KwaZulu-Natal is gewaarsku om hom gereed te maak vir moontlike oorstromings in die volgende paar dae, het RSG berig.
Die Nasionale Weerdiens sê voorspellers hou ‘n ogie op ‘n naderende kouefront wat oor die provinsie inbeweeg.
Sy sê die noorde van die provinsie sal die ergste deur swaar reën geraak word. Swaar reën word ook oor Gauteng voorspel.
Goeie reën sak sedert Vrydag in die provinsie uit. Die kanse vir reën word op 80 persent beraam.
Voorspellers sê reenbuie sal ook nog môre uitsak.
Neem maar ‘n klein opblaas-bootjie saam werk toe…
Hoop en vertrou die boere gaan dankbaar-tevrede wees… (~;//
Ek is dankbaar vir die sagte reentjie wat sedert Vrydag hier in Pretoria uitgesak het. Gister se perderit so onder die reen was hemels !
Hoewe ek dankbaar is vir die reën het dit my die naweek liederlik gekortwiek – Ek het familie gehelp trek – wat ‘n gemors. Ons was tot onder die vel toe nat.
Foeitog! Kan my net indink… Was die meubels darem toegemaak? “Gered” Wil amper nie eens dit vra nie! )~:]
Sterkte vir julle.
Dankie Dolk. Meeste goed het oorleef – ons het darem voorsorg getref en groot seile gehad vir toemaak en sover moontlik die individuele items ook. Ja daar is ‘n paar klein slagoffers maar niks ernstig nie. Die grootste slagoffer is die matte waar mens, al is jy hoe versigtig, dit regkry om modder in te trap.
Ek was net lanklaas so nat. Jou hare, jou hemp, jou broek, jou onderklere – gelukkig was dit darem redelik warm ook.
Sjoe. Dis erg…! Nogmaals sterkte vir hulle!
Ken daardie natreën goed – die lafenis lê in die warm bad of stort, net daarna… Dis asof die warm water die koue van jou liggaam afskil… Toe-oog heerlik!
Jy praat van kortwiek. Hierdie gaan ‘n regte kortwiek wees. Sover is maandag en Dinsdag reeds weggereen. Maar ek kla nie, dis genade van bo!
Skuus! Dubbel-skrywe!
Ek het lekker met ons hond en met sy tennisbal in die reën gespeel. Gelukkig was daar nie weerlig of donderweer nie. Regte Kaapse weer. Hy is mal oor water. Ons was druipnat!