‘n Belegging in wildboerdery kan dié van eiendom en die Johannesburgse aandele-indeks oortref, sê wildboere.
Wildboerdery sal na verwagting in die nabye toekoms die plaaslike boerderybedryf oorheers.
‘n Ekonoom in die wildbedryf, Flippie Cloete, het by ‘n boerdedag op Klippan naby Mahikeng in Noordwes uitgewei oor die ekonomiese lewensvatbaarheid van dié soort boerdery.
Cloete sê met die prys van ‘n buffel wat op meer as R20 miljoen geraam word, dui die stygende wildpryse op groei in die wildbedryf.
Die jaarlikse omset het gegroei van R62 miljoen tot R864 miljoen oor die afgelope tien jaar, soos gemeet deur Vleissentraal se veilings, en daar is nog baie potensiaal het ontleders vroeër gesê.
Wiaan van der Linde, eienaar van Winterhoek, ‘n wildplaas buite Kimberley en Wildbedryf Suid-Afrika (WRSA) se direkteur, sê wildboerdery gee ‘n hoër opbrengs per hektaar as enige ander boerdery-aktiwiteit.
“Die meeste mense plaas in elk geval tussen 20-30% van hul beleggingsportefeuljes in riskante beleggings. Hulle kan ‘n opbrengs van 28-42% konserwatief gesproke verwag,” verduidelik hy.
Hoër kapitale belegging is nodig met al die seldsame wildsoorte, soos buffels, renosters, swart rooibokke, swartwitpense en Livingstone-elande.
Dit skep geleenthede vir beleggers wat nie boere is nie, mense soos Cyril Ramaphosa en Johann Rupert. “Die nuwe soort belegger sal ook sien dat ons die huidige hoë vlakke van opbrengs handhaaf,” sê Van der Linde .
Die grootste deel van die inkomste oor die afgelope tien jaar was uit skaars diersoorte ( R788 miljoen) , maar na verwagting sal die prys van koedoes, byvoorbeeld eksponensieel groei.
Eers is daar R7 000 vir ‘n koedoebul betaal, maar nou haal hulle tot R800 000. Dit gaan alles oor die lengte van die horings.
In 2012 het buffels die hoogste gemiddelde prys van enige dier gehaal met meer as R800 000 gemiddeld en 37% van die bedryf se omset.
Dieselfde dier het gemiddeld R610 550 in 2011 en R424 050 in 2010 gekos.
Die gemiddelde prys is egter steeds heelwat minder as die R40 miljoen wat Johann Rupert vir ‘n Kaapse buffelbul uitgehaal het.
Die boerdery met eksotiese wild is besig om in ‘n groot borrel te ontaard – (onthou die tulpe?)
Belaglik. Wild boerdery sit nie pap op die tafel nie. Dit is wel n goeie beleggings moontlikheid maar ek glo nie dit sal enigsins bydra tot die stabilisering van die landbou -of voedsel sekerheid nie. Dit is in elk geval net n baie baie klein elit groep wat sal voordeel trek uit wildboerdery. Op een of ander stadium gaan die borrel bars en dan kan ons dalk weer koedoe biltong koop vir wat dit regtig werd is.Hoe kan n buffel 40Miljoen werd wees ????? dis f*%%en belaglik man.
Ja, tot die klonkies die buffels kom eet. Dit sal ‘n duur steak wees
Krisjan, dis omdat party ANC lede mhur ryk geword het in ‘n kort tyd deur ‘n oneerlike manier wat dit kan bekostig. Wat sê jy van daardie koedoe prys?!
Dit is absurd. Miskien werk dit soos by ramveilings waar die rekordpryse behaal word wanneer die koper die neef of ander familielid van die verkoper is. Die enigste een wat die geld maak is die veilingagent en die ramteler se “wins” is publisiteit. Skone advertensie.
Ek is doodseker jy het my nie reg verstaan nie Paul.