Politici handel dikwels onder die dekmantel, maar 'n ander soort bedekking haal dié Augustus die nuus in Italië.In dié geval gaan dit oor 'n agtiende-eeuse skildery deur Giovanni Battista Tiepolo. Die skildery dien as agtergrond by regeringsperskonferensies in eerste minister Berlusconi se amptelike woning.
'n Digitale kopié van die meesterstuk is oor die afgelope weke bygewerk om 'n ontblote bors toe te maak.
Die eerste minister se woordvoerder sê die bors beland telkens reg in die middel van TV-opnames gedurende perskonferensies.
Kunshistorici is ontstoke oor die besluit. Hulle hou vol dat van 'n ikonografiese gesigspunt en die volksmond mens gewoonlik van die naakte waarheid praat.
Maar die skaamdele van die figure in die Sistynse Kapel is nietemin met lendeklede in die 16de eeu bedek. Die enigste uitsondering was Michelangelo se Laaste Oordeel.