die goeie Christene van Praag wil ek graag noem dat daai geld en moeite en frustrasie en energie wat dit sal kos om die staatskole se Christenskap te beskerm – oneindig beter belê kan word in die CVO beweging.. Dis ‘n oneindig beter belegging in ons Volk se toekoms.
Want die staat is volgens Milton Friedman slegs verantwoordelik vir basiese opleiding en nie vir opvoeding nie. – Opvoeding is die ouers se plig. Dis beter so dink ek.
Dink net:
Dan kan ons selfs tersiere CVO fasiliteiete ontwikkel.op Orania.
Maar laat ons nietmin iets doen – beter as niks.
In ‘n mate hoop ek ook meer mense doen die goeie ding en skuif hul kinders CVO toe. Meer kinders = sterker skool. As iemand na dese nog hul kind in ‘n staatskool wil hou, dan het ek ook nie meer raad nie….
By hierdie skakel kan meer gelees word van “HULLE” wat die aksie begin het. “Hulle” is ou kalante wat kort-kort van gedaante ( naam) verander. In 2009 het hulle dieselfde streke uitgehaal, sonder sukses.
http://www.hulle.co.za/1801/19801.html
‘n Godsdiens-neutrale skool is ‘n oksimoroon… Die algemene fout wat mense maak, is om te dink dat die nuwe onderwystelsel “neutraal” is. Ek het nuus vir hulle : Geen opvoeding van kinders , by die huis of skool of waar ook al, kan neutraal wees nie. Dit is altyd waarde-bepaald. Dit bepaal ook die KEUSE van handboeke ( wat weer te make het met die INHOUD van die handboeke…) – lees ouers nog wat in kinders se handboeke /werkboeke staan??
Opvoeding is in wese nie bloot net die oordra van kennis of vaardigheidsontwikkeling
nie, maar ook (en veral!) karaktervorming. Om ‘n karakter te vorm beteken om gesindhede, houdings en waardes aan te leer, om te kan onderskei tussen reg en verkeerd. As Bybelse waardes nie by skole geleer mag word nie, watter “mens” se waardes stel ateïste in die plek daarvan voor? Hitler? Stalin? Marx?
BRAVO ek ondersteun hierdie kommentaar met trompetgeskal.
Dankie Henrietta vir dit wat jy hier sê. plaas dit ook in alle koerante en tydskrifte asseblief.
Hier is te min mense wat dit lees, en ons is eintlik die “bekeerdes”.
Ten minste weet ek van ‘n hele paar Afrikaanse skole waar die kinders nou wel nie hul geskiedenis ken nie en ook nie hulself met Afrikanerskap vereenselwig nie, maar wat sal weier om skool toe te gaan as Christelike waardes nie meer in skole mag heers nie. Ek weet van ‘n paar skole wat sal toemaak aangesien van die kinders en onderwysers so in Christenskap gewortel is dat hulle nie die verwerping daarvan sal toelaat nie. Ek is bevoorreg om in so omgewing te wees. Mag alle Afrikaanse skole dit teenstaan. Ek sien AfriForum bied aan om skole se regskostes te betaal. Wonderlik!
Hier is ‘n ou Rapport-berig toe die groep in 2009 dieselfde probeer doen het:
http://www.rapport.co.za/Suid-Afrika/Nuus/Jessie-18-lei-wereld-in-gebed-vir-God-in-skole-20091003
‘n Swart taal kan handig wees as jy kan verstaan wat hulle sê. Dit maak ook baie deure vir jou oop die swartes het dadelik baie meer respek vir jou. Die spreekwoord sê soveel tale magtig soveel maal ‘n man.
Ai hoe het dinge nie verander nie. Hierdie 1986 Grondwet het die woord idee van God orals oor hom gestempel. Nou is daar niks oor nie!
Kyk bietjie na hierdie 1984 Grondwet en let op hoe dinge verander het. God was altyd die eerste prioriteit. Nou is hy nie eers deel van die plan nie. Dit is hoekom ons land so lyk. En nou wil hulle dit uit skole uithaal sodat hulle kinders makliker kan breinspoel. Wyk!
Dankie RSA PATRIOT … dis waarheid wat jy praat!
Verlang julle nou terug na die grondwet van die apartheids-regime??? Julle moes nie “JA” gestem het nie, julle stoepit Nasionaliste 😉
Ek is na 1994 gebore en verlang na niks, baie dankie. Ek verlang wel wet en orde.
Tokkie jou doring. Jy slaan nou die spyker so op sy kop.
Nou is die tyd so ryp as kan kom vir ons hogere teoloë om hulle stemme dik te maak.
Laat ons kyk wat gebeur.
Ek sien daar is in die Burger en Volksblad skielik groot ontsteltenis oor die vervolging van Christen kinders.in skole. deur wit Boere ateiste met die grootste mediamonopolie agter hulle. Die vervolging van Ds Solly het ontplof in ‘n vendetta…
Skielik is die skrif aan die muur vir die hele Christelike beskawing van Suider Afrika .
Maar gelukkig is Zuma nou aan die Christene se kant – getuienis voor 126 Missies kan nie ongedaan gemaak word nie.
Onbeskryflik hoedat die wit heldom heidendom ons ganse beskawing bedreig sodat ons nou afhanklik is van die genade van die ANC se godsdiens!! Danksy Naspers.
Ons eie ISIS kinderoffers het begin.—– tensy tensy miskien miskien ……
Ongelooflik erg………..
Is dit ons Ground Zero?
Presies. Ek’t by Dankbaar skoolgehou en dit regtig ongelooflik baie geniet. Dit is ‘n fees om met sulke oulike Christen-kinders te werk. En eintlik is die CVO-skole se sport nie so sleg nie. Dalk nou nie soveel ‘elite’ aan dit nie, maar almal kry ‘n kans om deel te neem en die nommer een motivering is om dit te geniet. Ek was in st 6 in ‘n staatskool, en wou graag aan als deelneem, maar omdat ek nie eintlik sportief is nie, kon ek die heeljaar nooit in enigiets inkom nie en moes maar alleen jêmblikke, visblikke skree op die pawiljoen. Toe het ek ook gesien dat CVO-skole eintlik meer geleenthede bied vir AL die kinders in die skool, ipv net so 10 uit die 300 in elke graad…. Dankbaar vir my ouers se goeie keuse.
Vergewe my, ek moes lag vir die ” jêmblikke, visblikke skree op die pawiljoen”.
Jy’s vergewe 😉
Nee wat nie so n geheime organisasie nie – die ou hande op Praag weet presies wie dit gestig het.
Pietersen het ook maar nie veel tussen die ore as hy nie
besef dat Ateiisme ook n geloof is wat hy nou wil voorkeur gee nie.
Die antwoord is maklik laat elke skool sy eie geloof bepaal
en die ouers dan kies by watter skool hulle aanklank vir hulle kind/kinders vind.
So maklik soos dit Pietersen as jy nie kan verstaan nie sal ons vir jou
prentjies teken wat beteken Godsdiens vryheid in die NSA se grondwet.
Jy moet maar liewer ‘n tussen-die-ore-ondersoek op jouself doen, Riempies … Ateisme is ‘n term wat deur christene geformuleer is, & dit etiketeer “ongelowiges” in teme van die afwesigheid van ‘n geloof in enige god … Dit is dus juis NIE ‘n geloof nie … Pietersen wil ook glad nie alle geloof uit skole laat verwyder nie, maar slegs onregverdige geloofsvoorkeure (wat ongrondwetlik is) … Persoonlik verskil ek van Pietersen … Volgens my kan geloofsvryheid in skole slegs bestaan as skole vry van geloof is … Jy het nie ‘n clue wat godsdiensvryheid is nie, & ook nie ‘n benul wat die grondwet daaromtrent bepaal nie … 😉
Het jy al ooit van ‘n oorboorder gehoor? Dis iemand wat hom/haarself onwetend self “likes” gee.
NS Kameraadskap sê nie ooit iets van die kameraad nie…
Snaaks dat u 2014 se Praag artikels fynkam vir kommentaar waarop u kan “trol”. Het u dalk ‘n doel hier?
“Private boodskap” … Hmmm … Wie’s nou geheimsinnig, huh??? 😉
Haai, die meerderheid van Suid-Afrika se bevolking is christene … Kom by 😉