Die Burger berig dat die DA en Agang SA Dinsdagoggend sal aankondig dat dié twee partye saamsmelt.
Volgens Die Burger is dit ikabod vir dr. Mamphela Ramphele se party, wat minder as ’n jaar oud is en miljoene in skenkersgeld uit die VSA ontvang het.
Helen Zille, DA-leier, sal glo binnekort ‘n aankondiging van “nasionale belang” maak.
Onderhandelings tussen die DA en Agang SA het verlede jaar platgeval en Ramphele het daarna besluit om die haar eie party te stig.
Intussen het sy met die DA in Kaapstad vergader oor besonderhede van die samesmelting. Daar word beweer dat Ramphele steeds ‘n hoë profiel wil handhaaf.
Agang SA sê in ‘n verklaring op sy webwerf dat die gerugte “geïgnoreer” moet word dat Ramphele op die DA se lys van kandidate vir die verkiesing verskyn.
“Ons maak geen geheim van die feit dat ons praat met ander partye in Suid-Afrika nie. Ons maak geen geheim van die feit dat al die partye en burgers nodig het om saam te staan teen die ANC en diegene wat ons hulpbronne wil gebruik om hul eie ego’s te befonds en lewenstyl …
“Daar is ‘n buitengewone venster van geleentheid wat geopen het sedert Madiba se dood en die verbrokkeling van die Drieparty-alliansie.
“Ons sal voortgaan om burgers te inspireer om die land eerste te stel in hul keuse van leierskap en samewerkingsgeleenthede,” lui die verklaring.
My spekulasie van gister was verkeerd. Ek het gedink met die ANC. Maar ek het net ‘n gevoel gehad dat die DA iets in die mou voer.
DA is deesdae die afkorting vir Dikgatvroue Alliansie.
Daar is dinge aan’t gebeur. Ons moet dalk wag en sien voor te veel kommentaar gelewer word. My voorstel was weer dat ons glad nie moet stem nie omdat hierdie politiekery soo onvolwasse is as wat kom. Samesmeltings met Buthelezi, Mulder, Zille bewys dit mos. (Ek het samesmeltings VOOR verkiesings al 10 jaar gelede voorgestel). Hoe volwasse is die klompie nou eintlik? Ek praat nie eers van die vakbonde en ANC se legio swak leiers nie. Ons fokus moet eintlik op ons gemeenskappe wees in hierdie patetiese tye. (Sien Bodem se Modderland weergawe)
Sal nog steeds dieselfde waarde vir minderhede inhou as ‘n R101 noot